1 ಮುಖ್ಯ ಯಾಜಕಾನಿ ಸ್ತೆಪಾಲಾ, "ಹ್ಯಾ ಖನ್ಕತಿ ಖರ‍್ಯಾ ಕ್ಯಾ? ಮನ್ಹುನ್ ಇಚಾರ್ಲ.

2 ತವಾ ತ್ಯೊ ಆಸಾ ಮನ್ಲಾ. ಮಾಜಾ ಬಾಪಾನು, ಆನಿ ಬಾವ್ಹಾನು ಮಾಜ಼ ಐಕಾ ಆಮ್‍ಚಾ಼ ವಡಿಲ್ ಅಬ್ರಹಾಮಾಲಾ ಮೈಮಾ ಆಸಲ್ಯಾಲ್ಯಾ ಆಮ್ಚಾ ದೇವಾನಿ ದರಶಾನ್ ದಿಲ. ಆಬ್ರಾಮ್ ಹಾರಾನಾತ್ ರಾಹ್ಯಾಚೆ ಆಂದಿ ಮೆಸೊಪೊಟೆಮಿತ್ ಹುತ್ತಾ. 3 ದೇವಾನಿ ಅಬ್ರಾಹಾಮಾಲಾ, ‘ತುಜಿ ದೆಶಾ ಆನಿ ತುಜಿ ಲೊಕ ಸುಡುನ್ ಮಿ ತುಲಾ ದ್ಯಾವ್‌ತ್ಯಾಲೆ ದೆಶೆತ್ ಜಾ಼’ ಮನ್ಹುನ್ ಸಾಂಗ್ಲ. ✝7:3 ಉತ್ಪತಿ 12:1 4 ಮನ್ಹುನ್ ಅಬ್ರಹಾಮ್ ಖಾಲ್ದೆಯ್ ದೆಶಾ ಸುಡುನ್ ಹಾರಾನಿತ್ ಜಿವ್ನಾ ಕರಾಯಾ ಗೇಲಾ. ಅಬ್ರಹಾಮಾಚಾ಼ ಬಾ ಮೆಲ್ಯಾ ನಂತರ್ ದೆವಾನಿ ತ್ಯಲಾ ಆತಾ ತುಮಿ ಜಿವ್ನಾ ಕರ್ತ್ಯಾಲ್ಯಾ ಜಾ಼ಗ್ಯಾವ ಲಾವುನ್ ದಿಲಾ. ✝7:4 ಉತ್ಪತಿ 11:31—15:7 5 ದೇವಾನಿ ಅಬ್ರಹಾಮಾಲಾ ಹಿತ್ತ ಪಸಾಬಬಿ ಜೀಮಿನ್ ದಿಲಿ ನಾಹಿ. ಫನ್ ಮೊರ್‌ಲ್ಯಾ ಕಾಲಾತ್ ಹಿ ದೇಶಾ ತ್ಯಲಾಬಿ ತ್ಯಚಾ ಪೊರಾನಾ ದೆತೊ ಮನ್ಹುನ್ ದೆವಾನಿ ಅಬ್ರಹಾಮಾಲಾ ವಾಗ್ದಾನ್ ಕೆಲಾ. ಅಬ್ರಹಾಮಾಲಾ ಪೊರ ನಸ್ಥಾನಾಸ್ ಹ್ಯ ಸಗ್ಳ ಜಾ಼ಲ್ಹ. ✝7:5 ಉತ್ಪತಿ 12:7—13:15 6 ದೇವಾನಿ ತ್ಯಲಾ, ‘ತುಜಿ ಪಿಳ್ಗಿ ಸಗ್ಳಿ ದುಸ್ರೆ ದೆಶೆತ್ ರಾನ್ಹಾರ್. ತೇ ಪರದೆಶಿ ವ್ಹವುನ್ ತಿತ್ಲಿ ಲೊಕ‍ ತ್ಯನಾ ಗುಲಾಮ್ ಕರುನ್ ಚಾರ್ಶೆ ವರ್ಸಾ ಪರೆತ್ ತ್ಯನಾ ಖುಬ್ ಜಾ಼ಸ್ ಕರ್ನಾರ್. 7 ಫನ್ ತ್ಯನಾ ಗುಲಾಮ್ ಕೆಲ್ಯಾಲ್ಯಾ ಲೊಕಾನಾ ಮಿ ಸಿಕ್ಷಾ ದೇನಾರ್’ ಮನ್ಹುನ್ ಸಾಂಗ್ಲ. ಮಂಗ್ ತೇ ತೇ ದೇಶೆತ್ನಿ ಬಾಹಿರ್ ಯವುನ್ ಮನಾ ವವ್ಯಾಳ್ನಾರ್. 8 ದೇವಾನಿ ಅಬ್ರಾಹಾಮಾ ಸಂಗ ಯೊಕ್ ಕರಾರ್ ಕೇಲಾ ತ್ಯಾ ಕರಾರಾಚಿ ವಳಕ್ ಮುಂಜಿ. ಆಸ ಆಸ್ಥಾನಾ ಅಬ್ರಾಹಾಮಾಲಾ ಯೊಕ್ ಲ್ಯೊಕ್ ಜಾ಼ಲ್ಹಾ ತವಾ ತ್ಯಲಾ ಆಟ್‌ವ್ಯಾ ದಿಸಾತ್ ಮುಂಜಿ ಕಿಲಿ ತ್ಯಚಾ ಲೇಕಾಚ಼ ನಾವ್ ಇಸಾಕ್, ಇಸಾಕಾನಿಬಿ ಆಪ್ಲಾ ಲ್ಯೊಕ್ ಯಾಕೊಬಾಲಾ ಮುಂಜಿ ಕಿಲಿ ಆನಿ ಯಾಕೊಬಾನಿ ಆಪ್‌ಲ್ಯಾ ಸಗ್‌ಳ್ಯಾ ಪ್ಯೊರ್ಗ್ಯಾನಾ ಮುಂಜಿ ಕಿಲಿ. ಹೇ ಪ್ಯೊರ್ಗಸ್ ಮೊರ್ಹ ಬಾರಾಜಾ಼ನ್ ವಡಿಲ್ ಜಾ಼ಲ್ಹ.

9 ಯಾಕೊಬಾಚಾ ಹ್ಯಾ ವಡ್ಲಾಂಚಾನಿಸ್ ಆಪ್ಲಾ ಬಾಹು ಯೊಸೆಪಲಾ ಖೊಟ್ಯಾಫನಾನಿ. ಈಜಿಪ್ಟ ಲೊಕಾನಾ ಇಕ್ಲಾ. ಫನ್ ದೇವ್ ಯೊಸೆಫಾಸಂಗ ಹುತ್ತಾ. 10 ಯೆಸೆಫಲಾ ತಿಥ ಖುಬ್ ತರಾಸ್ ಆಲಾ. ಫನ್ ದೇವಾನಿ ತ್ಯಾ ಸಗ್‌ಳ್ಯಾ ತರಾಸಾತ್ನಿ ತ್ಯಲಾ ರ‍್ಯಾಕ್ಲಾ. ತವಾ ಫರೊಹನ್ ಈಜಿಪ್ಟಾಚಾ಼ ರಾಜಾ಼ ಜಾ಼ಲ್ಥಾ. ದೇವಾನಿ ಯೊಸೆಫಾಲಾ ದಿಲ್ಯಾಲ್ಯಾ ಗಿನ್ಯಾನಾಸ್ಲಾಗುನ್ ಫರೊಹನಾಲಾ ಯೊಸೆಪ್ ಆವಾಡ್ಲಾ ಆನಿ ಮರ‍್ಯಾದ್ ದಿಲಿ. ಪರೊಹನಾನಿ ಯೊಸೆಪಾಲಾ ಐಗುಪ್ತ ದೆಶೆವ ಆನಿ ಆಪ್‌ಲ್ಯಾ ರಾಜ್ಭಾರಾವ ಅಧಿಕಾರಿ ಥರಿವ್ಲಾ. 11 ಫನ್ ಐಗುಪ್ತಾತ್ ಆನಿ ಕಾನಾನಾತ್ ಬರಗಾಲ್ ಆಲ.ಆನಿ ಆಮ್ಚಾ ವಡ್ಲಾನಾಸಾಹಿತ್ ಆನ್ ಮಿಳಾಲ ನಾಹಿ. 12 ಫನ್ ಐಗುಪ್ತಾತ್ ದಾನ ಹಾತ ಮಂಥ್ಯಾಲಿ ಖಬರ್ ಯಾಕೊಬಾನಿ ಐಕುನ್ ಆಮ್ಚಾ ವಡ್ಲಾನಾ ತಿಥ ಪೈಲೆ ಪಾವ್ಟಿ ಲಾವುನ್ ದಿಲ. 13 ನಂತರ್ ತೆ ತಿಥ ದೊನವ್ಯಾನಿ ಗೇಲ ತವಾ. ಯೊಸೆಪಾನಿ ಆಪ್‌ಲ್ಯಾ ಬಾವ್ಹಾನಾ ಆಪ್ಲಿ ವಳಕ್ ದ್ಯಾವ್ಲಿ, ತವಾ ಯೊಶೆಪಾಚ಼ ಗರ್ಹಾನ ಫರೊಹ ರಾಜಾಲಾ ಸಮಾಜ಼್ಲ. 14 ತವಾ ಯೊಸೆಪಾನಿ ಆಪ್ಲಾ ಬಾ ಯಾಕೊಬಾಲಾ ಆನಿ ಮಾಯೆಚಾನಾ ತೀ ಸಗ್ಳಿ ಮಿಳುನ್ ಸತ್ತರಾವ ಪಾಚ಼್ ಲೊಕಾನಾ ಐಗುಪ್ತಾತ್ ಹಾಕ್ಟುನ್ ಗಿತ್ಲಿತ. 15 ಮನ್ಹುನ್ ಯಾಕೊಬ್ ಐಗುಪ್ತಾತ್ ಗೇಲಾ ತ್ಯೊ ಆನಿ ತ್ಯಚ಼ ಲ್ಯಾಕ್ ಮರಸ್ಪರತ್ ತಿಥಸ್ ಹುತ್ತ. 16 ನಂತರ್ ತ್ಯಂಚಾ ಹಡಾಂಚಾ ಪಾಂಜ್ರಿ ಶೆಕೆಮಿತ್ ಆನ್‌ಲ್ಯಾ. ತಿತ್ಲೆ ಯಕ ಮಸುರ್ಡಿತ್ ತ್ಯನಾ ಪುರ್ಲ್ಯಾ. ಅಬ್ರಹಾಮಾನಿ ಹಾಮೊರಾಚಾ ಲೆಕಾನಾ ಚ಼ಾಂದಿ ದಿವುನ್ ಇಕತ್ ಗೆಥಲ್ಯಾಲಿ ಮಸುರ್ಡಿ ಹಿಸ್

17 "ದೇವಾನಿ ಅಬ್ರಹಾಮಾಲಾ ವಾಗ್ದಾನ್ ಕೆಲ್ಯಾಲಾ ಕಾಲ್ ಬಿಗಿನಿ ಯಯಚಾ಼ ಹುತ್ತಾ. ತವಾ ಐಗುಪ್ತಾತ್ ಆಮ್ಚಿ ಲೊಕ ಜಾ಼ಲ್ಯಾಲಿ ಯೆಹುದ್ಯಾಂಚಿ ಸಂಖ್ಯಾ ಖುಬ್ ಜಾ಼ಲ್ಹಿ. 18 ನಂತರ್ ದುಸ್ರಾ ಯೊಕ್ ರಾಜಾ಼ ಐಗುಪ್ತಾತ್ ರಾಜ಼್ಬಾರ್ ಕರಾಯಾ ಲಾಗ್ಲಾ. ತ್ಯಲಾ ಯೊಸೆಪಾಚೆ ಗುಶ್ಟಿತ್ ಕಾಯೆಕ್ ಠಾವ ನವ್ಥ. 19 ಹ್ಯಾ ರಾಜಾನಿ ಆಮ್ಚಾ ಲೊಕಾನಾ ಮೊಸ್ ಕೆಲಾ. ತ್ಯನಿ ಆಮ್ಚಾ ವಡ್ಲಾನಾ ಬಾದ್ ಕೆಲ. ತ್ಯಂಚಾ ಮುಲಾನಾ ಮಾರುನ್ ಟಾಕಾಯಾ ಗರ‍್ಹಾತ್ನಿ ಬಾಹಿರ್ ಟಾಕಾಯಾ ಲ್ಯಾವ್ಲ. 20 ಮೊಶೆ ಜ಼ಲಾಮ್‌ಲ್ಯಾಲಾ ಹ್ಯಾ ಕಾಲಾತುಸ್, ತ್ಯೊ ಖುಬ್ ಶಾದ್ರಾ ಹುತ್ತಾ. ಮೊಶೆಲಾ ತ್ಯಚೆ ಆಯಿ ಬಾಚಾ ಗರ‍್ಹಾತ್ ತೀನ್ ಮೈನಿ ಬಾಳಗ್ಲಾ. 21 ತ್ಯಂಚಾನಿ ಮೊಶೆಲಾ ಬಾಹಿರ್ ಟ್ಯಾಕ್ಲಾ ತವಾ ಫರೊಹನಾಚಿ ಲಿಕಿನಿ ತ್ಯಲಾ ಗೆತ್ಲಾ. ತೀನಿ ತ್ಯಲಾ ಆಪ್‌ಲ್ಯಾ ಲೇಕಾಚೆಗತ್ ಬಾಳಗ್ಲಾ. 22 ಐಗುಪ್ತಾತಲ್ಯಾಂಚಾನಿ ಆಪ್‌ಲ್ಯಾಲಾ ಠಾವ ಆಸ್‌ಲ್ಯಾಲ ಸಗ್ಳ ಗಿನ್ಯಾನ್ ಮೊಶೆಲಾ ಸೀಕಿವ್ಲ. ತ್ಯೊ ಬೊಲಾಯಾ ಕಾಮ ಕರಾಯಾ ಖುಬ್ ಹುಶಾರ್ ಜಾ಼ಲ್ಥಾ.

23 ಮೋಶೆಲಾ ಚಾಳಿಸ್ ವರ್ಸ ಜಾ಼ಲ್ಹಿತ ತವಾ, ಆಪ್ಲ ಬಾಹು ಜಾ಼ಲ್ಯಾಲ್ಯಾ ಇಸ್ರಾಯಲ್ ಲೊಕಾನಾ ಬಗಾಯಾ ವ್ಹಯಿ ಮನ್ಹುನ್ ತ್ಯನಿ ಮನ್ ಕೆಲ. 24 ಐಗುಪ್ತಾತಲ್ಯಾ ಯಕಾನಿ ಇಸ್ರಾಯಲಾತಲ್ಯಾ ಯಕಾಲಾ ಅನೆವ್ ಕರ್ತ್ಯಾಲಾ ಬಗುನ್ ಮೊಶೆನಿ ತ್ಯಾ ಐಗುಪ್ತಾತಲ್ಯಾಲಾ ಮಾರುನ್ ಟಾಕುನ್ ಡಾವ್ ಫಾರಿಕ್ ಕರ್ತೊ. 25 ಆಪ್‌ಲ್ಯಾಲಾ ರಾಖಾಯಾ ದೇವಾನಿ ಮೊಶೆಲಾ ಉಪೇಗ್ ಕೆಲ್ಯಾ ಮನ್ಹುನ್ ಆಪ್ಲ ಇಸ್ರಾಲ್ ಬಾಹು ಸಮಜು಼ನ್ ಗೆಥ್ಯಾತ ಮನ್ಹುನ್ ಮೊಶೆನಿ ಯವಜ಼್ಲ. ಫನ್ ತ್ಯಂಚಾನಿ ಸಮಜು಼ನ್ ಗೆತ್ಲ ನಾಹಿ. 26 ದುಸ್ರೆ ದಿಸಿ ದೊಗ ಇಸ್ರಾಯಲುಸ್ ಮಾರಾಮಾರಿ ಕರ್ತ್ಯಾಲ ಮೊಶೆನಿ ಬಗ್ಲ. ತ್ಯನಾ ಸಮಾಧಾನ್ ಕರಾಯಾ ಜಾ಼ವುನ್ ತ್ಯನಿ ಸೊಪ್‌ತ್ಯಾನು ತುಮಿ ಬಾಹು ಜಾ಼ಲ್ಯಾಸಾ! ತುಮಿ ಯಕಾ ಮಕಾಲಾ ಅನ್ನೆವ್ ಕಾ ಕರ್ತಾಸಾ? ಮನ್ಹುನ್ ಇಚಾರ್ಲ. 27 ತ್ಯಾತ್‌ಲ್ಯಾ ಯಕಾನಿ ಮೊಶೆಲಾ ಮಾಗ ಡಕ್ಲುನ್ ತುಲಾ ಅದಿಕಾರಿ ನಾಹಿತ ನ್ಯಾಯಿ ನಿವಡತ್ಯಾಲಾ ಕುನಿ ಕೆಲ್ಯಾ? ಮನ್ಹುನ್ ಇಚಾರ್ಲ 28 ಕ್ಯಾಲ್ ತ್ಯಾ ಐಗುಪ್ತಾತಲ್ಯಾಲಾ ಮಾರುನ್ ಟ್ಯಾಕ್‌ಲ್ಯಾಚೆಗತ್ ಮನಾಬಿ ಮಾರುನ್ ಟ್ಯಾಕ್ನಾರ್ ಕ್ಯಾ? ಮನ್ಲಾ 29 ಹ್ಯ ಐಕುನ್ ಮೊಶೆ ಐಗುಪ್ತಾತ್ನಿ ಪಳುನ್ ಜಾ಼ವುನ್ ಮಿದ್ಯಾನ್ ದೇಶಾತ್ ವಳಕ್ ನಸ್‌ಲ್ಯಾಲಾ ವ್ಹವುನ್ ರಾಯಲಾ, ತಿಥ ತ್ಯಲಾ ದೊಗ ಪ್ಯೊರ್ಗ ಜ಼ಲಾಮ್ಲ.

30 ಚಾಳಿಸ್ ವರ್ಸ ಜಾ಼ಲ್ಯಾನಂತರ್ ಮೊಶೆ ಸಿನಾಯ್ ಗುಢ್ಯಾಚೆ ಜ಼ವಳ್ ಆಸ್‌ಲ್ಯಾಲೆ ಉಸ್ಕಾಚೆ ಜಿಮ್ನಿತ್ ಆಸ್ಥಾನಾ ಪೆಟ್ಯಾಲೆ ಜಾ಼ಳಿತ್ ಯೊಕ್ ದೇವ್ದುತ್ ದಿಸ್ಲಾ. 31 ಮೊಶೆ ಗಾಬ್ರುನ್ ಬಗಾಯಾ ಜ಼ವಳ್ ಗೇಲಾ ತವಾ ಮೊಶೆಲಾ ಯೊಕ್ ಸಬ್ದ ಐಕ್ವಾಲಾ ತ್ಯೊ ಪ್ರಭುಚಾ಼ ಸಬ್ದ ಜಾ಼ಲ್ಥಾ. 32 ಪ್ರಭುನಿ ತ್ಯಲಾ ಮೀಸ್ ತುಜಾ ವಡ್ಲಾಂಚಾ಼ ದೇವ್ ಮೀಸ್ ಅಬ್ರಹಾಮಾಚಾ಼ ದೇವ್ ಇಸಾಕಾಚಾ಼ ದೇವ್ ಆನಿ ಯಾಕೊಬಾಚಾ಼ ದೇವ್ ಮನ್ಹುನ್ ಸಾಂಗ್ಲ. ಮೊಶೆಲಾ ಬಿಹುನ್ ಕ್ಯಾಪ್ರಬರ್ಲ. ಆನಿ ಜಾ಼ಳಿಕ್ಡ ಬಗಾಯಾ ಬಿಹ್ಯಾಲಾ. 33 ಪ್ರಭು ತ್ಯಲಾ, ತುಜಾ ಪಾಯಾತಲ್ಯಾ ವ್ಹಾನಾ ಕ್ಯಾಡ್ ಕಾ ಮಂಜೆ ಆತಾ ತು ಉಬಾ ರಾಯ್‌ಲ್ಯಾಲಾ ಜಾ಼ಗಾ ಪರಿಶುದ್ದ ಜಾ಼ಲ್ಯಾಲಾ. 34 ಐಗುಪ್ತಾತ್ ಲೊಕ ಖುಬ್ ತರಾಸ್ ಖಾತ್ಯಾಲಿ ಮೀ ಬಗ್ಲಿತ ತ್ಯಂಚ಼ ರಡ್ನ ಮನಾ ಐಕು ಆಲ್ಯಾ: ಮಿ ತ್ಯನಾ ಸೊಡ್ವಾಯಾ ಉತ್ರುನ್ ಆಲ್ಯೊ ಆತಾ ಮೀ ತುಲಾ ಐಗುಪ್ತಾತ್ ಲಾವುನ್ ದೇತೊ. ಮನ್ಹುನ್ ಸಾಂಗ್ಲ.

35 ತ್ಯಾ ಯೆಹುದ್ಯಾಂಚಾನಿ ತುಲಾ ಅದಿಕಾರಿ ನಾಹಿತ ನ್ಯಾಯಿ ನಿವಡತ್ಯಾಲಾ ಕುನಿ ಕೆಲ್ಯಾ, ಮನ್ಹುನ್ ಮೊಶೆಚಿ ನಕ್ವಾಟ್ ಕಿಲ್ತಿ. ಫನ್ ದೇವಾನಿ ಅಧಿಕಾರಿ ಆನಿ ಸುಡಿವ್ನಾರಾ ಕರುನ್ ಆಪ್‌ಲ್ಯಾ ದುತಾಸಂಗ ಮೊಶೆಲಾ ಲಾವುನ್ ದಿಲಾ. ಪೆಟ್ಯಾಲೆ ಜಾ಼ಳಿತ್ ಮೊಶೆನಿ ಬಗ್‌ಲ್ಯಾಲಾ ಧುತ್ ಹ್ಯೊಸ್. ✝7:35 ಇಮೊಚನ್ 2:1—3:2

36 ಮನ್ಹುನ್ ಮೊಶೆನಿ ಲೊಕಾನಾ ಐಗುಪ್ತಾತ್ನಿ ಹಾಕ್ಟುನ್ ಆನ್ಲಾ. ತ್ಯನಿ ಚಮತ್ಕಾರಾಚಿ ಕಾಮ ಅದ್ಬುತಾಚಿ ಕಾಮ ಐಗುಪ್ತಾತ್ ತಾಂಬಡ್ಯಾ ಸಮುದ್ರಾತ್ ಆನಿ ಚಾಳಿಸ್ ವರ್ಸ ರಾನಾತ್ ಚಾ಼ಲಿವ್ಲಿತ. 37 ಹ್ಯಾಸ್ ಮೊಶೆನಿ ಇಸ್ರಾಯಲ್ ಲೊಕಾನಾ ದೇವ್ ತುಮಾನಾ ಯೊಕ್ ಪ್ರವಾದಿ ದೆನಾರ್ ತ್ಯೊ ಪ್ರವಾದಿ ತುಮಚಾಸ್ ಲೊಕಾತ್ನಿ ಯನಾರ್ ತ್ಯೊ ಮಾಜಿಗತುಸ್ ರಾನ್ಹಾರ್ ಮನ್ಹುನ್ ಸಾಂಗ್ಲ. 38 ರಾನಾತ್ ಇಸ್ರಾಯಲಾಂಚಾ ಮೆಳ್ಯಾತ್ ರಾಯ್‌ಲ್ಯಾಲಾ ಹ್ಯೊ ಮೊಶೆಸ್. ಸಿನಾಯ್ ಮೊಟ್ಯಾ ಗುಡ್ಯಾಪ ಮಾಜಿ ಸಂಗ ಬೊಲ್ಯಾಲ್ಯಾ ದೇವ್ದುತಾ ಸಂಗ ತ್ಯೊ ಹುತ್ತಾ. ತ್ಯವ್ಡಸ್ ನವ್ಹ ಆಮ್ಚಾ ವಡ್ಲಾಂಚಿಸಂಗ ಹುತ್ತಾ. ಜೀವಾಚ಼ ಸಬ್ದ ಮೊಶೆನಿ ದೇವಾಫ್ನಿ ಗಿಹುನ್ ತೇ ಆಮಾನಾ ದಿಲ.

39 ಫನ್ ಮೊಶೆನಿ ಸಾಂಗಲ್ಯಾಲ ಆಮ್ಚಾ ವಡ್ಲಾನಾ ಆವಾಡ್ಲ ನವ್ಥ. ತ್ಯಂಚಾನಿ ತ್ಯಲಾ ನಕ್ವಾಟ್ ಕರುನ್, ಐಗುಪ್ತಾತ್ ಮಾಗಾರ ಜಾ಼ಯಾ ವ್ಹಯಿ ಮನ್ಲ. 40 ತ್ಯಂಚಾನಿ ಆರೊನಾಲಾ, ‘ಆಮಾನಾ ಐಗುಪ್ತ ದೇಶಾತ್ನಿ ಹಾಕ್ಟುನ್ ಆನಲ್ಯಾಲಾ ಮೊಶೆ. ಕ್ಯಾ ಜಾ಼ಲ್ಹ ಆಮಾನಾ ಠಾವಾ ನಾಹಿ. ಆಮಿ ಮೊರ‍್ಹ ಜಾ಼ಯಾ ಆನಿ ಆಮಾನಾ ಚಾ಼ಲ್ವಾಯಾ ದ್ಯಾವ್ ಕರುನ್ ದೆ’ ಮನ್ಹುನ್ ಸಾಂಗ್ಲ. 41 ತವಾ ತ್ಯಂಚಾನಿ ವಾಸರಾಚ಼ ಯಾಕ್ ಪಾಶಾನ್ ಬನಿವ್ಲ ಆನಿ ತ್ಯಚೆ ಮೊರ್ಹ ಬಲಿ ದಿವುನ್. ಆಪ್‌ಲ್ಯಾ ಹಾತಾನಿ ಕೆಲ್ಯಾಲ್ಯಾ ಪಾಶಾನಾಂಚೆ ಗುಶ್ಟಿತ್ ಖುಬ್ ಆನಂದ್ ಕೆಲಾ!. 42 ಫನ್ ದೇವಾನಿ ತ್ಯಂಚಿಕ್ಲ ತ್ವಾಂಡ್ ಪರತ್ಲ, ಆನಿ ಆಬ್ಳಾತ್‌ಲ್ಯಾ ಚಾ಼ಂದ್ ದೀಸ್ ಚಾನ್ಯಾನಾ ಪುಜಾ಼ಯಾ ತ್ಯನಾ ಸುಡುನ್ ದಿಲ.

"ಹ್ಯ ಪ್ರವಾದಿಂಚಾ ಪುಸ್ತಕಾತ್ ಲಿವ್‌ಲ್ಯಾ. ಇಸ್ರಾಯಲ್ ಲೊಕಾನಾ ಚಾಳಿಸ್ ವರ್ಸ ರಾನಾತ್ ಆಸ್ಥಾನಾ ಕವಾತರಿ ಯಜ್ಞಾ ವ್ಹವುನಿ ಬಲಿ ವ್ಹವುನಿ ದಿಲ್ತಸಾ ಕ್ಯಾ?

43 ತುಮಿ ಪುಜಾ಼ಯಾ ಕೆಲ್ಯಾಲಿ ಪಾಶಾನ ಮಂಜೆ ಮೊಲೊಖಾಚಾ ಮಾಂಡ್ವಾವ ರೆಫಾನ್ ದೆವಿಚ಼ ಚಾನ್ನಿಚ಼ ರುಪ್ಕರುನ್ ಉಚ಼ಲುನ್ ನಿಹಿತಾಸಾ ಮನ್ಹುನ ಮಿ ತುಮಾನಾ ಬಾಬಿಲೊನಾಚಾ ತಾಬ್ಯಾತ್ ದೆನಾರ್.✝7:43 ಆಮೊಸ 5:25-27

44 ದೇವ್ ರಾಥ್ಯಾಲಾ ಮಾಂಡವ್ ತ್ಯಾ ಇಸ್ರಾಯಲಾಂಚೆ ಸಂಗ ರಾನಾತ್ ಹುತ್ತಾ ತ್ಯೊ ಮಾಂಡವ್ ಕರ್ತ್ಯಾಲ್ಯಾಂಚೆ ಗುಶ್ಟಿತ್ ದೇವಾನಿ ಮೊಶೆಲಾ ಸಾಂಗುನ್ ದಿಲ. ದೇವಾನಿ ಆಪ್‌ಲ್ಯಾಲಾ ದ್ಯಾವ್‌ಲ್ಯಾಚೆಗತ್ ಮೊಶೆನಿ ಬನಿವ್ಲಾ. ✝7:44 ಇಮೊಚನ್ 25:1-4 45 ಆಮ್ಚಾ ವಡ್ಲಾಂಚಾನಿ ತ್ಯ ಆಪ್‌ಲ್ಯಾ ವಡ್ಲಾಂಚಿಪ್ನಿ ಗೆತ್ಲಾ ಹುತ್ತಾ. ತ್ಯಂಚಾನಿ ಯೊಹೊಶಾಚಾ ಫುಡಾರಿ ಫನಾತ್ ತ್ಯೊ ಮಾಂಡೊವ್ ಕಾನಾನ್ ದೆಶಾತ್ ಆನ್ಲಾ ತವಾ ತಿ ದೆಶಾ ದುಸ್‌ರ‍್ಯಾ ಲೊಕಾಂಚಿ ಹುತ್ತಿ. ಫನ್ ದೇವಾನಿ ಆಮ್ಚಾ ವಡ್ಲಾಂಚಾ ಡೊಳ್ಯಾ ಮೊರ‍್ಹಸ್ ತ್ಯಾತ್‌ಲ್ಯಾ ಲೊಕಾನಾ ಬಾಹಿರ್ ಗ್ಯಾತ್ಲಿತ. ಆನಿ ದಾವಿದಾಚಾ ಕಾಲಾ ಪರ‍್ಯಾತ್ ತಸಸ್ ಹುತ್ತ. 46 ದಾವಿದಾಲಾ ದೇವಾಚಿ ಕ್ರಪಾ ಮಿಳಾಲಿ. ತ್ಯನಿ ಮೀ ಯಾಕೊಬಾಚಾ ದೇವಾಪ ಮಾಗ್ನ ಕರಾಯಾ ಘರ್ ಬಾಂದಾಯಾ ಮನಾ ಮೊಕಳ್ದೇ ಮನ್ಹುನ್ ದೇವಾಪ ಮಾಗ್ಲ. 47 ಫನ್ ದೇವಾಸಾಟಿ ದಿವುಳ್ ದಾವಿದಾಚಾ಼ ಲ್ಯೊಕ್ ಸೊಲೊಮೊನಾನಿ ಬ್ಯಾಂದ್ಲ

48 ಫನ್ ಮಾನ್ಸಾನಿ ಆಪ್‌ಲ್ಯಾ ಹಾತಾನಿ ಬ್ಯಾಂದ್‌ಲ್ಯಾಲ್ಯಾ ಗರ‍್ಹಾತ್ನಿ ಮಹೊನ್ನತ ದೆವ್ ರಾಹಿತ್ನಾಹಿ. 49 ಪ್ರಭು ಆಸಾ ಮಂಥೊ, ಸ್ವರ್ಗ ಮಾಜ಼ ರಾಜಾಸನ್, ದರ್ಥಿವ ಮಾಜ಼ ಪ್ಯಾ ಹಾತ. ತುಮಿ ಮನಾ ಕಸ್ಲ ಘರ ಬ್ಯಾಂದನಾರ್? ನಾಹಿತ ಮಾಜಾ಼ ರಾಹ್ಯಾಚ಼ಾ ಜಾ಼ಗಾ ಕಚಾ಼?

50 ಯಾದ್ ರಾಹುನಿ ತೀ ಸಾಮ್ನ ಸಗ್ಳಿ ಕೆಲ್ಯಾಲಿ ಮಿಸ್!" ಆಸ ಪ್ರವಾದಿನಿ ಲಿವ್‌ಲ್ಯಾ: ✝7:50 ಯೆಶಾಯ್ 66:1-2 51 ಸ್ತೆಫನಾನಿ ಬೊಲ್ನ ಸುರು ಕೆಲ. ಹಾಟೊಳ್ಯಾ ಲೊಕಾನು! ತುಮಿ ತುಮ್ಚಿ ಮನ ದೇವಾಲಾ ದಿಲಿ ನಾಹಿಸಾ. ತುಮಿ ತ್ಯಚ಼ ಐಕ್ಲ ನಾಹಿಸಾ. ಪವಿತ್ರಾತ್ಮ ತುಮಾನಾ ಸಾಂಗಾಯಾ ಯತ್ನ ಕರ್ತ್ಯಾಲೆ ಗುಶ್ಟಿತ್ ತುಮಿ ಕವಾಬಿ ವಾದಿ ಜಾ಼ಲ್ಯಾಸಾ. ತುಮ್ಚಾ ವಡ್ಲಾಂಚಾನಿ ಆಸಸ್ ಕೆಲ ಆನಿ ತುಮಿ ತ್ಯಂಚಿಗತುಸ್ ಹಾಸಾ. 52 ಪರತೇಕ್ ಪ್ರವಾದಿಲಾ ತುಮ್ಚಾ ವಡ್ಲಾಂಚಾನಿ ನಿಂದಾ ಕಿಲಿ ಯೊಕ್ ನಿಯತಿಚಾ಼ ಯತ್ಯೊ ಮನ್ಹುನ್ ಖುಬ್ ಕಾಲಾಚೆ ಮಾಗಸ್ ತ್ಯಾ ಪ್ರವಾದಿಂಚಾನಿ ಸಾಂಗ್ಲ ಹುತ್ತ. ಫನ್ ತುಮ್ಚಾ ವಡ್ಲಾಂಚಾನಿ ತ್ಯನಾ ಮಾರುನ್ ಟ್ಯಾಕ್ಲ. ಆತಾ ತುಮಿ ತ್ಯಲಾ ದರ್ಹುನ್ ಮಾರುನ್ ಟ್ಯಾಕ್‍ಲ್ಯಾಲಿ ಜಾ಼ಲ್ಯಾಸಾ. 53 ದೇವಾನಿ ಆಪ್‌ಲ್ಯಾ ಧುತಾಂಚಿಪ ಧರ್ಮಶಾಸ್ತಾರ್ ಲಾವುನ್ ದಿಲ ಫನ್ ತುಮಿ ತ್ಯ ಪ್ಯಾಳ್ಳ ನಾಹಿಸಾ!"

54 ಸ್ತೆಫನನಾಚಾ ಹ್ಯಾ ಬೊಲ್ಯಾ ಐಕ್‌ಲ್ಯಾಲ ಯೆಹುದಿ ಅದಿಕಾರಿ ಖುಬ್ ರಾಗಾವ ಆಲ ತ್ಯಂಚಾನಿ ರಾಗಾನಿ ಸ್ತೆಫನಾವ ದಾತ್ಚಾವ್ಲ. 55 ಫನ್ ಸ್ತೆಪನ್ ಪವಿತ್ರಾತ್ಮಾನಿ ಬರ್‌ಲ್ಯಾಲಾ ಜಾ಼ಲ್ಥಾ. ತ್ಯನಿ ಅಬ್ಳಾಕ್ಡ ಜ಼ಪುನ್ ಬಗುನ್ ದೇವಾಚಿ ಮೈಮಾ ಆನಿ ಯೇಸು ದೇವಾಚೆ ಉಜ಼ವ್ಯಾಂಗ್ನಿ ಉಬಾ ರಾಯ್‌ಲ್ಯಾಲಾ ಬಗ್ಲಾ. 56 ತ್ಯನಿ "ಬಗಾ, ಸ್ವರ್ಗ ಉಗಾಡ್‌ಲ್ಯಾಲ ಮಾನ್ಸಾಚಾ಼ ಲ್ಯೊಕ್ ದೇವಾಚೆ ಉಜ಼ವ್ಯಾಂಗ್ನಿ ಉಬಾ ರಾಯ್‌ಲ್ಯಾಲಾ ಮಿ ಬಗತ್ಯೊ!" ಮನ್ಲಾ.

57 ತವಾ ಯೆಹುದಿ ಅದಿಕಾರಿ ಸಗ್ಳ ಜೊ಼ರಾನಿ ವರ್ಡತ್ ಆಪ್ಲ ಕಾನ್ ಜಾ಼ಖುನ್. ತೇ ಸಗ್ಳ ಯಕ್‌ವ್ಹವುನ್ ತ್ಯಚಾ ಆಂಗಾವ ಆಲ. 58 ಆನಿ ತ್ಯಲಾ ಪೆಠತ್ನಿ ಬಾಹಿರ್ ವಡುನ್ ನಿಹುನ್ ತ್ಯೊ ಮರಸ್ ಪರ‍್ಯಾತ್ ತ್ಯಚಿವ ದೊಂಢ ಮ್ಯಾರ್ಲ. ತ್ಯಚೆ ಅಡವ್ಯಾ ಸಾಕ್ಷಿ ಸಾಂಗ್‌ಲ್ಯಾಲಿ ಲೊಕ ಆಪ್ಲ ಕಪ್ಡ ಕಾಡುನ್ ಸೌಲ ಮಂಥ್ಯಾಲ್ಯಾ ಪ್ಯೊರಗ್ಯಾಚಾ ಪಾಯಾತ್ ಥೆವ್ಲ. 59 ಸ್ತೆಪನಾಲಾ ದೊಂಢ ಮ್ಯಾರ್ಲ ಫನ್ ಸ್ತೆಪನ್ ಮಾಗ್ನ ಕರಿತ್ ಪ್ರಭು ಜಾ಼ಲ್ಯಾಲ್ಯಾ ಯೇಸು ಮಾಜ಼ ಆತ್ಮ ಘೆ ಮನ್ಲಾ. 60 ತ್ಯನಿ ಡೊಗ್ಲ ಮುಡುನ್, "ಪ್ರಭು ಹ್ಯ ಪಾಪ್ ಹ್ಯಂಚಿವ ಗಾಲು ನಕೊಸ್" ಮನ್ಹುನ್ ಜೊ಼ರಾನಿ ವರ್ಡುನ್ ಜೀವ್ ಶೊಡ್ಲಾ.