1 ಕೋರಿಂಥ್ 7

32 ಫನ್ ತುಮಿ ಚಿಂತಾ ನಸ್‍ಲ್ಯಾಲಿ ವ್ಹವುನ್ ರಾಯಾ ವ್ಹಯಿಸಾ ಮನ್ಹುನ್ ಮಾಜ಼ ಮನ್. ಲಗಿನ್‍ ಜಾ಼ಲ್ಯಾ ನಸಲ್ಯಾಲಾ ಆಪ್ನು ಪ್ರಭುಲಾ ಕಸಾ ಆವ್ಡಾಯಾ ವ್ಹಯಿ ಮನ್ಹುನ್ ಪ್ರಭುಚಾ ಕಾಮಾಂಚೆ ಗುಸ್ಟಿತ್ ಚಿಂತಾ ಕರ‍್ತೊ. 33 ಫನ್ ಲಗಿನ್‍ ಜಾ಼ಲ್ಯಾಲಾ ಆಪ್ಲೆ ದನ್ಗರಿಲಾ ಕಸಿ ಆವ್ಡಾಯಾ ಪಾಯ್ಜೆ ಮನ್ಹುನ್ ಪ್ರಪಂಚಾತ್ಲೆ ಗುಸ್ಟಿಂಚಿ ಚಿಂತಾ ಕರ‍್ತೊ. 34 ತಸಸ್ ಲಗಿನ್ ಜಾ಼ಲ್ಯಾನಸ್‌ಲ್ಯಾಲಿಲಾಬಿ, ಕನೆಲಾ ಫರಕ್ ಹಾ. ಲಗಿನ್‍ ಜಾ಼ಲ್ಯಾ ನಸ್‍ಲ್ಯಾಲಿ ಆಪ್ನು ಶರೀರ್ ಆತ್‍ಮ್ಯಾನಿ ಕಸಿ ಪವಿತ್ರ ರಾಹ್ಯಾವ್ಹಯಿ ಮನ್ಹುನ್ ಪ್ರಭುಚೆ ಗುಸ್ಟಿತ್ ಚಿಂತಾ ಕರ‍್ತಿ. ಫನ್ ಲಗಿನ್‍ ಜಾ಼ಲ್ಯಾಲಿ ಆಪ್‍ಲ್ಯಾ ಘ್ವಾಲಾ ಕಸಿ ಆವ್ಡಾಯಾ ಮನ್ಹುನ್ ಪರಪಂಚಾಚಿ ಚಿಂತಾ ಕರ‍್ತಿ. 35 ಮೀ ತುಮಾನಾ ಬಳ್‍ಜು಼ರಿನಿ ಹ್ಯ ಸಾಂಗತ್ಯಾಲೊ ನಾಹಿ. ತುಮಿ ಚ಼ಂಚ಼ಳ್ಮನಾಚ಼ ವ್ಹಯಾಚೆಆಂದಿ ಪ್ರಭುಲಾ ಚಾ಼ಂಗ್ಲ ವ್ಹವುನ್, ಮನ್‍ ಆಸ್‍ಲ್ಯಾಲ ವ್ಹವುನ್ ನಿಸ್ಟುರಾನಿ ಚಾ಼ಲಾವ್ಹಯಿಸಾ ಮನ್ಹುನ್ ತುಮ್ಚಾ ಫ್ಯಾಯ್‍ದ್ಯಾಸಾಟಿಸ್ ಸಾಂಗ್‍ತ್ಯೊ.