1 ಮಂಗ್ ಯಕಸಿ ಸಬ್ಬತ್ ದಿಸಾದಿಸಿ ಯೇಸು ಸೇತಾ ಮದ್ನಿ ಜಾ಼ತಾನಾ ತ್ಯಚಾ ಶಿಶಾಂಚಾನಿ ಕನ್ಸ ಮುಡುನ್ ಹತ್ತಾವ ಚು಼ಳುನ್ ಖಾಲಿತ.

2 ತವಾ ಪರಿಸಾಯಾತ್ಲ ಕಾಯ್‌ ಥೊಡ ಯೇಸುಲಾ, "ಕಾ ತುಮಿ ಧರ್ಮಶಾಸ್ತಾರಾಚೆ ಅಡ್ವ ಸಬ್ಬತಾ ದೀಸಿ ಕರು ನಾಹಿತ್ಯ ಕಾಮ ಕರ್ತಾಸಾ? ಮನ್ಲ.

3 ಯೇಸುನಿ ತ್ಯನಾ ಆಸಾ ಉತ್ತರ್ ದಿಲಾ ದಾವಿದ್ ಆನಿ ತ್ಯಚೆ ಸಂಗಚಾ ಮಾನ್ಸಾಂಚಾನಿ ಭುಕ್ ಲಾಗ್ಲಿ ತವಾ ದಾವಿದಾನಿ ಕ್ಯಾ ಕೆಲ, ತ್ಯ ತುಮಿ ವಾಚಿವ್ಲ ನಾಹಿಸಾ ಕ್ಯಾ? *6:3 1 ಸಮುವೇಲ್ 21:1-6: 4 ದಾವಿದ್ ದೇವಾಚಾ ದೇವ್ಳಾತ್ ಗೆಲಾ ಆನಿ ತ್ಯಾ ನಿವ್ದಾಚಾ ಬಾಕ್‌ರ‍್ಯಾ ಯಾಜಕಾ ಸಿವಾರ್ ಆನಿ ಕುನಿ ಖಾವು ನಾಹಿತಾ ಆಸಾ ನೇಮ್ ಹುತ್ತಾ ತ್ಯಾ ಗಿಹುನ್ ತ್ಯನಿ ಕಶಾ ಖಾಲ್ಯಾ ಆನಿ ಆಪ್ಲಿ ಸಂಗ ಆಸ್‍ಲ್ಯಾಲ್ಯಾನಾ ಸಾಹಿತ್ ಕಶಾ ದಿಲ್ಯಾ ಹ್ಯ ತುಮಿ ಕಂದಿ ವಾಚಿವ್ಲ ನಾಹಿಸಾ ಕ್ಯಾ? ಮನ್ಲಾ.

5 ಆನಿ ಯೇಸು ತ್ಯನಾ "ಮಾನ್ಸಾಚಾ಼ ಲ್ಯೊಕ್ ಸಬ್ಬತ್ ದಿಸಾವ್ನಿ ಥೊರ್ಲಾ ಹಾ" ಮನ್ಲಾ.

6 ಮಂಗ್ ದುಸ್‌ರ‍್ಯಾ ಯಕಾ ಸಬ್ಬತಾ ದಿಸಿ ಆಸ ಜಾ಼ಲ ಯೇಸು ಸಭಾಸ್ಥಾನಾತ್ ಜಾ಼ವುನ್ ಸಿಕ್ವಿತ್ ಆಸ್ಥಾನಾ ತಿಥ ಉಜ಼ವಾ ಹಾತ್ ವಾಳ್ಯಾಲಾ ಯೊಕ್ ಮಾನುಸ್ ಹುತ್ತಾ. 7 ತವಾ ಶಾಸತ್ರಿ ಆನಿ ಫರಿಸಾಯ್ ಯೇಸುವ ಚು಼ಕ್ ವಾವಾಯಾ ವ್ಹಯಿ ಮನ್ಹುನ್ ಸಬ್ಬತ್ ದಿಸಾದಿಸಿ ರೊಗ್ ಬರಾ ಕರ್ತ್ಯೊ ಕ್ಯಾ ನಾಹಿ ಬಗಾಯಾ ಟಪುನ್ ರಾಯ್ಲ. 8 ಫನ್ ಯೇಸುನಿ ತ್ಯಂಚಾ಼ ಇಚಾರ್ ವಳ್ಕುನ್ ತ್ಯಾ ಹಾತ್ ವಾಳ್ಯಾಲ್ಯಾ ಮಾನ್ಸಾಲಾ, "ಉಠುನ್ ಹಿತ್ತ ಉಬಾ ರ‍್ಹಾ" ಮನ್ಹುನ್ ಸಾಂಗ್ಲ ತವಾ ತ್ಯೊ ಉಠುನ್ ಉಬಾ ರಾಯ್ಲಾ.

9 ತವಾ ಯೇಸು ತ್ಯನಾ ಮನ್ಲಾ. "ಮಿ ತುಮಾನಾ ಇಚಾರ್ತೊ ಸಬ್ಬತ್ ದಿಸಾದಿಸಿ ಬರ ಕರಾಚ಼ ಚಾ಼ಂಗ್ಲ ಕ್ಯಾ ವಾಯಿಟ್ ಕರಾಚ಼ ಚಾ಼ಂಗ್ಲ ಜೀವ್ ಉರ್ವಾಚಾ಼ ಚಾ಼ಂಗ್ಲ ಕ್ಯಾ ಜೀವ್ ಕಾಡಾಚಾ಼ ಚಾ಼ಂಗ್ಲ?

10 ಮಂಗ್ ಯೇಸುನಿ ಸರ್ಬೌತಚಾ ಸಗ್‌ಳ್ಯಾಂಚಿಕ್ಡ ಬಗುನ್ ತ್ಯಲಾ ಮನ್ಲಾ, "ತುಜಾ಼ ಹಾತ್ ಮೊರ‍್ಹ ಕರ್" ತವಾ ತ್ಯನಿ ಮೊರ‍್ಹ ಕೆಲಾ ಆನಿ ತ್ಯಚಾ಼ ಹಾತ್ ಬರಾ ಜಾ಼ಲಾ.

11 ಮಂಗ್ ಪರಿಸಾಯ‍ ಆನಿ ಧರ್ಮ ಶಾಸ್ತ್ರಾಂಚಾ ಜಾಂತ್ಯಾನಾ ರಾಗ್ ಆಲಾ ಆನಿ ಯೇಸುಲಾ ಕ್ಯಾ ಕರುಯಾ ಮನ್ಹುನ್ ಯಕಾಮಕಾಲಾ ಇಚಾರ್ ಕರುಲಾಗ್ಲ.

12 ಮಂಗ್ ಯಕಸಿ ಯೇಸು ಮಾಗ್ನ ಕರಾಯಾ ಕನ್ಯಾವ ಗೆಲಾ ಆನಿ ರ‍್ಯಾತ್ಬರ್ ದೇವಾಪ ಮಾಗ್ನ ಕರೀತ್ ರಾಹ್ಯಲಾ. 13 ಮಂಗ್ ದಿಸ್ ಉಗಾವಲ್ಯಾವರ್ ಯೇಸುನಿ ಆಪ್‌ಲ್ಯಾ ಶಿಶಾನಾ ಹಾಕಟ್ಲ; ಆನಿ ತ್ಯಾತ್‍ಲ್ಯಾ ಬಾರಾ ಜ಼ನಾನಾ ನಿವ್ಡುನ್ ತ್ಯನಾ ಅಪೊಸ್ತಲ್‍*6:13 ಮೊಟ್ಯಾಅದಿಕಾರಾನಿ ಲಾವುನ್ ದಿಲ್ಯಾಲ ಮನ್ಹುನ್ ನಾವ್ ಥೆವ್ಲ.

14 ಸಿಮೊನ್ (ಹ್ಯಲಾ ಯೇಸುನಿ ಪೇತ್ರ ಮನ್ಹುನ್ ನಾವ್ ಥೆವ್ಲ.)

ಆನಿ ತ್ಯಚಾ಼ ಬಾಹು ಆಂದ್ರೆಯ್,

ಯಾಕೊಬ್

ಆನಿ ಯೊಹಾನ್,

ಫಿಲಿಪ್ಪ

ಆನಿ ಬಾರ್ತೊಲೊಮಾಯಾ,

15 ಮತ್ತಾಯ,

ತೊಮ್,

ಅಲ್ಪಾಯಾಚಾ಼ ಲ್ಯೊಕ್ ಯಾಕೊಬ್,

(ದೇಶಾಚಾ಼ ಅಭಿಮಾನಿ ಮಂಥ್ಯಾಲಾ) ಸಿಮೊನ್,

16 ಯಾಕೊಬಾಚಾ಼ ಲ್ಯೊಕ್ ಯುದ್,

ಆನಿ ಮೊರ‍್ಹ ಯೇಸುಲಾ ದರುನ್ ದೇತ್ಯಾಲಾ ಇಸ್ಕರಿತ್ ಯುದ್,

17 ನಂತರ್ ಯೇಸು ಅಪೊಸ್ತಲಾಂಚೆ ಸಂಗ ಕನ್ಯಾವ್ನಿ ಆಲಾ ದುಸ್‌ರ‍್ಯಾ ಸಗ್‌ಳ್ಯಾ ಶಿಶಾಂಚಿ ಸಂಗ ಸಪ್ತಾಳ್ ಜಾ಼ಗ್ಯಾವ ಉಬಾ ರಾಯ್ಲಾ ಯುದಾಯಾತ್ನಿ ಯೆರುಸಲೆಮಿತ್ನಿ ಸಮಿಂದೊರಾಚೆ ಜ಼ವಳಚೆ ಸಿದೊನ್ ಆನಿ ತುರ್ ಪೆಠತ್ನಿ ಆಲ್ಯಾಲ್ಯಾ ಲೊಕಾಂಚಾ಼ ಮೊಟಾ ಹಿಂಡ ತಿಥ ಹುತ್ತಾ. 18 ತೀ ಯೇಸುಚ಼ ಸಬಾತ್ ಐಕಾಯಾ ಆನಿ ತ್ಯಚಿಪ್ನಿ ರ‍್ವಾಗ್ ಬರ ಕರುನ್ ಗಿಹ್ಯಾ ಆಲ್ತಿತ ತವಾ ಲಾಗಿರಾನಿ ಪಿಡಲ್ಯಾಲಿ ಹುತ್ತಿತ. ತೀ ಬಿ ಬರಿ ಜಾ಼ಲ್ಹಿತ. 19 ತವಾ ಸಗ್ಳಿ ಸಮುದಾಯಾಚಿ ತ್ಯಲಾ ಹಾತ್ ಲಾವಾಯಾ ಗಡ್ಬಡ್‍ ಚಾ಼ಲ್ಲಿ ಹುತ್ತಿ, ಕಾ ಮಂಜೆ ಯೇಸುಪ್ನಿ ದೇವಾಚ಼ ಬಳ್ ನಿಗುನ್ ತ್ಯಾ ಸಗ್‍ಳ್ಯಾನಾ ಬಿನ್‌ರೊಗಿ ಕರೀತ್ ಹುತ್ತಾ.

20 ತವಾ ಯೇಸು ಆಪ್‌ಲ್ಯಾ ಶಿಶಾಂಚಿಕ್ಡ ನದಾರ್ ಥಿವುನ್ ಮನ್ಲಾ,

"ಗರಿಬ್ ಆಸ್ನಾರ ತುಮಿ ಬರ;

ಕಾ ಮಂಜೆ ದೇವಾಚ಼ ರಾಜೆ ತುಮಚ಼.

21 ಆತಾ ಬುಖಚ಼ ಆಸ್‍ಲ್ಯಾಲ ತುಮಿ ಬರ; ಕಾ ಮಂಜೆ

ತುಮಚ಼ ಮನ್ ಥಂಡ್ ವ್ಹನಾರ್.

ಜೆ ಆತಾ ರಡತ್ಯಾಲಿ ತುಮಿ ಬರ;

ತುಮಿ ಹಸ್ನಾರ್.

22 ಮಾನ್ಸಾಚಾ ಲೇಕಾಸ್ಲಾಗುನ್ ಲೊಕ ತುಮಚಾ಼ ರಾಗ್ ಕರ್ನಾರ್, ತುಮಾನಾ ಯಗಳ್ತಿಲ, ತುಮ್ಚಿ ನಿಂದಾ ಕರತಿಲ, ಆನಿ ತುಮಚ಼ ನಾವ್ ವಾಯಿಟ್ ಮನ್ಹುನ್ ಕ್ಯಾಡಲ್ಯಾವ, ತುಮಿ ಬರಿ. 23 ತೇ ದೀಸಿ ಆನಂದಾನಿ ರಾವ್ಹಾ; ಕಾ ಮಂಜೆ ಸ್ವರ್ಗಾತ್ ತುಮ್ಚಿ ಸಾಟಿ ಥೆವ್‍ಲ್ಯಾಲ ಪ್ರತಿ ಫಳ್ ತುಮಾನಾ ಗಾವಲ್.. ಹ್ಯಂಚಾ ವಡ್ಲಾಂಚಾನಿ ಪ್ರವಾದಿನಾ ಆಸಸ್ ಕೆಲ್ತ.

24 "ಫನ್ ಸಾವ್ಕಾರಾ ತುಮ್ಚಿ ಕ್ಯವ್ಡಿ ದುರ್ದೆಶ್ನಾ ವ್ಹನಾರ್!

ಕಾ ಮಂಜೆ ತುಮಿ ತುಮ್ಚ ಸುಕ್ ಖಾಲ್ಯಾಸಾ.

25 ಜೆತುಮಿ ಆತಾ ಥಂಡ್ ಜಾ಼ಲ್ಯಾಲ ಹಾಸಾ ತ್ಯಂಚಿ ಕ್ಯವ್ಡಿ ದುರ್ದೆಶ್ನಾ ವ್ಹನಾರ್!

ಕಾ ಮಂಜೆ ತುಮಾನಾ ಭುಕ್ ಲಾಗ್ನಾರ್.

ಆತಾ ಹಸತಾಸಾ ತ್ಯಂಚಿ ಕ್ಯವ್ಡಿ ದುರ್ದೆಶ್ನಾ ವ್ಹನಾರ್!

ಕಾ ಮಂಜೆ ತುಮಿ ದುಃಖಾನಿ ರಡ್ನಾರ್.

26 ಸಗ್ಳಿ ಲೊಕ ಕವಾ ತುಮಾನಾ ಬರ ಮಂಥಿಲ ತವಾ ತುಮ್ಚಿ ಕೆವ್ಡಿ ದುರ್ದೆಶ್ನಾ ವ್ಹನಾರ್! ತ್ಯಂಚ಼ ವಡಿಲ್ ಖೊಟ್ಯಾ ಪ್ರವಾದಿನಾ ಆಸ್ಹಸ್ ಮನ್ಹಿತ.

27 "ಫನ್ ಮಾಜ಼ ಸಬಾತ್ ಐಕ್‌ತ್ಯಾಲ್ಯಾನಾ ಮಿ ಸಾಂಗ್ತೊ ತುಮಿ ತುಮಚಾ಼ ವೈರಿಂಚಿ ಮಾಯಾ ಕರಾ, ತುಮ್ಚಾ ರಾಗ್ ಕರ್ತ್ಯಾತ ತ್ಯನಾ ಬರ ಕರಾ; 28 ಕೊನ್ ತುಮಾನಾ ಸರಾಪ್‍ತ್ಯಾತ ತ್ಯನಾ ಆಶಿರ್ವಾದ್ ಕರಾ; ತುಮ್ಚೆ ಸಂಗ ವಾಯಿಟ್ ರಾಥ್ಯಾಲ್ಯಾಂಚಿಸಾಟಿ ಮಾಗ್ನ ಕರಾ. 29 ಕುನಿ ತರಿ ತುಜಾ ಯಕಾ ಗಾಲಾವ ಮ್ಯಾರ್ಲತ, ತ್ಯಚೆ ಮೊರ‍್ಹ ದುಸರಾ ಗಾಲ್ ಕರ್; ಆನಿ ತುಜಿ ವೈಲಿ ಆಂಗಿ ನೆಥ್ಯಾಲ್ಯಾಲಾ ಆತ್ಲ ಬನ್ಯಾಲ್ ನಿಹ್ಯಾ ಥಾಂಬುವು ನಕೊ. 30 ತುಜಿಪ ಕೊನ್ ಮಾಗಾಯಾ ಯತೊ ತ್ಯಲಾ ದೇ ಆನಿ ತುಮ್ಚ಼ ಜಾ಼ಲ್ಯಾಲ ಕ್ಯಾಬಿ ಕಾಡುನ್ ಗೆತೊ ತ್ಯಚಿಪ ತ್ಯ ಪರ್ತುನ್ ಮಾಗು ನಕೊಸ್. 31 ತುಮಾನಾ ದುಸ್‌ರ‍್ಯಾಂಚಾನಿ ಕ್ಯಾ ಕರಾಯಾ ವ್ಹಯಿ ಮಂಥಾಸಾ ತ್ಯ ತುಮಿ ತ್ಯನಾ ಕರಾ.

32 "ತುಮ್ಚಿ ಮಾಯಾ ಕರ್ತ್ಯಾತ ತ್ಯಂಚಿ ತುಮಿ ಮಾಯಾ ಕಿಲಿಸಾತ ತ್ಯನಿ ಪ್ಯಾಯ್ದಾ ಕ್ಯಾ ಹಾ? ಕಾ ಮಂಜೆ ಪಾಪಿ ಸಾಹಿತ್ ಆಪ್ಲಿ ಮಾಯಾ ಕರತ್ಯಾಲ್ಯಾವರ್ ಮಾಯಾ ಥೆವ್‍ತ್ಯಾತ. 33 ತುಮಾನಾ ಬರ ಕೆಲ್ಯಾಲ್ಯಾನಾ ತುಮಿ ಬರ ಕೆಲತ ತ್ಯಾತ್ ತುಮಚಾ಼ ಉಪಕಾರ್ ಕ್ಯಾ? ಪಾಪಿ ಲೊಕ ಸಾಹಿತ್ ತಸಿಸ್ ಕರ್ತ್ಯಾತ. 34 ಆನಿ ತುಮಾನಾ ಕಚಾಪ್ನಿ ಪರತ್ ಮಿಳಾಚ಼ ಹಾ ತ್ಯಲಾ ತುಮಿ ರೀನ್ ದಿಲತ ತ್ಯಾತ್ ತುಮಾನಾ ಕ್ಯಾ ಪ್ಯಾಯ್ದಾ? ಕ್ಯವ್ಡ ದಿಲ ತ್ಯವ್ಡ ಪರತ್ ಮಿಳ್ವಾಯಾಸಾಟಿ ಪಾಪಿ ಲೊಕಾನಾ ಪಾಪಿ ಲೊಕ್ ಉಸ್ನ ದೆತ್ಯಾತ.

35 ತುಮಿ ತರಿ ತುಮ್ಚಾ ವಾದಿಂಚಿ ಮಾಯಾ ಕರಾ, ತ್ಯನಾ ಬರ ಕರಾ, ಆನಿ ತ್ಯ ತುಮಾನಾ ಪರತ್ ಮಿಳಲ್ ಮನ್ಹುನ್ ಆಶಾ ಥೆವಾಚೆ ಆಂದಿ ಉಸ್ನ ದೇವಾ. ಮಂಜೆ ತುಮಚ಼ ಪ್ರತಿಫಳ ಮೊಟ ವ್ಹಯಿಲ್, ಆನಿ ತುಮಿ ಸರ್ವ್ಯಾತ್ ಮೊಟ್ಯಾ ದೇವಾಚಿ ಲೇಕ್ರ ವ್ಹಸಿಲಾ; ತ್ಯೊ ತರಿ ಉಪ್ಕಾರ್ ನಸ್‌ಲ್ಯಾಲ್ಯಾ ಬುರ್ಶಾ ಲೋಕಾನಾಬಿ ಉಪಕಾರ್ ಕರ್ತೊ. 36 ತುಮಚಾ಼ ಸ್ವರ್ಗಾತ್ಲ ಬಾ ದೆವ್ ಕಸಾ ದಯಾಳುಹಾ ತಸಿ ತುಮಿಬಿ ದಯಾಳು ಹ್ವವುನ್ ರಾವ್ಹಾ.

37 ದುಸ್‌ರ‍್ಯಾಂಚಾ಼ ನ್ಯಾಯಿ ನಿವ್ಡು ನಕೊಸಾ, ಮಂಜೆ ತುಮಚಾ಼ ದೊಶ್ ದೇವ್ ಕ್ಯಾಡ್ನಾರ್ ನಾಹಿ; ಕುನಾವ ಚು಼ಕ್ ಥರ್ವು ನಕೊಸಾ; ಮಂಜೆ ತುಮ್ಚಿವ ದೇವ್ ದೊಶ್ ಥರ್ವಿತ್ ನಾಹಿ; ಮಾಪ್ ಕರಾ ಮಂಜೆ ತುಮಾನಾಬಿ ಮಾಪಿ ವ್ಹಯಿಲ್. 38 ತುಮಿ ಆಂದಿ ದುಸ್‌ರ‍್ಯಾನಾ ದೆವಾ ಮಂಜೆ ತುಮಾನಾ ದೇವ್ ದಿಯಿಲ್; ಮಾಪ್ ಚಾ಼ಂಗ್ಲ ದಡಪುನ್, ಹಾಲ್ವುನ್ ಆನಿ ಶಿಗ್ ಬರ‍್ಹುನ್ ತುಮ್ಚಾ ಪದರಾತ್ ಗ್ಯಾಲ್ನಾರ್; ಕಾ ಮಂಜೆ ತುಮಿ ಮ್ಯಾಪ್‌ಲ್ಯಾಲ್ಯಾ ಮಾಪಾನಿ ದೇವ್ ತುಮಾನಾ ಮ್ಯಾಪ್ನಾರ್.

39 ಯೇಸುನಿ ತ್ಯನಾ ಹಿ ಕ್ಯಾಯ್ನಿ ಸಾಂಗ್ಲಿ: "ಯೊಕ್ ಅಂದ್ಳಾ ಆನಿಯಕಾ ಆಂದ್‌ಳ್ಯಾಲಾ ವಾಟ್ ದಾವಾಯಾ ವ್ಹಯಿಲ್ ಕ್ಯಾ? ದೊಗಬಿ ಖಡ್ಯಾತ್ ಪಡತಿಲ ಕ್ಯಾ ನಾಹಿ? 40 ಶಿಶಾ ಗುರುವ್ನಿ ಮೊಠಾ ನವ್ಹ; ಫನ್ ಸಗ್ಳ ಸಿಕ್‍ಲ್ಯಾಲಾ ಪರ್ತೇಕ್ ಶಿಶಾ ಆಪ್‌ಲ್ಯಾ ಗುರು ಶಾರ್ಕಾ ವ್ಹಯಿಲ್.

41 "ತು ತುಜಾ ಡೊಳ್ಯಾತ್ಲ ಮುಸಾಳ್ ಬಗಾಚೆ ಆಂದಿ, ತುಜಾ ಬಾವ್ಹಾಚಾ ಡೊಳ್ಯಾತ್ಲ ಕುಸಾಳ್ ಕಾ ಬಗ್ತೊಸ್? 42 ನಾಹಿತ ತು ತುಜಾ ಡೊಳ್ಯಾತ್ಲ ಮುಸಾಳ್ ಬಗಿತ್ ನಾಹಿಸ್ ಆನಿ ತುಜಾ ಬಾವ್ಹಾಲಾ ತುಜಾ ಡೊಳ್ಯಾತ್ಲ ಕುಸಾಳ್ ಕ್ಯಾಡ್ತೊ ಯೇ ಮನ್ಹುನ್ ಕಾ ಸಾಂಗ್ತೊಸ್? ಆರ ಕಪ್‍ಟ್ಯಾ ಆಂದಿ ತುಜಾ ಡೊಳ್ಯಾತ್ಲ ಮುಸಾಳ್ ಕ್ಯಾಡ್ ಮಂಜೆ ತುಜಾ ಬಾವ್ಹಾಚಾ ಡೊಳ್ಯಾತ್ಲ ಕುಸಾಳ್ ಕಾಡಾಯಾ ತುಲಾ ನಿಟ್ ದಿಸಲ್.

43 ಚಾ಼ಂಗ್ಲ ಝಾ಼ಡ್ ಕುಚ಼ಕ ಫಳ್ ದಿಯಿತ್ ನಾಹಿ ತಸಸ್ ಕುಚ಼ಕ ಝಾ಼ಡ್ ಚಾ಼ಂಗ್ಲ ಫಳ ದಿಯಿತ್ ನಾಹಿ. 44 "ಪರತೇಕ್ ಝಾ಼ಡ್ ತ್ಯಚಾ ಫಳಾವ್ನಿಸ್ ವಳ್ಕುನ್ ಯತ. ಕನ್ಯಾರಿಚೆ ಜಾ಼ಳಿತ್ ಕೊನ್ ಅಂಜುರ್ ಕಾಡಿತ್ ನಾಹಿತ ಆನಿ ರುದ್ರಾಕ್ಶಿಚಾ ಜಾ಼ಢಾತ್ನಿ ಕೊನ್ ದರಾಕ್ಶಿಚ಼ ಫಳ್ ಕಾಡಿತ್ ನಾಹಿತ. 45 ಯೊಕ್ ಚಾ಼ಂಗ್ಲಾ ಮಾನುಸ್ ಚಾ಼ಂಗಲ್ಯಾ ಗುಶ್ಟಿ ಆಂತೊ ಆಪ್‌ಲ್ಯಾ ಮನಾತ್ ಥೆವ್‌ಲ್ಯಾಲ್ಯಾ ಚಾ಼ಂಗಲ್ಯಾ ಗುಶ್ಟಿ ಯೊಕ್ ಬುರ್ಸಾ ಮಾನುಸ್ ಬರ್ಶಾ ಗುಶ್ಟಿ ಆಂತೊ ಮನಾತ್ ಬರ್ಲ್ಯಾಲಸ್ ತ್ವಾಂಡ್ ಬೊಲ್ತ.

46 "ತುಮಿ ಮನಾ ಪ್ರಭು, ಪ್ರಭು, ಮನ್ಥಾಸಾ ಆನಿ ಮಿ ಸಾಂಗ್‌ಲ್ಯಾಲ ಕಾ ಕರೀತ್ ನಾಹಿಸಾ? 47 ಕೊನ್ ಮಾಜಿಕ್ಡ ಯತೊ ಆನಿ ಮಾಜ಼ ಸಬಾತ್ ಕೊನ್ ಐಕ್ತೊ ತ್ಯಚಿ ಶಾರ್ಕಾ ಚಾ಼ಲ್ತೊ ಆನಿ ತಸ ಕರ್ತೊ ತ್ಯೊ ಕುನಾ ಶಾರ್ಕಾ ಹಾ ತ್ಯ ಮಿ ತುಮಾನಾ ಸಾಂಗ್ತೊ. 48 ಯೊಕ್ ಮಾನುಸ್ ಖೋಲ್ ಖಾಂದುನ್ ಖಡ್ಕಾವ ಪಾಯಾ ಗಾಲುನ್ ಘರ್ ಬ್ಯಾಂತೊ ಮಂಗ್ ವ್ಹಾಳ್ ಪಾನ್ಯಾನಿ ಬರ್ಹುನ್ ಯವುನ್ ತ್ಯಾ ಗರ‍್ಹಾವ ಆದಾಳ ತರಿ ತ್ಯ ಘರ್ ಹಾಲತ್ ನಾಹಿ ಕಾ ಮಂಜೆ ತ್ಯ ಖಡ್ಕಾವ ಹುತ್ತ.

49 ಕೊನ್ ಮಾಜ಼ ಸಬಾತ್ ಐಕ್ತೊ ಫನ್ ತೆ ಪಾಳಿತ್ನಸಲ್ಯಾಲಾ ಕಸ್ಲಾ ಹಾ ಮಂಜೆ ತ್ಯೊ ಪಾಯಾ ನಸ್ತಾನಾ ಘರ್ ಬ್ಯಾಂದ್‌ಲ್ಯಾಚೆಗತ್ ಆಸ್ಥೊ ತ್ಯಾ ಗರ‍್ಹಾಲಾ ಪಾನಿ ಯವುನ್ ಅದಾಳ್ತಾನಾ ತ್ಯ ಪಡುನ್ ಹಾಳ್ ವ್ಹತ್ತ.