1 Taani ooratha salonne ooratha sa7a be7as. Koyro saloynne koyro sa7i dhayis; abbayka dhayis.✝21:1 Isa 65:17; 66:22; 2 Phex 3:13. 2 Geeshsha katamiya, ooratha Yerusalaamey, azina gelanaw alleeqetada giigada de7iya maccasada salope Xoossaa matape duge wodhishin be7as.✝21:2 Isa 52:1; Qon 3:12; Isa 61:10.

3 Araatape haysada yaagidi, odiya gita qaala si7as; "Xoossa Keethay asaara de7ees; Xoossay ba bonchuwara asaara issife daana. Enti iya dere gidana; Xoossay ba huuphen entara daana; I enta Xoossaa gidana.✝21:3 Hiz 37:27; Leewe 26:11. 4 Xoossay enta ayfepe afutha ubbaa quchana. Hizape hayqoy woyko kayoy woyko waasoy woyko waayey deenna. Gal77ay ubbay aadhis" yaagis.✝21:4 Isa 25:8; Isa 35:10; 65:19.

5 Araata bolla uttidaysi, "Taani ubbaa oorathi oothana" yaagis. Qassi zaaridi taako, "Taani odeysi ammantheysanne tuma gidiya gisho xaafa" yaagis.