Jonas 1

ಯೊನಾ ದೆವಾಲಾ ಆಡ್ವಾ ಜಾ಼ಲ್ಯಾಲಾ

1 ಎಕಸಿ ಅಮೀತೈಯಾಚಾ಼ ಲ್ಯೊಕ್ ಯೊನಾ ಸಂಗ ಪರಮೆಶ್ವರ್ ಬೊಲ್ಲಾ. ಆನಿ ಮನ್ಲಾ, 2 "ನಿನವೆ ಮೊಟ್ಯಾ ಶೆರಾತಲ್ಯಾ ಲೊಕಾಂಚಿ ವಾಯಿಟ್ ಕಾಮ್ ಮಾಜೆ ಮೊರ‍್ಹ ದಿಸುನ್ ಆಲ್ಯಾತ. ತು ತಿತ್ತ ಜಾ಼ವುನ್ ಖಡ್ಯಾವುನ್ ಸಾಂಗ್." 3 ಫನ್ ಪರಮೆಸ್ವರಾನಿ ಸಾಂಗಲ್ಯಾಲ ಐಕಾಚ಼ ಯೊನಾಚಾ ಮನಾತ್ ನವ್ತ, ಮನ್ಹುನ್ ಪರಮೆಸ್ವರಾಲಾ ಚು಼ಕುವುನ್ ಪಳುನ್ ಜಾ಼ಯಾ ಯವಜು಼ನ್ ಯೊಪಾತ್ ಗೆಲಾ. ಆನಿ ಯೊಪಾತ್ನಿ ತಾರ್ಶಿಸ್ಲಾ ಜಾ಼ತ್ಯಾಲಿ ವ್ಹಡಿ ಬಗುನ್ ತ್ಯಚೆ ತಿಕ್ಟಾಚ಼ ಪೈಸದಿವುನ್ ತಾರ್ಶಿಸ್ಲಾ ಜಾ಼ಯಾ ನಾವಿಕಾ ಸಂಗ ಚ಼ಡ್ಲಾ.

4 ತವಾ ಪರಮೆಸ್ವರಾನಿ ಸಮಿಂದೊರಾವರ್ ಜೊ಼ರಾನಿ ವಾರಮ್ಯೊಡ್ ಎಯಿಸಾರಿ ಕಿಲಿ ಸಮಿಂದೊರ್ ಹಲಾಯಾ ಲಾಗ್ಲಾ ಆನಿ ವ್ಹಡಿ ಪುಠುನ್ ಜಾ಼ಯಿಸಾರಿ ಜಾ಼ಲಿ. 5 ತವಾ ವ್ಹಡಿತ್ಲ ನಾವಿಕ್ ಬಿಹುನ್ ಆಪಲ್ಯಾ ಆಪಲ್ಯಾ ದೆವಾನಾ ಹಳ್ಯಾ ಮಾರಾಯಾ ಲಾಗ್ಲಿತ ಆನಿ ವ್ಹಡಿತ್ ವಜ಼ ಕಮ್ಮಿ ಹ್ವಯಾಸಾಟಿ ತ್ಯಾತ್ಲ ಸಾಮಾನ್ ಸಗ್ಳ ಪಾನ್ಯಾತ್ ಟ್ಯಾಕ್ಲ ಖರ ಯೊನ್ ವ್ಹಡಿತ್ ತಳಾತಲ್ಯಾ ಬಾಘಾತ್ ಬೆಭಾನ್ ನಿಜ಼ಲಾ ಹುತ್ತಾ.

6 ತವಾ ವ್ಹಡಿತ್ಲಾ ಫುಡಾರಿ ಯವುನ್ "ಹ್ಯ ಕ್ಯಾ ತು ನಿಜ಼ಲ್ಯಾಸ್ ನವ್ಹ? ಉಟುನ್ ತುಜಾ ದೆವಾಲಾ ತರಿ ಹಳ್ಳಿ ಮ್ಯಾರ್ ತ್ಯೊ ಅಮಾನಾ ಉರಿವ್ಲತ ಉರ್ವಿಲ್.

7 ತವಾ ನಾವಿಕ್ ಸಗ್ಳ ಆಪಲ್ಯಾ ಆಪಲ್ಯಾತುಸ್ ಬುಲುನ್ ಹ್ಯೊ ದೊಖಾ ಯಾಯಾ ಕೊನ್ ಕಾರಣ ಅಮಾನಾ ಸಮ್ಜಾಯಾ ಚಿಟಿ ಗಾಲುಯಾ ಮನ್ಹುನ್ ಚಿಟ್ ಗ್ಯಾತ್ಲಿ ತಿ ಯೊನಾಚಾ ನಾವಾನಿ ಆಲಿ. 8 ತವಾ ನಾವಿಕಾಂಚಾನಿ "ಹ್ಯೊ ದೊಖಾ ಆಮ್ಚಿವ ಕಾ ಆಲ್ಯಾ ಸಾಂಗ್: ತುಜ಼ ಕಾಮ್ ಕ್ಯಾ? ಕುಟ್ನಿ ಆಲ್ಯಾಸ್? ತು ಕಚೆ ದೆಶೆತ್ಲಾ? ತು ಕುಟ್ಲೆ ಜಾ಼ತಿಚಾ಼?" ಮನ್ಹುನ್ ಇಚಾರ್ಲ.

9 ತ್ಯೊ ತ್ಯನಾ "ಮೀ ಹಿಬ್ರಿಯಾಂಚಾ಼. ದರ್ಥಿ, ಆಬಾಳ್ ಆನಿ ಸಮಿಂದೋರ್ ಕೆಲ್ಯಾಲ್ಯಾ ಪರಮೆಸ್ವರಾಚಾ಼ ಭಗತ್", ಮನ್ಹುನ್ ಸಾಂಗ್ಲ. 10 ತ್ಯೊ ಪರಮೆಸ್ವರಾಪ್ನಿ ಪಳುನ್ ಜಾ಼ತ್ಯೊ ಮನ್ಹುನ್ ತ್ಯನಿ ಸಾಂಗಲ. ಹ್ಯ ಐಕುನ್ ನಾವಿಕ್ ಸಗ್ಳ ಬಿಹ್ಯಾಲ. "ಹ್ಯ ಕ್ಯಾ ಕೆಲಸ್!" ಮನ್ಹುನ್ ತ್ಯಲಾ ಖಡ್ಯಾವ್ಲಾ. 11 ನಂತರ್ ಸಮಿಂದೊರ್ ಲಸ್ ಉಸ್ಳಾಯಾ ಲಾಗ್ಲಾ ತವಾ ತ್ಯಂಚಾನಿ ಸಮಿಂದೊರ್ ಥಂಡ್ ವ್ಹಯಾ ಅಮಿ ತುಲಾ ಕ್ಯಾ ಕರಾವ? ಮನ್ಹುನ್ ತ್ಯಲಾ ಇಚಾರ್ಲ.

12 ತ್ಯನಿ ತ್ಯನಾ "ಮನಾ ಉಚ್ಲು಼ನ್ ಸಮಿಂದೊರಾತ್ ಟಾಕಾ ತವಾ ಸಮಿಂದೊರ್ ಥಂಡ್ ವ್ಹಯಿಲ್ ಹ್ಯ ಮೊಟ ವಾರ ಮಾಜಿಸ್ ಲಾಗುನ್ ಅಲ್ಯಾ ಮನ್ಹುನ್ ಮನಾ ಠಾವ ಹಾ" ಮನ್ಲಾ.

13 ನಾವಿಕಾನಾ ಮನ್ ಜಾ಼ಲ್ಹ ನಾಹಿ ಅಮಿ ಮಾಗಾರಿ ಜಾ಼ವುಯಾ ಮನ್ಹುನ್ ಪರಾತ್ಲಿತ ಜಾ಼ತಾನಾ ವ್ಹಡಿಚಾ಼ ಹುಟ್ ಮಾರುನ್ ದಮ್ಲಿತ ಸಮಿಂದೊರಾಚಾ಼ ಲಸ್ ಉಸ್ಸೊಳ್ ವ್ಹಯಾ ಲಾಗ್ಲಾ. 14 ತವಾ ತ್ಯಂಚಾನಿ "ಪರಮೆಸ್ವರಾಲಾ ಹಾತ್ ಜು಼ಡುನ್ ದೆವಾ ಹ್ಯಾ ಮಾನ್ಸಾಸ್ ಲಾಗುನ್ ಅಮಾನಾ ಮಾರು ನಕೊಸ್ ಚು಼ಕ್ ನಸಲ್ಯಾಲ್ಯಾ ಮಾನಸಾಚಾ ಮರ್ನಾಚ಼ ಕತೊಸ್ ಅಮ್ಚಿವ ಗಾಲು ನಕೊಸ್. ದೆವಾ ಹ್ಯ ತುಜಾ಼ ಮನಾ ಸಾರ ಕೆಲ್ಯಾಸ್ ನವ್ಹ ಮನ್ಹುನ್ ದೆವಾಪ ಮಾಗ್ನ ಕೆಲ". 15 ಪರಮೆಸ್ವರಾ ತುಜಾ ಮನಾಶಾರ್ಕ ಕೆಲ್ಯಾಸ್ ಮನ್ಹುನ್ ಯೊನಾಲಾ ಉಚ್ಲು಼ನ್ ಸಮಿಂದೊರಾತ್ ಟ್ಯಾಕ್ಲಾ ತವಾ ಸಮಿಂದೊರಾಚಾ ಉಸ್ಸೊಳ್ ಥಂಡ್ ಜಾ಼ಲಾ. 16 ಹ್ಯ ಬಗುನ್ ತಿ ಲೊಕ ಪರಮೆಸ್ವರಾಲಾ ಲಸ್ ಬಿಹ್ಯಾಲಿತ ಆನಿ ತ್ಯಲಾ ಬಲಿ ದಿವುನ್ ಮಾಗ್ನಿ ಫಾರಿಕ್ ಕೆಲಿತ.

17 ಯೊನಾಲಾ ಗಿಳಾಯಾ ದೆವಾನಿ ಯಕಾ ಮಾಶಾಲಾ ಸಾಂಗ್ಲ ಯೊನಾಲಾ ಮಾಶಾನಿ ಗಿಳ್ಳಾ ಆನಿ ಯೊನ್ ತಿಂದ್ರೊಜ಼್ ರ‍್ಯಾತ್ ದಿಸ್ ಮಾಶಾಚಾ ಪೊಟಾತ್ ರಾಯ್ಲಾ.