Hebreus 5

1 ಪರತೆಕ್ ಯೆಹುದಿ ಮುಖ್ಯ ಯಾಜಕ್ ಮಾನ್ಸಾತ್ನಿ ನಿವ್ಡುನ್ ದೇವಾಲಾ ಸಮನ್ನ್ ಆಸ್‌ಲ್ಯಾಲಿ ಕಾಮ ಮಾನ್ಸಾಂಚೆ ಸಾಟಿ ಕರಾಯಾ ಥರಿವಲ್ಯಾ. ತ್ಯೊ ಯಾಜಕ್ ಪಾಪಾಂಚೆಸಾಟಿ ದೇವಾಲಾ ದಿನ್ಗಿ ಯಜ್ಞ ದಿಯಾ ವ್ಹಯಿತ. 2 ತ್ಯೊ ಸಗಳ್ಯಾ ಲೊಕಾಂಚೆಗತ್ ಬಳ್ ನಸ್‌ಲ್ಯಾಲಾ ಹಾ ಮನ್ಹುನ್ ಸಮಜು಼ನ್ ಗೆತಲ್ಯಾ ನಸ್‌ಲ್ಯಾಲಾ ಆನಿ ವಾಟ್ ಚು಼ಕಲ್ಯಾಲ್ಯಾ ಲೊಕಾಂಚೆ ಗುಶ್ಟಿತ್ ಥಂಡ್ಪನಾನಿ ಸೊಸ್ವಾಯಾ ಬಳ್ ಆಸ್ನಾರಾ ಜಾ಼ಲ್ಯಾ. 3 ಆಪ್ನು ಬಳ್ ನಸ್‌ಲ್ಯಾಲಾ ಹಾ ಮನ್ಹುನ್ ತ್ಯೊ ಮಾನ್ಸಾಂಚಾ ಪಾಪಾಂಚೆಸಾಟಿ ಆಪ್‍ಲ್ಯಾ ಸ್ವತಾಚಾ ಪಾಪಾಂಚೆ ಸಾಟಿ ಯಜ್ಞ ದೆತೊ. 4 ಮುಖ್ಯ ಯಾಜಕ್ ವ್ಹವುನ್ ನಿವಡ್‌ಲ್ಯಾಲಿ ಯೆಕ್ ಮರ‍್ಯಾದ್. ಪನ್ ಕೊನ್ ಆಪ್‌ಲ್ಯಾಲಾ ಆಪ್ನು ಹ್ಯಾ ಕಾಮಾಲಾ ನಿವ್ಡುನ್ ಗಿಹಿತ್ ನಾಹಿ. ದೇವಾನಿ ಆರೊನಾಲಾ ಹಾಕಟ್‌ಲ್ಯಾ ಶಾರ್ಕ, ತ್ಯಾ ಮಾನ್ಸಾಲಾ ಹಾಕಟಾಯಾ ವ್ಹಯಿ.

5 ಕ್ರಿಸ್ತಾಲಾ ಆಸಾಸ್ ನಿವಡ್ಲಾ ತ್ಯೊ ಉಜೀಡಾಚಾ಼ ಮುಖ್ಯ ಯಾಜಕ್ ವ್ಹವುನ್ ಆಪ್‌ಲ್ಯಾಲಾ ಆಪ್ನುಸ್ ನಿವ್ಡುನ್ ಗೆತ್ಲಾ ನಾಹಿ. ಪನ್ ದೇವಾನಿ ತ್ಯಲಾ ನಿವಡ್ಲಾ. ದೇವಾನಿ ಕ್ರಿಸ್ತಾಲಾ ಆಸ ಸಾಂಗ್ಲ:

"ತು ಮಾಜಾ಼ ಲ್ಯೊಕ್.

ಆಜ಼್ ಮಿ ತುಜಾ಼ ಬಾ ಜಾ಼ಲ್ಯೊ. "

6 ಪವಿತ್ರ ಪುತಿಕಾತ್ ಆನಿ ಯಕಿಕ್ಡ ದೇವ್ ಆಸ ಮಂತ್ಯೊ:

"ತು ಮೆಲ್ಕಿಜೆದೇಕಾಚೆಗತ್ ಖಾಯಿಮ್

ಮುಖ್ಯ ಯಾಜಕ್ ವ್ಹನಾರ್. "

7 ಕ್ರಿಸ್ತ ದರ್ತಿವ ಆಸ್ಥಾನಾ, ದೇವಾಪ ಮಾಗಾ,. ತ್ಯಲಾ ಮರ್ನಾತ್ನಿ ಪಾರ್ ಕರ್ತ್ಯಾಲಿ ತಾಕತ್ ದೇವಾಲಾ ಯಕಲ್ಯಾಲಾಸ್ ಹುತಿ. ಮನ್ಹುನ್ ತ್ಯನಿ ಜೊ಼ರಾನಿ ರಡತ್ ದೇವಾಪ ಮಾಗ್ನ ಕೆಲ. ದೇವಾಚಾ ಮನಾಚೆಗತ್ ತ್ಯನಿ ಸಗ್ಳ ಕೆಲ್ಯಾಲಾ ಜಾ಼ಲಾ ಆನಿ ಬಾರಿಕ್ಮನ್ ಜಾ಼ಲ್ಥ. ಮನ್ಹುನ್ ದೇವಾನಿ ತ್ಯಚಾ ಮಾಗ್‌ನ್ಯಾನಾ ಉತ್ತರ್ದಿಲಾ. 8 ತ್ಯೊ ದೇವಾಚಾ಼ ಲ್ಯೊಕ್ ಜಾ಼ಲ್ಯಾ. ತರಿ ತರಾಸಾತ್ ಗಾವುನ್, ಆಪ್ನು ಖಾಲ್ಯಾಲ್ಯಾ ತರಾಸಾಂಚಾನಿಸ್, ಐಕಲ್ಯಾಶಾರ‍್ಕ ಕರಾಚ಼ ಸಿಕ್ಲಾ. 9 ಆಸ ಆಸ್ಥಾನಾ ತ್ಯೊ ನಿರ್ಮಳ್ ಹುತಾ. ದೇವಾಚ಼ ಐಯಿಕ್ನಾರಿ ಲೊಕ ಸಗ್ಳಿ ಖಾಯಿಮ್ಚಿ ರಕ್ಷನ್ ಗಿಹ್ಯಾ ತ್ಯೊಸ್ ಕಾರನ್. 10 ದೇವಾನಿ ತ್ಯಲಾ ಮೆಲ್ಕಿಜೆದೇಕಾಚೆಗತ್ ಮುಖ್ಯ ಯಾಜಕ್ ಕೆಲಾ.

ಇಸ್ವಾಸ್ ಸುಡುನ್ ಜಾ಼ವುನಾಹಿ ಆಸಿ ಹುಶಾರ್ಕಿ

11 ಹೆ ಗುಶ್ಟಿತ್ ಆಮಿ ತುಮಾನಾ ಸಾಂಗಾಯಾ ಪಾಯ್‍ಜೆತ್ಯಾ ಖುಬ್ ಗುಶ್ಟಿ ಹಾತಾ. ಪನ್ ತುಮಿ ಹ್ಯ ಸಮಜು಼ನ್ ಗಿಹ್ಯಾ ಯತ್ನ ಕಿಲಿ ನಾಹಿಸಾ ಮನ್ಹುನ್ ಉಗ್ಡುನ್ ಸಾಂಗಾಯಾ ಆವಗಡ್ ಜಾ಼ಲ್ಯಾ. 12 ತುಮಾನಾ ಯೊಳ್ ಪಾಯ್ಜೆ ತ್ಯವ್ಡಾ ಹುತ್ತಾ ಮನ್ಹುನ್ ಇತ್‌ಕ್ಯಾತ್ ತುಮಿ ಮಾಸ್ತರ್ ವ್ಹಯಾ ವ್ಹಯಿತಾಸಾ. ಪನ್ ತುಮಿ ಯವ್‌ಡ್ಯಾತ್ ಸಿಕಿವ್‌ತ್ಯಾಲಿ ರಾಹ್ಯಾ ವ್ಹಯಿಸಾ ಆಸ ಆಸ್ಥಾನಾ ದೇವಾಚ಼ ಸಿಕಿವ್ನ ಆಂದಿಚಾ ಪಾಟ್ಯಾನಿ ಆನೀಕ್ ಸಿಕ್ವಾಯಾ ತುಮಾನಾ ಆನಿ ಯಕಾ ಮಾನ್ಸಾಚಿ ಗರಜ಼್ ಹಾ. ದುದಾಚೆಗತ್ ಆಸ್‌ಲ್ಯಾಲ ಸಿಕಿವ್ನ ಆಮಿ ತುಮಾನಾ ಕರಾಯಾ ವ್ಹಯಿ. ತುಮಿ ಘಟ್ ಜೆವಾನ್ ಖಾತ್ಯಾಲಿ ಜಾ಼ಲಾ ನಾಹಿಸಾ. 13 ತುಮಿ ದುದ್ ಪೀತ್ಯಾಲ್ಯಾ ಮುಲಾಂಚೆಗತ್ ಹಾಸಾ. ತುಮಾನಾ ಚಾ಼ಂಗಲ್ಯಾ ಆನಿ ಬುರ್‌ಶಾಂಚಾ ಸಿಕ್ಷಾನಾಂಚೆ ಗುಶ್ಟಿತ್ ಕಾಯೇಕ್ ಸಮಾಜ಼್ಲ ನಾಹಿ. 14 ಪನ್ ಗಟ್ ಜೆವಾನ್ ಗಿನ್ಯಾನ್ ಗೆತಲ್ಯಾಲಾನಾ ಸುಡುನ್ ಮುಲಾನಾ ನವ್ಹ. ಹ್ಯಂಚಾನಿ ಸಮಜು಼ನ್ ಆಪ್ಲಿ ಮನ ಆಪ್‍ಲ್ಯಾ ತಾಬ್ಯಾತ್ ದರುನ್ ಹಾತ ಮನ್ಹುನ್ ಚಾ಼ಂಗಲ್ಯಾಚಾ಼ ಬುರ್ಶಾಚಾ಼ ಫರಕ್ ಸಮಜು಼ನ್ ಗೆನ್ಹಾರಿ ಜಾ಼ಲ್ಯಾತ.