ಅಪೊಸ್ತಲರ ಕ್ರತ್ಯ 17

ಥೆಸಲೊನಿಕಾತ್ ಪೌಲ್ ಆನಿ ಸೀಲಾ

1 ಪೌಲ್ ಆನಿ ಸೀಲಾ ಮೊರ್ಹ ಜಾ಼ಯಿತ್ ಅಂಫಿಪೊಲಿ ಆನಿ ಅಪೊಲೊನ್ಯಾ ಮಂತ್ಯಾಲ್ಯಾ ಪೆಠಾ ವಲ್ಯಾಂಡುನ್ ಥೆಸಲೊನಿಕಾತ್ ಆಲ. ತಿಥ ಯೆಹುದ್ಯಾಂಚಾ಼ ಯೊಕ್ ಸಭಾಸ್ಥಾನ್ ಹುತಾ. 2 ಪೌಲ್ ಆಪ್ಲೆ ಪದ್ಧತಿಚೆ಼ಗತ್ ತಿತಲ್ಯಾ ಲೊಕಾಂಚಿಪ ಜಾ಼ವುನ್ ತೀನ್ ಸಬ್ಬತ್ ದಿಸಾತ್ ದೇವಾಚಾ ವಾಕ್ಯಾಂಚಾನಿ ತ್ಯಂಚಿ ಸಂಗ ಚರ್ಚಾ ಕರುನ್, 3 ಪಾಯ್ಜೆತ್ಯಾ ವಾಕ್ಯಾಚಾ಼ ಆರ್ಥ ಉಗಡುನ್ ಸಾಂಗಿತ್; ಕ್ರಿಸ್ತ ತರಾಸ್ ಖಾವುನ್ ಮರುನ್ ಉಟುನ್ ಯಯಾಚಿ ಗರಜ಼್ ಹಾ ಮನ್ಹುನ್ ಮೀ ತುಮಾನಾ ಸಾಂಗತ್ಯಾಲಾ ಯೇಸುಸ್ ತ್ಯೊ ಕ್ರಿಸ್ತ ಮನ್ಹುನ್ " ಮನ್ಹುನ್ ಖರ ಕೆಲ. 4 ತ್ಯಂಚಾತ್ ಥೊಡಜಾ಼ನ್ ದೇವಾಚ಼ ಬಗತ್ ಜಾ಼ಲ್ಯಾಲ್ಯಾ ಗ್ರೀಕಾಂಚಾ಼ ಮೊಟಾ ಹಿಂಡ್ ಆನಿ ಫುಡಾರಿ ಬ್ಯಾಯ್ಕಾಮಾನ್ಸಾತ್ನಿ ಖುಬ್ ಜ಼ನಿ ಒಪ್ಪುನ್ ಪೌಲ ಆನಿ ಸೀಲಾಲಾ ಮಿಳಾಲಿತ.

5 ಯೆಹುದ್ಯಾಂಚಾನಿ ಖೊಟಫನ್ ಕರುನ್ ಪೆಠತ್ ಉದುಗ್ಡಿ ಫಿರತ್ಯಾಲ್ಯಾ ಥೊಡ್ಯಾನಾ ಹಾಕ್ಟುನ್ ಯವುನ್ ಹಿಂಡ್ ಕರುನ್ ಗಾವಾತ್ ಗೊಂದೊಳ್ ಕರುನ್ ಪೌಲಾಲಾ ಆನಿ ಸೀಲಾಲಾ ಪೆಠಚೆ ಸಭೆಚೆ ಮೊರ‍್ಹ ಆನಾಯಾವ್ಹಯಿ ಮನ್ಹುನ್ ತ್ಯನಾ ಸುದಿತ ಯಾಸೊನಾಚ಼ ಘರ್ ಯಡ್ಲ. 6 ತ್ಯೆ ಗಾವ್ಲ ನಾಹಿತ ಮನ್ಹುನ್ ತೀ ಲೊಕ ಯಾಸೊನಾಲಾ ಆನಿ ದಿಸರ‍್ಯಾ ಬಾವ್ಹಾನಾ ಗಾವಾಚಾ ಅಧಿಕಾರಿಂಚಿಪ ವಡುನ್ ನಿಹುನ್; "ದುನ್ಯಾ ಉಲ್ಟಿ ಪಲ್ಟಿ ಕೆಲ್ಯಾಲ ತೇ ಮಾನುಸ್ ಹೀತಬಿ ಆಲ್ಯಾತ. 7 ಯಾಸೊನಾನಿ ತ್ಯನಾ ಗೆತ್ಲ ಮನ್ಹುನ್, ತ್ಯೆ ಸಗ್ಳ ಯೇಸು ಮಂತ್ಯಾಲಾ ಆನಿ ಯೊಕ್ ರಾಜಾ಼ ಹಾ ಮನ್ಹುನ್ ಸಾಂಗುನ್ ಚಕ್ರವರ್ತಿಚಾ ಆಜ್ಞಾನಾ ಆಡ್ವ ಚಾ಼ಲ್ಯಾತ" ವರಡತ್ ಮನ್ಲ. 8 ಪೆಠತ್ಲ ಆನಿ ತಿತ್ಲ ಅಧಿಕಾರಿ ಹ್ಯಾ ಬೊಲ್ಯಾ ಐಕುನ್ ಗೊಂದೊಳ್ ವ್ಹವುನ್ 9 ಯಾಸೊನಾನಿ ಆಂದಿಂಚಾಪ್ನಿ ಜಾ಼ಮಿನ್ ಗಿಹುನ್ ನಂತರ್ ತ್ಯನಾ ಸುಡುನ್ ದಿಲ.

ಬೆರೊಯಾತ್

10 ತ್ಯಾ ಬಾವ್ಹಾಂಚಾನಿ ರ‍್ಯಾಚ಼ ಪೌಲಾಲಾ ಆನಿ ಸೀಲಾಲಾ ಬೆರೊಯಾತ್ ಲಾವುನ್ ದಿಲ. ತ್ಯೆ ತಿಥ ಮಿಳುನ್ ಯೆಹುದ್ಯಾಂಚಾ ಸಭಾಸ್ಥಾನಾತ್ ಗೆಲ. 11 ತ್ಯೆ ಸಭೆತ್ಲಿ ದೇವಾಚ಼ ವಾಕ್ಯಾ ಚಾ಼ಂಗಲ್ಯಾ ಮನಾನಿ ಗಿಹುನ್ ಹ್ಯಂಚಾನಿ ಸಾಂಗ್‌ಲ್ಯಾಲ್ಯಾ ಬೊಲ್ಯಾ ವ್ಹಯ್ ಕ್ಯಾ ನವ್ಹ ಮನ್ಹುನ್ ಬಗಾಯಾ ಪರ್ತೆಕ್ ದಿಸಿ ಶಾಸ್ತಾರಾಚಾ ಪುತಿಕಾತ್ ಸುದಿತಿತ ಮನ್ಹುನ್ ತೀ ಥೆಸಲೊನಿಕಾತ್‌ಲ್ಯಾಂಚಿವ್ನಿ ಚಾ಼ಂಗಲ್ಯಾ ಗುನಾಚಿ ಜಾ಼ಲ್ತಿತ. 12 ಮನ್ಹುನ್ ತ್ಯಂಚಾತ್ ಬುರಶಾ ಗ್ರೀಕ್ ಬ್ಯಾಯ್ಕಾಂಚಾನಿ, ಗಡ್ಯಾಂಚಾನಿ ಇಸ್ವಾಸ್ ಥೆವ್ಲಾ. 13 ಫನ್ ಪೌಲ್ ಬೆರೊಯಾತ್ ದೇವಾಚ಼ ವಾಕ್ಯಾ ಸಾಂಗತ್ಯೊ ಮನ್ಹುನ್ ಬಾತ್ನಿ ಥೆಸಲೊನಿಕಾತ್‌ಲ್ಯಾನಾ ಯೆಹುದ್ಯಾನಾ ಸಮಾಜ್ಲಿ ಮನ್ಹುನ್ ತೇ ತಿಥಬಿ ಯವುನ್ ಲೊಕಾಂಚಾ ಹಿಂಡಾಲಾ ಉಮೇದ್ ದಿವುನ್ ಪಗಾಳ್ಳ. 14 ತವಾಸ್ ಇಸ್ವಾಸಿ ಪೌಲಾಲಾ ಸಮಿಂದೊರಾಪ ಜಾ಼ಯಾ ಲಾವುನ್ದಿಲಾ. ಫನ್ ಸೀಲ್, ಆನಿ ತಿಮೊಥೆ ತಿಥಸ್ ಥಾಂಬ್ಲ. 15 ಪೌಲಾಲಾ ಲಾವುನ್ ದಿಲ್ಯಾಲಾ ತ್ಯಲಾ ಅಥೇನೆಯಾ ಪರತ್ ಹಾಕ್ಟುನ್ ಗಿಹುನ್ ಗೇಲ, ಸೀಲಾಲಾ, ತಿಮೊಥೆಲಾ ಭೇಟ್ ಜಾ಼ಲ್ಯಾ ಬರ್ಬ ಆಪ್ಲಿಪ ಯಯಾವ್ಹಯಿ ಮನ್ಹುನ್ ಪರ್ವಾನ್ಕಿ ಪೌಲಾಪ್ನಿ ಗಿಹುನ್ ನಿಗುನ್ ಆಲ್ಲ.

ಅಥೆನಾತ್

16 ಪೌಲ್ ತ್ಯಂಚಿಸಾಟಿ ಅಥೇನೆಯ ಪೆಠತ್ ರ‍್ಯಾಕ್ತಾನಾ ತ್ಯೆ ಪೆಠತ್ ಸಗ್ಳಿಕ್ಡ ಪಾಶಾನ ಬಗುನ್ ತ್ಯಂಚ಼ ಆತ್ಮ ಖವಾಳ. 17 ಮನ್ಹುನ್ ತ್ಯೊ ಸಭಾಸ್ಥಾನಾತ್ ಯೆಹುದಿ ಆನಿ ದೇವಾಚ಼ ಬ್ಯಾ ಆಸ್‍ಲ್ಯಾಲ ಗ್ರೀಕ್ ಪರ್ತೆಕ್ ದಿಸಿ ಪೆಠತ್ ದಿಸರ‍್ಯಾಂಚೆ ಸಂಗ ಚರ್ಚಾ ಕರ್ತೊ. 18 ತ್ಯವ್ಡಸ್ ನವ್ಹ ಎಪಿಕುರಿಯಾನಾ, ಸ್ತೊಯಿಕ್ ಮಂತ್ಯಾಲ ಸಗ್‌ಳ್ಯಾಚಾ಼ ಇಚಾರ್ ಆಸ್‌ಲ್ಯಾಲ ಥೊಡ ತ್ಯಂಚಿ ಸಂಗ ಚರ್ಚಾ ಕರ್ತ್ಯಾತ. ತ್ಯಾತ್ಲ ಥೊಡಜಾ಼ನ್; "ಹ್ಯೊ ಬೊಲ್ಕೊರ್ ಕ್ಯಾ ಸಾಂಗಾಯಾವ್ಹಯಿ ಮಂತ್ಯೊ? ಮಂತ್ಯಾತ. ತ್ಯೊ ಯೇಸುಚೆ಼ ಗುಸ್ಟಿಚ಼ ಆನಿ ಮೆಲ್ಯಾಲ ಉಟುನ್ ಯನಾರ್ ಮಂತ್ಯಾಲೆ ಗುಸ್ಟಿಚ಼ ಸಾಂಗ್ತೊ ಮನ್ಹುನ್; "ಹ್ಯೊ ದುಸ್‌ರ‍್ಯಾ ದೇಶಾತ್‌ಲ್ಯಾ ದೇವಾನಾ ಸಾಂಗ್ನಾರಾ ಆಸಾ ದಿಸ್ತೊ ಮನ್ಹುನ್" ದುಸ್‌ರ‍್ಯಾ ಥೊಡ್ಯಾಂಚಾನಿ ಸಾಂಗ್ಲ. 19 ತ್ಯಂಚಾನಿ ತ್ಯಲಾ ದರುನ್ ಅರಿಯೊಪಾತ್ ಹಾಕ್ಟುನ್ ನಿಹುನ್; "ತು ಸಾಂಗ್‌ತ್ಯಾಲ ಹ್ಯ ನವ ಶಿಕಿವ್ನ ಆಮಿ ಸಮಜು಼ನ್ ಗಿಹ್ಯಾ ವ್ಹಯಿಲ್ ಕ್ಯಾ? 20 ಠಾವ್ಯಾ ನಸಲ್ಯಾಲ್ಯಾ ಗುಸ್ಟಿ ಆಮಾನಾ ಸಾಂಗ್‌ತ್ಯೊಸ್ ನವ್ಹ; ಮನ್ಹುನ್ ತ್ಯ ಕ್ಯಾ ಮನ್ಯಾಚ಼ ಸಮಜಾ಼ಯಾ ವ್ಹಯಿ ಮನ್ಹುನ್ ಆಮಾನಾ ಮನ್ ಹಾ" ಮನ್ಲ. 21 ಅಥೇನಾತ್ಲಿ ತಿಥ ಆಸ್‌ಲ್ಯಾಲ್ಯಾ ದುಸರ‍್ಯಾನಾ ನವ್ಯಾ ನವ್ಯಾ ಗುಸ್ಟಿ ಸಾಂಗ್‌ತ್ಯಾತ, ತ್ಯಾ ಐಕಾಚಾ ಸುಡುನ್, ದುಸ್‌ರ‍್ಯಾ ಕಶಾಲಾಸ್ ಯೊಳ್ ದಿಯಿತ್ ನವ್ಥ.

22 ಪೌಲ್ ಅರಿಯೊಪಾಚೆ ನ್ಯಾಯ ಸಭಾಚೆ ಮೊರ‍್ಹ ಉಬಾರಾಹುನ್ ಸಾಂಗ್‌ಲ್ಯಾಲ ಕ್ಯಾ ಮಂಜೆ; "ಅಥೇನಿಯಾ ಲೊಕಾನು, ತುಮಿ ಸಗ್‌ಳ್ಯಾತ್ ಖುಬ್ ದೇವಾಚಿ ಬಕ್ತಿ ಕರ್ತ್ಯಾಲ ಮನ್ಹುನ್ ಮನಾ ದಿಸತ್ಯಾತ. 23 ಮೀ ತುಮ್ಚೆ ಪೆಠತ್ ಪಿರತ್ ತುಮಿ ಪುಜ಼ತ್ಯಾಲ್ಯಾ ದೇವಾಚಿ ಪಾಶಾನ ಚಾ಼ಂಗ್ಲಿ ಬಗ್‌ತ್ಯಾಲಾ ಆಸ್ಥಾನಾ ಜ಼ನಾವಾರ್ ಮ್ಯಾರ್ತ್ಯಾಲಾ ವೆದಿಚಾ಼ ಜಾ಼ಗಾ ಮಾಜೆ ನದ್ರಲಾ ಪಡ್ಲಾ; ತ್ಯಚಿವ ‘ಸಮಜ಼ತ್ನಸ್‌ಲ್ಯಾಲ್ಯಾ ದೇವಾಲಾ’ ಮನ್ಹುನ್ ಲಿವ್ಲಹುತ್ತ; ಮನ್ಹುನ್ ತುಮಿ ಕಚ಼ಸ್ ಸಮಜಾ಼ಚೆ ಆಂದಿ ಪುಜಾ ಕರ್ತಾಸಾ ತ್ಯಸ್ ತುಮಾನಾ ಸಾಂಗ್ತೊ, ಐಕಾ ಮನ್ಲಾ. 24 "ದುನ್ಯಾ ತ್ಯಾತ್ ಆಸ್‌ಲ್ಯಾಲ ಸಗ್ಳ, ಉತ್ಪನ್ ಕೆಲ್ಯಾಲಾ ದೇವ್ ಆಭಾಳ್ ದರ್ತಿಚಾ಼ ಪ್ರಭು ಜಾ಼ಲ್ಯಾ ಮನ್ಹುನ್ ತ್ಯೊ ಹಾತಾನಿ ಭ್ಯಾಂದ್‌ಲ್ಯಾಲ್ಯಾ ಗರ‍್ಹಾತ್ ರಾನ್ಹಾರಾ ನವ್ಹ; 25 ಆಪ್ನುಸ್ ಸಗ್‌ಳ್ಯಾನಾ ಜೀವ್ ವಾರ ಆನಿ ಪಾಯ್ಜೆತ್ಯ ಸಗ್ಳ ದೆನಾರಾ ವ್ಹವುನ್ ಥೊಡ ಆಸ್‌ಲ್ಯಾಲ ವ್ಹವುನ್ ಮಾನ್ಸಾಂಚಿಪ್ನಿ ಕಾಮ್ ಕರುನ್ ಗೆನಾರಾ ನವ್ಹ. 26 ದೇವ್ ಯಕಾ ಮಾನ್ಸಾಪ್ನಿ ಸಗ್ಳಿ ಮಾನ್ಸ ಉತ್ಪನ್ ಕರುನ್, ತೀ ರಾಹ್ಯಾ ವ್ಹಯಿತ ತೇ ದಿಸ್ ಆನಿ ತ್ಯನಾ ಗರ‍್ಹ ದರ್ತಿವ ಸಗ್ಳಿಕ್ಡ ತ್ಯನಾ ಥಿವುನ್, 27 ಎಕ ಯಳಿ ತೀ ಮಾಗ್ನಿತರಿ ಆಪ್‌ಲ್ಯಾಲಾ ಬಕ್ತಿಲ ಮನ್ಹುನ್ ಆಪ್‌ಲ್ಯಾಲಾ ಶೊದ್ನಾರಿ ಕರ್ತೊ. ತ್ಯೊ ಆಮ್ಚಾತ್ ಯಕಾಲಾಬಿ ದುರ್ ಜಾ಼ಲ್ಹಾ ನಾಹಿ. 28 ಕಾ ಮಂಜೆ ತ್ಯಚಿಪಸ್ ಆಮಿ ಜೀವ್ನಾ ಕರ್ತಾವ್, ಚಾ಼ಲ್ತಾವ್ ಆನಿ ರಾಥಾವ್. ತುಮ್ಚಾ ಥೊಡ್ಯಾ ಕವಿಂಚಾನಿ, ‘ಆಮಿ ತ್ಯಚೆ ಪಿಳ್ಗಿತ್ಲ’ ಮನ್ಹುನ್ ಸಾಂಗ್‍ಲ್ಯಾ.

29 "ಆಮಿ ದೇವಾಚಿ ಪಿಳ್ಗಿತ್ಲಿ ಜಾ಼ಲ್ಯಾ ನಂತರ್ ದೇವ್ ಮಾನ್ಸಾಚಾ ಗಿನ್ಯಾನಾನಿ ಆನಿ ಯವಜ಼ನಾನಿ ಬನಿವಲ್ಯಾಲ, ಸೊನ, ಚಾ಼ಂದಿ ಆನಿ ದೊಂಡ್ಯಾಂಚಿಗತ್ ಮನ್ಹುನ್ ಆಮಿ ಸಮಜು಼ನ್ ಗಿಹುನಾಹಿ. 30 ತ್ಯೆ ಖುಳ್ಯಾಪನಾಚ಼ ದಿಸ್ ದೇವಾನಿ ಲೆಖ್ಯಾತ್ ಗೆತ್ಲ ನಾಹಿತ; ಆತಾತರಿ ತ್ಯೊ ಚಾರಿ ದಿಕಾವಲ್ಯಾ ಪಶ್ಚಾತಾಪಾನಿ ಆಪ್ಲಿಕ್ಡ ಪರ್ತಾಲಾವ್ಹಯಿ ಮನ್ಹುನ್ ಪರ್ವಾನ್ಕಿ ದೆತ್ಯೊ. 31 ಕಾ ಮಂಜೆ, ತ್ಯೊ ತೀರ್ಮಾನ್ ಕೆಲ್ಯಾಲ್ಯಾ ಗಡ್ಯಾಚಾ ಹಾತಾನಿ ನೀತಿಚೆ಼ಗತ್ ದರ್ತಿಚಾ಼ ನ್ಯಾಯಿ ನಿವ್ಡಾಯಾ ಯೊಕ್ ದಿಸ್ ಠಾವಾ ಕೆಲ್ಯಾ. ತ್ಯಲಾ ಮೆಲ್ಯಾಲ್ಯಾಂಚಾತ್ನಿ ಉಟಿವಲ್ಯಾ ಮನ್ಹುನ್ ಹ್ಯಚಿವ ಇಸ್ವಾಸ್ ಥೆವಾಯಾ ಸಗ್‌ಳ್ಯಾನಾ ವಳಕ್ ದಿಲೆ" ಮನ್ಲಾ.

32 ಮೆಲ್ಯಾಲ ವರ್ ಉಠುನ್ ಯನಾರಿ ಗ್ಯೊಶ್ಟ ಐಕ್ಲಿತವಾ ಥೊಡ್ಯಾಂಚಾನಿ ಪೌಲಾಚಿ ಟಿಂಗಲ್ನಾ ಕೆಲಿ, ದುಸರಿ ಥುಡಿಜ಼ನ; "ತು ಹ್ಯೆ ಗುಸ್ಟಿತ್ ಸಾಂಗ್‌ತ್ಯಾಲ ಆಮಿ ಆನಿ ಯಂಗ್ದಾ ಐಕ್ತಾವ್" ಮನ್ಲಿತ. 33 ಆಸ ಆಸ್ತಾನಾ ಪೌಲ್ ತ್ಯಂಚೆ ಮದ್ನಿ ನಿಗುನ್ ಗೆಲಾ. 34 ಥುಡಿಜ಼ನ ತ್ಯಚಿಸಂಗ ಜಾ಼ವುನ್ ಇಸ್ವಾಸ್ ಥೆವ್ಲಾ; ಇಸ್ವಾಸ್ ಥೆವ್‌ಲ್ಯಾಲ್ಯಾತ್ ಅರಿಯೊಪಾಗಾಚೆ ಸಬೆಚಾ಼ ದಿಯೊನುಶಾ, ದಾಮರಿ ಮಂತ್ಯಾಲಿ ಆನಿ ಥುಡಿಜ಼ನ ಹುತಿತ.