3 «Taappe attiin hara eeqa xoossatas goynnofa.
4 «Bolla salon diza miish gidiin, woykko garsa sa7an diza miish gidiin, woykko biittafe garsan haaththa giddon diza miish gidiin aykkoka misatissada nees misle histtada medhdhofa. 5 Isttas hokkofanne isttas goynnofa. Ays giikko tani GODAA ne Xoossay qanaatiza Xoossako; tana ixxizayta aawata nagara gishshas nayta heedzdzanththo yeletanne oydanththo yeleta gakkanaas qaxxayays.20:4-5 Kessa 34:17; Lewe 19:4; 26:1; Zaare 4:15-18; 27:15 6 Qasse tani tana siiqizaytassinne ta azazo naagizaytas daro shii yeleteth gakkanaas tani ta siiqo bessiza Xoossa.20:5-6 Kessa 34:6-7; Tay 14:18; Zaare 7:9-10
7 «GODAA ne Xoossaa sunth hadan denththofa; ays giikko GODAA ne Xoossay ba sunth hadan denththizayta qaxxayana.20:7 Lewe 19:12
8 «Sambata gallassa hara gallassatappe dummasada naaga.20:8 Kessa 16:23-30 9 Ne ooththiza ooso ubbaa usuppun gallassatan ooththa. 10 Gido attiin laappunththa gallassay GODAA ne Xoossaas Sambata. He gallas aykko oosokka ooththofa; neni woykko ne attuma nay, woykko ne macca nay, woykko ne attuma aylley, woykko ne macca aylley, woykko ne miizay, woykko ne deren diidi nees ooththiza hara dere as gidiin he gallassan ay oosokka ooththofte.20:9-10 Kessa 23:12; 31:15; 34:21; 35:2; Lewe 23:3 11 Ays giikko usuppun gallassan GODAY salo, sa7a, abbanne istta giddon diza ubbaa medhdhidi laappunththa gallas shempides. Hessa gishshas GODAY Sambata gallassaa anjjidessinne dummasides.20:11 Medhe 2:1-3; Kessa 31:17
12 «GODAA ne Xoossay nees immiza biittan ne daro layth daana mala, ne aawaanne ne aayo bonchcha.20:12 Zaare 27:16; Mato 15:4; 19:19; Mar 7:10; 10:19; Luqa 18:20; Efe 6:2-3
13 «As wodhoppa.
14 «Laymatoppa.20:14 Lewe 20:10; Mato 5:27; 19:18; Mar 10:19; Luqa 18:20; Oro 13:9; Yaaqo 2:11
15 «Kaysotoppa.20:15 Lewe 19:11; Mato 19:18; Mar 10:19; Luqa 18:20; Oro 13:9
16 «Oona bollaka wordo markkattofa.20:16 Kessa 23:1; Mato 19:18; Mar 10:19; Luqa 18:20
17 «Asa keeth amottofa; asa machcho woykko iza aylle woykko iza aylleyo woykko iza boora woykko iza hare woykko izas diza ay miishshika amottofa» gides.20:17 Oro 7:7; 13:9
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)