1 Coríntios 16

ಇಸ್ವಾಸಿನಾ ಕರಾಚಾ಼ ದಾನ್

1 ಆತಾ ದೇವಾಚಾ ಪೊರಾಂಚೆ ಸಾಟಿ ಪೈಸ ಮಿಳ್ವುನ್ ತೆವಾಚಾ ಇಚಾರಾಚೆ ಗುಶ್ಟಿತ್, ಮೀ ಗಲಾತ್ಯಾತ್ಲೆ ಸಭೆನಾ ಸಾಂಗ್‌ಲ್ಯಾ ಶಾರ್ಕ ತುಮಿ ಕರಾ. 2 ತುಮಚಾತ್ ಪರ್ತೆಕ್ ಯೊಕ್ ಆಪ್‌ಲ್ಯಾಲಾ ಆಲ್ಯಾಲ್ಯಾ ಪಗಾರಾತ್ ವ್ಹಯಿಲ್ ತ್ಯವ್ಡ ಆಯಿತ್ವಾರಾದಿಸಿ ಮಿಳ್ವುನ್ ಆಪ್‌ಲ್ಯಾ ಗರಾತ್ ಥೆವಾಯಾ ವ್ಹಯಿ. ಹ್ಯನಿ ಮೀ ಆಲೊಕಿ ಪೈಸ ಗೊಳಾ ಕರಾಯಾ ವ್ಹಯಿ ಮನ್ಹುನ್ ನಾಹಿ. 3 ಆನಿ ಮೀ ಆಲ್ಯಾವ ತುಮಿ ಕುನಾಲಾ ನೀಯತಿಚಾ಼ ಮನ್ಹುನ್ ದ್ಯಾವ್ಸಿಲಾ, ತ್ಯಚಿ ಸಂಗ ತುಮ್ಚಿ ದಿನ್ಗಿ ಯೆರುಸಲೆಮತ್ ಗಿವುನ್ ಜಾ಼ಯಾ ಪತ್ರ ದಿವುನ್ ಲಾವುನ್ ದೆತೊ’ 4 ಆನಿ ಮೀ ಸಾಯಿತ್ ಜಾ಼ಯಾಚ಼ ಶಾರ್ಕ ದಿಸ್ಲತ ತ್ಯಂಚಾನಿ ಮಾಜೆ ಸಂಗ ಯವಾವತ.

ಜಾ಼ಯಾಚಿ ಯವಜ್ನಾ಼

5 ಮೀ ಮಕೆದೊನ್ಯಾ ಸಿಮಾ ವಲ್ಯಾಂಡುನ್ ಜಾ಼ತಾನಾ ತುಮ್ಚಿಪ ಯವುನ್ ರಾನ್ಹಾರ್. 6 ನಾಹಿತ ತುಮ್ಚಿಪ ಥಂಡಿಚ಼ ದಿಸ್ ಗಾಲಿವ್ನಾರ್; ತಸಾಸ್ ಮೀ ಜಾ಼ಯಾ ಪಾಯ್ಜೆತ್ಯಾ ಜಾ಼ಗ್ಯಾವ ತುಮಿ ಮನಾ ಲಾವುನ್ ದಿಯಾ ಮಜ಼ತ್ ಕರಾವಿ. 7 ಮೀ ಜಾ಼ಯಾಚಾ ಹ್ಯಾ ತೊಡ್ಯಾ ಯಳಾತ್ ತುಮಾನಾ ಬಗಾಯಾ ಮನ್ ಕರಿತ್ನಾಹಿ. ಪ್ರಭುಚಾ಼ ಹುಕುಮ್ ಜಾ಼ಲಾತ ತುಮ್ಚಿಪ ಥೊಡೆರೊಜ್ ರಾಹ್ಯಾ ಮನ್ ಕರ್ತೊ.

8 ಪಂಚಾಶತ್ತಮಾಚಾ*16:8 ವಲಾಂಡ್ಯಾಚಾ ಸನಾ ದರ್ನಿ ಪನ್ನಾಸ್‌ವ್ಯಾ ದಿಸಾ ಪರ‍್ಯಾತ್ ಕರ್ತ್ಯಾಲ್ಯಾ ಸನಾಲಾ ಪಂಚಶತಮಾನ್ ಮಂಥ್ಯಾತ ದಿಸಾಚಾ ಸನಾ ಪರತ್ ಎಫೆಸಾತ್ ರಾತೊ; 9 ಕಾಮಂಝೆ ಸೇವೆ ಕರಾಯಾ ಚಾ಼ಂಗ್ಲಾ ಅವ್ಕಾಸ್ ಗಾವಲ್ಯಾ. ತಸಸ್ ವಾದಿ ಖುಬ್ ಜಾ಼ನ್ ಹಾತ.

10 ತಿಮೊಥೆ ಆಲ್ಯಾವ ತ್ಯೊ ತುಮ್ಚಿಪ ಭೆ ನಸ್ತಾನಾ ರಾಹಿಜೊ಼ಗಾ ಬಗಾ; ತ್ಯೊ ಸಾಯಿತ್ ಮಾಜೆಗತುಸ್ ಪ್ರಭುಚಿ ಸೇವಾ ಕರ್ತ್ಯೊ ನವ್ಹ. 11 ಮನ್ಹುನ್ ಕುನಿಸ್ ತ್ಯಚಾ಼ ನಕಾರ್ ಕರುನಾಹಿ. ತ್ಯೊ ಮಾಜಿಪ ಯಯಿಜೊ಼ಗಾ ತ್ಯಲಾ ಥಂಡ್ಪನಾನಿ ಲಾವುನ್ ದೇವಾ; ತ್ಯೊ ಬಾವ್ಹಾಚೆ ಸಂಗ ಯತ್ಯೊ ಮನ್ಹುನ್ ವಾಟ್ ಬಕ್‌ತ್ಯೊ.

12 ಬಾವ್ಹು ಅಪೊಲೊಸಾಚೆ ಗುಶ್ಟಿತ್; ತ್ಯೊ ಬಾವ್ಹಾಂಚೆ ಸಂಗ ತುಮಾನಾ ಭೇಟ್ ಕರಾಯಾ ವ್ಹಯಿತ ಮನ್ಹುನ್ ಮೀ ಖುಬ್ ತರನಿ ತ್ಯಲಾ ಉಮೆದ್ ದಿಲೆ. ಫನ್ ತ್ಯನಿ ಆತಾ ಯಯಿತ್ನಾಹಿ ಮನ್ಹುನ್ ನಿರ್ಧಾರ್ ಕೇಲಾ. ಫನ್ ಚಾ಼ಂಗ್ಲಾ ಅವ್ಕಾಸ್ ಗಾವ್ಲಾಕಿ ಯನಾರ್.

ಸರ್ತ್ಯಾ ಬೊಲ್ಯಾ

13 ಜಾ಼ಗ್ರುತ್ ರಾವ್ಹಾ, ಕ್ರಿಸ್ತಾಚಾ ಇಸ್ವಾಸಾತ್ ಗಟ್ ಉಬಿರಾವ್ಹಾ. ಧೀರ್ ಗೆವ್ಹಾ, ಬಳ್ ಗೆವ್ಹಾ. 14 ತುಮಿ ಕರ್ತ್ಯಾಲ ಸಗ್ಳ ಮಾಯಾನಿ ಕರಾ.

15 ಸ್ತೆಪಾಚಾ ಗರಾತ್ಲಿ ಅಖಾಯಾತ್ಲಿ ಪೈಲ ಇಸ್ವಾಸಿ ಮನ್ಹುನ್ ಆನಿ ತೀ ದೇವಾಚಾ ಲೊಕಾಂಚೆ ಸೇವೆಸಾಟಿ ಆಪ್‌ಲ್ಯಾಲಾ ದಿಲ್ಯಾ ಮನ್ಹುನ್ ತುಮಾನಾ ಠಾವ ಹಾ. 16 ಮೀ ತುಮ್ಚಿಪ ಮಾಗಾಚ಼ ಕ್ಯಾ ಮಂಜೆ, ಸೇವೆತ್ ಲೊಕಾನಾ ಮಜ಼ತ್ ಕರ್ತ್ಯಾಲ ಆನಿ ಖಟ್ಪಟ್ ಕಾತ್ಯಾಲ್ಯಾಂಚೆ ಸಗ್‌ಳ್ಯಾಂಚೆ ಸಂಗ ಕಾಮ್ ಕರಾ. ತುಮಾನಾ ತುಮಿಸ್ ಒಪ್ಸುನ್ ದೆವಾ.

17 ಸ್ತೆಫಾ, ಪೊರ್ತುನಾತೊಸ್, ಅಖಾಯಿಕ್ ಆಲ್ಯಾಲ ಮನಾ ಖುಬ್ ಆನಂದ್ ಜಾ಼ಲಾ. ತುಮ್ಚಿಪ್ನಿ ಜಾ಼ಲ್ಯಾಲಿ ಲುಕ್ಶಾನ್ ತ್ಯಂಚಾನಿ ಬರ್ಲಿ. 18 ತ್ಯಂಚಾನಿ ಮಾಜ಼ ಆತ್ಮ ಆನಿ ತುಮ್ಚಿ ಆತ್ಮಿ ಥಂಡ್ ಕೆಲಿತ ನವ್ಹ. ಆಸ ಆಸ್ತಾನಾ ಆಸ್‌ಲ್ಯಾನಾ ವಳಕ್ ಕರಾ.

19 ಆಶೆ ಸೀಮಚಾ ಸಭೆಚಿ ತುಮಾನಾ ಇಚಾರತ್ಯಾತ. ಅಕ್ವಿಲ್ ಆನಿ ಪ್ರಿಸ್ಕಿಲ್ಲ್ ಆಪ್‍ಲ್ಯಾ ಗರಾತ್ ಮಿಳ್‌ತ್ಯಾಲೆ ಸಭೆತ್‍ಲ್ಯಾಂಚೆ ಸಂಗ ಪ್ರಭುಚಾ ನಾವಾನಿ ಖುಬ್ ತುಮಾನಾ ಇಚಾರ್ತ್ಯಾತ. 20 ಬನ್ಹಿ ಬಾಹು ಸಗ್ಳ ತುಮಾನಾ ಬಾತ್ನಿ ಸಾಂಗತ್ಯಾತ.

ಯಕಾಮಕಾಲಾ ಬೆಠಾ ಆನಿ ಬಾತ್ನಿ ಇಚಾರಾ.

21 ಪೌಲ್ ಮಂತ್ಯಾಲಾ ಮೀ ಮಾಜಾ ಹಾತಾನಿ ವಂದನ್ ಲಿವ್‌ಲ್ಯಾ.

22 ಕುನಿ ತರಿ ಪ್ರಭುಚಿ ಮಾಯಾ ಕಿಲಿನಾಹಿತ ತ್ಯೊ ಸರಾಪ್ ಆಸ್ನಾರಾ ವ್ಹವ್ಹುನಿ. ಆಮ್ಚಾ ಪ್ರಭು ಎ!

23 ಪ್ರಭು ಯೇಸು ಕ್ರಿಸ್ತಾಚಿ ಕ್ರಪಾ ತುಮ್ಚಿ ಸಂಗ ರಾಹುನಿ

24 ಕ್ರಿಸ್ತ ಯೇಸುಪ ಮಾಜಿ ಮಾಯಾ ತುಮ್ಚಿ ಸಂಗ ರಾಹುನಿ. ತಸಸ್ ವ್ಹವುನಿ.