1 ಜೂ಼ದಾಯಾತ್ ಮೊಟ ಭುಕಂಪ್ ವ್ಹಯಾಚೆ ದೊನ್ ವರ್ಸ ಆಂದಿ, ತೆಕೊವಾತಲ್ಯಾ ಕುರ್ಬುರಾತಲ್ಯಾ ಯಕಾ ಆಮೊಸಾಲಾ ಇಸ್ರಾಯೆಲ್ಚೆ ಗುಸ್ಟಿತ್ ದೆವಾಪ್ನಿ ಆಲ್ಯಾಲಿ ಹಿ ದರ್ಶಾನ. ತವಾ ಯುದಾಯ್ ಸಿಮಾ ಉಜ್ಜಿಯಾ ಮಂತ್ಯಾಲಾ ರಾಜಾ಼ ಆಳ್ವಿಕೆ ಕರತ್ಯಾಲ ಕಾಲ್. ತಸಸ್ ಯೊಹೊಶಾಚಾ಼ಲ್ಯೊಕ್ ಯೊರೊಬಾಮ್ ಇಸ್ರಾಯೆಲಾತ್ ಆಳ್ವಿಕೆ ಕರತ್ಯಾಲ ಕಾಲ್ ಹುತ್ತಾ.

2 ಆಮೊಸಾನಿ ಸಾಂಗಲ್ಯಾಲ;

ಗರಾಜ಼ತ್ಯೊ ಪರಮೆಸ್ವರ್

ಚಿಯೊನಿತ್ನಿ ಆರ್ಬಾಟ್ ಕರ್ತ್ಯೊ ಯೆರುಸಲೆಮಿತ್ನಿ;

ಬಾವತ್ಯಾತ ಕುರ್ಬುರಾಂಚಿ ರಾನ್ಮಾಳ

ವಾಳುನ್ಜಾತೊ ಕರ್ಮೆಲ್ ಪರ್ವತಾಚಾ ಮಾತ್ಯಾ.

3 ಪರಮೆಸ್ವರ್ ಆಸಾ ಮಂತ್ಯೊ: ದಮಸ್ಕಾತಲ್ಯಾ ಲೊಕಾಂಚಾನಿ ತಿನ್ ಖೆಪಾ ವ್ಹಯ್ ಚಾರ್ ಖೆಪಾ ಕೆಲ್ಯಾಲೆ ಚು಼ಕಿಂಚಿಸಾಟಿ ವ್ಹಯಾವ್ಹಯಿ ಜಾ಼ಲ್ಯಾಲಿ ಸಿಕ್ಶಾ ಮೀ ಥಾಂಬಿವ್ನಾರ್ನಾಹಿ. ಲೊಖಾಂಡಾಚಾ ದಾಂಡ್ಯಾನಿ ದಾನ ಮಳ್ಯಾಸಾರ ತ್ಯಂಚಾನಿ ಗಿಲ್ಯಾದ್ ಲೊಕಾನಾ ಬಡಿವಲ್ಯಾತ. 4 ಮಿ ಹಜಾಲಾಚಾ ಗರ‍್ಹಾಲಾ ಆಗ್ ಲಾವ್ನಾರ್. ತಿ ಬೆನ್ಹದಾಚಾ ಬಂಗ್ಲ ನಾಸ್ಕರ್ನಾರ್ 5 ದಮಸ್ಕಾಚಿ ಪ್ರವೆಸ್ದಾರ ಮ್ಯೊಡ್ನಾರ್. ಆವೆನಿಚೆ ಖನಿತ್ ಸಿಂಹಾಸನಾವ ಬಸಲ್ಯಾಲ್ಯಾಲಾ ಆನಿ ಬೆತ್ ಏದೆನಿತ್ನಿ ಆಡಳಿತ್ ಆದಿಕಾರ‍್ಯಾಲಾ ನಿರ್ನಾಮ್ ಕರ್ನಾರ್. ಸಿರಿಯಾಚಾ ಲೊಕಾನಾ." ಹ್ಯೊ ಪರಮೆಸ್ವರ್ ದೆವಾಚಾ಼ ಸಬ್ದ.

6 ಪರಮೆಸ್ವರ್ ಆಸಾ ಮಂತ್ಯೊ: "ಗಾಜಾತಲ್ಯಾ ಲೊಕಾಂಚಾನಿ ತಿನ್ ಖೆಪಾ ವ್ಹಯ್ ಚಾರ್ ಖೆಪಾ ಕೆಲ್ಯಾಲ್ಯಾ ದ್ರೊಹಾನಾ ತ್ಯನಾ ವ್ಹಯಾವ್ಹಯಿತಿ ಸಿಕ್ಶೆ ಮಿ ಥಾಂಬಿವ್ನಾರ್ನಾಹಿ, ತ್ಯಂಚಾನಿ ಸರವ್ಯಾ ಲೊಕಾನಾ ಕುಂಡುನ್ ಎದೊಮ್ ಸಿಮತ್ನಿ ಗಡಿಪಾರ್ ಕೆಲ್ಯಾತ. 7 ಮನ್ಹೂನ್ ಮಿ ಗಾಜಾಚೆ ಕೊಟೆಲಾ ಆಗ್ ಲ್ಯಾವ್ನಾರ್. ತಿ ತ್ಯಚಾ ಕೊಟೆ ಸಗಳ್ಯಾ ನಾಸ್ಕರ್ನಾರ್. 8 ಮಿ ಅಶ್ಡೊದಿಸಾತ್ ಸಿಂಹಾಸನಾವ ಆಸಲ್ಯಾಲ್ಯಾಲಾ ಅಶ್ಕೆಲೊನಿತ್ ಆಡಳಿತ ಅದಿಕಾರ‍್ಯಾಲಾ ನಿರ್ನಾಮಾ ಕರ್ನಾರ್. ಎಕ್ರೊನಿಚೆ ಪೆಠನಾ ಹಾತ್ ಉಚ಼ಲ್ನಾರ್. ಫಿಲಿಶ್ಟಾತ್ಲಿ ಥುಡಿಮುಡಿ ರಾಯಲ್ಯಾಲಿ ಸಗ್ಳಿ ನಾಸ್ವನಾರ್," ಹ್ಯೊ ಪರಮೆಸ್ವರ್ ದೆವಾಚಾ಼ ಸಬ್ದ."

9 ಪರಮೆಸ್ವರ್ ಆಸಾ ಮಂತ್ಯೊ: "ಥೈರಾತಲ್ಯಾ ಲೊಕಾಂಚಾನಿ ತಿನ್ ಖೆಪಾ ವ್ಹಯ್ ಚಾರ್ ಖೆಪಾ ಕೆಲ್ಯಾಲ್ಯಾ ದ್ರೊಹಾನಾ ತ್ಯನಾ ವ್ಹಯಾವ್ಹಯಿತಿ ಸಿಕ್ಶೆ ಮಿ ಥಾಂಬಿವ್ನಾರ್ನಾಹಿ. ಬಾವ್ಹಾಚೆ ಮಾಯೆಚಿ ಶಪ್ಪತ್ ತಿ ಇಸಾರ್ಲಿತ. ತ್ಯಂಚಾನಿ ಸರವ್ಯಾ ಲೊಕಾನಾ ಕುಂಡುನ್ ಎದೊಮ್ ಸಿಮಚಾ ತ್ಯಾಬ್ಯಾತ್ ದಿಲಿತ. 10 ಮನ್ಹೂನ್ ಮಿ ಥೈರಾಚೆ ಕೊಟೆಲಾ ಆಗ್ ಗ್ಯಾಲ್ನಾರ್. ತಿ ತ್ಯಚಾ ಕೊಟೆ ಸಗಳ್ಯಾ ನಾಸ್ಕರ್ನಾರ್."

11 ಪರಮೆಸ್ವರ್ ಆಸಾ ಮಂತ್ಯೊ: "ಎದೊಮಾತಲ್ಯಾ ಲೊಕಾಂಚಾನಿ ತಿನ್ ಖೆಪಾ ವ್ಹಯ್ ಚಾರ್ ಖೆಪಾ ಕೆಲ್ಯಾಲ್ಯಾ ದ್ರೊಹಾನಾ ತ್ಯನಾ ವ್ಹಯಾವ್ಹಯಿತಿ ಸಿಕ್ಶೆ ಮಿ ಥಾಂಬಿವ್ನಾರ್ನಾಹಿ. ತ್ಯಂಚಾನಿ ಆಪ್ಲ ಬಾಹು ಜಾ಼ಲ್ಯಾಲ್ಯಾ ಇಸ್ರಾಯೆಲಾನಾ ತಲ್ವಾರ ದಾವುನ್ ಪಳವುನ್ ಗ್ಯಾತ್ಲ. ತ್ಯಂಚಿವ ಕರ್ನಾನಸ್ತಾನಾ, ಸರ್ತೆ ಯಳಪರ‍್ಯಾತ್ ರಾಗುಸ್ ಶಾದ್ಲಾ. 12 ಮನ್ಹೂನ್ ಮಿ ತೇಮಾನ್ ಪೆಠಲಾ ಆಗ್ ಲ್ಯಾವ್ನಾರ್. ತಿ ಬೊಚ್ರಾಚಾ ಕೊಟೆ ಸಗಳ್ಯಾ ನಾಸ್ಕರ್ನಾರ್.

13 ಪರಮೆಸ್ವರ್ ಆಸಾ ಮಂತ್ಯೊ: "ಅಮೊನ್ಯಾಂಚಾನಿ ತಿನ್ ಖೆಪಾ ವ್ಹಯ್ ಚಾರ್ ಖೆಪಾ ಕೆಲ್ಯಾಲ್ಯಾ ಪಾಪಾಲಾ ತ್ಯನಾ ವ್ಹಯಾವ್ಹಯಿತಿ ಸಿಕ್ಶೆ ಮಿ ಥಾಂಬಿವ್ನಾರ್ನಾಹಿ. ಗಿಲ್ಯಾತಲ್ಯಾಂಚಾನಿ ಆಪ್ಲಿ ಥಳ ವಿಸ್ತರನ್ ಕರಾಯಾ ಗರ್ವಾರ್ಕರ್ನಿಂಚಿ ಪೊಟ ಫಾಳಿತ. 14 ಮನ್ಹೂನ್ ಮಿ ರಬ್ಬಾಚೆ ಕೊಟೆಲಾ ಆಗ್ ಲ್ಯಾವ್ನಾರ್. ತಿ ತ್ಯಚಾ ಕೊಟೆ ಸಗಳ್ಯಾ ನಾಸ್ಕರ್ನಾರ್. ತವಾ ಲಡಾಯಿಚ಼ ಆರ್ಬಾಟ್ ವಾವ್ಡಳಿಚೆಗತ್ ಲಡಾಯಿ ಸುರು ವ್ಹನಾರ್ 15 ರಾಜಾಲಾ ಆನಿ ರಾಜಾಚಾ಼ ಆದಿಕಾರ‍್ಯಾನಾ ಯಂಗ್ದಾಸ್ ಕ್ಯೊಂಡ್ನಾರ್." ಹ್ಯೊ ಪರಮೆಸ್ವರ್ ದೆವಾಚಾ಼ ಸಬ್ದ.