1 ಪೌಲ್ ಲಿವತ್ಯಾಲ ಪತ್ರ. ಕ್ರಿಸ್ತ್ ಯೇಸುಚಾ಼ ಅಪೋಸ್ತಲ್‌ ವ್ಹಯಾಲಾ ಮೀ ದೇವಾಚಾ ಮನಾಶಾರ್ಕಾ ಹಾಕಟ್‍ಲ್ಯಾಲಾ ಜಾ಼ಲ್ಯೊ. ಮೀ ಹ್ಯ ಪತ್ರ ಕ್ರಿಸ್ತಾಪ್ನಿ ಆಮಚಾ಼ ಬಾಹು ಜಾ಼ಲ್ಯಾಲ್ಯಾ ಸೊಸ್ತೆನಾಸಂಗ ಲಿವ್‌ತ್ಯೊ.

2 ಕ್ರಿಸ್ತ ಯೆಸುಪ್ನಿ ಪವಿತ್ರ ಕೆಲ್ಯಾಲೆ ಕೋರಿಂತಾತ್ಲೆ ದೇವಾಚೆ ಸಬೆಚಾನಾ ಹ್ಯ ಪತ್ರ ಲಿವ್‌ತ್ಯೊ. ತುಮಿ ದೇವಾಚಿ ಪವಿತ್ರ ಲೊಕ ವ್ಹಯಾಲಾ ಹಾಕಟ್‌ಲ್ಯಾಲಿ ಜಾ಼ಲ್ಯಾಸಾ. ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ ನಾವಾವ ಇಸ್ವಾಸ್ ಥೆವ್‌ತ್ಯಾಲ್ಯಾ ಸಗ್‌ಳ್ಯಾ ಲೊಕಾಂಚೆ ಸಂಗ ತುಮಿಬಿ ಹಾಕಟ್‍ಲ್ಯಾಲಿ ಜಾ಼ಲ್ಯಾಸಾ. ಯೇಸು ಕ್ರಿಸ್ತ ತ್ಯನಾಬಿ ಆಮಾನಾಬಿ ಪ್ರಭುಜಾ಼ಲ್ಯಾ.

3 ಆಮಚಾ಼ ಬಾ ಜಾ಼ಲ್ಯಾಲ್ಯಾ ದೆವಾಪ್ನಿಬಿ ಪ್ರಭುಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಪ್ನಿಬಿ ತುಮಾನಾ ಕ್ರಪಾ ಆನಿ ಶಾಂತಿ ಗಾಹುನಿ.

4 ದೇವಾನಿ ಯೇಸು ಕ್ರಿಸ್ತಾಪ್ನಿ ತುಮಾನಾ ದಿಲ್ಯಾಲೆ ಕ್ರುಪೆಸ್ಲಾಗುನ್ ಮೀ ತುಮ್ಚಿಸಾಟಿ ದೇವಾಲಾ ಕವಾಬಿ ಉಪ್ಕಾರಾಚಿ ಸ್ತುತಿ ಪ್ಯಾವ್ತೊ. 5 ಕಾ ಮಂಜೆ ಯೇಸುಪ್ನಿ ಸಗ್ಳಾ ಆಶೀರ್ವಾದ್ ಗೆತಲ್ಯಾಲಿ ತುಮಿ ಬೊಲ್‌ನ್ಯಾತ್ ಗಿನ್ಯಾನ್‌ ಆಸ್ನಾರಿ ಜಾ಼ಲ್ಯಾಸಾ. 6 ಯೇಸು ಕ್ರಿಸ್ತಾಚ಼ ವಚ಼ನ್ ತುಮ್ಚಿಪ ಖರ‍್ಯಾನಿ ಘಟ್ ಹಾ ಮನ್ಹುನ್. 7 ಆಮ್‌ಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ ದೊನವ್ಯಾ ಯನ್ಯಾಚಿ ವಾಟ್ ಬಗ್‌ತ್ಯಾಲಿ ಆನಿ ದೆವಾಪ್ನಿ ಆಲ್ಯಾಲ ಪರತೆಕ್ಯಾಕ್ ಆತ್ಮಿಕ್ ದಾನ್ ಗೆತಲ್ಯಾಲಿ ಜಾ಼ಲ್ಯಾಸಾ. 8 ಯೇಸು ತುಮಾನಾ ಸರ್ತ್ಯಾಪರೆತ್ ಧಿರ್ ದಿವುನ್ ರ‍್ಯಾಕ್ನಾರ್. ಆಮಚ಼ಾ ಪ್ರಭು ಜಾ಼ಲ್ಯಾಲಾ ಯೇಸು ಕ್ರಿಸ್ತ್ ನ್ಯಾಯಿ ನಿವ್ಡಾಚಾ ದಿಸಾತ್ ತುಮಿ ನಿರ್ದೊಶಿ ವ್ಹವುನ್ರಾನಾರ್. 9 ದೇವ್ ಇಸ್ವಾಸಾಚಾ಼ ಜಾ಼ಲ್ಯಾ. ದೇವಾಚಾ಼ ಲ್ಯೊಕ್‌ಜಾ಼ಲ್ಯಾಲಾ ಆನಿ ಪ್ರಭುಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ ಜೀ಼ವ್ನಾತ್ ವಾಟ್ನಿಗಿಹ್ಯಾ ವ್ಹಯಿ ಮನ್ಹುನ್ ತುಮಾನಾ ಹಾಕಟ್‌ಲ್ಯಾಲ ತ್ಯನಿಸ್.

10 ಬನ್ಹಿ ಬಾವ್ಹಾನು, ಆಮ್‌ಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ ನಾವಾನಿ ಮೀ ತುಮ್ಚಿಪ ಮಾಗಾಚ಼ ಕ್ಯಾ ಮಂಜೆ, ಕಳ್ ಬಾಂಢಾನ್ ನಸ್ತಾನಾ ಬೆದ್‌ ಬಾವ್ ನಸ್ತಾನಾ ಯಕಾ ಮನಾನಿಸ್ ಯಕಾ ಉದ್ದೇಸಾನಿ ತುಮಿ ಯಕಾಮನಾನಿ ರಾವ್ಹಾ.

11 ಮಾಜಾ ಬಾವ್ಹಾ ಬನ್ಹಿನು, ಕ್ಲೊಯೆಚಾ ಗರ್ಹಾತ್ನಿ ಆಲ್ಯಾಲ್ಯಾ ಥೊಡ್ಯಾಂಚಾನಿ. ತುಮ್ಚೆಮದ್ದಿ ಕಳ್ ಬಾಂಢ್ನ ಹಾತ್ತ ಮನ್ಹುನ್ ಮನಾ ಸಾಂಗ್ಲ. 12 ಮಂಜೆ, ತುಮ್ಚಾತ್ ಯೊಕ್, "ಮೀ ಪೌಲಾಚೆಮಾಗ್ನಿ ಜಾ಼ತ್ಯೊ" ಮನ್ಹುನ್ ಸಾಂಗತ್ಯೊ; ಆನಿಯೋಕ್, "ಮೀ ಅಪೊಲೊಸಾಚೆ ಮಾಗ್ನಿ ಜಾ಼ತೊ" ಮನ್ಹುನ್ ಸಾಂಗತ್ಯೊ. ಆನಿಯೊಕ್, "ಮೀ ಪೇತ್ರಾಚೆ ಮಾಗ್ನಿ ಜಾ಼ತೊ" ಮನ್ಹುನ್ ಸಾಂಗತ್ಯೊ. ಆನಿಯೊಕ್, "ಮೀ ಕ್ರಿಸ್ತಾಚೆ ಮಾಗ್ನಿ ಜಾ಼ತೊ. " ಮನ್ಹುನ್ ಸಾಂಗತ್ಯೊ. 13 ಕ್ರಿಸ್ತಾಚಿ ವಾಟ್ನಿ ಕೆಲೆ ಕ್ಯಾ? ಪೌಲ್ ತುಮ್ಚೆಸಾಟಿ ಸಿಲಬೆವ ಮೆಲಾಕ್ಯಾ? ತುಮಿ ಪೌಲಾಚಾ ನಾವಾನಿ ಬಾಪ್ತಿಸ್ಮಾ ಗಿತ್ಲಿಸಾಕ್ಯಾ? ನಾಹಿ.

14 ತುಮ್ಚಾತ್ ಕ್ರಿಸ್ತ್ ಆನಿ ಗಾಯಾ ಹ್ಯನಾಸುಡುನ್ ದಿಸರ‍್ಯಾ ಕುನಾಲಾಸ್ ಮೀ ಬಾಪ್ತಿಸ್ಮಾ ದಿಲಿನಾಹಿ ಮನ್ಹುನ್ ದೇವಾಲಾ ದನ್ಯವಾದ್ ಕರ್ತೊ, 15 ಮಾಜಾ ನಾವಾನಿ ಬಾಪ್ತಿಸ್ಮಾ ಗೆತ್ಲೆ ಮನ್ಹುನ್ ಸಾಂಗಾಯಾ ತುಮ್ಚಾತ್ ಕುನಾಲಾ ಆತಾ ವ್ಹಯಿತ್ನಾಹಿ. 16 ಸ್ತೆಪನಾಚಾ ಗರ‍್ಹಾತಲ್ಯಾನಾ ಸುಡುನ್ ದಿಸರ‍್ಯಾ ಕುನಾಲಾ ಬಾಪ್ತಿಸ್ಮಾ ದಿಲ್ಯಾಲಿ ಮನಾ ಯಾದ್ ನಾಹಿ. 17 ಕ್ರಿಸ್ತಾನಿ ಮನಾ ಲಾವುನ್ ದಿಲ್ಯಾಲಾ ಬಾಪ್ತಿಸ್ಮಾ ದಿಯಾ ನವ್ಹ, ಯೇಸುಚಿ ಬರಿ ಖಬರ್ ಸಾಂಗಾಯಾ ತ್ಯವ್ಡಸ್. ಫನ್ ಗಿನ್ಯಾನಾನಿ ಸಾಂಗಾಯಾ ಲಾವುನ್ ದಿಲಾನಾಹಿ. ಮೀ ಕಾಯ್ತರಿ ಪರ್ಪಂಚಾಚಾ ಗಿನ್ಯಾನಾನಿ ಬರಿಖಬರ್ ಸಾಂಗಲ್ಯಾಲಿ ಜಾ಼ಲ್ಯಾವ, ಕ್ರಿಸ್ತಾಚಿ ಸಿಲಬೆ ಆರ್ಥ ನಸ್‌ಲ್ಯಾಲಿ ವ್ಹನಾರ್.

18 ನಾಶಾಡಿಚೆ ವಾಟವ ಆಸಲ್ಯಾಲ್ಯಾ ಲೊಕಾನಾ ಶಿಲಬೆಚಿ ಬರಿ ಖಬರ್ ಮುರ್ಕ್ ಫನ್ ಜಾ಼ಲೆ. ಆನಿ ರಕ್ಶನೆಚೆ ವಾಟವ ಆಸಲ್ಯಾಲ್ಯಾ ಆಮಾನಾತರಿ ತ್ಯ ದೇವಾಚ಼ ಬಳ್ ಜಾ಼ಲ್ಯಾ. 19 ಪವಿತ್ರ ಪುತೀಕಾತ್ ಆಸ ಲಿವಲ್ಯಾ:

"ಶಾನ್ಯಾಂಚ಼ ಶಾನ್ಪನ್ ನಾಸ್ ಕರ್ನಾರ್.

ಶಾನ್ಯಾಂಚಾ ಶಾನ್ಫನಾಲಾ ಕಿಮತ್ ನಸಲ್ಯಾಚೆಗತ್ ಕರ್ನಾರ್. " ಯೆಶಾಯ 29:14

20 ಶಾನಾ ಕುಠಹಾ? ಶಿಕ್ಷೆನ್ದಾರ್ ಕುಠಹಾ? ಹ್ಯಾ ಕಾಲಾತ್ಲಾ ಪುರಾನ್ವಾಲಾ ಕುಠಹಾ? ದೇವಾನಿ ಪರ್ಪಂಚಾಚ಼ ಗಿನ್ಯಾನ್ ಮುರ್ಕ ಮನ್ಹುನ್ ಥರಿವ್ಲ ನಾಹಿ ಕ್ಯಾ? 21 ಹ್ಯ ದೇವಾಚಾ ಗಿನ್ಯಾನ್ಯಾಚೆಗತ್. ಪರ್ಪಂಚಾನಿ ಆಪಲ್ಯಾ ಸ್ವತಾಚಾ ಗಿನ್ಯಾನಾನಿ ದೇವಾಲಾ ಸಮಜು಼ನ್ ಗೆತ್ಲಾನವ್ತಾ. ಮನ್ಹುನ್ ಮುರ್ಕಫನಾಚೆಗತ್ ದಿಸತ್ಯಾಲ್ಯಾ ಸಮಾಚಾರಾಸ್ಲಾಗುನ್ ಇಸ್ವಾಸ್ ಥೆವತ್ಯಾಲ್ಯಾನಾ ರಕ್ಶನ್ಕರಾಚ಼ ದೇವಾಲಾ ಚಾ಼ಂಗ್ಲವಾಟ್ಲ.

22 ಯೆಹುದಿ ಚಮತ್ಕಾರಿಚಿ ಕಾಮ ಇಚಾರತ್ಯಾತ. ಗ್ರೀಕ್ ಲೊಕಾನಾ ಗಿನ್ಯಾನ್ ವ್ಹಯಿಜಾ಼ಲ್ಯಾ. 23 ಆಮೀತರಿ, ಶಿಲ್ಬೆವ ಗ್ಯಾತಲ್ಯಾಲ್ಯಾ ಕ್ರಿಸ್ತಾಚೆಗುಸ್ಟಿತ್ ಸಿಕಿವ್ತಾವ್. ಹ್ಯ ಯೆಹುದ್ಯಾನಾ ಮುಟಿ ಅಡಚ಼ನ್ ಜಾ಼ಲೆ; ಯಹುದಿ ನಸಲ್ಯಾಲ್ಯಾ ಲೊಕಾನಾ ಮುರ್ಕ್ಪನಾಚೆಗತ್ ದಿಸತ್ಯಾ. 24 ದೇವಾನಿ ಹಾಕಟ್‌ಲ್ಯಾಲಿ ಲೊಕ ಯೆಹುದಿ ಆಸ್ಲಿತತರಿ ಯಹುದಿ ನಸ್ಲಿತತರಿ ತ್ಯನಾ ಕ್ರಿಸ್ತ್ ದೇವಾಚ಼ ಬಳ್ ಜಾ಼ಲ್ಯಾ; ಆನಿ ದೇವಾಚ಼ ಗಿನ್ಯಾನ್‌ಜಾ಼ಲ್ಯಾ. 25 ದೇವಾಚ಼ ಮುರ್ಕ್ಫನ್ ಸಾಹಿತ್ ಮಾನ್ಸಾಂಚಾ ಗಿನ್ಯಾನಾವ್ನಿ ಮೊಟ ಜಾ಼ಲ್ಯಾ. ದೇವಾಚ಼ ಬಳ್ನಸಲ್ಯಾಲ ಸಾಹಿತ್ ಮಾನ್ಸಾಂಚಾ ಬಳಾವ್ನಿ ಖುಬ್ ಮೊಟ ಬಳ್ ಜಾ಼ಲ್ಯಾ.

26 ಬಾವ್ಹಾ ಬನ್ಹಿನು, ದೇವಾನಿ ತುಮಾನಾ ಹಾಕಟ್ಲತವಾ ತುಮಿ ಕಸಿ ಹುತ್ತಾಸಾತಿ ಯಾದ್ಕರಾ. ಪರ್ಪಂಚಾಚಾ ಲೆಕ್ಯಾತ್ ತುಮಿ ತುಮ್ಚಾತ್ ಖುಬ್ಜ಼ನ ಶಾನಿನವ್ತಿತ; ಆದಿಕಾರಿನವ್ತಿತ; ಮೊಟ್ಯಾ ಕುಳಾತ್ಲಿ ನವ್ತಿತ. 27 ಫನ್ ದೇವಾನಿ ಹ್ಯಾಲೋಕಾಚಾ ಶಾನ್ಯಾನಾ ಲಾಜ಼್ವಾಟಾಯಾಸಾಟಿ ಖುಳ್ಯಾನಾ ನಿವಡ್‌ಲ್ಯಾತ; ಬಳಿನಾ ಲಾಜ಼್ವಾಟಾಯಾ ಬಳ್ನಸಲ್ಯಾಲ್ಯಾನಾ ನಿವಡಲ್ಯಾತ. 28 ಪರ್ಪಂಚಾ ಕಚ಼ ಬರ ನವಮಂತೊ ಕಚಾಚಾ಼ ರಾಗ್ ಕರ್ತೊ ಆನಿ ಫ್ಯಾಯ್ದಾ ನಸ್‌ಲ್ಯಾಲ ಮಂತೊ ತ್ಯ ದೇವಾನಿ ನಿವ್ಡುನ್ ಗೆತ್ಲ. ಪರ್ಪಂಚಾ ಕಚ಼ ಬರ ಮನ್ಹುನ್ ಯವಸ್ತೊ ತ್ಯ ಹಾಳ್ಕರಾಲಾ ದೇವಾನಿ ಆಸಕೆಲ. 29 ಆಸ ಆಸ್ತಾನಾ ದೇವಾಚೆ ಮೊರ್ಹ ಮೊಟ ಫನ್ಗಿಹ್ಯಾ ಕುನಾಲಾ ನಾಹಿ. 30 ತುಮಾನಾ ಕ್ರಿಸ್ತ ಯೆಸುಪ ಯೆಕ್ ಕೆಲ್ಯಾಲಾ ದೇವಾನಿಸ್. ಕ್ರಿಸ್ತ ಆಮ್ಚಿಸಾಟಿ ದೇವಾಪ್ನಿ ಆಲ್ಯಾಲ ಗಿನ್ಯಾನ್‌ಜಾ಼ಲ್ಯಾ. ಆಮಿ ನಿಯೆತಿಚಿ ವ್ಹವುನ್ ರಾಯಾ, ಪಾಪಾತ್ನಿ ಸುಟ್ಕಿವ್ಹಯಾ ಆನಿ ಪವಿತ್ರ ವ್ಹಯಾ ಕ್ರಿಸ್ತುಸ್ ಮುಳ್ ಜಾ಼ಲ್ಯಾ. 31 ಮನ್ಹುನ್ ಪವಿತ್ರ ಪುತಿಕಾತ್ ಆಸ ಲಿವ್‌ಲ್ಯಾ, "ಮೊಟಫನ್ ಗೆತ್ಯಾಲ್ಯಾನಿ ಪ್ರಭುಪ ತ್ಯವ್ಡಸ್ ಮೊಟಫನ್ ಗಿಯಾವ್ಹಯಿ. " ✝