የሱሳነ ንቆድሞሳ
1 ፋርሳወታ ያራፐ ግድዳ፥ አይሁደታ ሀላቃይ፥ ንቆድሞሳ ጌተትያ እስ አደይ ደኤስ። 2 ንቆድሞስ ቃማ የሱሳኮ ይድ፥ "አስታማርያዉ፥ ኔኒ ፆሳይ ኪትዳ አስታማረ ግደይሳ ኑኒ ኤሮስ። አይስ ጊኮ፥ ፆሳይ እያራ ዶና እፅኮ ሀ ኔኒ ኦያ ማላታ ኦናዉ ዳንዳእያ አስ ባዋ" ያግስ።
3 የሱሲ ዛሪድ፥ "ታኒ ነዉ ቱማ ኦዳይስ፤ ኦንካ ዛር የለቶና እፅኮ ፆሳ ካዎተ በአናዉ ዳንዳኤና" ያግስ።
4 ንቆድሞስ፥ "ጬጋ አስ ዋንድ ዛር የለታናዉ ዳንዳኢ? ባ አየ ኡሎ ስም ገልድ ዛር የለታናዉ ዳንዳኢ?" ያግስ።
5 የሱሲ ዛሪድ፥ "ታኒ ነዉ ቱማ ኦዳይስ፤ ኦንካ ሃፈነ ጌሻ አያናፐ የለቶና እፅኮ፥ ፆሳ ካዎተ ገላናዉ ዳንዳኤና። 6 አሾ ናአተ አዉፐነ አይፐ ዬስ፤ ፆሳ ናአተ ጌሻ አያናፐ እመቴስ። 7 ታኒ፥ ‘ህንተ ዛር የለታናዉ በሴስ’ ጋዳ ህንተዉ ኦድዳ ግሾ ኔኒ ማላለቶፋ። 8 ጫርኮይ ባ ኮይዳ በሲ ጫርኬስ። ኔኒ እያ ኮሽንቻ ስአሳፐ አትሽን፥ እ አዉፐ ያኮ ዎይኮ አዉ ብያኮ ኤራካ። አያናፐ የለትዳ ኡባይ ሄሳ መላ" ያግስ።
9 ያትን ንቆድሞስ፥ "ሄስ ዋንድ ሀናናዉ ዳንዳኢ?" ያግድ ኦይችስ።
10 የሱሲ ዛሪድ፥ "ኔኒ እስራኤለታ አስታማረ ግዳሸ ሀይሳ ኤርኪ? 11 ታኒ ነዉ ቱማ ኦዳይስ፤ ኑ ኤርያባ ኦዶስነ በእዳባ ማርካቶስ፥ ሽን ኑ ማርካተ ህንተ ኤከከታ። 12 ታኒ ህንተዉ ሳአባ ኦድን ህንተ አማኖናባ ግድኮ ሳሎባ ኦድን ዋትድ አማናኔ? 13 ሳሎፐ ዎዳ አሳ ናኣፐ አትሽን፥ ሳሎ ከይዳይ ኦንካ ባዋ፤ [ሳሎን ደእያ አሳ ናአይ ታና"]3:13 ሳሎን ደእያ አሳ ናአይ ታና፦ እስ እስ በን ማፃፋት ጉጆሶና። ያግስ።
14,15 ሙሰይ መላ ቢታን ናሰ ብራታ ሾሽ ካቅዳይሳዳ ታና አማንዳ ኡባይ መርና ደኡዋ ኤካና መላ አሳ ናአይ ቁ ጋናዉ በሴስ።3:14-15 ታይቦ 21:9.
16 ፆሳ ናኣ አማንያ ኡባይ መርና ደኡዋ ላታናፐ አትሽን፥ ዮና መላ ፆሳይ ሀ አላምያ ዳሮ ዶስዳ ግሾ ባ እስ ናኣ እሚስ። 17 ፆሳይ ባ ናኣ ሀ አላምያ ኪትዳይ አላምያ ፕርዳናዉ ግዶናሽን አላምያ እያ ባጋራ አሻናሳ።
18 ናኣ አማንያ ኦንካ ፕርደተና፥ ሽን ናኣ አማኖና ኦንካ እስ ፆሳ ናኣ አማንቦና ግሾ ሀእ ፕርደትስ። 19 ፕርዳይካ ሀይሳ፦ ፖኦይ አላምያ ይስ፥ ሽን አሳ ኦሶይ ኢታ ግድያ ግሾ አሳይ ፖኡዋፐ አድ ማ ዶሴስ። 20 ኢታባ ኦያ ኦንካ ፖኦ እፄስ። አይስ ጊኮ፥ ባ ኦሶይ ቆንጮና መላ ፖኡዋኮ ዬና። 21 ሽን ቱማ ኦያ ኦንካ ፆሳይ ኪትዳይሳዳ እ ኦዳይሳ ፖኦይ ቆንጭሳና መላ ፖኡዋኮ ዬስ።
ፃማቅያ ዮሃንስ የሱሳባ ማርካትስ
22 ሄሳፈ ጉየ፥ የሱሲነ እያ ታማረት ይሁዳ ቢታ ብዶሶና። የሱሲ ያን ፃማቅሸ ኤንታራ ጉ ዎደ ኡትስ።
23 ቃስ ዮሃንስ ሳሌማ ማታን ደእያ ሄኖና ግያ በሳን ግድያ ሃ ደእያ ግሾ አሳ ያን ፃማቄስ። አሳይካ ያ ብድ ፃማቀቶሶና። 24 ሄ ዎደ ዮሃንስ ቡሮ ቃሸትቤና።3:24 ማቶ 14:3፤ ማር 6:17፤ ሉቃ 3:19-20.
25 ሄሳፈ ጉየ፥ ዮሃንሳ ታማረትነ እስ አይሁደ አደይ3:25 እስ አይሁደ አደይ፦ እስ እስ ማፃፋት "ጉ አይሁደ አሳት" ያጎሶና። ጌሾ ዎጋባ ፓላምዶሶና። 26 ኤንቲ ዮሃንሳኮ ብድ፥ "አስታማርያዉ፥ ዮርዳኖሰ ሻፋፐ ሄፍንን ኔራ ደኤይስ፥ ኔኒ እያባ ማርካትዳይስ፥ ሄኮ ፃማቄስ። አሳ ኡባይካ እያኮ ቦሶና" ያግዶሶና።
27 ዮሃንስ ዛሪድ፥ "ፆሳይ እሞና አስ አይብባካ ኤካናዉ ዳንዳኤና። 28 ‘ታኒ ክርስቶሳ ግድከ፥ ሽን እያፐ ስን ኪተታስ’ ግዳይሳስ ታዉ ህንተ፥ ህንተ ሁጰን ማርካ።3:28 ዮሀ 1:20. 29 ገሎስ ጊግዳራ ኤከናዉ ጊግዳይሳሳ። ኤከይሳ ላገይ እያ ማታን ኤቅድ እ ገይሳ ስእያ ዎደ ዳሮ ኡፋይቴስ። ሄሳ ግሾ፥ ሀይስ ታ ኡፋይሳይ ፖለትስ። 30 እ ግታታናዉ ታኒ ጉፃናዉ በሴስ" ያግስ።
31 ቦላፈ የይስ ኡባፈ ቦላ። ሳአፐ በንትዳይስ ሳአባ። እ ሳአባ ኦዴስ። ሳሎፐ የይስ ኡባፈ ቦላ። 32 እ ባ በእዳባነ ስእዳባ ማርካቴስ፥ ሽን እያ ማርካተ ኤከይ ባዋ። 33 እያ ማርካተ ኤክያ ኦንካ ፆሳይ ቱማ ግደይሳ ቆንጭሴስ። 34 ፆሳይ ባ ጌሻ አያና እያዉ ኩመ እምያ ግሾ ፆሳይ ኪትዳይስ ፆሳ ቃላ ኦዴስ። 35 አዋይ ባ ናኣ ዶስድ ኡባባ እያ ኩሸን ዎስ።3:35 ማቶ 11:27፤ ሉቃ 10:22. 36 ናኣ አማንያ ኡራስ መርና ደኦይ ደኤስ። ሽን ናኣ አማኖናይሳ ቦላ ፆሳ ሀንቆይ ደኤስፐ አትሽን፥ እ ደኦ ደመና።