Yohaanisa Qoncethi 7

144, 000 Asati Maletidosona

1 Hessafe guye, oyddu kiitanchoti oyddu sa7aa gaxan eqidaysata be7as. He kiitanchoti sa7a bolla woyko abba bolla woyko ay mitha bolla carkoy oyddu sa7aa gaxape carkonna mela teqidosona.✝7:1 Ermi 49:36; Daane 7:2; Zaka 6:5. 2 Qassi de7o Xoossaa maatamiya oykida hara kiitanchoy doloha baggafe keyeysa be7as. He kiitanchoy ba qaala dhoqu oothidi, sa7aanne abba qohanaw wolqi imetida oyddu kiitanchota, 3 xeegidi, "Nuuni Xoossaa aylleta som7on maatamiya wothana gakanaw biitta woyko abba woyko mithaa qohopite" yaagis.✝7:3 Hiz 9:4.

4 Yaatin, taani Xoossaa maatamey som7on wosetidaysata payduwa si7as. Isra7eele mayzata ubbaafe 144000 asaas som7on maatame wothis.

5 Yihuda kochaafe tammanne nam7u mukulu,

Robeela kochaafe tammanne nam7u mukulu,

Gaade kochaafe tammanne nam7u mukulu,

6 Aseera kochaafe tammanne nam7u mukulu,

Niftaaleme kochaafe tammanne nam7u mukulu,

Minaase kochaafe tammanne nam7u mukulu,

7 Simoona kochaafe tammanne nam7u mukulu;

Leewe kochaafe tammanne nam7u mukulu,

Yisakoora kochaafe tammanne nam7u mukulu,

8 Zabloona kochaafe tammanne nam7u mukulu,

Yoosefa kochaafe tammanne nam7u mukulu,

Biniyaame kochaafe tammanne nam7u mukulu,

asaa som7on maatame wothis.