5 Ba ae vei gamu tori muma paledi tu gamu ria na paranga varivaneqi za poja veidigamu na tuna na Tamaza pa Kutikuti Tabuna? Ari za gua vei aza,

<<Tuqu, muke roqu veidi na zakaza goborodi ria na vavanau tana Bangara.

Beto muke munyala tonai mi udukia na mua sela.

6 Ura ria za roquroquria za vatuviziria tugu za na Bangara,

beto za piqoloria tugu ria doru za gigaladi na tuna,>> za gua.✝12.5-6 Gigalai 3.11-12.

7 Mu vangaju veidi na vavanau gamu ria na vitigi gamu lugeria. Na vitigi gamu gozororia za uleni za na Tamaza za korapa veidigamu na tuna za gamu. Ura kepore za maka koburu bike tavavanau pana tana tamana. 8 Na Tamaza za vavanauria ria doru tuna. Ko vei munake tavavanau za gamu, nari za nake tuna zozoto aza za gamu goto na podo zonamiu gu. 9 Ria gu na tamada pa pezo ba tonai qari vavanaugita nari za taqe pangagadi tu. Ko za poreveveina jola za tana tutiria na vavanau tana Tamada pana Ongongu ko tana toa.