1 ಬನ್ಹಿ ಬಾವ್ಹಾನು, ಮೀ ತುಮಾನಾ ಯಾದ್ ಕರಾಯಾ ವ್ಹಯಿ ಮಂಥ್ಯಾಲ ಕ್ಯಾ ಮಂಜೆ, ಆಮ್‍ಚ಼ ವಡಿಲ್ ಸಗ್ಳ ಡಘಾಚೆ ಖಾಲ್‍ ರಾಹುನ್ ಸಮಿಂದೊರ್ ವಲ್ಯಾಂಡುನ್ ಗೆಲ. 2 ತ್ಯಂಚಾನಿ ಮೊಶೆಚೆಮಾಗ್ನಿ ಜಾ಼ಯಾಸಾಟಿ ಡಘಾತ್ನಿ ಸಮಿಂದೊರಾತ್ ಬಾಪ್ತಿಸ್ಮಾ ಗಿತ್ಲಿ. 3 ತ್ಯಂಚಾನಿ ಸಗಳ್ಯಾಂಚಾನಿ ಯಾಕುಸ್ ಆತ್ಮಿಕ್ ಜೆವಾನ್ ಖಾಲ. 4 ತ್ಯಂಚಾನಿ ಸಗ್‌ಳ್ಯಾಂಚಾನಿ ದೆವಾಚ಼ ಯಾಕುಸ್ ಪಾನಿ ಪಿಯಾಲ. ಕಸ ಮಂಜೆ ತ್ಯಂಚೆ ಮಾಗ ಲಾಗ್‌ಲ್ಯಾಲೆ ದೇವಾಚೆ ದುಂಢಿತ್ನಿ ಆಲ್ಯಾಲ ಪಾನಿ ಪಿಯಿತ. ತಿ ಧ್ಯೊಂಡ್ ಕ್ರಿಸ್ತುಸ್ ಜಾ಼ಲ್ತಾ. 5 ತರಿಬಿ ತ್ಯಾತ್ ಖುಬ್‍ಜ಼ಾನ್ ದೆವಾಚಾ ಮನಾಸ್ ಆಲ ನಾಹಿತ. ಮನ್ಹುನ್ ತ್ಯನಾ ತ್ಯುಡ್ಲಿತ ಆನಿ ತ್ಯಂಚಿ ಮಡಿ ರಾನಾತ್ ಪಡ್ಲಿತ.

6 ತ್ಯಂಚಾನಿ ಬುರ್ಶಾ ಗುಸ್ಟಿ ಯವಜ಼ಲ್ಯಾ ಶಾರ್ಕ್ಯಾ ಆಮಿ ಯವಜು಼ ನಾಹಿ ಮನ್ಹುನ್ ಹ್ಯಾ ಗುಸ್ಟಿ ಆಮಾನಾ ವಳಕ್‍ಜಾ಼ಲೆ. 7 ತ್ಯಂಚಾತ್‍ಥೋಡ ಪಾಶಾನ್ ಪುಜ಼್‌ತ್ಯಾಲ ಜಾ಼ಲ್ತ, "ಲೊಕ ಖಾಯಾಲಾ, ಪಿಯಾಲಾ ಬಸ್ಲಿತ. ಬುರ್ಶಾ ಶಾರೀರಿಕ್ ಸಂಬಂದಾತ್ ನಾಚಾ಼ಯಾ ಉಟ್ಲಿತ" ಮನ್ಹುನ್ ಲಿವ್‍ಲ್ಯಾ ನವ್ಹ. ತುಮಿ ತ್ಯಂಚಿಗತ್ ಪಾಶಾನ್ ಪುಜ಼್‌ತ್ಯಾಲ ವ್ಹವುನಕೊಸಾ. 8 ತ್ಯಾತ್‍ಲ್ಯಾ ಥೊಡ್ಯಾಂಚಾನಿ ವ್ಯಬಿಚಾರ್ ಕರುನ್ ಯಕಾಸ್ ದಿಸಾತ್ ಇಸಾವ ತಿನ್‍ ಹಾಜಾ಼ರ್ ಲೊಕ ಮಿಲಿತ. ತ್ಯಂಚಿಗತ್ ಆಮಿ ವ್ಯಬಿಚಾರ್ ಕರಾಚೆಆಂದಿ ರಾಹುಯಾ. 9 ತ್ಯಾತ್‍ಲ್ಯಾ ಥೊಡ್ಯಾಂಚಾನಿ ಪ್ರಭುಚಿ ಪರಿಕ್ಷೆ ಕರುನ್ ಸಾಪಾಂಚಿಪ್ನಿ ನಾಸ್‍ಜಾ಼ಲ. ಆಮಿ ಪರಿಕ್ಷೆ ಕರುಯಾನಕೊ. 10 ಆನಿ ತ್ಯಾತ್‌ಲ್ಯಾ ಥೊಡ್ಯಾಂಚಾನಿ ಟುರ್ಟುರುನ್ ತ್ಯೊಡ್‌ಲ್ಯಾಲ್ಯಾ ದುತಾಚಾ ಹಾತಾತ್ನಿ ನಾಸ್‍ಜಾ಼ಲಿತ. ತುಮಿ ಟುರ್ಟುರು ನಕೊಸಾ.

11 ತ್ಯಂಚಿಸಂಗ ಗಡ್‍ಲ್ಯಾಲ್ಯಾ ಹ್ಯಾ ಗುಸ್ಟಿ ದಿಸರ‍್ಯಾನಾ ಉದಾರನ್ ಜಾ಼ಲ್ಯಾತಾ. ಆನಿ ಸರ್ತ್ಯಾಯಳಾತ್ ಆಲ್ಯಾಲ್ಯಾ ಆಮಾನಾ ಹೆ ಹುಶಾರ‍್ಕಿಚ಼ ಸಬಾತ್‍ ವ್ಹವುನ್ ಲಿವ್‍ಲ್ಯಾತ.

12 ಮನ್ಹುನ್ ಉಬಾರಾಯಲ್ಯೊ ಮಂತ್ಯಾಲಾ ಪಡುನಾಹಿ ಆಸಾ ಹುಶಾರ್ ರಾಹುನಿ. 13 ಮಾನ್ಸಾನಾ ಸಜ಼್ ಯತ್ಯಾಲ್ಯಾ ಪರಿಕ್ಷಾ ಸುಡುನ್ ದುಸ್ರಕಾಯ್ ತುಮಾನಾ ಜಾ಼ಲ್ಹ ನಾಹಿ ನವ್ಹ. ದೇವ್ ಇಸ್ವಾಸಿ. ತುಮ್ಚಾ ಬಳಾವ್ನಿ ಮುಟಿ ಪರಿಕ್ಷೆ ಯವುನಾಹಿ ಆಸಿ ತುಮಿ ತಿ ಸುಸ್ವುನ್ ಗಿಹ್ಯಾವ್ಹಯಿಶಾರ್ಕಿ ಪರಿಕ್ಷೆ ಯತಾನಾಸ್ ಚು಼ಕ್ವುನ್ ಗಿಹ್ಯಾಚಿ ವಾಟ್ ತಯಾರ್ ಕರ್ನಾರ್.

14 ಮನ್ಹುನ್ ಬನ್ಹಿ ಬಾವ್ಹಾನು, ಪಾಶಾನ್ ಪುಜ಼್‌ತ್ಯಾಲ್ಯಾತ್ನಿ ಸುಡುನ್ ದುರ್ ರಾವ್ಹಾ. 15 ತುಮಿ ಸಮಾಜ಼ತ್ಯಾಲ ಮನ್ಹುನ್ ಹ್ಯ ಸಾಂಗ್‍ತ್ಯೊ. ಮೀ ಸಾಂಗ್‍ತ್ಯಾಲ ತುಮಿಸ್ ಯವ್‍ಜಾ಼. 16 ಆಮಿ ಪ್ರಭುಚಾ ಬೊಜನಾತ್ ವಾಫರ್ತ್ಯಾಲ ಐದಾನ್ ಆನಿ ಪ್ರಭುಲಾ ದನ್ಯಾವಾದ್ ಕರ್ತಾವ್ ಕ್ರಿಸ್ತಾಚಾ ರಕ್ತಾತ್ ವಾಟ್ನಿದಾರ್ ಜಾ಼ಲ್ಯಾವ್. ಆಮಿ ಬಾಖ್ರಿ ಮುಡುನ್ ಖಾಯಾಚಿ ಕ್ರಿಸ್ತಾಚಾ ಶರೀರಾತ್ ವಾಟ್ನಿದಾರ್ ಜಾ಼ಲ್ಯಾವ್. 17 ಬಾಖ್ರಿ ಯೆಕ್ ಆಸ್‍ಲ್ಯಾಚೆಗತ್ ಖುಬ್‍ ಜ಼ನ ಜಾ಼ಲ್ಯಾಲಿ ಆಮಿ ಸಗ್ಳಿ ಯಕಾ ಶರೀರಾಚೆಗತ್ ಹಾವ್. ಕಾಮಂಝೆ ಆಮಿ ಸಗ್ಳಿ ತೀ ಯಕ್ ಬಾಖ್ರಿಸ್ ವಾಟುನ್ ಖಾತಾವ್.

18 ಇಸ್ರಾಯೆಲ್ ಲೊಕಾನಾ ಯಾದ್ ಕರಾ. ಯಜ್ಞ ಕೆಲ್ಯಾಲ ಖಾತ್ಯಾಲ ಯಜ್ಞವೆದಿಸಂಗ ವಾಟ್ನಿದಾರ್ ಜಾ಼ಲ್ಯಾತ ನವ್ಹ. 19 ತಸಜಾ಼ಲ್ಯಾ ಮೀ ಕ್ಯಾ ಸಾಂಗ್‍ಲ್ಯಾಸಾರ ಜಾ಼ಲ ಪಾಶಾನಾನಾ ಥೆವಲ್ಯಾಲ್ಯಾ ಖಾತ್ಯಾಲಾ ಜಿನೊಸಾಲಾ ಕಿಮ್ಮತ್ ಹಾ ಕ್ಯಾ? ನಾಹಿತ ಪಾಶಾನಾಲಾ ಕಿಮ್ಮತ್ ಹಾ ಆಸ ಮಾಜ಼ ಮನ್ಹ ಕ್ಯಾ? ನವ್ಹ, 20 ಫನ್ ದಿಸ್ರಿ ಲೊಕ ಆಪ್ನು ದೇತ್ಯಾಲಿ ಬಲಿ ದೇವಾಲಾ ನವ್ಹತ, ಭುಥಾನಾ ದೆತ್ಯಾತ ಮನ್ಹುನ್ ಮಾಜ಼ ಮನ್ಹ, ತುಮಿ ಬುಥಾಂಚಿಸಂಗ ವಾಟ್ನಿದಾರ‍ವ್ಹವುನ್ ರಾಹ್ಯಾವ್ಹಯಿ! ಮನ್ಹುನ್ ಮಾಜ಼ ಮನ್‍ ನವ್ಹ. 21 ತುಮಿ ಪ್ರಭು ಪಿತ್ಯಾಲ್ಯಾ ಐದಾನಾತ್ ಆನಿ ಭುಥ ಪಿತ್ಯಾಲ್ಯಾ ಐದಾನಾತ್ ಪಿಯಾ ವ್ಹಯಿತ್ ನಾಹಿ. ಪ್ರಭುಚೆ ಪಂಕ್ತಿತ್ ಆನಿ ಬುಥಾಂಚೆ ಪಂಕ್ತಿತ್ ಖಾಯಾ ವ್ಹಯಿತ್ ನಾಹಿ. 22 ಪ್ರಭುಲಾ ರಾಗ್ ಯಯಿಸಾ ಕರುನ್ ಚಿಡಿವ್ಲಾ ಮಂಥ್ಯಾವ್‍ ಕ್ಯಾ? ತ್ಯಚಿವ್ನಿ ಆಮಿ ಬಳಿ ಕ್ಯಾ?

23 "ಸಗ್ಳಿ ಕಾಮ ಕರಾಯಾ ಮನಾ ಹುಕುಮ್ ಹಾ. " ಫನ್ ಸಗ್ಳಿ ಉಪೆಗಿಚಿ ನಸತ್ಯಾತ. "ಸಗ್ಳಿ ಕಾಮ ಕರಾಯಾ ಹುಕುಮ್ ಹಾ" ಫನ್ ಸಗ್ಳಿ ಲೊಕಾನಾ ಬಕ್ತಿತ್ ಚಾ಼ಲ್ವಿತ್ ನಾಹಿತ. 24 ಪರತೆಕ್‍ ಯಕಾನಿ ಆಪ್ಲ ಸುಕ್ ಯವಜಾ಼ಚ಼ ಸುಡುನ್ ದುಸ್‍ರ್ಯಾಂಚ಼ ಸುಕಾಸಾಟಿಬಿ ಯವಜಾ಼ವ.

25 ಮಾಸಾಚೆ ಆಂಗಡಿತ್ ಇಕತ್ಯಾಲ ಕ್ಯಾ ಆಸ್ಲತರಿ ತ್ಯ ಮನಾತ್ ಸಂಸೆವ್ ಯಯಾಚೆ ಆಂದಿ ಖಾವಾ. 26 "ದರ್ಥಿ ಆನಿ ತಿಥ ಆಸ್‍ಲ್ಯಾಲ ಸಗ್ಳ ಪ್ರಭುಚ಼ಸ್ ನವ್ಹ.

" 27 ಕ್ರಿಸ್ತಾವ ಇಸ್ವಾಸ್ ಥೆವ್‍ಲ್ಯಾ ನಸ್‍ಲ್ಯಾಲ್ಯಾ ಯಕಾನಿ ತುಮಾನಾ ಖಾಯಾಲಾ ಹಾಕಟಲ್ಯಾವ ಜಾ಼ಯಾ ತುಮಾನಾ ಮನ್ ಆಸ್ಲತ ತುಮಾನಾ ಕ್ಯಾ ವ್ಯಾಡ್ಲತರಿ ಮನಾತ್ ಇಚಾರ್ ಕರಾಚೆಆಂದಿ ತ್ಯ ಖಾವಾ. 28 ಫನ್ ಯಕಾನಿ ತುಮಾನಾ "ಹ್ಯ ಪಾಶಾನಾನಾ ಬಲಿದಿಲ್ಯಾಲ" ಮನ್ಹುನ್ ಸಾಂಗ್ಲತ ತ್ಯನಿ ಹಿ ಖಬರ್ ಸಾಂಗ್ಲಿ ಮನ್ಹುನ್ ಆನಿ ತ್ಯಚಾ, ಮನಾಸ್ಲಾಗುನ್ ತ್ಯ ಖಾವುನಕೊಸಾ. 29 ತ್ಯ ತುಜಾ ಮನಾಸ್ಲಾಗುನ್ ನವ್ಹ; ಆನಿ ಯಕಾಚಾ ಮನಾನಿ ಸಾಂಗ್‍ಲ್ಯಾ.

ಆನಿ ಯಕಾಚಾ ಮನಾಸ್ ಲಾಗುನ್ ಮಾಜಾ ಇಸ್ವಾಸಾಚಾ಼ ಇಚಾರ್ ಕಾ ವ್ಹಯಾವ್ಹಯಿ? 30 ಮಿ ಪ್ರಭುಲಾ ದನ್ಯಾವಾದ್ ಕರುನ್ ಖಾಲ್ಯಾವ ದುಸ್ರ ಕೊನ್ ತ್ಯ ಚು಼ಕ್ ಮನ್ಹಾರ್?

31 ಆಸ ಆಸ್ತಾನಾ ತುಮಿ ಖಾಲ, ಪಿಲ, ಆನಿಕಾಯ್ ಕೆಲತರಿ ಸಗ್ಳ ದೆವಾಚೆ ಮೈಮೆಸಾಟಿ ಕರಾ. 32 ಯೆಹುದ್ಯಾನಾ ಆನಿ ಯೆಹುದಿ ನಸ್‌ಲ್ಯಾಲ್ಯಾನಾ ದೆವಾಚೆ ಸಬೆಲಾ ಆಡ್ವಿ ವ್ಹವುನಕೊಸಾ. 33 ಮೀತರಿ ಮಾಜಾ ಫ್ಯಾಯ್‍ದ್ಯಾಚಿ ಚಿಂತಾ ಕರಾಚೆಆಂದಿ ಸಗ್‍ಳ್ಯಾ ಮಾನ್ಸಾಂಚ಼ ರಕ್ಶನ್ ವ್ಹಯಾವ್ಹಯಿ ಮನ್ಹುನ್ ತ್ಯಂಚಾ ಉಪೆಗಾಸಾಟಿ ಚಿಂತಾಕರುನ್, ಸಗ್‍ಳ್ಯಾನಾ ಸಗ್ಳೆ ಗುಶ್ಟಿತ್ನಿ ಬರಾಜಾ಼ಲ್ಯೊ.