1 ಚಿಯೊನಾತ್ ಆರಾಮಾನಿ ಆಸಲ್ಯಾಲ್ಯಾಂಚಾನು, ಸಮಾರ‍್ಯಾಚಾ ಗುಢ್ಯಾವ ಕ್ಯಾಳಜಿ ನಸ್ತಾನಾ ಆಸಲ್ಯಾಲ್ಯಾನು, ಇಸ್ರಾಯೆಲಾಂಚಾ ವಂಶಾತಲ್ಯಾನು ತುಮ್ಚಿ ಮಜ಼ತ್ ಮಾಗಿತ್ ತುಮಾನಾ ಸುದಿತ್ ಯಯಿಯವ್ಡ ಮತ್ವಾಚಿ ಜಾ಼ಲ್ಯಾಲ್ಯಾನು, ತುಮ್ಚಿ ಗತಿ ಕ್ಯಾಸಾಂಗು! 2 ಕಲ್ನೆ ಪೆಠತ್ ಜಾ಼ವುನ್ ಬಗಾ. ತಿತ್ನಿ ಮುಟಿ ಪ್ಯಾಟ್ ಜಾ಼ಲ್ಯಾಲೆ ಹಮಾತಿಲಾ ಜಾ಼ವಾ. ಹಮಾತಿತ್ನಿ ಪಿಲಿಸ್ಟಿಯಾಂಚಾ಼ ಶಾರ್ ಗತಾತ್ ಉತ್ರುನ್ ಜಾ಼ವಾ.ತಿ ತುಮ್ಚಾ ರಾಜಾವ್ನಿ ಮುಟಿಕ್ಯಾ? ತ್ಯಂಚ಼ ಪ್ರಾಂತ್ಯ, ತಮ್ಚಾ ಪ್ರಾಂತ್ಯಾವ್ನಿ ಮೊಟಕ್ಯಾ? 3 ಬಗಾ ತುಮಿ ತ್ಯಾ ವಾಯಿಟ್ ದಿಸಾತ್ನಿ ಚು಼ಕುವುನ್ ಗಿಹ್ಯಾ ಯತ್ನ ಕರತ್ಯಾಲ್ಯಾನು ,ಆನಿಜ಼ರಾ ತರಾಸ್ ಜ಼ವಳ್ ಆನುನ್ಗೆನ್ಹಾರ್. 4 ಹಾತ್ತಿಚಾ ದಾತಾಚಾ ಪಲಂಗಾವ ನಿಸತ್ಯಾಲ್ಯಾ ಲೊಕಾನು, ಸುಕಾಚೆ ಮಂಚಾವ ಆರಾಮ್ ವರಾಂಗಲ್ಯಾಲ್ಯಾನು, ಹಿಂಡಾತ್ಲಿ ಬಕ್ರಿ, ಗೊಟ್ಯಾತ್ಲಿ ವಾಸ್ರ ಮಾರುನ್ ಖಾತ್ಯಾಲ್ಯಾನು, ತುಮ್ಚಿ ಗತಿ ಕ್ಯಾಸಾಂಗು! 5 ತುಮಿ ಹಾರ್ಪ ಮಂಥ್ಯಾಲ ವಾಜಾ಼ಪ್ ವಾಜ಼ವಿತ್ ಮನ್ ಯಯಿಲ್ತಸ ಗ್ಯಾವತ್ಯಾಸಾ, ದಾವಿದಾಚೆಗತ್ ನವಿ ಗಿತ ರಚಿವತ್ಯಾಸಾ. 6 ಬಗುನ್ಯಾತ್ನಿ ದರಾಕ್ಶಿಚಾ಼ ರಸ್ ಪಿತ್ಯಾಲ್ಯಾನು, ಚಾ಼ಂಗ್ಲಿ ವಾಸಾಚಿ ತೆಲ ಲಾವುನ್ ಗೆತ್ಯಾಲ್ಯಾನು, ಫನ್ ಯೊಸೆಪಾಚಾ ವಂಶಾ ನಾಸಿವ್ಲಾ ತರಿ ಚಿಂತಾ ನಸ್ತಾನಾ ಹಾಸಾ. 7 ಮನ್ಹುನ್ ಸಿಮಚೆ ಬಾಹಿರ್ ಥೆವಾಚಾತ್ ತುಮಿಸ್ ಪೈಲಿ ವ್ಹನಾರ್. ತವಾ ತುಮ್ಚಾ ಸುಕಾತ್ ಬಸತ್ಯಾಲಿ ಆನಿ ಮೊಟಫನ್ ಸಾವ್ಕರ್ಕಿ ನಾಹಿವ್ಹನಾರ್.

8 ಸರವ್ಯಾಚಾ಼ ದೆವ್ ಪರಮೆಸ್ವರಾನಿ ಶಪತ್ಕರುನ್ ಸಾಂಗಲ್ಯಾಲ ಕ್ಯಾ ಮಂಜೆ: "ಯಾಕೊಬ್ ವಂಶಾಚಾ ಮೊಟ್ಯಾಫನಾಲಾ ಕಂಟಾಳ್ತೊ. ತ್ಯಂಚಾ ಮಸ್ತಿಚಾ ಬಂಗಲ್ಯಾಂಚಾ಼ ತಿಟ್ಕಾರಾಯತೊ. ಮನ್ಹುನ್ ಪೆಠಲಾ ಆನಿ ತ್ಯಾತ್ಲ ಸರ‍ವ್ಯಾಲಾ ತರಾಸ್ ದೆನಾರ್."

9 ಯಕಾ ಗರ‍್ಹಾತ್ ಧಾ ಲೊಕ ಉರ್ಲಿತರಿ ತಿ ಸಗ್ಳಿ ಮರ‍್ನಾರ್. 10 ಮಡ ಆಡ್ಶಾಕರಾಲಾ ಆಲ್ಯಾಲಿ ಮಾಯೆದಾಯೆಚಿ ಮಡ ಗರ‍್ಹಾತ್ನಿ ಗಿಹುನ್ಗಿಲಿತ ತವಾ, "ತುಮಚಾತ್ ಕೊನ್ತರಿ ರಾಯಲ್ಯಾತಕ್ಯಾ?" ಮನ್ಹುನ್ ಗರ‍್ಹಾತ್ ಚು಼ಕುನ್ ರಾಯಲ್ಯಾಲ್ಯಾಲಾ ಇಚಾರಲತ, ತ್ಯೊ "ನಾಹಿ" ಮನ್ಹಾರ್. ತವಾ ತ್ಯೊ ಮಾಯೆದಾಯೆಚಾ಼, "ಗಪರ‍್ಹಾ! ಪರಮೆಸ್ವರ್ ದೆವಾಚ಼ ನಾವ್ ಗಿಹ್ಯಾಚ಼ ನಾಹಿ" ಮನ್ಹುನ್ ಸಾಂಗ್ನಾರ್.

11 ಬಗಾ,ಪರಮೆಸ್ವರ್ ಮಂತ್ಯೊ, ಮೊಟ ಬಂಗ್ಲ ತುಕ್ಡ ತುಕ್ಡ ವ್ಹನಾರ್, ಬಾರಿ ಬಾರಿಕ್ ಗರ‍್ಹ ಕುಸ್ಕಾರುನ್ ಪಡ್ನಾರ್. 12 ವಾರು ದುಂಢಿವ ಪಳ್ತೊಕ್ಯಾ? ಬೈಲಾಂಚಾ ಜೊ಼ತಾನಿ ಸಮಿಂದೊರ್ ನಾಂಗ್ರಿಲಕ್ಯಾ? ತುಮಿ, ನ್ಯಾಯಿ ನಿತಿಚ಼ ಇಸ್ ಕೆಲಸಾ,ಚಾ಼ಂಗಲ್ಯಾಲಾ ಕಡು ಕೆಲಸಾ.

13 ತುಮಿ ‘ಲೊದೆ-ಬಾರಿತ್’ ಸುಕಿ ವನ್ಹಾರ್! "ಸ್ವತಾಚಾ ಬಳಾನಿ ಕರ‍್ನಾಯಿಮ್ ಜಯಿಸ್ಲೆ ಮಂತಾಸಾ"

14 ಸರವ್ಯಾಚಾ಼ ಪರಮೆಸ್ವರ್ ಆಸಾ ಮಂತ್ಯೊ: ಓ ಇಸ್ರಾಯಲಾಂಚಾನು "ತುಮ್ಚೆ ಇರೊದ್ ಯಕಾ ದೆಸೆತ್ಲಾ ಉಟಿವ್ನಾರ್; ತುಮಾನಾ ಹಮಾತಿಚೆ ವಾಟದರ‍್ನಿ ಅರಬಾ ವ್ಹಾಳ ಪರ‍್ಯಾತ್ ದಡಪ್ನಾರ್."