1 ನಂತರ್ ಯೇಸು ಗಲಿಲಾಯ್ ಸಮೀಂದೊರ್ ವಲ್ಯಾಂಡುನ್ ಪಲಿಕ್ಡ ಗೇಲಾ. ತ್ಯಲಾಸ್ ತಿಬೇರಿಯಾ ಸಮಿಂದೊರ್ ಮಂಥ್ಯಾತ. 2 ಖುಬ್ ಲೊಕ ತ್ಯಚೆ ಮಾಗ್ನಿ ಗಿಲಿತ ಕಾಮಂಜೆ ತ್ಯಂಚಾನಿ ಯೇಸುನಿಸ ರೊಗಿನಾ ಬರ ಕೆಲ್ಯಾಲ ಚಮತ್ಕಾರ್ ಬಗ್ಲ. 3 ತವಾ ಯೇಸು ಕನ್ಯಾವ ಚ಼ಡುನ್ ಆಪ್‌ಲ್ಯಾ ಶಿಶಾಂಚೆ ಸಂಗ ಬಸ್ಲಾ. 4 ಯೆಹುದ್ಯಾಂಚಾ಼ ವಲ್ಯಾಂಡಾಚಾ಼ ಸನ್ ಖುಬ್ ಜ಼ವಳ್ ಆಲ್ಥಾ.

5 ಯೇಸುಲಾ ಆಪ್ಲಿಪ ಯತ್ಯಾಲಾ ಲೊಕಾಂಚಾ಼ ಹಿಂಡ್ ದಿಸ್ಲಾ ತವಾ ಫಿಲಿಪ್ಪಾಲಾ, "ಹ್ಯಾ ಸಗ್‌ಳ್ಯಾ ಲೊಕಾನಾ ಪುರಜೊ಼ಗ ಜೇವಾನ್ ಆಮಿ ಕುಟ್ನಿ ಆನುಯಾ? ಮನ್ಹುನ್ ಇಚಾರ್ತೊ. 6 ಪಿಲಿಪಾಚಿ ಪಾರಕ್ ಕರಾಯಾ ಯೇಸುನಿ ಆಸ ಇಚಾರ್ಲ. ಫನ್ ಖರ‍್ಯಾನಿಸ್ ಆಪ್ನು ಕರಾಯಾ ವ್ಹಯಿ ಜಾ಼ಲ್ಯಾಲ ಕಾಮ್ ಆಂದಿಸ್ ತ್ಯಚಾ ಮನಾತ್ ಹುತ್ತ.

7 ಫಿಲಿಪ್ಪ ಮನ್ಲಾ, "ಹಿತ್ತ ಆಸ್‌ಲ್ಯಾಲ್ಯಾ ಪರತೇಕಾಲಾ ಥುಡಿ ಥುಡಿ ಬಾಕ್ರಿ ದಿಯಾ ವ್ಹಯಿತ, ದೊನ್ಸೆವ್ನಿ ಆಗಾವ್ ಚಾ಼ಂದಿಚ಼ ಆನ ವ್ಹಯಿತ. "

8 ಯೇಸುಚಾ಼ ಆನಿ ಯೊಕ್ ಶಿಶಾ ಜಾ಼ಲ್ಯಾಲ್ಯಾ ಆಂದ್ರೆಯಾ ಸಿಮೊನಾನಿ ಪೇತ್ರಾಚಾ಼ ಬಾಹುಜಾ಼ಲ್ಯಾಲಾ, 9 ಅಂದ್ರೆಯ್ ಹಿತ್ತ ಆಸ್‌ಲ್ಯಾಲ್ಯಾ ಯಕಾ ಪ್ಯೊರ್ಗ್ಯಾಪ ಗವ್ಹಾಚಾ ಪಾಚ಼್ ಬಾಕ್‌ರ‍್ಯಾ ಹಾತ್ತಾ ಆನಿ ದೊನ್ ಮಾಸ ಹಾತ್ತ. ಫನ್ ತ್ಯಾ ಯವ್‌ಡ್ಯಾ ಲೊಕಾನಾ ಪುರ್ನಾರ್ ನಾಹಿತ, ಮನ್ಲಾ.

10 ಯೇಸು ಲೊಕಾನಾ ಬಸಾಯಾ ಸಾಂಗಾ ಮನ್ಲಾ ತ್ಯಾ ಜಾಗ್ಯಾತ್ ಗವಾತ್ ಲ ವಾಡ್ಲ ಹುತ್ತ ತಿಥ ಬಸ್‌ಲ್ಯಾಲ್ಯಾತ್ ಕಮಿಸ್ ಕಮಿ ಪಾಚ಼್ ಹಾಜಾ಼ರ್ ಗಡಿಸ್ ಹುತ್ತ. 11 ನಂತರ್ ಯೇಸುನಿ ತ್ಯಾ ಬಾಕ್‌ರ‍್ಯಾ ಗಿಹುನ್ ತ್ಯಂಚಿಸಾಟಿ ದೇವಾಲಾ ಧನ್ಯಾವಾದ್ ಸಾಂಗುನ್. ಬಸ್‌ಲ್ಯಾಲ್ಯಾ ಲೊಕಾನಾ ವ್ಯಾಟ್‌ಲ್ಯಾ. ತ್ಯನಿ ಮಾಶಾನಾಬಿ ತಸಸ್ ಕೆಲ. ಸಗ್‌ಳ್ಯಾಂಚಾನಿ ಆಪ್‌ಲ್ಯಾಲಾ ವ್ಹಯಿ ತ್ಯವ್ಡ ಖಾಲ.

12 ತ್ಯಂಚ಼ ಸಗ್‌ಳ್ಯಾಂಚ಼ ಪ್ವಾಟ್ ಬರ್ಲ ತವಾ ಯೇಸುನಿ ಸಾಂಗ್ಲ ಆಪ್‍ಲ್ಯಾ ಶಿಶಾನಾ ಉರ್ಲ್ಯಾಲ ತುಕ್ಡ ಗೊಳಾ ಕರಾ ಕಾ ಮಂಜೆ ಕಚ಼ಸ್ ಹಾಳ್ ವ್ಹವುನಾಹಿ. 13 ಆನಿ ಶಿಶಾಂಚಾನಿ ಲೊಕಾನಾ ವ್ಯಾಟ್‌ಲ್ಯಾಲ್ಯಾ ಗವ್ಹಾಚಾ ಪಾಚ಼್ ಬಾಕ್‌ರ‍್ಯಾಂಚಾ ಉರ್ಲ್ಯಾಲ್ಯಾ ತುಕ್‌ಡ್ಯಾಂಚಾನಿ ಬಾರಾ ಬುಟ್ಯಾ ಬರ್ಲ್ಯಾ.

14 ಯೇಸುನಿ ಕೆಲ್ಯಾಲ ಚಮತ್ಕಾರಾಚ಼ ಕಾಮ್ ಬಗ್‌ಲ್ಯಾ ನಂತರ್ ಲೊಕ, ಹೆ ದುನೆತ್ ಯಯಾಚಾ಼ ಆಸ್‌ಲ್ಯಾಲಾ ಪ್ರವಾದಿ ಖರ‍್ಯಾನಿ ಹ್ಯೊಸ್, ಮನ್ಹಾಯಾ ಲಾಗ್ಲಿತ. "

15 ಆಪ್‌ಲ್ಯಾಲಾ ಬಳ್ ಜು಼ರಿನಿ ರಾಜಾ಼ ಕರಾಯಾ ಲೊಕ ಯವಸ್‌ತ್ಯಾತ ಮನ್ಹುನ್ ಯೇಸುಲಾ ಸಮಾಜ಼್ಲ ಹುತ್ತ. ಮನ್ಹುನ್ ತ್ಯೊ ತಿಥ್ನಿ ಆಪ್ನು ಯಕ್ಲಾಸ್ ಪರತ್ ಕನ್ಯಾಪ ಆನಿ ಗೇಲಾ.

16 ತಿಸಿ ಶಾಂಜ಼್ ಜಾ಼ಲಿ ತವಾ ಯೇಸುಚ಼ ಶಿಶಾ ಸಮಿಂದೊರಾತ್ ಗೇಲ. 17 ತವಾ ಶಿಶಾ ವ್ಹಡಿತ್ ಚ಼ಡುನ್ ಸಮಿಂದೋರಾಚೆ ಪಲಿಕ್ಡ ಕಪೇರ್ನೌಮಿತ್ ಜಾ಼ಯಿತ ತವಾ ಆಂದಾರ್ ಜಾ಼ಲ್ಥಾ. ಆನಿ ಯೇಸು ತ್ಯಂಚಿಪ ಆಜು಼ನ್ ಆಲಾ ನವ್ಥಾ. 18 ತವಾ ಖುಬ್ ಜೊ಼ರ್ ವಾರ ಸುಟ್ಲ ಹುತ್ತ ಸಮಿಂದೊರಾಚಾ ಲ್ವಾಟಾ ಮೊಟ್ಯಾನಿ ಯಯಿತ್ಯಾ. 19 ತೇ ಹುಟ್ ಗಾಲಿತ್ ಜ಼ವ ಜ಼ವಳ್ ತೀನ್ ಚಾರ್ ಮೈಲ್*6:19 ಪಾಚ಼್ ಸಾ ಕಿಲೊ ಮೀಟರ್ ವ್ಹಡಿ ಚಾ಼ಲಿವಲ್ಯಾ ನಂತರ್ ಯೇಸುಲಾ ಬಗ್ಲಾ. ತ್ಯೊ ಪಾನ್ಯಾವ ಚಾ಼ಲತ್ ವ್ಹಡಿಪ ಯತ್ಯಾಲಾ ಬಗುನ್ ತೇ ಬಿಹ್ಯಾಲ. 20 ಯೇಸು ತ್ಯನಾ, "ಭಿಹುನಕೊಸಾ, ಮೀಸ್ ತ್ಯೊ" ಮನ್ಲಾ 21 ತವಾ ತೇ ಯೇಸುಲಾ ವ್ಹಡಿತ್ ಗಿಹ್ಯಾ ವ್ಹಯಿ ಮನ್ಹಿತ. ತ್ಯವ್‌ಡ್ಯಾತ್ ತೇ ಜಾ಼ಯಾಚಾ ಜಾ಼ಗ್ಯಾವ ವ್ಹಡಿ ಪುಚ್ಲಿ ಹುತ್ತಿ.

22 ದುಸ್ರೆ ದೀಸಿ. ಥುಡಿ ಲೊಕ ಸಮಿಂದೊರಾಚೆ ಪಲಿಕ್ಡ ರಾಯ್ಲಿ ಹುತ್ತಿತ ಯೇಸು ಆಪ್‌ಲ್ಯಾ ಶಿಶಾಂಚೆ ಸಂಗ ವ್ಹಡಿತ್ನೀ ಗೇಲಾ ನಾಹಿ ಮನ್ಹುನ್ ಹ್ಯಾ ಲೊಕಾನಾ ಠಾವ ಹುತ್ತ. ಯೇಸುಚ಼ ಶಿಶಾ ತ್ಯವ್ಡಸ್ ವ್ಹಡಿತ್ನಿ ಗೇಲ್ಯಾತ ಆನಿ ಯೇಕುಸ್ ವ್ಹಡಿ ತಿಥ ಹುತ್ತಿ ಮನ್ಹುನ್ ತ್ಯನಾ ಠಾವಿ ಹುತ್ತಿ ಕಾ ಮಂಜೆ ತೇ ತ್ಯಲಾ ಯಕ್‌ಲ್ಯಾಲಾಸ್ ಮಾಗ ಸುಡುನ್ ಗೆಲ್ತ. 23 ತವಾ ದುಸ್‌ರ‍್ಯಾ ವ್ಹಡ್ಯಾ ತಿಬೇರಿಯಾಚಾ ಸಮಿಂದೊರಾತ್ನಿ ಪ್ರಭುನಿ ದನ್ಯಾವಾದ್ ಸಾಂಗ್‌ಲ್ಯಾ ನಂತರ್ ದಿಲ್ಯಾಲ್ಯಾ ಬಾಕ್‌ರ‍್ಯಾ ಲೊಕಾಂಚಾನಿ ಖಾಲ್ಯಾಲ್ಯಾ ಜಾ಼ಗ್ಯಾಚೆ ಜ಼ವಳ್ ಡೆಗವ ಯವುನ್ ಪುಚ್ಲಿತ. 24 ಯೇಸು ಆನಿ ತ್ಯಚ಼ ಶಿಶಾ ತಿಥ ನಸ್‌ಲ್ಯಾಲ ಬಗುನ್ ವ್ಹಡಿತ್ ಚ಼ಡುನ್ ಯೇಸುಲಾ ಸುದಿತ್ ಕಪೇರ್ನೌಮಿತ್ ಗಿಲಿತ.

25 ಲೊಕಾಂಚಾನಿ ಯೇಸುಲಾ ಸಮಿಂದೊರಾಚೆ ಪಲಿಕ್ಡ ದರವ ಬಗ್ಲಾ ಆನಿ ತ್ಯಂಚಾನಿ ತ್ಯಲಾ ಗುರು ತು ಹಿತ್ತ ಕವಾ ಆಲಾಸ್? ಮನ್ಹುನ್ ಇಚಾರ್ಲ.

26 ಯೇಸು ಮನ್ಲಾ, "ಮಿ ತುಮಾನಾ ಖರ ಸಾಂಗ್ತೊ ತುಮಿ ಮಾಜಿ ಚಮತ್ಕಾರಾಚಿ ಕಾಮ ಬಗುನ್‌ ತುಮಿ ಮನಾ ಶೊತ್ಯಾಲಿ ನವ್ಹಸಾ ತುಮಾನಾ ಪ್ವಾಟ್ಬ ಖಾಯಾ ಗಾವ್ಲ ಮನ್ಹುನ್ ಶೊತ್ಯಾಸಾ. 27 ಬಾದ್ ವ್ಹತ್ಯಾಲ್ಯಾ ಜೇವ್ನಾಲಾ ರಾಬು ನಕೊಸಾ ಫನ್ ಶಾಶ್ವತ್ ಜೀವ್ ದೆತ್ಯಾಲ್ಯಾ ಜೆವ್ನಾಸಾಟಿ ರಾಬಾ ತ್ಯ ಮಾನ್ಸಾಚಾ಼ ಲ್ಯೊಕ್ ದೆನಾರ್ ತ್ಯಚಿವ ಬಾ ದೇವಾನಿ ಹುಕ್ಮಾಚಾ಼ ಶಿಕ್ಕಾ ಥೆವ್‌ಲ್ಯಾ ಮನ್ಹುನ್ ಸಾಂಗ್ತೊ.

28 ಲೊಕಾಂಚಾನಿ ಯೇಸುಲಾ ಇಚಾರ್ಲ, "ಆಮಿ ಕಸ್ಲಿ ಕಾಮ ಕರಾಯಾ ವ್ಹಯಿತ ಮನ್ಹುನ್ ದೇವ್ ಮಂಥೊ. "

29 "ದೇವಾನಿ ಲಾವುನ್ ದಿಲ್ಯಾಲ್ಯಾವ ತುಮಿ ಇಸ್ವಾಸ್ ಥೆವಾಯಾ ವ್ಹಯಿಸಾ ಹಿ ಕಾಮ ದೇವ್ ತುಮ್ಚಿಪ್ನಿ ಬಗ್ತೊ." ಮನ್ಲಾ

30 ತವಾ ಲೊಕ ದೇವಾಪ್ನಿ ಲಾವುನ್ ದಿಲ್ಯಾಲಾ ತುಸ್ ಮನ್ಹುನ್ ಖರ ಕರಾಯಾ ತು ಕಸ್ಲಿ ಚಮತ್ಕಾರಾಚಿ ಕಾಮ ಕರ್ನಾರ್ 31 ಆಮ್ಚಾ ವಡ್ಲಾಂಚಾನಿ ರಾನಾತ್ ದಿಲ್ಯಾಲಾ ಮನ್ನಾ*6:31 ಮನ್ನಾ ಮಂಜೆ ಹ್ಯ ಕ್ಯಾ ಖಾಲ ಆಸ ಹ್ಯಾ ಶಾಸ್ತಾರಾತ್ ಲಿವ್‌ಲ್ಯಾ ತ್ಯನಾ ತ್ಯನಿ ಖಾಯಾ ಸ್ವರ್ಗಾತ್ನಿ ಬಾಕ್ರಿ ದಿಲಿ. ಮನ್ಲಿತ

32 ತವಾ,ಯೆಸು "ಮಿ ತುಮಾನಾ ಖರ ಸಾಂಗ್ತೊ ತುಮ್ಚಾ ಲೊಕಾನಾ ಸ್ವರ್ಗಾತ್ನಿ ಬಾಕ್ರಿ ದಿಲ್ಯಾಲಿ ಮೊಶೆನಿ ನವ್ಹ ಮಾಜಾ ಬಾನಿ ಪರಲೊಕಾತ್ನಿ ಖರಿ ಬಾಕ್ರಿ ದಿಲೆ. 33 ದೇವ್ ದೇತ್ಯಾಲಿ ತೀ ಬಾಕ್ರಿ ಸ್ವರ್ಗಾತ್ನಿ ಉತ್ರುನ್ ಆಲೆ ಆನಿ ದುನೆಲಾ ಜೀವ್ ದಿತಿ.ಮನ್ಲಾ 34 ತವಾ ಲೊಕ, "ಸ್ವಾಮಿ ತೀ ಬಾಕ್ರಿ ಆಮಾನಾ ಖಾಯಿಮ್ ದೇ ಮನ್ಲಿತ. 35 ತವಾ ಯೇಸುನಿ ತ್ಯನಾ ಸಾಂಗ್ಲ, "ಮೀಸ್ ತೀ ಜೀವ್ ದೇತ್ಯಾಲಿ ಬಾಕ್ರಿ ಮಾಜಿಪ ಯತ್ಯಾಲ್ಯಾಲಾ ಕಾವಾಸ್ ಭುಕ್ ಲಾಗ್ನಾರ್ ನಾಹಿ ಮಾಜಿವ ಇಸ್ವಾಸ್ ಥೆವ್‌ತ್ಯಾಲ್ಯಾಲಾ ಕವಾಸ್ ತಾನ್ ಲಾಗ್ನಾರ್ ನಾಹಿ. " 36 ಮಿ ತುಮಾನಾ ಆಂದಿ ಸಾಂಗ್‌ಲ್ಯಾ ಶಾರ್ಕ ತುಮಿ ಮನಾ ಬಗ್ಲಾಸಾ ತರಿ ಆಜು಼ನ್ ಮಾಜಿವ ಇಸ್ವಾಸ್ ಥಿವಿತ್ ನಾಹಿಸಾ.

37 ಮಾಜಾ ಬಾನಿ ದಿಲ್ಯಾಲಿ ತೀ ಸಗ್ಳಿ ಲೊಕ ಮಾಜಿಪ ಯತ್ಯಾತ. ಆನಿ ಮೀ ಮಾಜಿಪ ಯತ್ಯಾಲ್ಯಾ ಕುನಾಲಾಸ್ ಕಂದಿಸ್ ಮಾಗಾರಿ ಲಾವುನ್ ದಿಯಿತ್ ನಾಹಿ.

38 ಕಾ ಮಂಜೆ ಮಿ ಸ್ವರ್ಗಾತ್ನಿ ಮಾಜಾ ಮನಾ ಶಾರ್ಕ ಕರಾಯಾ ಆಲ್ಯಾಲೊ ನವ್ಹ. ಕಚಾನಿ ಮನಾ ಲಾವುನ್ ದಿಲ್ಯಾ ತ್ಯಚಿ ಇಚ್ಚಾ ಪುರ್ನ ಕರಾಯಾ ಆಲ್ಯೊ. 39 ಆನಿ ಮನಾ ಲಾವುನ್ ದೆನಾರ‍್ಯಾಚಿ ಇಚ್ಚಾ ಹಿ ಜಾ಼ಲೆ ಮಿ ಕುನಾಲಾ ದೇವಾನಿ ಒಪಸಲ್ಯಾತ ತ್ಯಾತ್ಲಾ ಯೊಕ್ಬಿ ಮಾಜಿಪ್ನಿ ಸಾಂಡುನ್ ಜಾ಼ವುನಾಹಿ ಆನಿ ಸರ್ತ್ಯಾ ದಿಸಾತ್ ಜಿವಂತ್ ಉಟ್ವಾಯಾ ವ್ಹಯಿ. 40 ಲೇಕಾಲಾ ಬಗುನ್ ತ್ಯಚಿವ ಇಸ್ವಾಸ್ ಥೆವ್‌ತ್ಯಾಲ್ಯಾ ಪರತೇಕಾನಿ ಶಾಶ್ವತ್ ಜೀವ್ ಗೇತಲ್ಯಾ ಸರ್ತ್ಯಾ ದಿಸಾತ್ ತ್ಯಾ ಮಾನ್ಸಾಲಾ ಜೀತ್ತಾ ಉಠಿವ್ತೊ ಮಾಜಾ ಬಾಚಿ ಇಚ್ಚಾಬಿ ಹೀಸ್.

41 ಯೆಹುದಿ ಯೇಸುಚೆ ಗುಶ್ಟಿತ್ ಬಡಬಡ್ಲ ಕಾ ಮಂಜೆ ತ್ಯನಿ ಸ್ವರ್ಗಾತ್ನಿ ಉತ್ರುನ್ ಆಲ್ಯಾಲಿ ಬಾಕ್ರಿ ಮೀಸ್ ಮನ್ಹುನ್ ಸಾಂಗ್ಲ. 42 ಯೆಹುದಿ ಹ್ಯಚಿ ಆಯಿ ಬಾ ಆಮಾನಾ ಠಾವಿ ಹಾತ್ತ. ಹ್ಯೊ ಯೊಸೆಫಾಚಾ಼ ಲ್ಯೊಕ್ ಯೇಸು ನವ್ಹ ಕ್ಯಾ? ಮಿ ಸ್ವರ್ಗಾತ್ನಿ ಉತ್ರುನ್ ಆಲ್ಯೊ ಮನ್ಹುನ್ ಹ್ಯನಿ ಸಾಂಗಾಯಾ ಕಸ ವ್ಹನಾರ್? ಮನ್ಲ.

43 ತವಾ ಯೇಸುನಿ ತುಮಿ ಬಡಬಡಾಚ಼ ಥಾಂಬ್ವಾ. 44 ಮನಾ ಲಾವುನ್ ದಿಲ್ಯಾಲ್ಯಾ ಮಾಜಾ ಬಾನಿ ಮಾಜಿಪ ಲಾವುನ್ ದಿಯಿಸ್ಪರ‍್ಯಾತ್ ಕೊನ್ ಮಾಜಿಪ ಪರ‍್ಯಾತ್ ಯಯಿತ್ನಾಹಿ. ಆನಿ ಮಿ ಸರ್ತ್ಯಾ ದಿಸಾತ್ ತ್ಯನಾ ಜಿವಂತ್ ಉಠಿವ್ತೊ. 45 ಪ್ರವಾದಿಂಚಾನಿ ಲಿವ್‌ಲ್ಯಾ ಆನಿ ‘ತೇ ಸಗ್ಳ ದೇವಾಪ್ನಿ ಲಾವುನ್ ದಿಲ್ಯಾಲ ಜಾ಼ಲ್ಯಾತ. ಕೊನ್ ಬಾಪ್ನಿ ಐಕುನ್ ಸಿಕ್ತೊ ತ್ಯೊ ಮಾಜಿಪ ಯತೊ. 46 ಬಾಪ್ನಿ ಆಲ್ಯಾಲಾ ತ್ಯವ್ಡಾಸ್ ಬಾಲಾ ಬಗ್ತೊ ದುಸ್‌ರ‍್ಯಾ ಕುಟಲ್ಯಾ ಮಾನ್ಸಾನಿ ಬಾಲಾ ಬಗ್ಲಾ ನಾಹಿ.

47 ಮಿ ತುಮನಾ ಖರ ಸಾಂಗ್ತೊ ಕೊನ್ ಇಸ್ವಾಸ್ ಥೆವ್ತೊ ತ್ಯಲಾ ಶಾಶ್ವತ್ ಜೀವ್ ಗಾವ್ತೊ. 48 ಮೀಸ್ ಜೀವಾಚಿ ಬಾಕ್ರಿ.

49 ತುಮ್ಚಾ ವಡ್ಲಾಂಚಾನಿ ರಾನಾತ್ ಮನ್ನಾ ಖಾಲಾ ತರಬಿ ಮೆಲ. 50 ಫನ್ ಸ್ವರ್ಗಾತ್ನಿ ಆಲ್ಯಾಲ್ಯಾಲಿ ಬಾಕ್ರಿ ಕೊನ್ ಖಾಯಿಲ್ ತ್ಯೊ ಮರತ್ನಾಹಿ. 51 ಸ್ವರ್ಗಾತ್ನಿ ಆಲ್ಯಾಲಿ ಜೀವಾಚಿ ಬಾಕ್ರಿ ಮೀಸ್. ಹಿ ಬಾಕ್ರಿ ಖಾತ್ಯಾಲ್ಯಾಲಾ ಶಾಶ್ವತ್ ಜಿವ್ ರಾನ್ಹಾರ್. ಮಿ ತುಮಾನಾ ದೆತ್ಯಾಲಿ ಬಾಕ್ರಿ ಮಾಜ಼ ಶರಿರ್ ಜಾ಼ಲ್ಯಾ. ತ್ಯ ಮಿ ದುನೆಚಾ ಜಿವಾಸಾಟಿ ದೆತೊ.

52 ತವಾ ಯೆಹುದಿ ಹ್ಯೊ ಮಾನುಸ್ ಆಪ್ಲ ಶರಿರ್ ಆಮಾನಾ ಖಾಯಾ ದಿಯಾ ಕಸ ವ್ಹತ ಮನ್ಹುನ್ ಆಪ್‌ಲ್ಯಾ ಆಪ್‌ಲ್ಯಾತ್ ವಾದ್ ಕರಾಯಾ ಲಾಗ್ಲ.

53 ಯೇಸುನಿ ಮಿ ತುಮಾನಾ ಖರ ಸಾಂಗ್ತೊ. ತುಮಿ ಮಾನ್ಸಾಚಾ ಲೇಕಾಚ಼ ಶರಿರ್ ಖಾಲನಾಹಿಸಾತ ತ್ಯಚ಼ ರಗಾತ್ ಪಿಯಾಲಾ ನಾಹಿಸಾತ ತುಮಾನಾ ಜೀವ್ ರಾನ್ಹಾರ್ ನಾಹಿ. 54 ಕೊನ್ ಮಾಜ಼ ಶರಿರ್ ಖಾತೊ ಆನಿ ಮಾಜ಼ ರಗಾತ್ ಪಿತೊ ತ್ಯಲಾ ಶಾಶ್ವತ್ ಜೀವ್ ಗಾವ್ತೊ. ಆನಿ ಸರ್ತ್ಯಾ ದಿಸಾತ್ ತ್ಯಾ ಮಾನ್ಸಾಲಾ ಮಿ ಜಿತ್ತಾ ಕರ್ನಾರ್. 55 ಮಾಜ಼ ಶರಿರ್ ಖರ ಜೇವಾನ್ ಜಾ಼ಲ್ಯಾ ಮಾಜ಼ ರಗಾತ್ ಖರ ಪಿನ ಜಾ಼ಲ್ಯಾ. 56 ಮಾಜ಼ ಶರಿರ್ ಖಾವುನ್ ಮಾಜ಼ ರಗಾತ್ ಪಿವುನ್ ಕೊನ್ ಮಾಜಿಪ ರಾಥೊ ತ್ಯಚಿಪ ಮಿ ರಾಥೊ. 57 ಜೀವ್ ಆಸ್‌ಲ್ಯಾಲ್ಯಾ ಬಾನಿ ಮನಾ ಲಾವುನ್ ದಿಲ್ಯಾ ಆನಿ ತ್ಯಚಾನಿಸ್ ಮಿ ಜಿವ್ನಾ ಕರ್ತ್ಯೊ, ಮನ್ಹುನ್ ಕೊನ್ ಮನಾ ಖಾತೊ ತ್ಯೊ ಮಾಜಿಪ್ನಿ ಜಿವ್ನಾ ಕರ್ನಾರ್.

58 ಹಿ ಸ್ವರ್ಗಾತ್ನಿ ಉತ್ರುನ್ ಆಲ್ಯಾಲಿ ಬಾಕ್ರಿ ಜಾ಼ಲೆ, ತುಮ್ಚಾ ವಡ್ಲಾಂಚಾನಿ ಮನ್ನಾ ಖಾಲಾ ಮರುನ್ ಗೇಲ, ಫನ್ ಕೊನ್ ಹಿ ಬಾಕ್ರಿ ಖಾಯಿಲ್ ತ್ಯೊ ಶಾಶ್ವತ್ ಜಿತ್ತಾ ರಾನ್ಹಾರ್.

59 ಯೇಸುನಿ ಕಪೇರ್ನೌಮ್ ಸಭಾಸ್ಥಾನಾತ್*6:59 ಯೆಹುದ್ಯಾಂದಾಚಾ಼ ಆರಾಧನಾಚಾ಼ ಜಾ಼ಗಾ. ಸಿಕಿವ್ತಾನಾ ಹ್ಯ ಸಗ್ಳ ಸಾಂಗ್ಲ.

60 ಹ್ಯ ಸಿಕಿವ್ನ ಖುಬ್ ಕಶ್ಟಾಚ಼ ಹ್ಯ ಕೊನ್ ಮಾನಿತ್ ನಾಹಿತ.

61 ಆಪ್ಲ ಶಿಶಾ ಬಡಬಡ್‌ತ್ಯಾತ ಮನ್ಹುನ್ ಯೇಸುಲಾ ಸಮಾಜ಼್ಲ ಹ್ಯಾ ಸಾಂಗ್‌ನ್ಯಾನಿ ತುಮಾನಾ ತರಾಸ್ ಜಾ಼ಲಾ ಕ್ಯಾ? 62 ಯೆಕ್ ಯಳಿ ಮಾನ್ಸಾಚಾ಼ ಲ್ಯೊಕ್ ಆಂದಿ ಕುಠ ಹುತ್ತಾ ತಿಥ ಜಾ಼ತ್ಯಾಲಾ ಬಗ್‌ಲ್ಯಾವ ತುಮಿ ಕ್ಯಾ ಕರ್ನಾರ್? 63 ಜಿವ್ ದೆತ್ಯಾಲ ದೇವಾಚ಼ ಆತ್ಮ ಜಾ಼ಲ್ಯಾ. ಮಾನ್ಸಾಚಾ ಸಾಮರ್ಥ್ಯಾನಿ ಕಾಯ್ ಉಪೆಗ್ ನಾಹಿ. ಮಿ ತುಮಾನಾ ಕಚಾ ಬೊಲ್ಯಾ ಸಾಂಗ್‌ಲ್ಯಾತಾ ತೀ ದೇವಾಚಿ ಆತ್ಮ ಜಾ಼ಲ್ಯಾತ ಆನಿ ಜೀವ್ ದೆತ್ಯಾತ. 64 ತರಿಬಿ ತುಮ್ಚಾತ್ಲ ಥೊಡ ಇಸ್ವಾಸ್ ಥಿವಿತ್ ನಾಹಿತ ಮನ್ಹುನ್ ಸಾಂಗ್ಲ. ಆಪ್ಲಿವ ಇಸ್ವಾಸ್ ಥೆವ್‌ಲ್ಯಾನಸ್‌ಲ್ಯಾಲ ಕೊನ್ ಕೊನ್ ಮನ್ಹುನ್ ಆಪ್ಲಾ ಮೊಸ್ ಕರ್ನಾರಾ ಕೊನ್ ಮನ್ಹುನ್ ಯೇಸುಲಾ ಆಂದಿಸ್ ಸಮಾಜ಼್ಲ ಹುತ್ತ. 65 ಯೇಸು "ಬಾನಿ ಲಾವುನ್ದಿಯಾಚೆ ಆಂದಿ ಮಾಜಿಪ ಕೊನುಸ್ ಯಯಿತ್ನಾಹಿ ಮನ್ಹುನ್, ಮಿ ತುಮಾನಾ ಹ್ಯಚಿ ಸಾಟಿಸ್ ಸಾಂಗ್ಲ ಹುತ್ತ."ಮನ್ಲಾ

66 ಯೇಸುನಿ ಹ್ಯಾ ಗುಶ್ಟಿ ಸಾಂಗ್‌ಲ್ಯಾ ನಂತರ್ ಯೇಸುಚೆ ಮಾಗ್ನಿ ಜಾ಼ತ್ಯಾಲ ಖುಬ್ ಜಾ಼ನ್ ಶಿಶಾ ತ್ಯಲಾ ಸುಡುನ್ ಗೆಲ. ಆನಿ ಕವಾಸ್ ತ್ಯಚೆ ಮಾಗ್ನಿ ಆಲ ನಾಹಿತ. 67 ಯೇಸುನಿ ಆಪ್‌ಲ್ಯಾ ಬಾರಾ ಜಾ಼ನ್ ಶಿಶಾನಾ, "ತುಮಿಬಿ ಮನಾ ಸುಡುನ್ ಜಾ಼ಯಾ ವ್ಹಯಿ ಮಂಥಾಸಾ ಕ್ಯಾ ಮನ್ಹುನ್ ಇಚಾರ್ಲ.

68 ಸಿಮೊನ್ ಪೇತ್ರಾ ಯೇಸುಲಾ , "ಪ್ರಭು ಆಮಿ ಕುನಾಪ ಜಾ಼ವಾವ? ಶಾಶ್ವತ್ ಜೀವ್ ದಿಯಾಚ಼ ಸಬ್ದ ತುಜಿಪ ಹಾತ್ತ. 69 ಆಮಿ ತುಜಿವ ಇಸ್ವಾಸ್ ಥೆವ್ತಾವ್. ತು ದೇವಾಪ್ನಿ ಆಲ್ಯಾಲಾ ಪರಿಶುದ್ದ ಮನ್ಹುನ್ ಆಮಾನಾ ಠಾವಾ ಹಾಸ್" ಮನ್ಲಾ

70 ತವಾ ಯೇಸು, "ತುಮಾನಾ ಬಾರಾ ಜ಼ನಾನಾ ಮಿ ನಿವಡ್ಲ ನಾಹಿತ ಕ್ಯಾ? ತರಿಬಿ ತುಮ್ಚಾತ್ ಯೊಕ್ ಸೈತಾನ್ ಜಾ಼ಲ್ಯಾ.ಮನ್ಲಾ 71 ಯೇಸು ಸಿಮೊನ್ ಇಸ್ಕರಿಯುತಾಚಾ಼ ಲ್ಯೊಕ್ ಯುದಾಚ಼ಸ್ ಬೊಲತಾ. ಯುದ್ ಬಾರಾ ಜಾ಼ನ್ ಅಪೊಸ್ತಲಾತ್ಲಾ ಯೊಕ್ ಜಾ಼ಲ್ಥಾ. ಫನ್ ಮೊರ‍್ಹ ಯೇಸುಚಾ಼ ಮೊಸ್ ಕರ್ತ್ಯಾಲಾ ತ್ಯೊಸ್.