44 «Xoossi Muse bessida leemisoza malanne azazidayssa mala oosettida Xoossi asara gaaggiza dunkaaneya nu aawatara bazzo biittan de7adus.✝7:44 Kessa 25:9,40 45 Nu Aawati dunkaaneyo ekkidayssafe guye Xoossi Iyaaso kaaleththiin kase istta gooddida dereta laattida wode dunkaaneyo ekki gelida; Dawite wode gakkanaas dunkaaneya he biittan de7adus.✝7:45 Iya 3:14-17 46 Dawitikka Xoossa sinththan bonchcho demmidi Yaaqoobe Godaas aqoso giigsanaas woossides.✝7:46 2Same 7:1-16; 1Taari 17:1-14 47 Gido attiin Solomooney izas aqoso keexxides.

48-50 «Gido attiin wogga Goday asa kushey keexxida keeththan deenna; hessika nabey kase Geeshsha maxaafan xaafida mala,

« ‹Saloy ta uttiza alga;

biittayka tani tohon yedhdhizaso;

histtiin intte taas

ay mala keeththe keexxeetii?

Woykko ta shempanasoy

awayssee?✝7:49-50 Isa 66:1-2

Hayssa ubbaa ta kushey

ooththibeennee?›

gees Godaa Xoossay.