1 ታ ህንተዉነ ሎዶቀ ካታማን ደእያ አሳስ፥ ሄሳዳካ ታና አይፈን በእቦና አሳ ኡባስ አይ መላ ባፀትያኮ ህንተ ኤራና መላ ኮያይስ። 2 ታ ባፀትያ ጋሶይካ ኤንቲ ባንታ ዎዛናን ምንድ፥ ሲቆን ቃሸትድ፥ ፖሎ ግድዳ ኩመ አኬካ ዱረተ ደምድ ፆሳ ፁራ ክርስቶሳ ኤራና መላሳ። 3 እያን ፆሳይ ምንጅዳ ኤራይነ ጭንጫተ ኡባይ ደኤስ።
4 ታ ሄሳ ኦንካ ህንተና ጭሞ ቃላን ባለና መላ ኮያዳ ጋይስ። 5 ታ ህንተፈ ሃካዳ ደእኮካ አያናን ህንተራ ደአይስ። ህንተ ዱሳ ማራነ ክርስቶሳ ህንተ ምንድ አማነይሳ በአዳ ኡፋይታይስ።
ክርስቶሳን ኩመ ደኦ
6 ህንተ ጎዳ ክርስቶስ የሱሳ ኤክዳይሳዳ እያን ደእተ። 7 እያን ፃጶ የድተ፤ እያን ኬፀትተ። ህንተ ታማርዳይሳዳ አማኖን ምንተ፤ ፆሳስ ኩምድ ፓላህዳ ጋላታ እምተ።
8 ክርስቶሳፐ ግዶናሽን፥ አሳ ዎጋንነ ሀ አላምያ ጮ ዎጋን ካትዳ ትምርተንነ አሳፐ ይዳ ኤራተን ኦንካ ህንተና ጭም ባለድ ድኦና መላ ናገትተ። 9 ፆሳ ፆሳተይ ክርስቶሳ አሳተን ኩመ ደኤስ። 10 ህንተካ ማታስነ ዎልቃ ኡባስ ሁጰ ግድያ ክርስቶሳን ኩምደታ።
11 ህንተ ክርስቶሳ አማንድ ቃፃረትደታ። ሄስካ አሳ ኩሸን ግዶናሽን፥ ህንተና ኢታ ሀኖተፈ ድግያ ክርስቶሳን ኦሰትዳ ቃፃረተ። 12 ህንተ ፃማቀትዳ ዎደ ክርስቶሳራ እስፈ ሞገትድ፥ ክርስቶሳ ሀይቆፐ ደንዳ ፆሳ ዎልቃ አማንድ፥ ክርስቶሳራ እስፈ ደንድደታ።2:12 ሮመ 6:4.
13 ህንተ፥ ህንተ ናጋራ ግሾነ ህንተ ጬጋ አሳተ ቃፃረቶና ግሾ ሀይቅድ ደእሽን፥ ፆሳይ ህንተ ናጋራ አቶ ግስ። ክርስቶሳራ ህንተዉ ደኦ እሚስ።2:13 ኤፈ 2:1-5. 14 እ ኑና ሞትያነ ኑራ ኤቀትያ፥ ኑ ቦላ ፃፈትዳ አጩዋ ዳክድ ማስቃልያ ቦላ ሽድ ኦገፐ ድግስ።2:14 ኤፈ 2:15. 15 ክርስቶስ ዎልቃታነ ማታታ ማስቃልያን ፆንድ፥ ኤንታ ኦላ ዳንጩዋ ብልስድ፥ ድኤትዳ አሳዳ ኤንታ ቆንጨን ዩሽ በስስ።
16 ሄሳ ግሾ፥ ምያባን ዎይኮ ኡያባን፥ ባኣለ ጋላስ ዎይኮ አጌን ፄርያ ቃማ ቦንቾን ኦንካ ህንተ ቦላ ፕርዶፎ።2:16 ሮመ 14:1-6. 17 ሀይሳቲ ስንፈ ያናዉ ደእያባታስ ኤሾ፥ ሽን ቱማይ ክርስቶሳ። 18 ቆፐ ቆሞ አሽከተንነ ኪታንቾ ጎይኖን ጬቀትያ ኦንካ ህንተና ህንተ ዎይቱዋፐ አሾፎ። ሄሳ መላ አስ ባ በእዳ ቆንጨን ናሸትሸ ባ አሾ ቆፋን ጮ ኦቶርቴስ። 19 ሄሳ መላ አሳስ ሁጰ ግድዳ ክርስቶሳራ ጋሄተ ባዋ። እ አሳተ ኡባ ሻያንነ ከሶን ከሶን ጋ ኦይድ ሙዝድ ድቼስ። ፆሳይ ሄሳ መላ ኦገን አሳተ ኡባስ ድች እሜስ።2:19 ኤፈ 4:16.
ኦራ ደኦ
20 ህንተ ክርስቶሳራ ሀይቅድ ሀ አላምያ ሃርያ አያናታ ዎልቃፈ ላአ ከይደታ። ያትን፥ አይስ ሻከቶና አሳዳ ግድድ ሀ ዎጋታስ ሀረተቲ? 21 ሄ ዎጋት፥ "ኦይኮፋ፤ ላጮፋ፤ ቦቾፋ" ጌተተይሳታ። 22 ሀ ኡባይ አሳ ዎጋነ ትምርተ ግድያ ግሾ ኦሶ ቦላ ፔእዳፐ ጉየ ያና። 23 ሀ ኪታት ቦንቾነ ጭንጫተ ዳንድ በንታናዉ ዳንዳኦሶና። ሀ ዎጋት ፆሰ ዳሮ ዶስስያባ፥ አሽከነ ህንተ አሳተ ሃርስያባ ዳኖሶና፥ ሽን ኑ ኢታ አሞተ ቦላ ኤንታዉ ዎልቅ ባዋ።