Hebreus 12

De yiilɔɔ ʋoluɠulai zu

1 Adɔun, de maaɠooliʋɛ ga zeele ʋɛbɛ wolai. Naa ɠa é ba, ade kasɔiti pɛ pili ya, ta kotoi nii é de maavelevelesu vaa. Ade kpizɛi wo ga ziilɔɔi, suɠɔɠɔ bosuʋɛ naa de luɠɔ. 2 De ɠaazulo Yesu ʋa kpaan, nii é kidaaleʋei lɔɔzeiɗa de ʋɛ, é liizu la eyɛsu daazeeli. É vaani bu ga ti paa saa wului ma, é la naama zaa zii leveni ga unfe faa nɔpɛ, tɔɔzei é ɠɛni koozunɛɛi ɠwɛɛ, makɛga ɠɛni de tuɠɔ, toɠa zeini niina GALA ná-masa kpɔkpɔgi yeezazuʋɛ.

3 À ɠigaiziɛ lɛɛ tɔun su, ʋelei é yiilɔɔni la naama laazuɠɔli vaiti bu, kotoba nuiti ti ti zeini ma. Naa ɠa é ba, à mina ɓɔlɔ, wo iɲɔ ge mina leʋe.