1 ಯಕಸಿ ಪೇತ್ರಾ ಆನಿ ಯೊಹಾನ್ ದೊಪ್ಯಾರ್ಚ಼ ತಿನ್ ಗಂಟ್ಯಾಲಾ ದೇವ್ಳಾತ್ ಮಾಗ್ನ ಕರಾಯಾ ಗೆಲ ತ್ಯೊ ಮಾಗ್ನ ಕರ್ತ್ಯಾಲಾ ಯೊಳ್ ಜಾ಼ಲ್ಥಾ. 2 ತೇ ದೇವ್ಳಾತ್ ಜಾ಼ತಾನಾ ತಿಥ ಯೊಕ್ ಜ಼ಲ್ಮತ್ ಚಾ಼ಲಾಯಾ ಯಯಿತ್ ನಸ್‌ಲ್ಯಾಲಾ ಲಂಗ್ಡಾ ಹುತ್ತಾ. ತ್ಯಲಾ ಚಾ಼ಲಾಯಾ ಯಯಿತ್ ನವ್ಥ ತ್ಯಲಾ ಖಾಯಿಮ್ ಕೊನ್ತರಿ ದೇವ್ಳಾತ್ ಉಚ್ಲುನ್ ಆನುನ್ ದೇವ್ಳಾಚಾ ಬಾಹಿರ್‌ಲ್ಯಾ ಯಕಾ ಶಾದ್ರ ಮಂಥ್ಯಾಲ್ಯಾ ಬೇಡ್ಯಾಪ ಬಸ್ವಿತ. ತ್ಯೊ ದೇವ್ಳಾತ್ ಜಾ಼ತ್ಯಾಲ್ಯಾ ಲೊಕಾಂಚಿಪ ಭಿಕ್ ಮಾಗಿತಾ. 3 ತಿಸಿ ದೇವ್ಳಾಕ್ಡ ಜಾ಼ತ್ಯಾಲ್ಯಾ ಪೆತ್ರಾ ಯೊಹಾನಾನಾ ಬಗುನ್ ತ್ಯಂಚಿಪ್ನಿ ಕಾಯ್ತರಿ ಗಾವಲ್ ಮನ್ಹುನ್ ಭಿಕ್ ಮಾಗ್ಲಿ. 4 ಪೇತ್ರಾ ಆನಿ ಯೊಹಾನಾನಿ ತ್ಯಾ ಲಂಗ್‌ಡ್ಯಾಲಾ ಜ಼ಪುನ್ ಬಗುನ್ "ಆಮ್ಚಿಕ್ಡ ಬಗ್!" ಮನ್ಲ. 5 ಆಪ್‌ಲ್ಯಾಲಾ ಕಾಯ್ತರಿ ದಿತಿಲ ಮನ್ಹುನ್ ತ್ಯನಿ ತ್ಯಂಚಿಕ್ಡ ಬಗ್ಲ 6 ಫನ್ ಪೇತ್ರಾ ಚಾ಼ಂದಿ ಸೊನ ಮಾಜಿಪ ನಾಹಿ ಮಾಜಿಪ ಹಾತ್ಯ ತುಲಾ ದೆತೊ. ನಜ಼ರೇತಿಚಾ ಯೇಸು ಕ್ರಿಸ್ತಾಚಾ ನಾವಾನಿ ಚಾ಼ಲ್ ಮನ್ಹುನ್, 7 ತ್ಯಚಾ಼ ಉಜ಼ವಾ ಹಾತ್ ದರ‍್ಹುನ್ ಉಚ಼ಲ್ಲಾ. ತವಾಸ್ ತ್ಯಚಾ ಪಾಯಾನಾ ಆನಿ ಸಾಂದ್ಯಾನಾ ಬಳ್ ಆಲ. 8 ತ್ಯನಿ ಉಡಿಮಾರುನ್ ಆಪ್‌ಲ್ಯಾ ಪಾಯಾವ ಉಬಾ ರಾಹುನ್ ಚಾ಼ಲಾಯಾ ಲಾಗ್ಲಾ. ತ್ಯೊ ತ್ಯಂಚಿಸಂಗ ದೇವ್ಳಾತ್ ಗೇಲಾ ತ್ಯನಿ ಚಾ಼ಲತ್ ನಾಚ಼ತ್ ದೇವಾಲಾ ವವ್ಯಾಳಾ. 9 ಆತಾ ತ್ಯೊಸ್ ಮಾನುಸ್ ಚಾ಼ಲತ್ ದೇವಾಲಾ ವವ್ಯಾಳ್‌ತ್ಯಾಲಾ ಲೊಕಾಂಚಾನಿ ಬಗ್ಲಾ. 10 ಶಾದ್‌ರ‍್ಯಾ ಬೆಡ್ಯಾಚೆ ಮೊರ‍್ಹ ಬಸುನ್ ಭಿಕ್ ಮಾಗ್‌ತ್ಯಾಲಾ ಲಂಗ್ಡಾ ಹ್ಯೊಸ್ ಮನ್ಹುನ್. ಸಗ್‌ಳ್ಯಾ ಲೊಕಾಂಚಾನಿ ತ್ಯಲಾ ವಳಕ್ಲಾ ಆನಿ ಸಗ್ಳಿ ಆಜಾಬ್ ಜಾ಼ಲಿತ.

11 ತ್ಯೊ ಮಾನುಸ್ ಪೇತ್ರಾ ಆನಿ ಯೊಹಾನಾಂಚೆ ಸಂಗ ರಾಯ್ಲಾ ತ್ಯಲಾ ಬರ ಜಾ಼ಲ್ಹ ಮನ್ಹುನ್ ಲೊಕ ಸಗ್ಳಿ ಗಾಭಾರ್ಲಿತ. ಸೊಲೊಮೊನಾಚಾ ಅಂಗ್ನಾತ್ ಉಬರಾಯಲ್ಯಾಲ್ಯಾ ಪೇತ್ರಾ ಆನಿ ಯೊಹಾನಾಪ ತೀ ಪಳತ್ ಆಲಿತ 12 ತವಾ ಪೇತ್ರಾ ತ್ಯನಾ ಮಾಜಾ ಇಸ್ರಾಯಲ್ ಲೊಕಾನು ಹ್ಯ ಬಗುನ್ ತುಮಿ ಕಾ ಆಜಾಬ್ ವ್ಹತಾಸಾ? ಹ್ಯಾ ಮಾನ್ಸಾಲಾ ಚಾ಼ಲಜೊ಼ಗ ಕೆಲ್ಯಾಲ ಆಮ್ಚಾ ಬಳಾನಿ ಮನ್ಹುನ್ ತುಮಿ ಆಮಾನಾ ಬಗ್ತಾಸಾ ಆಮಿ ಚಾ಼ಂಗ್ಲ ಹಾವ್ ಮನ್ಹುನ್ ಹಿ ಕಾಮ ವ್ಹತ್ಯಾತ ಮನ್ಹುನ್ ಸಮಜು಼ನ್ ಗೆಥಾಸಾ ಕ್ಯಾ? 13 ಅಬ್ರಹಾಮಾಚಾ಼ ದೇವ್ ಇಸಾಕಾಚಾ಼ ದೇವ್ ಆನಿ ಯಾಕೊಬಾಚಾ಼ ದೇವ್. ಆನಿ ಆಮ್ಚಾ ವಡ್ಲಾಂಚಾ಼ ದೇವ್. ತ್ಯನಿ ಆಪ್ಲಾ ಸೆವಕ್ ಯೇಸುಲಾ ಮೈಮೆ ಕೆಲೆ. ಫನ್ ತುಮಿ ಯೇಸುಲಾ ಮಾರುನ್ ಟಾಕಾಯಾ ದಿಲಾಸಾ ತ್ಯಲಾ ಸೊಡಾಯಾ ಪಿಲಾತಾನಿ ಥರಿವ್ಲಾ ಫನ್ ತುಮಿ ಪಿಲಾತಾಪ ನಕ್ವಾಟ್ ಕಿಲಿ 14 ಯೇಸು ಪರಿಶುದ್ದ ಜಾ಼ಲ್ಥಾ ಆನಿ ನಿಯತಿಚಾ಼ ಜಾ಼ಲ್ಥಾ. ಫನ್ ತುಮಿ ತ್ಯಲಾ ನಕೊ ಮನ್ಲಾಸಾ ತ್ಯಚೆ ಬದ್ಲಿ ಗಾತ್‌ಕ್ಯಾಲಾ ಸೊಡಾಯಾ ವ್ಹಯಿಸಾ ಮನ್ಹುನ್ ಪಿಲಾತಾಲಾ ಸಾಂಗ್ಲಸಾ. 15 ಆಸ ತುಮಿ ಜೀವ್ ದೇತ್ಯಾಲ್ಯಾಲಾ ಮಾರುನ್‌ಟ್ಯಾಕ್ಲಾಸಾ ಫನ್ ದೇವಾನಿ ತ್ಯಲಾ ಮೆಲ್ಯಾಲ್ಯಾತ್ನಿ ಜಿತ್ತಾ ಕರುನ್ ಉಠಿವ್ಲಾ ಹ್ಯಲಾ ಆಮಿಸ್ ಸಾಕ್ಷಿ. 16 ಹ್ಯಾ ಲಂಗ್‌ಡ್ಯಾ ಮಾನ್ಸಾಲಾ ಬಳ್ ದಿಲ್ಯಾಲ ತ್ಯಚಾ ನಾವಾನಿಸ್ ತುಮಿ ಕ್ಯಾ ಸಮಜು಼ನ್ ಗೆತಲ್ಯಾಸಾ ಆನಿ ಬಗ್‌ತ್ಯಾಸಾ ಹ್ಯ ಸಗ್ಳ ಜಾ಼ಲ್ಯಾಲ ಯೇಸುವ ಥೆವಲ್ಯಾಲ್ಯಾ ಇಸ್ವಾಸಾನಿಸ್ ಬರ ಜಾ಼ಲ್ಯಾಲ ಹ್ಯ ಸಗ್ಳ ತುಮಿ ಬಗಾಯಾ ವ್ಹತ.

17 "ಇಸ್ರಾಯಲಾನು ತುಮಿ ಸಮಜಾ಼ಚೆ ಆಂದಿ ಯೇಸುಲಾ ಆಸ ಕೆಲ್ಯಾಸಾ ಮನ್ಹುನ್ ಮನಾ ಠಾವಹಾ ತುಮ್ಚಾ ಅಧಿಕಾರ‍್ಯಾಂಚಾನಿ ಸಾಹಿತ್ ಸಮಜು಼ನ್ ಗೆತ್ಲನಾಹಿ. 18 ಕ್ರಿಸ್ತ್ ತರಾಸ್ ಗಿಹುನ್ ಮರ್ನಾರ್ ಮನ್ಹುನ್ ದೇವಾನಿ ಆಪ್‌ಲ್ಯಾ ಪ್ರವಾದಿಂಚಾ ತೊಂಡಾನಿ ಆಂದಿಸ್ ಸಾಂಗ್‌ಲ್ಯಾಲ ಆಸ ಕೆಲ. 19 ಮನ್ಹುನ್ ತುಮಿ ತುಮ್ಚಾ ಪಾಪಾಂಚೆ ಸಾಟಿ ಪಶ್ಚಾತಾಪ್ ಪಡುನ್ ದೇವಾಕ್ಡ ಪರ್ತಾ ತವಾ ತ್ಯೊ ತುಮ್ಚಿ ಪಾಪ ಮಾಪ್ ಕರಿಲ್. 20 ಪ್ರಭು ತುಮಾನಾ ಆತ್ಮಿಕ್ ಇಸ್ರಾಮಾ ದೆನಾರ್ ತ್ಯನಿ ತುಮ್ಚಿಸಾಟಿ ಆಂದಿಸ್ ನಿವಡ್‌ಲ್ಯಾಲ್ಯಾ ಕ್ರಿಸ್ತಾಲಾ ಲಾವುನ್ ದೆನಾರ್. 21 ಸಗ್ಳ ಶಾರ್ಕ ಕರಾಚ಼ ದಿಸ್ ಯಯಿ ಪರ‍್ಯಾತ್ ಯೇಸು ಸ್ವರ್ಗಾತುಸ್ ರಾಹ್ಯಾ ವ್ಹಯಿ. ದೇವಾನಿ ಖುಬ್ ದಿಸಾಂಚೆ ಮಾಗ ಆಪ್‌ಲ್ಯಾ ಪವಿತ್ರ ಪ್ರವಾದಿಂಚೆ ಸಂಗ ಬೊಲ್ಲಾ ತವಾ ಹ್ಯಾ ಕಾಲಾತ್ಲ ಆಂದಿಸ್ ಸಾಂಗ್ಲಹುತ್ತ. 22 ತ್ಯಚಿಸಾಟಿ ಮೊಶೆ ಆಸಾ ಮನ್‌ಲ್ಯಾ ತುಮಚಾ಼ ಪ್ರಬು ದೆವ್ ತುಮಾನಾ ಯೊಕ್ ಪ್ರವಾದಿ ದೆನಾರ್ ತುಮಚಾ ಲೊಕಾತ್ನಿಸ್ ತ್ಯೊ ಪ್ರವಾದಿ ಯನಾರ್. ತ್ಯೊ ಮಾಜಿಗತ್ ರಾನ್ಹಾರ್. ತ್ಯೊ ಪ್ರವಾದಿ ಸಾಂಗಿಲ್‌ತ್ಯ ಸಗ್ಳ ತುಮಿ ಐಕಾಯಾ ವ್ಹಯಿಸಾ. 23 ತ್ಯಚ಼ ಐಕ್‌ಲ್ಯಾ ನಸ್‌ಲ್ಯಾಲಾ ದೇವಾಚಾ ಮಾನ್ಸಾಪ್ನಿ ದುರ್ ರಾಹುನ್ ನಾಸ್ ವ್ಹನಾರ್. 24 ಸಮುವೆಲಾ ದರ್ನಿ ಸಗ್ಳ ಪ್ರವಾದಿ ಆತಾಚಾ ಹ್ಯಾ ಕಾಲಾತ್ಲ ಬೊಲ್ಯಾತ. 25 ತ್ಯಾ ಪ್ರವಾದಿಂಚಾನಿ ಸಾಂಗ್‌ಲ್ಯಾಲ್ಯಾ ಗುಶ್ಟಿ ತುಮಿ ಐಕ್‌ಲ್ಯಾಸಾ. ದೇವಾನಿ ತುಮ್ಚಾ ವಡ್ಲಾಂಚೆ ಸಂಗ ಕೆಲ್ಯಾಲ್ಯಾ ಕರಾರಾಲಾ ತುಮಿಬಿ ವಾಟದಾರ್ ಜಾ಼ಲ್ಯಾಸಾ ದೇವಾನಿ ತುಮ್‌ಚಾ಼ ವಡಿಲ್ ಜಾ಼ಲ್ಯಾಲ್ಯಾ ಅಬ್ರಹಾಮಾಲಾ ತುಜೆ ಪಿಳ್ಗಿನಿ ದರ್ಥಿವ ಆಸ್‌ಲ್ಯಾಲ್ಯಾ ಲೊಕಾನಾ ಆಶಿರ್ವಾದ್ ವ್ಹನಾರ್ ಮನ್ಹುನ್ ಸಾಂಗ್ಲ. 26 ದೇವಾನಿ ಆಪ್‌ಲ್ಯಾ ಸೆವಕಾಲಾ ಮರ್ನಾತ್ನಿ ಉಟ್ವುನ್ ಸಗ್‌ಳ್ಯಾಂಚೆ ಆಂದಿ ತುಮ್ಚಿಪ ಲಾವುನ್ ದಿಲಾ. ತುಮಾನಾ ಆಶಿರ್ವಾದ್ ಕರಾಯಾ ಸಾಟಿ ದೇವಾನಿ ತ್ಯಲಾ ಲಾವುನ್ ದಿಲಾ. ತ್ಯೊ ತುಮಾನಾ ತುಮ್ಚಾ ಬುರ್ಶಾ ಕಾಮಾತ್ನಿ ದುರ್ ಕರುನ್ ಆಶಿರ್ವಾದ್ ಕರ್ತೊ.