1 Coríntios 11

24 ದೇವಾಲಾ ಸ್ತೊತ್ರ ಕರುನ್ ತಿ ಮುಡುನ್, "ಹ್ಯ ತುಮ್ಚಿಸಾಟಿ ಆಸ್‍ಲ್ಯಾಲ ಮಾಜ಼ ಶರೀರ್, ಮಾಜಿ ಯಾದ್ ಕರಾಯಾ ಆಸಕರಾ" ಮನ್ಲಾ. 25 ಖಾವುನ್ ಜಾ಼ಲ್ಯಾ ನಂತರ್ ತ್ಯನಿ *11:25 ತಸಸ್ ಪಿತ್ಯಾಲ ಐದಾನ್ ಗಿಹುನ್, "ಹ್ಯ ಪಿತ್ಯಾಲ ಐದಾನ್ ಮಾಜಾ ರಕ್ತಾನಿ ಥರಲ್ಯಾಲಾ ನವಾ ಕರಾರ್ ದ್ಯಾವ್ತ. ತುಮಿ ಹ್ಯಾತ್ ಪಿತಾನಾ ಮಾಜಿ ಯಾದ್ ಕರಾಯಾಸಾಟಿ ಪಿವಾ" ಮನ್ಲಾ.

26 ತುಮಿ ಹಿ ಬಾಕ್ರಿ ಖಾವುನ್ ಹ್ಯಾ ಐದಾನಾತ್ ಪಿತಾನಾ ಪರತೆಕ್ ಪಾವ್ಟಿ ಪ್ರಭುಚ಼ ಮರಾನ್ ತ್ಯೊ ಯಯಿಸ್ ಪರ‍್ಯಾತ್ ಸಾಂಗಿತ್ ರಾವ್ಹಾ. 27 ಆಸಾಸ್ತಾನಾ ಕಚಾನಿತರಿ ವಾಯಿಟ್‍ ವ್ಹವುನ್ ಪ್ರಭುಚಿ ಬಾಕ್ರಿ ಖಾಲ್ಯಾವ ನಾಹಿತ ತ್ಯಚಾ ಐದಾನಾತ್ ಪಿಯಾಲ್ಯಾವ ತ್ಯನಿ ಪ್ರಭುಚಾ ಶರೀರಾಲಾ ಆನಿ ಪ್ರಭುಚಾ ರಕ್ತಾಲಾ ದೊಸಿ ಥರ್ನಾರ್. 28 ಪರತೆಕ್ ಮಾನ್ಸಾನಿ ಆಪ್‍ಲ್ಯಾಲಾ ಪರಿಕ್ಷೆ ಕರುನ್ ತಿ ಬಾಖ್ರಿ ಗಿಹುನ್ ಖಾವುನಿ, ತ್ಯಾ ಐದಾನಾತ್ ಪಿವುನಿ.