João 21

ಸಾತ್ ಜಾ಼ನ್ ಶಿಶಾನಾ ಯೇಸುಚ಼ ದರ್ಶಾನ್

1 ಮಂಗ್ ಯೇಸು ಆನಿ ಯಂಗ್ದಾ ಆಪ್‌ಲ್ಯಾ ಶಿಶಾನಾ ತಿಬೇರಿಯ ಗಲಿಲಾಯ್ ತಳಿಪ ದಿಸ್ಲಾ. 2 ಥೊಡ ಶಿಶಾ ಯಂಗ್ದಾಸ್ ಜ಼ಮ್ಲ ತೇ ಕೊನ್ ಮಂಜೆ ಸಿಮೊನ್ ಪೇತ್ರ ದಿದುಮ್ ನಾವಾಚಾ಼ ತೊಮ ಗಲಿಲಾಯಾತಲ್ಯಾ ಕಾನಾ ಗಾವಾತ್ಲಾ ನತಾನಿಯೇಲ್ ಜೆಬೆದಾಯಾಚ಼ ದೊಗ ಪ್ಯೊರ್ಗ ಆನಿ ದೊಗ ಶಿಶಾ. 3 ಪೇತ್ರಾ ತ್ಯನಾ ಮಿ ಮಾಸ ದರಾಯಾ ಜಾ಼ತ್ಯೊ ಮನ್ಲಾ. ರಾಯ್‌ಲ್ಯಾಲ ಶಿಶಾ ಆಮಿ ತುಮ್ಚಿ ಸಂಗ ಯತಾವ್ ಮನ್ಹುನ್ ಸಾಂಗ್‌ತ್ಯಾತ. ತವಾಸ್ ಶಿಶಾ ಸಗ್ಳ ಗೇಲ ವ್ಹಡಿತ್ ಚ಼ಡ್ಲ. ತ್ಯಂಚಾನಿ ರ‍್ಯಾತ್‌ ಸಾರಿ ಜಾ಼ಳಿ ಗ್ಯಾತ್ಲಿತ ಫನ್ ಯೊಕ್ ಮಾಸಾಬಿ ಗಾವ್ಲಾ ನಾಹಿ.

4 ತವಾ ಸಕಾಳಚ಼ಾ ಯೇಸು ದುರ್ ಉಬಾರಾಯಲ್ಯಾಲಾ ಬಗ್ಲಾ ಫನ್ ತ್ಯೊಸ್ ಯೇಸು ಮನ್ಹುನ್ ಶಿಶಾನಾ ವಳಾಕ್ಲಾ ನಾಹಿ. 5 ತವಾ ಯೇಸುನಿ ಆಪ್‌ಲ್ಯಾ ಶಿಶಾನಾ ಸೊಪ್‌ತ್ಯಾನು ತುಮಾನಾ ಮಾಸ ಗಾವ್ಲ ಕ್ಯಾ? ಮನ್ಹುನ್ ಇಚಾರ್ಲ.

ಶಿಶಾಂಚಾನಿ ನಾಹಿ. ಮನ್ಹುನ್ ಉತ್ತರ್ ದಿಲಾ.

6 ಯೇಸು ತುಮ್ಚೆ ವ್ಹಡಿಚೆ ಉಜ್‍ವ್ಯಾಂಗ್ನಿ ತುಮ್ಚಿ ಜಾ಼ಳಿ ಗಾಲ್ಹಾ ತಿಥ ಥೊಡ ಮಾಸ ಗಾವ್ತಿಲ ಮನ್ಹುನ್ ಸಾಂಗ್ಲ ಶಿಶಾಂಚಾನಿ ತಸಸ್ ಕೆಲ ಖುಬ್ ಮಾಸ ಗಾವ್ಲ ಮನ್ಹುನ್ ತ್ಯನಾ ವ್ಹಡಿತ್ ಗಿಹ್ಯಾ ಗಾವ್ಲ ನಾಹಿತ.

7 ಯೇಸುಚಾ಼ ಮಾಯಾಚಾ಼ ಶಿಶಾ ಪೇತ್ರಾಲಾ ತ್ಯೊ ಮಾನುಸ್ ಪ್ರಭು ಮನ್ಹುನ್ ಸಾಂಗ್ಲ ತವಾಸ್ ಪೇತ್ರಾನಿ ಆಪ್ಲಿ ಆಂಗಿ ಗಾಲ್ಹುನ್ ಪಾನ್ಯಾತ್ ಉಡಿಮ್ಯಾರ್ಲಿ ಪೇತ್ರಾನಿ ಆಪ್ಲಿ ಆಂಗಿ ಕ್ಯಾಡ್ಲಿ ಹುತ್ತಿ. 8 ಉರ್ಲ್ಯಾಲ ಶಿಶಾ ವ್ಹಡಿತ್ನಿ ದುರ್ ಗೇಲ ತ್ಯಂಚಾನಿ ಜಾ಼ಳಿ ಬರ‍್ಹುನ್ ಮಾಶಾನಾ ದರವ ವಡುನ್ ನೇಲ್ಹ ತೇ ದರಪ್ನಿ ಖುಬ್ ದುರ್ ನವ್ಥ ಜ಼ವಜ಼ವಳ್ ತಿನ್ಸೆ ಫುಟ್ ದುರ್ ಹುತ್ತ. 9 ಶಿಶಾ ವ್ಹಡಿತ್ನಿ ಉತ್ರುನ್ ದರವ ಗೇಲ ತವಾ ಇಸ್‍ಥ್ಯಾಚ಼ ಇಂಗಾಳ್ ಬಗ್ಲ ಇಸ್‍ಥ್ಯಾವ ಮಾಸ ಹುತ್ತ ಆನಿ ಥೊಡ್ಯಾ ಬಾಖರ‍್ಯಾ ತಿಥ ಹುತ್ಯಾ. 10 ಮಂಗ್ ಯೇಸುನಿ ತುಮಿ ದರ್ಲ್ಯಾಲ್ಯಾ ಮಾಶಾತ್ಲ ಥೊಡ ಆನಾ ಮನ್ಹುನ್ ಸಾಂಗ್ತೊ.

11 ಸಿಮೊನ್ ಪೇತ್ರಾ ವ್ಹಡಿತ್ ಜಾ಼ವುನ್ ಜಾ಼ಳ ದರಕ್ಡ ವಡುನ್ ಆಂತೊ ಜಾ಼ಳ ಮೊಟ್ಯಾ ಮಾಶಾಂಚಾನಿ ಬರ್ಲ ಹುತ್ತ, ತ್ಯಾತ್ ಯಕ್ಸೆ ಪನ್ನಾಸಾವ ತೀನ್ ಮಾಸ ಹುತ್ತ. ತೇ ಖುಬ್ ಜ಼ಡ್ ಜಾ಼ಲ ತರಿ ಜಾ಼ಳ ಫಾಟ್ಲ ನಾಹಿ