1 ನವೊಮಿಚಾ಼ ದನ್ಗೊರ್ ಎಲಿಮೆಲೆಕಾಚಾ ವಂಶಾತ್ಲಾ ಬೊವಜ ಮಂಥ್ಯಾಲಾ ಪಾವ್ನಾ ಹುತ್ತಾ. ತ್ಯೊ ಸಾವ್ಕೊರ್ ಮಾನುಸ್ ತ್ಯಚ಼ ನಾವ್ ಬೊವಜ್. 2 ಎಕಸಿ ಮೊವಾಬ್ಯಾತ್ಲಿ ರುತ್ ನವೊಮಿಲಾ," ಮನಾ ಕುನಿತರಿ ಆವಕಾಸ್ ದಿಲ್ಯಾವ ಮಿ ಶೆತಾತ್ನಿ ಜಾ಼ವುನ್ ಲೊಂಬ ಎಚು಼ನ್ ಆಂತೆ ಮನ್ಲಿ. ತವಾ ನೊವೊಮಿ, "ಜಾ಼ ಮಾಜೆ ಲಿಕಿ," ಮನ್ಲಿ. 3 ರುತ್ ಕ್ಯಾಪತ್ಯಾಲ್ಯಾಂಚೆ ಮಾಗ್ನಿ ಜಾ಼ವುನ್ ಜಿಥ-ಜಿಥ ಪಡಲ್ಯಾಲಿ ಲೊಂಬ ಎಚಿತಿ. ತ್ಯ ಶಾತ್ ಎಲಿಮೆಲೆಕಾಚಾ ವಂಶಾತ್ಲಾ ಜಾ಼ಲ್ಯಾಲ್ಯಾ ಬೊವಜಾಚ಼ ಜಾ಼ಲ್ತ. 4 ತವಾ, ಬೊವಜ ಬೆತ್ಲೆಹೆಮಿತ್ನಿ ತಿಥ ಆಲಾ. ತ್ಯನಿ, " ಕಾಮ್ಯಾರಾನಾ ಪರಮೆಸ್ವರ್ ತುಮ್ಚಿ ಸಂಗ ರಾಹುನಿ!" ಮನ್ಲಾ, ತವಾ ತಿಬಿ "ಪರಮೆಸ್ವರ್ ತುಮಾನಾಬಿ ಆಶಿರ್ವಾದ್ ಕರುನಿ!" ಮನ್ಲಿತ. 5 ಬೊವಜಾನಿ ಮುಕಾದಾಮಾಲಾ ಹಾಕ್ಟುನ್, "ಹಿ ಬಾಯಿಲ್ ಮಾನುಸ್ ಕುನಾಚಾ ಗರ‍್ಹಾತ್ಲಿ?" ಮನ್ಹುನ್ ಇಚಾರ್ಲ. 6 ತವಾ ತ್ಯಾ ಮುಕಾದಮಾನಿ, "ಹಿ ಮೋವಾಬಿ, ನವೊಮಿ ಸಂಗ ಮೋವಾಬ್ ದೆಶೆತ್ನಿ ಮಾಗಾರಿ ಆಲ್ಯಾಲಿ. 7 ಹಿನಿ ಕ್ಯಾಪತ್ಯಾಲ್ಯಾಂಚೆ ಮಾಗ್ನಿ ಜಾ಼ವುನ್ ಲೊಂಬ ಎಚಾ಼ಯಾ ಹುಕ್ಕುಮ್ ಇಚಾರ್ಲಾ. ಸಖಾಳ್ಚಿ ನಸ್ಕಾತ್ ಆಲ್ಯಾಲಿ ಆಜು಼ನ್‍ ಹಿತ್ತಸ್ ಹಾ.ಜ಼ರಾಬಿ ಇಸ್ರಾಮಾಗೆತ್ಲಾ ನಾಹಿ ಆತಾಸ್ ಜ಼ರಾ ಸಾವ್ಲಿಸ್ ಬಸ್ಲೆ" ಮನ್ಲಾ. 8 ಮಂಗ್ ಬೊವಜ ರುತಾಲಾ, "ಬಗ್ ಬಾಯಿ ಮಾಜ಼ ಶಾತ್ ಸೂಡುನ್ ಆನಿ ಕುಂಡ ಲೊಂಬ ಎಚಾ಼ಯಾ ಜಾ಼ವುನಕೊ. ಮಾಜಾ ಕಾಮ್ಯಾರ‍್ಯಾ ಬ್ಯಾಯಕಾಮಾನ್ಸಾಂಚೆ ಸಂಗ ರ‍್ಹಾ. 9 ತಿ ಕುಠ ಪೀಕ್ ಕ್ಯಾಪತ್ಯಾತ ತ್ಯಂಚೆ ಮಾಗ್ನಿ ಜಾ಼ವುನ್ ಲೊಂಬ ಏಚ಼್. ತುಲಾ ಕುನಿ ತರಾಸ್ ದಿಯಾಚಾ಼ ನಾಹಿ ಮನ್ಹುನ್ ಮಿ ಮಾಜಾ ಗಡ್ಯಾನಾ ಸಾಂಗಲ್ಯಾ. ತುಲಾ ತಾನ್ ಲಾಗ್ಲಿತ ಜಾ಼ವುನ್ ಮಾಜಾ ಆಳಾಂಚಾನಿ ಬರ‍್ಹುನ್ ಥೆವಲ್ಯಾಲ್ಯಾ ಬಿನಗ್ಯಾತ್ಲ ಪಿ," ಮನ್ಲಾ. 10 ತವಾ ತಿನಿ ತ್ಯಲಾ ಖಾಲ್ ವಾಕುನ್ ನಮಸ್ಕಾರ್ ಕರುನ್. "ಮಾಲ್ಕಾನು, ಪರದೆಶಿ ಆಸಲ್ಯಾಲಿ ಮಾಜಿವ ಯವ್ಡಿ ದಯಾ ಕಾ?" ಮನ್ಲಿ. 11 ತವಾ ಬೊವಜಾನಿ, "ತುಜಾ಼ ಘೊ ಮರುನ್ಗೆಲ್ಯಾಸ್ಟಾವ್ನಿ ತು ಸಾಸೊಸಾಟಿ ಕೆಲ್ಯಾಲ ಸಗ್ಳ ಐಕಲ್ಯಾ. ತು ಕಸಿ ತುಜಿ ಆಯಿ ಬಾ ಆನಿ ಸ್ವತಾಚಿ ದೆಶಾ ಸೂಡುನ್, ವಳಕ್ ನಸಲ್ಯಾಲ್ಯಾ ಲೊಕಾಂಚೆ ಸಂಗ ರಾಹ್ಯಾ ಆಲೆಸ್ ಮನ್ಹುನ್ ಮನಾ ಠಾವ ಹಾ. 12 ತು ಕೆಲ್ಯಾಲ್ಯಾ ಕಾಮಾಲಾ ದೆವ್ ತುಲಾ ಶಾರ್ಕ ಫಲ ದಿವುನಿ. ಇಸ್ರಾಯೆಲಾಂಚಾ ದೆವ್ ಜಾ಼ಲ್ಯಾಲಾ ಪರಮೆಸ್ವರಾಚಾ಼ ಆಸ್ರಾ ಗಿಹ್ಯಾ ಆಲೆಸ್. ತ್ಯೊ ತುಲಾ ಖುಬ್ ಗಾಹುನಿ!" ಮನ್ಲಾ. 13 ತವಾ ತಿ, ಮಾಲ್ಕಾನು ತುಮಿ ಮನಾ ಮೊಟಾ ಉಪ್ಕಾರ್ ಕೆಲ್ಯಾಸಾ . ಮಿ ತುಮ್ಚಿ ಚಾ಼ಕ್ರಿನ್ ಮನ್ಹನ್ ಗಿಹ್ಯಾಲಾಬಿ ಲಾಯಿಕ್ನಾಹಿ. ತರಿಬಿ ತು ಮನಾ ದಯಾ ಮಾಯಾನಿ ಬುಲಿವ್ಲಿಸ್." ಮನ್ಲಿ. 14 ಜೆವ್ನಾಚಾ ಯಳಾಲಾ ಬೊವಜಾನಿ ರುತಾಲಾ ಹಾಕಟ್ಲಿ. " ಹಿಕ್ಡ ಯೆ, ಬಾಕ್ರಿ ಗಿಹುನ್ ಆಂಬಾಟ್ ದರಾಕ್ಶಿಚಾ ರಸಾತ್‍ ಬುಡವುನ್ ಖಾ," ಮನ್ಲಾ. ತಿ ಕಾಮ್ಯಾರ‍್ಯಾಂಚೆ ಸಂಗ ಬಸ್ಲಿ. ಆನಿ ತ್ಯಚಿ ಸಂಗ ಬೊವಜಾನಿ ತಿಲಾ ಬ್ಯಾಜ಼ಲ್ಯಾಲಿ ಕನ್ಸ ದಿಲಿತ. ತಿನಿ ಪ್ವಾಟ್ಬ ಖಾವುನ್ ಥುಡಿ ಉರಿವ್ಲಿತ. 15 ತಿ ಆನಿ ಲೊಂಬ ಎಚಾಯಾ ಗಿಲಿ ತವಾ, ಬೊವಜಾನಿ ಆಪಲ್ಯಾ ಆಳಾನಾ, ಬಾರ‍್ಯಾಂಚೆ ಮದ್ದಿಬಿ ತಿ ಲೊಂಬ ಎಚು಼ನಿ; ಥಾಂಬ್ವು ನಕೊಸಾ. 16 ತುಮಿ ಬ್ಯಾಂತಾನಾ ಥುಡಿ ಲೊಂಬ ಆಡ್ವಾತ್ನಿ ಕಾಡುನ್ ಬುಡಿ ಟಾಕಾ. ತಿ ಎಚು಼ನಿ; ಕೊನ್ ತಿಲಾ ದಪಕ್ಯಾವುನಕೊಸಾ," ಮನ್ಲಾ. 17 ತಸಸ್ ರುತಾನಿ ಶಾನ್ಪರ‍್ಯಾತ್ ಲೊಂಬ ಎಚು಼ನ್. ತಿ ಬಡಿವ್ಲಿತ ತಿ ಕಮಿಸ್ಕಮಿ ಚಾರ್ ಪ್ಯಾಯ್ಲಿ ಬಾರ್ಲಿ ಗಾವ್ಲಿ. 18 ತಿ ಗಿಹುನ್ ಗಾವಾತ್ ಜಾ಼ವುನ್ ಆಪ್ಲೆ ಸಾಸೊಲಾ ದ್ಯಾವ್ಲಿ. ತಸಸ್ ಆಪಲ್ಯಾಲಾ ಖಾಯಾ ದಿಲ್ಯಾಲ್ಯಾತ್ಲ ಉರಿವಲ್ಯಾಲ ಸಾಸೊಲಾ ದಿಲ. 19 ತ್ಯ ಬಗುನ್ ನವೊಮಿ, " ತು ಆಜ಼್ ಕುಠ ಲೊಂಬ ಎಚ್ಲಿತಸ್? ಕುನಾಚಾ ಶೆತಾತ್ ಕಾಮ್ ಕೇಲಸ್? ತುಜಿವ ದಯಾ ದ್ಯಾವಲ್ಯಾಲಾ ಚಾ಼ಂಗ್ಲವ್ಹವುನಿ!" ಮನ್ಲಿ. ತ್ಯಲಾ ರುತಾನಿ, ಮಿ ಲೊಂಬ ಎಚಲ್ಯಾಲ ಶಾತ್ ಬೊವಜಾಚ಼," ಮನ್ಲಿ. 20 ಹ್ಯ ಐಕುನ್ ನವೊಮಿ ಗಡ್ಬಡಿನಿ , "ಜಿತ್ತಿ ಆಸಲ್ಯಾಲ್ಯಾನಾ ಮೆಲ್ಯಾಲ್ಯಾನಾ ಕೆಲ್ಯಾಲ ವಾಗ್ದಾನ್ ಗಢಿವ್ನಾರಾ ಪರಮೆಸ್ವರ್ ತ್ಯಲಾ ಆಶಿರ್ವಾದ ಕರುನಿ!" ಮನ್ಲಿ, ತ್ಯೊ ಮಾನುಸ್ ಆಮ್ಚೆ ಜ಼ವಳಚಾ಼ಸ್ ವಾರ್ಸಿ, ಆಮಾನಾ ಪ್ಯೊಸ್ನಾರಾ," ಮನ್ಲಿ. 21 ತವಾ ಮೊವಾಬ ದೆಶೆತ್ಲಿ ರುತ್, "ಲ್ಯಾನ್ ಸಪಪರ‍್ಯಾತ್ ಮಾಜಾ ಆಳಾಂಚೆ ಸಂಗ ರ‍್ಹಾ ಮನ್ಹುನ್ ಸಾಂಗ್ಲ, ಮನ್ಲಿ. 22 ತವಾ ನವೊಮಿ ಆಪ್ಲೆ ಸುನಾಲಾ, "ವ್ಹಯ್ ಕ್ಯಾ, ಲಿಕಿ, ತು ತ್ಯಂಚಾ ಕಾಮ್ಯಾರ‍್ಯಾ ಬ್ಯಾಯ್ಕಾಂಚಿಸಂಗ ರಾಹ್ಯಾಚ಼ಸ್ ಬರ; ದುಸರ‍್ಯಾಂಚಾ. ಶೆತಾತ್ ತುಲಾ ಬೆಜಾರ್ ಕರ್ತಿಲ," ಮನ್ಲಿ. 23 ತಸಸ್ ರುತ್ ಸಾಸೊಸಂಗ ರಾಹುನ್ ಬಾರ್ಲಿಚಿ ಗವ್ಹಾಚಿ ಲ್ಯಾನ್ ಸಪಪರ‍್ಯಾತ್ ಬೊವಜಾಚಾ ಕಾಮ್ಯಾರ‍್ಯಾ ಬ್ಯಾಯ್ಕಾಂಚಿಸಂಗ ಜಾ಼ವುನ್ ಲೊಂಬ ಯಚಿತಿ.