3 Abraamey biittan duge gufannidi hu7ey biitta bochchiin izi Xoossas ziggiin Xoossi izas, 4 «Ha7i ta nenara caaqqiza caaqoy hayssa; neni daro kawoteththatas aawa gidana. 5 Hachchife guye ne sunththi Abraame geetettenna; gido attiin ne sunththi Abrahaame*17:5 Ibraaweta qaalara Abrahaame guussi, «Daro asa aawa» guussa. geetettana; aazas giikko tani nena daro kawoteththatas aawa ooththadis.✝17:5 Oro 4:17 6 Tani nena keeha darsana; tani nena daro kawoteth histtana; kawotikka neeppe kezana. 7 Tani taappenne neeppe, neeppe guye ne zereththa giddon, yeletappe yeleta gakkanaas ta gelida caaqo qaala minththana; ha caaqoykka tani neessinne neeppe guye ne zereththas Xoos gidana.✝17:7 Luqa 1:55 8 Ha7i neni bete gidada diza Kanaane derey wuri neessinne neeppe guye ne zereththas mernaas laata biitta gidana mala tani immana; qasse tani istta Xoos gidana» gides.✝17:8 Hawa 7:5

9 Qasseka Xoossi Abrahaame, «Nekka neeppe guye ne zereththayka, yeletappe yeleta gakkanaas ta caaqo qaalaa naagite. 10 Taappenne neeppe, neeppe guye ne zereththa giddon intte naagana ta caaqo qaalay hayssa; intte giddon diza attumas ubbay qaxxaretto.✝17:10 Hawa 7:8; Oro 4:11 11 Intte shurte qaxxaretteeta; hayssi taassinne inttes giddon diza caaqo qaalaas malata gidana.