ಲುಕ್ 2

22 ಮಂಗ್ ಮೊಶೆಚಾ ಧರ್ಮಶಾ ಶಾರ್ಕ ತ್ಯಂಚ಼ ಸುತೀಕ್ ಜಾ಼ಯಾ ವ್ಹಯಿ ಆಸ್‌ಲ್ಯಾಲ ದೀಸ್ ಬರ್ಲ್ಯಾವ ಯೊಸೆಪ್ ಆನಿ ಮರಿಯಾ ತ್ಯಾ ಮೂಲಾಲಾ ಯೆರುಸಲೆಮಿಚಾ ದೇವ್ಳಾತ್ ಪ್ರಭುಲಾ ಪ್ರತಿಶ್ಟೆ ಕರಾಯಾ ನೆಲಾ. 23 ಕಾ ಮನ್‌ಲ್ಯಾವ ಪೈಲ್ಯಾನಿ ಜ಼ಲಾಮ್‍ಲ್ಯಾಲ ಪ್ಯೊರ್ಗಾ ತ್ಯ ದೇವಾಲಾ ಸೊಡಾಯಾ ವ್ಹಯಿ ಮನ್ಹುನ್ ದೇವಾಚಾ ಧರ್ಮ ಶಾಸ್ತಾರಾತ್ ಸಾಂಗ್‍ಲ್ಯಾ ಶಾರ್ಕ ತ್ಯ ದೇವಾಲಾ ದಿಯಾ ವ್ಹಯಿ ಜಾ಼ಲ್ಥ. 24 ಆನಿ ದೇವಾಚಾ ಧರ್ಮಶಾಸ್ತಾರಾತ್ ಸಾಂಗ್‍ಲ್ಯಾ ಶಾರ್ಕ ಯಕ ಜು಼ಡಿ ಕವ್ಡ ನಾಹಿತ ಪ್ಯಾರ್‌ವ್ಯಾಚಿ ದೊನ್ ಪಿಲಿ ಕಾಪಾ ವ್ಹಯಿತಿತ.

25 ತ್ಯಾ ದೀಸಾತ್ ಯೆರುಸಲೇಮಿತ್ ಸಿಮೊನ್ ನಾವಾಚಾ ಮಾನುಸ್ ಹುತ್ತಾ. ಹ್ಯೊ ಮಾನುಸ್ ನಿಯತಿಚಾ ದೇವಾಚಾ ಭಗತ್ ವ್ಹವುನ್ ಇಸ್ರಾಯಲ್ ಲೊಕಾನಾ ಮಜ಼ತ್ ಕರ್ತ್ಯಾಲಾ ಕವಾ ಯನಾರ್ ಮನ್ಹಿತ್ ಹುತ್ತಾ. ಆನಿ ಪವಿತ್ರಾತ್ಮ ತ್ಯಚಿ ಸಂಗ ಹುತ್ತ. 26 ಆನಿ ದೇವಾನಿ ಲಾವುನ್ ದಿಯಾ ವ್ಹಯಿ ಆಸ್‌ಲ್ಯಾಲ್ಯಾ ಮೆಸ್ಸಿಯಾಲಾ ಬಗಾಚೆ ಆಂದಿ ತು ಮರ್ನಾರ್ ನಾಹಿ ಮನ್ಹುನ್ ಪವಿತ್ರಾತ್ಮಾನಿ ಸಿಮೊನಾಲಾ ಸಾಂಗ್ಲ. 27 ಸಿಮೊನ್ ಪವಿತ್ರಾತ್ಮಾಚಾ ಸಾಂಗ್‌ನ್ಯಾನಿ ದೇವ್ಳಾತ್ ಆಲಾ. ತವಾ ಯೊಸೆಪ್ ಆನಿ ಮರಿಯಾ ಯೇಸು ಮಂಥ್ಯಾಲ್ಯಾ ಮೂಲಾಲಾ ಧರ್ಮ ಶಾಸ್ತ್ರಾಶಾರ್ಕ ಚಾ಼ಲ್ವಾ ಪಾಯ್ಜೆ ಮನ್ಹುನ್ ತ್ಯಲಾ ಆತ್ ಆನ್ಲಾ. 28 ಸಿಮೋನಾನಿ ಮುಲ್ ಆಪ್‍ಲ್ಯಾ ಹತಾತ್ ಗಿಹುನ್ ದೇವಾಲಾ ಉಪಕಾರ್ ಸಾಂಗ್ಲ.

29 ಪ್ರಭು ತು ಸಾಂಗ್‍ಲ್ಯಾ ಶಾರ್ಕ ಕೆಲಸ್. ಆತಾ ಸಮಾದಾನಾನಿ ಜಾ಼ಯಾಲಾ ತುಜಾ ಶಿಶಾಲಾ ಮೊಕಳ್ ಜಾ಼ಲಿ.

30 ತು ಥರಿವ್‌ಲ್ಯಾಲ್ಯಾ ರಕ್ಶಕಾಲಾ ಮಿ ಮಾಜಾ ಡೊಳ್ಯಾನಿ ಬಗ್ಲಾ.

31 ತು ತ್ಯಲಾ ಸಗ್‌ಳ್ಯಾ ಲೊಕಾನಾ ದಿಸ ಜೊ಼ಗ ಕೇಲಾಸ್.

32 ತ್ಯೊ ಯಹುದ್ಯ ನಸ್‍ಲ್ಯಾಲ್ಯಾ ಲೊಕಾನಾ ತುಜಿ಼ ವಾಟ್ ದ್ಯಾವ್‌ತ್ಯಾಲಾ ಉಜಿಡ್ ಜಾ಼ಲ್ಯಾ.

ತುಜಿ ಪರಜೆ ಜಾ಼ಲ್ಯಾಲಿ ಇಸ್ರಾಯಲಾನಾ ಮೈಮಾ ವ್ಹನಾರ್.

33 ಸಿಮೊನಾನಿ ತ್ಯಾ ಮುಲಾಚೆ ಗುಶ್ಟಿತ್ ಸಾಂಗ್‍ಲ್ಯಾಲ್ಯಾ ಹ್ಯಾ ಸಬ್ದಾನಾ ತ್ಯಚೆ ಆಯಿ ಬಾಲಾ ಚಮತ್ಕಾರ್ ವಾಟ್ಲಿ. 34 ಸಿಮೊನಾನಿ ತ್ಯನಾ ಆಶಿರ್ವಾದ ಕರುನ್ ಆಯಿ ಮರಿಯಾಲಾ "ಬಗಾ ಹ್ಯ ಹ್ಯಚಿಸ್ ಲಾಗುನ್ ಲೊಕ ಪಡ್‌ತ್ಯಾತ ಆನಿ ಉಟ್ಯಾತ ಆನಿ ಲೊಕ ಹ್ಯಲಾ ವಿರೊದ್ ವ್ಹವುನ್ ಚಾ಼ಲತ್ಯಾತ. 35 ಲೊಕ ಚು಼ರುನ್ ಆತ್ ಬೊಲತ್ಯಾಲ್ಯಾ ಗುಶ್ಟಿ ಬಾಹಿರ್ ಪಡ್ನಾರ್. ಮೊರ‍್ಹ ವ್ಹನಾರ‍್ಯಾ ಗುಶ್ಟಿ ಐಕುನ್. ತುಜಾ ಕಾಳ್‍ಜಾ಼ಲಾತರಿ ಹತ್ಯಾರ ಲಾಗ್‍ಲ್ಯಾಚೆಗತ್‌ವ್ಹಯಿಲ್" ಮನ್ಹುನ್ ಸಾಂಗ್ಲ.

36 ಇತ್ಕಸ್ ನವ್ಹ. ಅಸೆರಾಚಾ ಕುಳಾತ್ ಫನುವೆಲಾಚಿ ಲೇಕ್ ಅನ್ನಾ ಮಂಥ್ಯಾಲಿ ಯೆಕ್ ಪ್ರವಾದಿನಿ ಹುತ್ತಿ. ತಿಚ಼ ಲಗಿನ್ ವ್ಹವುನ್ ನವರ‍್ಯಾ ಸಂಗ ಸಾತ್ ವರ್ಸ ಸಂಸಾರ್ ಕರುನ್ ಆತಾ ತೀ ಖುಬ್ ಮಾಥಾರಿ ಜಾ಼ಲ್ಥಿ. 37 ಆತಾ ತಿಲಾ ಐಂಸಿವ ಚಾರ್ ವರ್ಸ ವಯಾ ಜಾ಼ಲಿ. ಆನಿ ತೀ ರಾಂಡಾವ್ ಹುತ್ತಿ ತೀ ದೀವುಳ್ ಸುಡುನ್ ಜಾ಼ಯಾಚೆ ಆಂದಿ ದೇವ್ಳಾತ್ ಉಪಾಸಿ ಮಾಗ್ನ ಕರೀತ್ ರ‍್ಯಾತ್ ದೀಸ್ ದೇವಾಚಿ ಸೇವಾ ಕರೀತ್ ಹುತ್ತಿ.

38 ತೀ ತೇಸ್ ಗಟ್ಕಲಾ ತಿಥ ಯವುನ್, ದೇವಾಲಾ ಉಪ್ಕಾರ್ ಸಾಂಗುನ್ ದೇವಾನಿ ಯೆರುಸಲೇಮಚೆ ಸುಟ್ನುಕಿಚಿ ವಾಟ್ ಬಕ್‌ತ್ಯಾಲ್ಯಾಂಚಿ ಸಂಗ ತ್ಯಚಿ ಖಬರ್ ಸಾಂಗ್ಲಿ.