1 ಕೋರಿಂಥ್ 8

ಪಾಶಾನಾನಾ ಥೆವಲ್ಯಾಲ್ಯಾ ಜೆವ್ನಾಚೆ ಗುಸ್ಟಿಚ಼ ಸಿಕಿವ್ನ

1 ಪಾಶಾನಾನಾ ಥೆವಲ್ಯಾಲ್ಯಾ ಖಾತ್ಯಾಲ್ಯಾ ಜಿನ್ಸಾಂಚೆ ಗುಸ್ಟಿತ್. "ಆಮಾನಾ ಸಗಳ್ಯಾನಾ ಗಿನ್ಯಾನ್ ಹಾ ಮನ್ಹುನ್" ಠಾವಹಾ. ಗಿನ್ಯಾನ್ ಫುಗಿವ್ತ, ಫನ್ ಮಾಯಾ ಬಕ್ತಿ ವಾಡಿವ್ತಿ. 2 ಯಕಾನಿ ಆಪ್ನಿ ಕಾಯ್ತರಿ ಸಮ್‍ಜು಼ನ್ ಗೆತಲ್ಯಾ ಮನ್ಹುನ್ ಮನ್ಲಾತ ತ್ಯನಿ ಸಮಜಾ಼ಯಾ ವ್ಹಯಿ ಆಸಲ್ಯಾಲ ಆಜು಼ನ್ ಸಮ್‍ಜು಼ನ್ ಗೆತಲ್ಯಾಲ ನಸ್ತ. 3 ಫನ್ ಕಚಾ಼ ದೇವಾಚಿ ಮಾಯಾ ಕರ‍್ತೊ ತ್ಯಲಾ ದೇವ್ ವಳಕ್ತೊ.

4 ಮನ್ಹುನ್ ಪಾಶಾನಾನಾ ಥೆವ್‍ಲ್ಯಾಲಾ ಖಾತ್ಯಾಲಾ ಜಿನೊಸ್ ಖಾಯಾಚೆ ಗುಸ್ಟಿತ್ "ದುನೆತ್ ಪಾಶಾನ ಕಾಯ್ ನವ್ಹತ ಮನ್ಹುನ್" ಆನಿ "ಯೊಕುಸ್ ದೇವ್‍ ಹಾ ತ್ಯೊ ಸುಡುನ್ ದಿಸರಾ ದೇವ್ ನಾಹಿ ಮನ್ಹುನ್" ಠಾವ ಹಾ. 5 ಖರ‍್ಯಾನಿ ಆಬಳಾತ್ ವ್ಹವುನಿ ದರ್ಥಿವ ವ್ಹವುನಿ ದ್ಯಾವ್‍ ಮನ್ಹುನ್ ಗೆತ್ಯಾಲಿ ಖುಬ್ ಆಸಲಿತ ತರಿ, "ದ್ಯಾವ್ ಮನ್ಹುನ್ ಪ್ರಭು ಮನ್ಹುನ್ ಪುಜ಼್‍ತ್ಯಾಲಿ" ಖುಬ್ ಆಸ್ತಿಲ. 6 ಆಮಾನಾತರಿ ಯೊಕುಸ್ ಬಾ ದೇವ್; ತ್ಯೊಸ್ ಸಗ್‍ಳ್ಯಾಲಾ ಕಾರನ್; ಆಮಿ ಜಿವ್ನಾ ಕರ್ತ್ಯಾಲಿ ತ್ಯಚಿಸಾಟಿಸ್, ಆನಿ ಯೊಕುಸ್ ಪ್ರಭು ಜಾ಼ಲ್ಯಾಲಾ ಯೇಸು ಕ್ರಿಸ್ತ ಆಮಾನಾ ಹಾ. ತ್ಯಚಿಪ್ನಿಸ್ ಸಗ್ಳ ಉತ್ಪನ್ ಜಾ಼ಲ್ಯಾ. ಆಮಿ ತ್ಯಚಿಪ್ನಿ ಆಮಿ ಜ಼ಗತ್ಯಾವ್.

7 ತರಿಬಿ ಹ್ಯ ಗಿನ್ಯಾನ್ ಸಗ್‍ಳ್ಯಾನಾ ನಾಹಿ. ಮನ್ಹುನ್, ಥುಡಿಜ಼ನ ಆಜು಼ನ್ ಪಾಶಾನಾಂಚಿಪ ಜಾ಼ಯಾಚಿ ಸವ ಹಾ ಆನಿ ಆಪ್ನು ಖಾತ್ಯಾಲ ಹ್ಯ ಜೆವಾನ್ ಪಾಶಾನಾನಾ ದಿಲ್ಯಾಲ ಮನ್ಹುನ್ ಖಾತ್ಯಾತ; ತ್ಯಂಚಾ ಮನಾಚೆ ಸಾಕ್ಸಿಚಿ ಬಳ್‍ಮ್ಯೊಡ್‍ ಜಾ಼ಲೆ ಮನ್ಹುನ್ ಬಾದ್‍ ಜಾ಼ಲ್ಯಾ. 8 ಫನ್ ಖಾನ್ಯಾನಿ ಆಮಿ ದೇವಾಲಾ ಜ಼ವಳ್ ವ್ಹಯಿತ್ ನಾಹಿ. ಖಾಲ್ಯಾ ನಸ್‌ಲ್ಯಾಲ್ಯಾನಿ ಲುಕ್ಷಾನ್‍ ನಾಹಿ, ಖಾಲ್ಯಾಲ್ಯಾನಿ ಫ್ಯಾಯ್ದಾಬಿ ನಾಹಿ.

9 ಫನ್ ಹ್ಯ ತುಮ್ಚ಼ ಸ್ವಾತಂತ್ರ್ಯ ಇಸ್ವಾಸಾತ್ ಕಮ್ಮಿ ಆಸ್‌ಲ್ಯಾಲ್ಯಾಲಾ ಆಡ್ವ ವ್ಹವು ನಾಹಿ ಆಸ ಜಾ಼ಗ್ರುತ್ರಾವ್ಹಾ. 10 ಶಾನಾ ಆಸ್‌ಲ್ಯಾಲಾ ತುಸ್ ಪಾಶಾನಾಂಚಾ ಜಾ಼ಗ್ಯಾವ ಖಾಯಾ ಬಸ್‌ಲ್ಯಾಲಾ, ಇಸ್ವಾಸಾತ್ ಕಮ್ಮಿ ಆಸ್‌ಲ್ಯಾಲಾ ಕೊನ್ತರಿ ಬಗಿಲ್ತ. ತ್ಯೊಬಿ ಪಾಶಾನಾನಾ ಥೆವ್‍ಲ್ಯಾಲ ಜೆವಾನ್ ಖಾಯಾ ಧಿರ್ ಕರ‍್ನಾರ್ ನವ್ಹ ಕ್ಯಾ? 11 ಆಸ ಹ್ಯಾ ತುಜಾ ಗಿನ್ಯಾನಾನಿ ತ್ಯೊ ಇಸ್ವಾಸ್ ನಸ್‌ಲ್ಯಾಲಾ ಹಾಳ್ ವ್ಹನಾರ್. ತ್ಯಚಿಸಾಟಿಬಿ ಕ್ರಿಸ್ತಾನಿ ಆಪ್ಲಾ ಪರಾನ್ ದಿಲ್ಯಾನವ್ಹ. 12 ಆಸಸ್ತಾನಾ ತುಮಿ ಬನ್ಹಿ ಬಾವ್ಹಾಂಚೆ ಆಡ್ವ ಪಾಪ್ ಕರುನ್ ತ್ಯಂಚ಼ ಬಳ್‍ ನಾಹಿ ಜಾ಼ಲ್ಯಾಲ್ಯಾ ಇಸ್ವಾಸಿಲಾ ದುಕಿವ್‌ಲ್ಯಾವ ತುಮಿ ಕ್ರಿಸ್ತಾಚೆ ಆಡ್ವ ಪಾಪ್ ಕರ್ತ್ಯಾಲ ವ್ಹತಾಸಾ. 13 ಮನ್ಹುನ್ ಖಾತ್ಯಾಲಾ ಜಿನೊಸ್ ಮಾಜಾ ಬಾವ್ಹಾಲಾ ಆಡ್ವ ವ್ಹಯಾಚ಼ ಜಾ಼ಲ್ಯಾ ಮಿ ಕಂದಿಸ್ ಮಾಸ್ ಖಾನಾರ್ ನಾಹಿ; ಮೀ ಮಾಜಾ ಬಾವ್ಹಾಲಾ ಆಡ್ವಾ ವ್ಹನಾರ್ ನಾಹಿ.