1 ಕ್ರಿಸ್ತಾನಿ ಆಮ್ಚಿ ಸಾಟಿ ಆಪ್‌ಲ್ಯಾ ಶರೀರಾತ್ ತರಾಸ್ ಖಾಲಾ ಮನ್ಹುನ್ ತುಮಿ ಸಾಯಿತ್ ತೆಸ್ ತರನಿ ತರಾಸ್ ಖಾಯಾ ತಯಾರ್ ವ್ಹವಾ. ಕಾ ಮಂಜೆ ಶರೀರಾತ್ ತರಾಸ್ ಖಾಲ್ಯಾಲಾ ಪಾಪ್ ಕರ್ತ್ಯಾಲ ಥಾಂಬಿವ್‍ಲ್ಯಾಲಾ ಜಾ಼ಲ್ಯಾ. 2 ಮನ್ಹುನ್ ರಾಯಲ್ಯಾಲ ಅಪ್ಲಾ ಜೀವ್ ಆಸಪರತ್ ಆನಿ ಮಾನ್ಸಾಚೆ ಆಶೆ ಶಾರ್ಕಾ ಜೀವ್ನಾ ಕರಾಯಾ ಯತ್ನ ಕರ್ನಾರ್. 3 ತುಮಿ ಅವಮಾನ್, ಬುರ್ಸಿ ಆಶಾ, ಪಿದೊಡಫನ್, ದೌಂದವಫನ, ಪಿವುನ್ ಬೊಲಾಚ಼, ಪಾಶಾನ ಪುಜಾ಼ಚಿ, ಹ್ಯ ಸಗ್ಳ ಚಾ಼ಲ್ವಾಚಾತ್ಬಿ ದುಸ್‌ರ‍್ಯಾ ಲೊಕಾನಾ ಆವ್ಡಸಾರಿ ಬುರ್ಸಿ ಕಾಮ ಕರ್ತ್ಯಾಲ್ಯಾತ್ ಯೊಳ್ ಕ್ಯಾಡ್‌ಲ್ಯಾಲಾ ಪುರ. 4 ತ್ಯಂಚಾನಿ ಕೆಲ್ಯಾಲ್ಯಾ ಖುಬ್ ಪಟಿಂಗ್ಪನಾತ್ ತುಮಿ ಮಿಸಳಾಚೆ ಆಂದಿ ಹಾಸಾ ಮನ್ಹುನ್ ತೀ ಆಜಾಬ್ ವ್ಹವುನ್ ತುಮಚಾ಼ ರಾಗ್ ಕರ್‌ತ್ಯಾತ. 5 ತೀ ಜಿತ್ತಿ ಆಸ್‌ಲ್ಯಾಲ್ಯಾನಾಬಿ ಮೇಲ್ಯಾಲ್ಯಾನಾಬಿ ನ್ಯಾಯಿ ನಿವ್ಡಾಯಾ ತಯಾರ್ ಆಸ್‌ಲ್ಯಾಲ್ಯಾಲಾ ಉತ್ತರ್ ದಿಯಾವ್ಹಯಿ. 6 ಮೇಲ್ಯಾಲಿ ಮಾನ್ಸಾಚೆ ಜಾ಼ತಿಲಾ ಯತ್ಯಾಲ್ಯಾ ಮರಾನ್ ಮಂಥ್ಯಾಲಾ ತಿರ್ಮಾನ್ ಶರೀರಾನಿ ಆಸ್ತಾನಾ ಗೆತಲ್ಯಾ. ತೀ ಆತ್‌ಮ್ಯಾನಿ ದೇವಾಚೆಗತ್ ಜೀವ್ನಾ ಕರಾಯಾಸಾಟಿ ತ್ಯನಾಬಿ ಬರಿಖಬರ್ ಸಾಂಗ್ಲಿ.

7 ಸಗ್‌ಳ್ಯಾಚ಼ ಸರ್ತ ಜ಼ವಳ್ ಜಾ಼ಲ್ಯಾ. ಮನ್ಹುನ್ ತುಮಿ ಆತ್ಮಿ ತಾಬ್ಯಾತ್ ದರುನ್ ಕವಾಬಿ ಮಾಗ್‌ನ್ಯಾಲಾ ತಯಾರ್ ಆಸ್‌ಲ್ಯಾಚೆಗತ್ ಥಂಡ್ಪನಾನಿ ರಾವ್ಹಾ. 8 ಸಗ್‌ಳ್ಯಾಂಚೆ ಆಂದಿ ತುಮ್ಚಾ ತುಮ್ಚಾತ್ ಇಸ್ವಾಸಾಚಿ ಮಾಯಾ ರಾಹುನಿ. ಮಾಯಾ ಖುಬ್ ಪಾಪ ಜಾಕ್ತಿ. 9 ಟುರಟುರಾಚೆ ಆಂದಿ ಯಕಾಮಕಾಚಿ ಚಾ಼ಕ್ರಿ ಕರಾ. 10 ತುಮಿ ಸಗ್ಳಿ ದೇವಾಚಾ ತರತರಚಾ ವರಾಂಚೆ ಗುಸ್ಟಿತ್ ಚಾ಼ಂಗ್ಲೆ ಪಾರ್ಕಿಚಿ ವ್ಹವುನ್ ಪರ್ತೆಕಾನಿ ಆಪ್ನು ಗೆತಲ್ಯಾಲ ಕ್ರುಪೆಚೆ ವರ್ ಸಗ್‍ಳ್ಯಾಂಚೆ ಸೇವೆತ್ ವಾಪ್ರುನಿ. 11 ಯೊಕ್ ಸಾಂಗ್ನಾರಾ ಜಾ಼ಲಾತ ದೇವಾಚಿ ವಚ಼್ನ ಸಾಂಗಿತ್ ರಾಹುನಿ. ಯೊಕ್ ಸೇವಾ ಕರ್ನಾರಾ ಜಾ಼ಲಾತ ದೇವಾಚಾ ಬಳಾಶಾರ್ಕಾ ಕರುನಿ. ಹ್ಯಾ ಸಗ್‌ಳ್ಯಾನಿ ಯೇಸು ಕ್ರಿಸ್ತಾಸ್ಲಾಗುನ್ ದೇವಾಲಾ ಸ್ತೊತ್ರ ವ್ಹನಾರ್. ಯೇಸುಕ್ರಿಸ್ತಾಲಾ ಮೈಮಾ ಆನಿ ಮರ‍್ಯಾದ್ ಸರ್ವ್ಯಾ ಕಾಲಾತ್ ರಾನಾರ್ ತಸಸ್ ವ್ಹವುನಿ.

12 ಮಾಯೆಚಾನು, ತುಮ್ಚಿ ಪರಿಕ್ಷಾ ಕರಾಯಾ ಸಾಟಿ ಇಸ್‌ತ್ಯಾಂಚಿ ಪರಿಕ್ಷಾ ಯತಾನಾ ತುಮಿ ಆಜಾಬ್ ವ್ಹವು ನಕೊಸಾ. ಖುಬ್ ಗುಸ್ಟಿ ಯತಿಲಾ ಮನ್ಹುನ್ ಸಮಜು಼ನ್ ಗಿಹುನಕೊಸಾ. 13 ಫನ್ ತುಮಿ ಕ್ಯವಡ್ಯಾ ಪರತ್ ಕ್ರಿಸ್ತಾಚಾ಼ ತರಾಸ್ ಖಾನಾರ ಜಾ಼ಲ್ಯಾಸಾ ತ್ಯವ್‌ಡ್ಯಾ ಪರತ್ ಸಂತೊಸ್‌ ವ್ಹವಾ. ಮನ್ಹುನ್ ತ್ಯಚಿ ಮೈಮಾ ದಿಸ್ತಾನಾ ತುಮಿ ಸಂತೊಸ್‌ ವ್ಹವಾ. 14 ತುಮಾನಾ ಕ್ರಿಸ್ತಾಚಾ ನಾವಾಸ್ ಲಾಗುನ್ ಆವ್ಮಾನ್ ವ್ಹಯಿತ್ ಆಸ್ಲಾಸಾತ ತುಮಿ ಬರ. ಮೈಮೆಚ಼ ಆತ್ಮ ಜಾ಼ಲ್ಯಾಲ ದೇವಾಚ಼ ಆತ್ಮ ತುಮ್ಚಿಪ ಹಾ ನವ್ಹ. 15 ತುಮ್ಚಿಪ ಕೊನ್‌ತರಿ ಖುನ್ಸಿ, ಚೊ಼ರ್, ನಿಚ಼್, ದುಸ್‌ರ‍್ಯಾಚಾ ಕಾಮಾತ್ ಡುಯಿ ಗಾಲುನ್ ಗುನ್ಹದಾರ್ ವ್ಹವುನಾಹಿ. 16 ಫನ್ ಕ್ರಿಸ್ತ ವ್ಹವುನ್ ತರಾಸ್ ಖಾಲ್ಯಾವ ತ್ಯೊ ಲಾಜಾ಼ಚೆ ಆಂದಿ ತ್ಯಾ ನಾವಾನಿಸ್ ದೇವಾಲಾ ವವ್ಯಾಳುನಿ.

17 ನ್ಯಾಯಿ ನಿವ್ಡಾಚಾ಼ ಯೊಳ್ ಆಲ್ಯಾ. ತ್ಯೊ ಯೊಳ್ ದೇವಾಚಾ ಘರಾತುಸ್ ಸುರು ಜಾ಼ಲ್ಯಾ ನವ್ಹ. ತ್ಯೊ ತುಮ್ಚಿಪ ಸುರು ವ್ಹಯಾಚಾ಼ ಆಸ್ಲಾತ, ದೇವಾಚೆ ಬರೆ ಖಬ್ರಿವ ಇಸ್ವಾಸ್ ನಸ್‌ಲ್ಯಾಲ್ಯಾಚ಼ ಸರ್ತ ಕಸ ಹಾ? 18 ನೀಯತಿಚಾ಼ ರಕ್ಷನ್ ಗಿಹ್ಯಾಚಾ಼ ತರಾಸ್ ಜಾ಼ಲ್ಯಾವ, ಭಕ್ತಿ ನಸ್‌ಲ್ಯಾಲ್ಯಾನಿ ಆನಿ ಪಾಪಿನಿ ರಕ್ಷನ್ ಗಿಹ್ಯಾಚ಼ ಕಸ? ಮನ್ಹುನ್ ವಚ಼ನಾತ್ ಲಿವ್‌ಲ್ಯಾ.

19 ಆಸ ಆಸ್ಥಾನಾ ದೇವಾಚಾ ಮನಾ ಶಾರ್ಕಾ ತರಾಸ್ ಖಾನಾರಿ ಚಾ಼ಂಗ್ಲ ಕರುನ್ ಆಪ್ಲಿ ಆತ್ಮಿ ಇಸ್ವಾಸಾಚಾ ಉತ್ಪತಿಚಾ ಪ್ರಭುಪ ದಿವುನಿ.