Yohaanisa Qoncethi 19

Bootha Para Toggidaysa

11 Yaatin, saloy dooyetin, yan bootha pari de7eysa be7as. He para toggidaysi Ammanetidaysanne Tumancho geetetees. I xillotethan pirdesinne oletees.✝19:11 Hiz 1:1. 12 Iya ayfey tama laco daanees; iya huuphen daro kallachi de7ees. Iya bolla I attishin, hari oonika eronna xaafetida sunthi de7ees.✝19:12 Daane 10:6. 13 I suuthan muuketida ma7o ma7is; iya sunthayka Xoossaa Qaala. 14 Phooliyanne geeshshi gidida liino ma7ida salo olanchoti bootha parata toggidi iya geedo kaalloosona. 15 Kawotethata qanxiya qara mashshay iya doonape keyees. I birata xam7an asaa haarana. Ubbaafe Wolqaama Xoossaa hanqo woyne ushsha gum7iya bessaa I yedhana.✝19:15 Maz 2:9; Isa 63:3; Iyyu 3:13; Qon 14:20. 16 Iya ma7uwa bollanne iya wodiriya bolla, "Kawota Kawuwanne godata Godaa" giya sunthay xaafetis.

17 Hessafe guye, issi kiitanchoy awa bolla eqidaysa be7as. He kiitanchoy salora piradhiya kafo ubbaas ba qaala dhoqu oothidi, "Haa yiite! Xoossaa gibira maanaw issi bessi shiiqite.✝19:17 Hiz 39:17-20. 18 Yidi kawota ashuwa, shaalaqata ashuwa, wotaadareta ashuwa, parata ashuwa, parata toggeyisata ashuwa, asa ubbaa ashuwa, aylleta ashuwa, womaannota ashuwa, gitatanne guuthata ashuwa miite" yaagis.

19 Do7ay, para toggidaysaranne iya olanchotara oletanaw sa7a kawotinne enta olanchoti issi bessi shiiqidashin be7as. 20 Shin he do7aynne iya sunthan malaatata oothida wordo nabey iyara issife oyketis. He malaatatan do7aa mallay de7eysatanne iya misiliya goyinneyisata I balethis. Do7aynne wordo nabey nam7ayka diinnen eexiya tama abban paxa yegetidosona.✝19:20 Qon 13:1-18. 21 Attidaysati para toggidaysa doonape keyiya mashshan hayqidosona. Kafoti ubbay enta ashuwa midi kallidosona.