1 ಮಾಥಾರ‍್ಯಾನಾ ಜೊ಼ರ್ ಕರುನೊಕೊ ತ್ಯನಾ ತುಜ಼ ಬಾಸ ಮನ್ಹುನ್ ಸಮಜು಼ನ್ ತ್ಯಂಚಿ ಸಂಗ ಬೊಲ್. ತುಜಿವ್ನಿ ಬಾರಿಕ್ ಆಸ್‌ಲ್ಯಾಲ್ಯಾ ತರ್‌ನ್ಯಾ ಪ್ಯೊರ್‌ಗ್ಯಾನಾ ಬಾವ್ಹಾಚೆಗತ್ 2 ಮಾಥಾರ‍್ಯಾ ಬ್ಯಾಯ್ಕಾನಾ ಆಯಿಂಚೆಗತ್ ತರ್ನ್ಯಾ ಬ್ಯಾಯ್ಕಾನಾ ಭನ್ಹಿಂಚೆಗತ್ ಸಮಜು಼ನ್ ತ್ಯನಾ ವ್ಹಯಿತಿ ಬುದಿ ಸಾಂಗ.

3 ವಿದ್ವೆನಾ ಖುಬ್ ಮರ‍್ಯಾದ್ ದೇ ಕಾ ಮಂಜೆ ತ್ಯನಾ ತ್ಯ ಅವಶಾ ಹಾ. 4 ಫನ್ ಕಚೆ ವಿದ್ವೆಲಾ ಪೊರ ಕಿವಾ, ನಾತ್ರ ಆಸ್‌ಲ್ಯಾವ, ತ್ಯಂಚಾನಿಸ್ ಆಂದಿ ಆಪಲ್ಯಾ ಗರ‍್ಹಾತಲ್ಯಾನಾ ಬಕ್ತಿ ದಾವಾಯಾ ಆಪ್ಲೆ ಆಯಿ ಬಾಲಾ ಉಪ್ಕಾರ್ ಶಿಕುಂತ. ಹ್ಯ ದೇವಾಲಾ ಆವಾಡ್ತ. 5 ಯೇಕ ವಿದ್ವೆಲಾ ಖರ‍್ಯಾನಿ ಮಜ಼ತ್ ಕರ್ತ್ಯಾಲ ನಸ್ಥಾನಾ ಯಕ್ಲಿಸ್ ಆಸ್ಲಿತ, ತೀ ಆಪ್‌ಲ್ಯಾಲಾ ಮಜ಼ತ್ ರಾಕಾಯಾ ದೇವಾವ ಇಸ್ವಾಸ್ ಥೆವ್ನಾರ್. ತೀ ಆಪ್ಲಿ ಆಶಾ ದೇವಾವ ಥಿವ್ತಿ ಆನಿ ಕವಾಬಿ ಮಾಗ್ನ ಕರೀತ್ ರ‍್ಯಾತ್ ದಿಸ್ ಮಜ಼ತ್ ಮಾಗ್ತಿ. 6 ಫನ್ ವಿದವೆ ಜಾ಼ಲ್ಯಾಲಿನಿ ಆಪ್ಲಿ ಶಾರಿರಿಕ್ ಹಾವುಸ್‌ ಫಾರಿಕ್ ಕರಾಯಾ ಸಾಟಿ ಆಪ್ಲಾ ಜೀವ್ನಾ ಉಪೇಗ್ ಕರುನ್ ಗೆತ್ಲಾತ ತೀ ಜಿತ್ತಿ ಆಸುನ್ಬೀ ಮೇಲ್ಯಾಚೆಗತ್. 7 ವಿದವೆ ನಿಮದತ್ ಗಾವ್ಹುನಾಹಿ ಆಶಾ ಹ್ಯಾ ಗುಸ್ಟಿ ಸಾಂಗ್. 8 ಕಚಾನಿ ತರಿ ಆಪ್‌ಲ್ಯಾ ಸ್ವತಾಚಾ ಲೊಕಾನಾ ಮಜ಼ತ್ ಕೆಲ್ಯಾ ನಸ್‌ಲ್ಯಾವ ತ್ಯನಿ ಕ್ರಿಸ್ತಾವ್ಲಾ ಆಪ್ಲಾ ಇಸ್ವಾಸ್ ಸುಡುನ್ ದಿಲ್ಯಾಲಾ ಆನಿ ಇಸ್ವಾಸ್ ನಸ್‌ಲ್ಯಾಲ್ಯಾವ್ನಿಬೀ ಕಾಲಚಾ಼ ಜಾ಼ಲ್ಯಾ.

9 ವಿದ್ವೆಂಚೆ ಪಟ್ಟಿತ್ ಮಿಸಳ್ಯಾಲ್ಯಾ ವಿದ್‌ವ್ಯಾ ವಯೆತ್ ಸಾಟ್ ವರ್ಸಾಚೆ ವರ್ ರಾಹ್ಯಾ ವ್ಹಯಿತಾ. ತಸ್ಲಿ ಯಕಾಸ್ ಘ್ವಾಚಿ ದನ್ಗರ್ ವ್ಹವುನ್, 10 ಚಾ಼ಂಗ್ಲ ಕರಾಚಾ಼ ತಿಚಾ಼ ಸ್ವಬಾವ್ ರಾಹ್ಯಾ ವ್ಹಯಿ ಆನಿ ಪೋರಾನಾ ಚಾ಼ಂಗ್ಲ ಸಿಕ್ವಾಯಾ ವ್ಹಯಿ ಅತೀತಿ ಸತ್ಕಾರಿ ಕರ್ತ್ಯಾಲಿ ರಾಹ್ಯಾ ವ್ಹಯಿ ದುಸ್‍ರ‍್ಯಾ ಇಸ್ವಾಸಿಂಚೆ ಸಂಗ ಥಂಡ್ಫನಾನಿ ರಾಥ್ಯಾಲಿ ವ್ಹಯಾವ್ಹಯಿ ತರಾಸಾತ್ ಆಸ್‌ಲ್ಯಾಲ್ಯಾನಾ ಮಜ಼ತ್ ಕರ್ತ್ಯಾಲಿ ರಾಹ್ಯಾ ಚಾ಼ಂಗಲ್ಯಾ ಕಾಮಾತ್ ಆಪ್‌ಲ್ಯಾಲಾ ವಪ್ಸುನ್ ದಿಲ್ಯಾಲಿ ರಾಹ್ಯಾ ವ್ಹಯಿ

11 ಆಪ್ಲೆ ಆಶೆನಿ ಕ್ರಿಸ್ತಾಪ ಆಸ್‌ಲ್ಯಾಲಾ ಆಪ್ಲಾ ಸಬ್ದ ಸುಡುನ್ ದಿತಿ 12 ಕ್ರಿಸ್ತಾಲಾ ದಿಲ್ಯಾಲಾ ಸಬ್ದ ಇಸ್ರುನ್ ಜಾ಼ತ್ಯಾತಾ ಆನಿ ತ್ಯಚಾ಼ ತೀರ್ಮಾನ್ ತ್ಯನಾ ವ್ಹನಾರ್. 13 ಯವ್ಡಸ್ ನವ್ಹ ತ್ಯಾ ಗರ‍್ಹಾ ಗರ‍್ಹಾತ್ನಿ ಫಿರತ್ ಆಪ್ಲ ದೀಸ್ ಗಾಲಿವತ್ಯಾತಾ ನಕೊತಸ್‌ಲ್ಯಾ ಬೊಲ್ಯಾ ಬೊಲತ್ ದುಸ್‌ರ‍್ಯಾಚಾ ಜಿವ್ನಾತ್ ಡುಯಿ ಗಾಲ್ಹುನ್ ಯೋಳ್ ಗಾಲಿತ್ ರಾಥ್ಯಾತಾ. ನಕೊ ತಸ್‌ಲ್ಯಾ ಗುಶ್ಟಿ ಸಾಂಗಿತ್ ಆಸ್‌ತ್ಯಾತಾ. 14 ಮನ್ಹುನ್ ದ್ಯಾನ್‌ಗ್ಯಾ ವಿದ್ವೆನಾ ಲಗಿನ್ ಕರುನ್ ಗಿಹುನ್ ಪೊರ ವ್ಹವುಂತ ಆನಿ ಆಪ್ಲಿ ಗರ‍್ಹ ಕರುನ್ ರಾಹುಂತಾ ತವಾ ತ್ಯನಾ ಹಿರ್ಮಟಾಯಾ ಆಮ್ಚಾ ವಾದಿನಾ ಕಸ್ಲಾಸ್ ನೇವಾ ರಾಹಿತ್ನಾಹಿ. 15 ಫನ್ ಥೊಡ್ಯಾ ವಿದ್ವೆಂಚಾನಿ ಆಪ್‌ಲ್ಯಾ ವಾಟಾ ಸುಡುನ್ ಸೈತಾನಾಚೆ ಮಾಗ್ನಿ ಲಾಗ್‌ಲ್ಯಾತಾ

16 ಫನ್ ಇಸ್ವಾಸಿ ಜಾ಼ಲ್ಯಾಲ್ಯಾ ಬ್ಯಾಯ್ಕಾಮಾನ್ಸಾಂಚಾ ಕುಟ್ಮಾತ್ ವಿದ್ವೆ ಆಸಲ್ಯಾತ, ತ್ಯಂಚಾನಿ ಬಾಳ್ಗಾಚ಼ ವಜ಼ ಸಭೆವ ದಿವುನಾಹಿ. ತವಾ ಖರ‍್ಯಾನಿ ಗರಜ಼್ ಆಸ್‍ಲ್ಯಾಲ್ಯಾ ವಿದ್ವೆನಾ ಮಜ಼ತ್ ಕರಾಯಾ ಸಬೆಲಾ ವ್ಹನಾರ್.

17 ಚಾ಼ಂಗಲಾ ಆದಿಕಾರ್ ಚಾ಼ಲಿವತ್ಯಾಲ್ಯಾ ಸಬೆಚಾ ಜಾಂತ್ಯಾನಾ, ತ್ಯಂಚಾತ್ ವಿಶೆಸ್ ಕರುನ್ ದೆವಾಚ಼ ವಾಕ್ಯಾ ಸಾಂಗಾಚಾತ್ ತರಾಸ್ ಖಾತ್ಯಾಲ್ಯಾನಾ ದೊನ್ಪಟ್ ಮರ‍್ಯಾದಿಲಾ ಯೊಗ್ಯ ಮನ್ಹುನ್ ಯವಜಾ಼ಯಾ ವ್ಹಯಿ. 18 ಕಾ ಮಂಜೆ ಮಳ್ನಿತ್‌ಲ್ಯಾ ಬೈಲಾಂಚ಼ ತೊಂಡಾಲಾ ಮುಸ್ಕ ಗಾಲ್ಹು ನಾಹಿ ರಾಬ್‌ತ್ಯಾಲ್ಯಾ ಆಳಾಚಿ ಶಾರ್ಕಿ ಕುಲ್ ಗಾವ್ಹಾಯಾ ವ್ಹಯಿ ಮನ್ಹುನ್ ಪವಿತ್ರ ಗ್ರಂಥಾತ್ ಸಾಂಗ್ತ.

19 ಸಭೆಚಾ ಜಾಂತ್ಯಾಂಚಿ ಕುನಿತರಿ ಚ಼ುಕ್ ಸಾಂಗ್ಲಿತ ದೋಗ ನಾಹಿತ ತೀಗ ಸಾಕ್ಷಿ ನಸ್ಥಾನಾ ತ್ಯಚೆ ಬುಲಿಲಾ ಕಾನ್ ದಿವು ನಕೊಸ್. 20 ಪಾಪ್ ಕರ್ತ್ಯಾಲ್ಯಾ ಲೊಕಾನಾ ಸಭೆತ್ ಸಗ್‍ಳ್ಯಾಂಚೆ ಮೊರ‍್ಹಸ್ ದಪ್‌ಕ್ಯಾವ್ ತವಾ ಸಗ್‌ಳ್ಯಾನಾ ತಾಕಿತ್ ದಿಲ್ಯಾಚೆಗತ್ ವ್ಹನಾರ್.

21 ದೇವ್ ಆನಿ ಕ್ರಿಸ್ತ ಯೇಸು ಪರಿಶುದ್ದ ದೇವ್ ದುತಾಂಚೆ ಮೊರ‍್ಹ ಮೀ ಖರ‍್ಯಾನಿ ಆದೇಶ್ ಕರ್ತೊ ಕಸ್ಲಾ ಬೇದ್ಭಾವ್ ನಸ್ಥಾನಾ ಆನಿ ಕುನಾಚಿ ಪರವಾನ್ಗಿ ನಸ್ಥಾನಾ ಹ್ಯಾ ಬೊಲ್ಯಾ ಚಾ಼ಲಿವ್. 22 ಪ್ರಭುಚಾ ಕಾಮಾಸಾಟಿ ತು ತುಜಾ಼ ಹಾತ್ ಕುನಾವ ತರಿ ಥಿವುನ್ ತ್ಯಲಾ ಸಬೆಚಾ಼ ಜಾಂತಾ ಕರುನ್ ನಿವ್ಡಾಚೆ ಆಂದಿ ಧ್ಯಾನ್ ಥಿವುನ್ ಇಚಾರ್ ಘೆ ದುಸ್‌ರ‍್ಯಾ ಲೊಕಾಂಚಾ ಪಾಪಾತ್ ಮಿಳುನಾಹಿ ಆಸಾ ನಿರ್ಮಳ್ ವ್ಹವುನ್ ರ‍್ಹಾ.

23 ನಿಸ್ಥ ಪಾನಿ ತ್ಯವ್ಡಸ್ ಪಿವುನಕೊ ತುಲಾ ಶಾರ್ಕ ಜಿರವ್ನಿ ವ್ಹಯಾ ಥೊಡಾ ಥೊಡಾ ದರಾಕ್ಶಿಚಾ಼ ರಸ್ ಪಿ. ತು ಖುಬ್ ಖೆಪಾ ಸೀಕ್ ಪಡ್ತೊಸ್.

24 ಥೊಡ್ಯಾ ಲೊಕಾಂಚಿ ಪಾಪ ವರುಸ್ ದಿಸತ್ಯಾತ. ತ್ಯಂಚಾ಼ ನ್ಯಾಯಿತಿರ‍್ಮಾನ್ ವ್ಹನಾರ್ ಮನ್ಹುನ್ ತ್ಯಂಚಿಸ್ ಪಾಪ ದಾವುನ್ ದೇತ್ಯಾತ. ಫನ್ ಕಾಯ್‌ ಥೊಡ್ಯಾ ಲೊಕಾಂಚಿ ಪಾಪ ಥೊಡ್ಯಾ ಯಳಾನಿ ಸಮಾಸ್‌ತ್ಯಾತ. 25 ತಸಸ್ ಥುಡಿ ಚಾ಼ಂಗ್ಲಿ ಕಾಮ ದಿಸತ್ಯಾತ. ದುಸ್ರಿ ಥುಡಿ ಕಾಮ ದಿಸಲಿ ನಾಹಿತ ತರಿ ದಡತ್ ನಾಹಿತ.