4 Gaate kataman de7iya Gooliyada geetetiya issi toora qara addey Filisxeemeti dunkaanida gutaape keyis; iya geesay usupun wadhanne takadho.
33 Saa7oli Dawitako, "Neeni na7a; I ba na7atethafe doomidi ola meezetidi diccida gisho, ha Filisxeeme addiyara neeni oletanaw danda7aka" yaagis.
37 Gaammofenne garmafeelepe tana ashshida Goday, ha Filisxeeme addiya kushepe tana ashshana" yaagis.
Saa7oli Dawitako, "Ba, Goday neera gido" yaagis.
40 Dawiti ba hentha xam7a oykidi, shaafape ichashu mulumuqe shuchu doori ekidi, ba hentha qarxiitan yeggidi, ba yambarsha oykidi, Goolyadako shiiqis.
45 Dawiti, "Neeni mashsha, tooranne gumba oykada taako yaasa; shin taani Ubbaafe Wolqaama Godaa sunthan, neeni guuthida Isra7eele olanchota Xoossaa sunthan ne bolla yayis. 49 Dawiti ba qarxiitan kushe yeddidi, issi shuchu eki yambaridi, Filisxeeme addiya som7uwan caddis. Shuchay iya som7uwa lukidi gelis; yaatin, addey ba som7uwara sa7an kundis.