1 ಸಮಾರ‍್ಯಾಚಾ ಗುಡ್ಯಾವ ಆಸಲ್ಯಾಲ್ಯಾ ಬಾಶಾನಿಚಾ ಗಯಿನು, ಐಕಾ: ತುಮಿ ಬ್ಯಾಯ್ಕಾನು ಗರಿಬಾನಾ ದುಕುವುನ್, ತ್ಯನಾ ದಡ್ಪುನ್, ತುಮ್ಚಾ ದನ್ಗಾರಾನಾ,"ದಾರು ಆನಾ, ಪಿವುಯಾ" ಮನ್ಹುನ್ ಸಾಂಗತ್ಯಾಲ್ಯಾನು ಹ್ಯ ಐಕಾ: 2 ದೆವ್ ಪರಮೆಸ್ವರಾನಿ ಆಪಲ್ಯಾ ಪವಿತ್ರಾ ಪಾನಾವ ಶೆಪತ್ ಗಾಲುನ್ ಸಾಂಗಲ್ಯಾ. ಬಕ್, "ತವಾ ತುಮಾನಾ ಬೆಡ್ಯಾಗಾಲುನ್ ವಡುನ್ ನಿಥಿಲ; ತುಮ್ಚಾತ್ಲ ಉರಲ್ಯಾಲ್ಯಾನಾ ಗರಿತ್ ಗಾವಲ್ಯಾಲ್ಯಾ ಮಾಶಾಚೆಗತ್ ವಡುನೆತ್ಯಾಲ ದಿಸ್ ಯತಿಲ. 3 ತುಮಿ ಸಗ್ಳಿ ಆಪೊಆಪ್ ಯಕಾ ಮಾಗ ಏಕ್ ಬಿಥಿಚಾ ಕರ್ಕಾ ಬರ್ಬರ್ ಹೆರ್ಮೊನಾಕ್ಡ ರೆಟಾಲಾಗಲ್." ಹ್ಯ ಪರಮೆಸ್ವರ್ ದೆವಾಚಾ಼ ಸಬ್ದ."

4 ಪಾಪ್ ಕರಾವ್ಹಯಿತ, ಬೆತೆಲಿತ್ ಜಾ಼ವುನ್ ಕರಾ. ಗಿಲ್ಗಾಲಿತ್ ಜಾ಼ವುನ್ ವ್ಹಯಿತಸಾ ಮೊಸ್ಕರಾ. ಖಾಯಿಮ್ ಸಖಾಳ್ಚಾ ರಾಕ್ನಾ ದೆವಾ.ತಿನ್ ದಿಸಾತ್ನಿಯಂಗ್ದಾ ಧಾತ್ಲಾ ಯೊಕ್ ಭಾಗ್ ದೆವಾ. 5 ಆಂಬಾಟ್ ಪಿಠಾಚಾ ಬಾಕ್ರಿ ಉಪಕಾರ್ ಮನ್ಹಿಶಾರ್ಕ ದೆವಾ. ಮನ್ ಯಯಿಲ್ತಸ ಕಾನಕ್ಯಾ ದಿವುನ್ ಫಿರುನ್ಸಾಂಗಾ. ಒ ಇಸ್ರಾಯಲಾಚಾ ಲೊಕಾನು, ಕರಾಚ಼ ತುಮಾನಾ ವ್ಹಯಿಜಾ಼ಲ್ಯಾಲ!"ಹ್ಯ ಪರಮೆಸ್ವರ ದೆವಾಚಾ಼ ಸಬ್ದ.

6 "ತುಮ್ಚಾ ಶೆರಾತ್ ಪೊಟಾಲಾ ಪ್ಯೂಟ್ಗಿನಸಶಾರ್ಕ ಕೆಲ್ಯಾಲ ಮಿಸ್. ತುಮಿ ಜಾ಼ಯಿಲ್ತಿಥ ತುಮಾನಾ ಬಾಕ್ರಿ ಗಾವುನಾಹಿಶಾರ್ಕ ಕೆಲ್ಯಾಲ ಮಿಸ್. ಫನ್ ತುಮಿ ಮಾಜಿಪ ಮಾಗಾರಿ ಆಲಾನಾಹಿಸಾ." ಹ್ಯೊ ಪರಮೆಸ್ವರ ದೆವಾಚಾ಼ ಸಬ್ದ. 7 ಮಿ "ಸುಗ್ಗಿಲಾ ತೀನ್ ಮೈನ ಆಸ್ತಾನಾ ಪಾವುಸ್ ಥಾಂಬಿವಲ್ಯಾಲಾ. ಯಕಾ ಗಾವಾತ್ ಪಾವುಸ್ ಲಾಗಶಾರ್ಕಾ ಆನಿ ಯಕಾ ಗಾವಾತ್ ಪಾವುಸ್ ಲಾಗುನಾಹಿ ಶಾರ್ಕಾ ಕೆಲ್ಯಾಲಾ, ಯಕಾ ಶೆತಾತ್ ಪಾವುಸ್ ಲಾಗಶಾರ್ಕಾ, ಆನಿ ಯಕಾ ಶೆತಾತ್ ಪಾವುಸ್ ನಸ್ತಾನಾ ವಾಳುನ್ ಜಾ಼ಯಿಸಾರ ಕೆಲ.

8 ತಿನ್ ನಾಹಿತ ಚಾರ್ ಪೆಠಾತ್ನಿ ಪಿಯಾಚಾ ಪಾನ್ಯಾಸಾಟಿ ಫಿರತ್ ಪೇಠತ್ ಗಿಲಿತ ತ್ಯಂಚಿ ತಾನ್ ಗಿಲಿ ನಾಹಿ. ಫನ್ ತುಮಿ ಮಾಜಿಪ ಮಾಗಾರಿ ಆಲಾನಾಹಿಸಾ." ಮಂಥೊ ಪರಮೆಸ್ವರ್.

9 "ಉನ್ ವಾರ ಸುಡುನ್ ತುಮ್ಚಿ ಪಿಕ ವಾಳ ಶಾರ್ಕಿ ಕಿಲಿತ. ತುಮ್ಚ ಪಿಕ್ ದುಖಾಟಾನಿ ನಾಸ್ ವ್ಹಯಿಶಾರ್ಕ ಕೆಲ. ತುಮ್ಚಾ ಬಾಗತ್ಲ ಝಾ಼ಡ ದರಾಕ್ಶಿಚ಼ ತೊಟ ಹಾಳ್ ಕೆಲ. ತುಮ್ಚಿ ಅಂಜುರಾಚ಼ ಡಾಳ ತೆಲಾಚಿ ಝಾ಼ಡ ಟ್ವಾಳಾಂಚಾನಿ ಖಾಯಿಶಾರ್ಕ ಕೆಲ. ತರಿಬಿ ತುಮಿ ಮಾಜಿಪ ಮಾಗಾರಿ ಆಲಾನಾಹಿಸಾ." ಮಂಥೊ ಪರಮೆಸ್ವರ್.

10 "ಇಜಿಪ್ಟಾತ್ ಮಿ ಕೆಲ್ಯಾಲ ಪಿಡಾ ತುಮಾನಾ ಯಾದ್ ವ್ಹಯಿಸಾರಕೆಲ. ತುಮ್ಚಿ ತರ್ನಿಲೊಕ ತಲ್ವಾರಾತ್ ಗಾವಶಾರ್ಕ ಕೆಲ. ತುಮ್ಚ ಗೊಢ ಲುಟುನ್ ಗಿಹಿಶಾರ್ಕ ಕೆಲ. ತುಮ್ಚೆ ಹಿಂಡಾತಲ್ಯಾಂಚಿ ಮಡಿ ಕುಜು಼ನ್ ಕುಚ್ಕಿ ಘ್ಯಾನ್ ತುಮ್ಚಾ ನಾಕಾಲಾ ಲಾಗಶಾರ್ಕಾ ಕೆಲ. ತರಿಬಿ ತುಮಿ ಮಾಜಿಪ ಮಾಗಾರಿ ಆಲಾನಾಹಿಸಾ," ಮಂಥೊ ಪರಮೆಸ್ವರ್.

11 "ಸೊದೊಮ್ ಆನಿ ಗೊಮಾರಾಚಾ ಶೆರಾತ್ನಿ ಪ್ಯಾಡಲ್ಯಾ ಶಾರ್ಕಿ ಮಿ ತುಮ್ಚಾತ್ಲಿಬಿ ಪಾಡಲ್ಯಾತ, ಪೆಟ್ಯಾಲ್ಯಾ ಇಸತ್ಯಾತ್ನಿ ವಡಲ್ಯಾಲ್ಯಾ ಕೊಲ್ತಾಶಾರ್ಕಿ ತುಮಿ ಹುತ್ತಾಸಾ. ತರಿಬಿ ತುಮಿ ಮಾಜಿಪ ಮಾಗಾರಿ ಆಲಾನಾಹಿಸಾ," ಮಂಥೊ ಪರಮೆಸ್ವರ್. 12 "ಮನ್ಹುನ್ ಇಸ್ರಾಯಲಾನು ಮಿ ತುಮಾನಾ ಆಸ ಕರತೊ ಮನಲ್ಯಾಲ, ತುಮಾನಾ ದಿಯಿ ಶಾರ್ಕ ಕರ್ನಾರ್ . ಓ ಇಸ್ರಾಯಲಾಂಚಾನು, ನ್ಯಾಯಿಚಾ಼ ತಿರ್ಮಾನ್ ದಿಯಾಲಾ ಯತಾಲ್ಯಾ ತುಮ್ಚಾ ದೆವಾಲಾ ಬೆಠಾಲಾ ತಯಾರಕರುನ್ಗೆವಾ."

13 ಬಗಾ, ಗುಡ್ಡ ಕೆಲ್ಯಾಲ

ವಾರಮ್ಯೊಡ್ ವಾವ್ಡಳ್ ಕೆಲ್ಯಾಲಿ

ತುಮ್ಚ ಮನ್ ನಿರ್ಮಾನ್ ಕೆಲ್ಯಾಲಾ

ರ‍್ಯಾತಿಚಾ಼ ದಿಸ್ ಕೆಲ್ಯಾಲಾ

ದರ್ಥಿವ ಮೊಟ್ಯಾ ಸ್ಥಾನಾತ್ ಚಾ಼ಲತ್ಯಾಲಾ

ಸರವ್ಯಾಚಾ಼ ದೆವಜಾ಼ಲ್ಯಾಲಾ ಪರಮೆಸ್ವರುಸ್ ತ್ಯಚ಼ ನಾವ್.