2 Pedro 2

ಲಬಾಡ್ ಸಿಕಿವ್‌ತ್ಯಾಲ

1 ಫನ್ ಇಸ್ರಾಯೇಲ್ ಲೊಕಾಂಚೆ ಸಂಗ ಲಬಾಡ್ ಪ್ರವಾದಿ ಸಾಯಿತ್‍ ಹುತ್ತ. ತಸಸ್ ತುಮ್ಚೆ ಮದ್ಧಿ ಲಬಾಡ್ ಸಿಕಿವ್ನಾರ ಹಾತ. ತೇ ನಾಶಾಡಿಚಿ ಬುರ್ಸಿ ಸಿಕಿವ್ನಿ ಚು಼ರುನ್ ಆತ್‍ ಆನ್ನಾರ್ ಆಪ್‍ಲ್ಯಾಲಾ ಶೊಡ್‌ಲ್ಯಾಲ್ಯಾಲಾ ನಕಾರ್ ಕರ್ನಾರಿ ವ್ಹವುನ್ ಬಿಗಿನಿ ಆಪ್ಲಿವ ನಾಸ್ ವಡುನ್ ಗೆನಾರ್. 2 ತ್ಯಚೆ ಬುರ್ಸೆ ವಾಟವ ಖುಬ್ ಜ಼ನ ಚಾ಼ಲ್ನಾರ್. ಹ್ಯಚಿಸ್ಲಾಗುನ್ ಖರೆ ವಾಟಚಿ ನಿಂದಾ ವ್ಹನಾರ್. 3 ತೀ ಪೈಶಾಚೆ ಆಶೆನಿ ಬನಾವಟ್ ಗುಸ್ಟಿ ರಚ಼ವಿತ್ ತುಮಾನಾ ಇಕುನ್ ಪ್ಯಾಯ್ದಾ ಕಾಡಾಯವ್ಹಯಿ ಮನ್ನಾರ. ಲಂದಿಚಾನಿ ತಸ್‌ಲ್ಯಾನಾ ಆಸ್‌ಲ್ಯಾಲೆ ಸಿಕ್ಷೆಚಾ಼ ತೀರ್ಮಾನ್ ಚು಼ಕಾಚೆ ಆಂದಿ ಯತ್ಯೊ. ತ್ಯನಾ ಯನಾರಾ ನಾಸ್ ಜೆಪಾಟಾಕಿತ್ನಾಹಿ.

4 ಕಸಾ ಮಂಜೆ ದೇವ್ದುತಾಂಚಾನಿ ಪಾಪ್ ಕೆಲ ತವಾ ದೇವಾನಿ ತ್ಯನಾ ಸೊಡಾಚೆಆಂದಿ ನರ‍್ಕಾತ್ ಡಕ್ಲುನ್ ನ್ಯಾಯಿಸಾಟಿ ಸರಪೊಳ್ಯಾನಿ ಬಾಂದುನ್ ಆಂದಾರಾತ್ ಗ್ಯಾತ್ಲ. 5 ತ್ಯನಿ ಬಕ್ತಿ ನಸಲ್ಯಾಲಿ ಪೈಲಿ ದುನ್ಯಾ ಉಗಸ್ಸೊಡಾಚೆಆಂದಿ ತ್ಯಂಚಿವ ಪಾನ್ಯಾಚಾ಼ ನಾಸ್ ಆನ್ಲಾ. ಫನ್ ನಿಯೆತಿಚಿ ಖಬರ್ ಸಾಂಗ್ನಾರ‍್ಯಾ ನೊಹಾಲಾ ಆನಿ ತ್ಯಚಿ ಸಂಗ ಆಸಲ್ಯಾಲ್ಯಾ ದುಸ್‌ರ‍್ಯಾ ಸಾತ್ ಲೊಕಾನಾ ತ್ಯವ್ಡಿಸ್ ಥೀವ್ಲಿತ. 6 ತ್ಯನಿ ಸೊದೊಮ್ ಗೊಮೊರ್ ಪ್ಯಾಟ್ ಜಾ಼ಳುನ್ ರಾಕ್ಕರುನ್ ಹಿತ್ನಿ ಮೊರ‍್ಹ ಬಕ್ತಿ ನಸಲ್ಯಾಲ್ಯಾಚೆಗತ್ ಜೀವ್ನಾ ಕರ್ನಾರ‍್ಯಾನಾ ಯನಾರಿ ಬುರ್ಸಿಗತ್ ದಾವಾಯಾ ಸಾಟಿ ಉದಾಹರನ್ ತ್ಯನಾ ಸಿಕ್ಷಾದಿಲಿ. 7 ಫನ್ ದೆವ್ ತೆ ಬುರ್ಶೆ ಅನೈತಿಕ್ ಚಾ಼ಲ್ನುಕಿಲಾ ರಡ್ಲಾ ನೀಯತಿಚಾ ಲೊಟಾ ಮಂಥ್ಯಾಲ್ಯಾಲಾ ರ‍್ಯಾಕ್ಲಾ. 8 ಕಾಮಂಜೆ ತ್ಯೊ ನೀಯತಿಚಾ಼ ಮಾನುಸ್ ತ್ಯಂಚೆ ಮದ್ದಿ ರಾಹುನ್ ತ್ಯಂಚಿ ಅನ್ಯಾಯಾಚಿ ಕಾಮ ಬಗಿತ್ ಐಕಿತ್ ತ್ಯಂಚಿಸ್ ಲಾಗುನ್ ಖಾಯಿಮ್ ಆಪ್‌ಲ್ಯಾ ನೀಯತಿಚಾ ಆತ್ಮಾತ್ ಖುಬ್ ರಡ್ಲಾ. 9 ಪ್ರಭು ಇಸ್ವಾಸಿನಾ ಪರಿಕ್ಷೆತ್ನಿ ರಾಕಾಯಾ ನಿಯತ್ ನಸ್‍ಲ್ಯಾಲ್ಯಾನಾ ಸಿಕ್ಷಾದಿಯಾ ಸಾಟಿ ನ್ಯಾಯಿಚಾ ದಿಸಾಪರತ್ ಥೆವ್ನಾರಾ ಜಾ಼ಲ್ಯಾ. 10 ಆಂದಿ ಶರೀರಾಚಿ ಲಾಜ಼್ ನಸಲಾಲೆ ಆಶೆತ್ ಚಾ಼ಲುನ್ ದೇವಾಚಿ ಪದ್ವಿ ನಕ್ವಾಟ್ ಕರ್ನಾರ‍್ಯಾನಾ ಆಸಾಸ್ ಸಿಕ್ಷಾದೆನಾರ್. ಹೀ ಕುನಾಲಾ ಬಿಹ್ಯಾಚೆ ಆಂದಿ ಮನಾತ್ ಯಯಿಲ್ತಸಿ ರಾತ್ಯಾತ. ಮೈಮಾಚೆ ಪದ್ವಿತ್ ಆಸಲ್ಯಾಲ್ಯಾನಾ ದೀರ‍್ಹಾನಿ ಸಿವ್ಯಾದೆತ್ಯಾತ. 11 ದೇವ್ದುತ್ ಬಳಾನಿ ಗಿನ್ಯಾನಾನಿ ಮೊಟ ಆಸ್ಲತರಿ ಪ್ರಬುಚೆ ಮೊರ‍್ಹ ತ್ಯಂಚೆ ಆಡ್ವ , ನಿಂದಾ ಸಾಂಗಿನಸ್ತಾನಾ,ತೆ ಗಮ್ಹೆಂಡಿಚ಼ ಮೈಮೆಚೆ ಪದವಿವ ದೊಶ್ ವಾವಾಯಾ ಮಾಗ ಸರತ್ನಾಹಿ. 12 ಸಜಾ಼ವಾರಿ ಕುಂಡುನ್ ಹಾಳವ್ಹಯಾ ಜ಼ಲಾಮಲ್ಯಾಲ ಗಿನ್ಯಾನ್ ನಸಲ್ಯಾಲ್ಯಾ ಜ಼ನಾವಾರಾಚೆಗತ್ ಹೇ ಬುರ್ಸ ಸಿಕಿವ್ನಾರ ಆಪಲ್ಯಾಲಾ ಸಮಾಜ಼ಲ್ಯಾ ನಸಲ್ಯಾಲ್ಯಾ ಗುಸ್ಟಿನಾ ನಿಂದಾಕರ್ನಾರ ಜಾ಼ಲ್ಯಾತ. ಹೇ ಆಪಲ್ಯಾ ಬುರ್ಶಾ ಪನಾನಿ ಆಪ್ನುಸ್ ಹಾಳ್ ವ್ಹನಾರ್. 13 ಆಪಲ್ಯಾ ಬುರ್ಶೆ ವಾಟಸ್ ಲಾಗುನ್ ಬುರ್ಸ ಫಳ್ ಮಿಳಲ್. ಮನ್ ಯಯಿಲ್ತಸ ದಿಸ್ ಗಾಲ್ವಾಚ಼ ಸುಕ್ ಮಂತ್ಯಾತ. ಹೇ ತುಮ್ಚಿ ಸಂಗ ಜೆವ್ತಾನಾ ಮೊಸ್ ಕರುನ್ ಖಾವುನ್ ಪಿವುನ್ ಕಳಂಕಾಲಾ ನಿಂದಲಾ ಕಾರನ್ ಜಾ಼ಲ್ಯಾತ. 14 ಹೇ ವ್ಯಭಿಚಾರಿಲಾ ಬಗುನ್ ಸಂತೊಸ್ ಕರ್ನಾರ, ಪಾಪ್ ಬಗುನ್ ಸಮಾಧಾನ್ ಜಾ಼ಲ್ಯಾಲ ಡೊಳಆಸ್ನಾರ, ಚ಼ಂಚ಼ಳ್ ಮನ್ ಆಸಲ್ಯಾಲ್ಯಾನಾ ಮಳ್ ಕರ್ನಾರ, ಪೈಶಾಚೆ ಆಶೆತ್ ಮನ್ ಆಸಲ್ಯಾಲ, ದೇವಾಚಾ ಶಾಪಾತ್ ಹಾತ್ತ. 15 ಹ್ಯಂಚಾನಿ ಚಾ಼ಂಗ್ಲಾ ಮಾರ್ಗ ಶೊಡಲ್ಯಾಲ. ವಾಟ್ ಚು಼ಕಲ್ಯಾಲ ಆನಿ ಬೇಯೊರಿಚಾ಼ ಲ್ಯೊಕ್ ಜಾ಼ಲ್ಯಾಲಾ ಬಿಳಾಮಾಚಿ ವಾಟ್ ದರ್ನಾರ ಜಾ಼ಲ್ಯಾತ. ಹ್ಯೊ ಬಿಳಾಮ್ ವಾಯಿಟ್ ವಾಟನಿ ಗಾವತ್ಯಾಲ್ಯಾ ಪಗಾರಾಚಿ ಮಾಯಾ ಕರ್ತೊ. 16 ಫನ್ ತ್ಯಚಾ ಬುರ್ಶಾ ಕಾಮಾಲಾ ಖಡ್ಯಾವ್ಲಾ. ಮುಖ ಗಾಡಾವ್ ಮಾನ್ಸಾಚೆಗತ್ ಬುಲುನ್ ತ್ಯಾ ಪ್ರವಾದಿಚಾ ಖುಳ ಫನ್ ಥಾಂಬಿವ್ಲ.

17 ತೇ ವಾಳ್ಯಾಲ್ಯಾ ಪಾನ್ಯಾಚೆ ಜ಼ರ‍್ಯಾಚೆಗತ್ ಹಾತ್ತ, ವಾರ‍್ಯಾನಿ ವುಡುನ್ ಜಾ಼ನಾರ ಢಗ್ ಜಾ಼ಲ್ಯಾತ. ಆಸಲ್ಯಾಂಚೆ ಸಾಟಿ ಆಂದಾರಾಚಾ಼ ಜಾ಼ಗಾ ರಾಕುನ್ ಥೆವಲ್ಯಾ. 18 ನಾಶಾಡಿಚೆ ವಾಟನಿ ಚಾ಼ಲತ್ಯಾಲ್ಯಾಚಾ ಸವಾಸಾನಿ ನವಿನಿ ಚು಼ಕ್ವುನ್ ಗೆತಲ್ಯಾಲ್ಯಾಚೆ ಸಂಗ ಹೇ ಆದಾರ ನಸಲ್ಯಾಲ್ಯಾ ಪೊಕ್ಳಿಕ್ ಗುಸ್ಟಿ ಬುಲುನ್ ಬುರ್ಸ ವ್ಯಭಿಚಾರ್ ಉತ್ಪನ್ ಕರುನ್ ಖುಬ್ ಮೊಚಾ಼ಟ್ಫನಾನಿ ತ್ಯನಾ ಖುಳಿ ಕರ್ತ್ಯಾತ. 19 ಹೇ ಸ್ವತಂತ್ರ ದೆತಾವ್ ಮನ್ಹುನ್ ತ್ಯನಾ ಸಬ್ದ ದೆತ್ಯಾತ. ಫನ್ ತೇಸ್ ಬುರ್ಶಾಲಾ ಗುಲಾಮ್ ಜಾ಼ಲ್ಯಾತ. ಯಕ್ಲಾ ಕಶಾಲಾ ಹಾರ‍್ನಾರ್ ತ್ಯೊ ತ್ಯಚಾ ಗುಲಾಮ್ ಜಾ಼ಲ್ಯಾ ತ್ಯಾವ್ಡಾಸ್. 20 ಪ್ರಬು ರಾಕ್ನಿ ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚೆ ಗುಸ್ಟಿತ್ ಸಮಜು಼ನ್ ಗಿಹುನ್ ದುನೆತಲ್ಯಾ ಪೊದಡ್ಯಾಪನಾತ್ನಿ ಚು಼ಕ್ವುನ್ ಗೆತಲ್ಯಾಲ ಪರ್ತುನ್ ತ್ಯಾತ್ ಗಾವುನ್ ಹಾರ್ಲಿತತ ತ್ಯಚಿ ಸರ್ತಿ ಪರಸ್ಥಿತಿ ಪೈಲ್ಯಾವ್ನಿ ಬುರ್ಸಿ ವ್ಹನಾರ್. 21 ತೇ ನೀಯತಿಚಾ ವಾಟಾ ಸಮಜು಼ನ್ ಆಪಲ್ಯಾನಾ ದಿಲ್ಯಾಲ್ಯಾ ನಿರ್ಮಳ್ ಆಜ್ಞಾ ಸುಡುನ್ ದುರ್ ಜಾ಼ಯಾಚೆ ವಾಟ್ನಿಚ಼ ತ್ಯೊ ಮಾರ್ಗ ಸಮಾಜ಼ಲಾ ನಸ್ತಾತ ಬರ ಹುತ. 22 ಕುತ್ರ ಆಪ್ನು ವಕ್‌ಲ್ಯಾಲ ಚಾ಼ಟಾಯಾ ಮಾಗಾರ ಪರಾತ್ಲ. ಆನಿ ದುತಲ್ಯಾಲಾ ಡುಕೊರ್ ಚಿಕ್ಲಾತ್ ಲೊಳಾಯಾ ಗೆಲಾ. ಮಂತ್ಯಾಲ ಮನ್ಹ ತ್ಯನಾ ಚಾ಼ಂಗ್ಲ ಸೊಬ್ತ.