ಮಾರ್ಕ್ 6

ಯೇಸುನಿ ಖುಬ್ ಲೊಕಾನಾ ಜೆವಾನ್ ದಿಲ್ಯಾಲ

30 ಅಪೊಸ್ತಲ್‍*6:30 ಹುಕ್ಮಾನಿ ಲಾವುನ್ ದಿಲ್ಯಾಲ ಪರ್ತುನ್ ಯವುನ್ ತ್ಯಂಚಾನಿ ಯೇಸುಲಾ ಬಗುನ್ ಚಾ಼ಲ್ಯಾಲ ಆನಿ ಶಿಕಿವ್‍ಲ್ಯಾಲ ಸಗ್ಳ ಸಾಂಗ್ಲ. 31 ಖುಬ್ ಲೊಕ ಯಯಿತ್ ಜಾ಼ಯಿತಿತ ಮನ್ಹುನ್ ಯೇಸುಲಾ ಆನಿ ಶಿಶಾನಾ ಖಾಯಾ ಫುರ್ಸತ್ ನವ್ಥಿ. ತವಾ ಯೇಸುನಿ "ಆಮಿ ಜ಼ರಾ ದುರ್ ಜಾ಼ವುಯಾ ತುಮಾನಾ ತಿಥ ಜ಼ರಾ ಇಶ್ರಾಂತಿ ಗಿಹ್ಯಾ ಗಾವಲ್" ಮನ್ಹುನ್ ಸಾಂಗ್ಲ.

32 ತವಾ ತೆ ಯಕ ವ್ಹಡಿತ್ ಬಸುನ್ ಕಡವ ಯಕಾನ್ಸಿ ಜಾ಼ಯಾ ಗೆಲ. 33 ತ್ಯ ಖುಬ್ ಲೊಕಾಂಚಾನಿ ಬಗುನ್ ತ್ಯನಾ ವಳಖುನ್ ತೆ ಜಾ಼ಯಾಚೆ ಆಂದಿ ಸಗಳ್ಯಾ ಗಾವಾತ್ನಿ ಪಾಯ್‌ವಾಟನಿ ಲೊಕ ಪಳತ್ ತ್ಯಂಚೆ ಆಂದಿ ತಿಥ ಪಾವ್ಲಿತ. 34 ಯೇಸು ವ್ಹಡಿತ್ನಿ ಉತಾರ್ಲಾ ತವಾ ಯೊಕ್ ಮೊಟಾ ಲೊಕಾಂಚಾ಼ ಹಿಂಡ್ ಬಗ್ಲಾ ಆನಿ ತ್ಯಚಾ ಮನಾತ್ ಕಳಕಳಿ ಆಲಿ. ಕಾ ಮಂಜೆ ತೀ ಗುರಿಕಾ ನಸ್‍ಲ್ಯಾಲ್ಯಾ ಮೆಂಡ್ರಾಂಚೆಗತ್ ಹುತ್ತಿತ. ತ್ಯನಾ ಯೇಸು ಖುಬ್ ಉಪದೆಶ್ ಶಿಕವಾಯಾ ಲಾಗ್ಲಾ.

35 ಖುಬ್ ಯೊಳ್ ಜಾ಼ಲಾ ತವಾ ಶಿಶಾಂಚಾನಿ ಯವುನ್ ಸಾಂಗ್ಲ "ಆತಾ ಯೊಳ್ ಜಾ಼ಲ್ಯಾ ಹ್ಯೊ ಯೆಕಾನ್ಸಿ ಜಾ಼ಗಾ 36 ಲೊಕಾನಾ ಲಾವುನ್ ದೇ ತೀ ಬೌತ್ತಚಾ ಗಾವಾತ್ನಿ ನಾಹಿತ ಸೆತಾತ್ನಿ ಜಾ಼ವುಂತ ತಿಥ ತ್ಯನಾ ಖಾಯಾ ಕಾಯ್ ತರಿ ಗಾವಲ್ ಮನ್ಲ.

37 ತವಾ ಯೇಸು, ತುಮಿಸ್ ತ್ಯನಾ ಜೆವಾನ್ ದೇವಾ ಮನ್ಲಾ.

ತ್ಯಲಾ ತೇ "ಆಮಿ ಜಾ಼ವುನ್ ದೊನ್ ಶಂಬರ್ ಆನ್ಯಾಂಚಾ*6:37 ಚಾ಼ಂದಿಚಾ಼ ಆನಾ. ಯಕಾಚಿ ಯೇಕ್ ವರ್ಸ್ಹಾಚಿ ಮಜು಼ರಿ ಬಾಕ್‌ರ‍್ಯಾ ಗಿವುನ್ ತ್ಯನಾ ಖಾಯಾ ದೇವಾವ ಕ್ಯಾ? ಮನ್ಹುನ್ ಇಚಾರ್ಲ.

38 ಯೇಸುನಿ ತುಮ್ಚಿಪ ಕ್ಯವಡ್ಯಾ ಬಾಕ್‌ರ‍್ಯಾ ಹಾತ್ತಾ? ಜಾ಼ವುನ್ ಬಗುನ್ ಯವಾ ಮನ್ಲಾ.

ತ್ಯಂಚಾನಿ ಬಗುನ್ ಯವುನ್, ಪಾಚ಼್ ಬಾಕ್‌ರ‍್ಯಾ ದೊನ್ ಬಾಂಗ್ಡ ಹಾತ್ತ ಮನ್ಲ.

39 ಯೇಸುನಿ ಆಪ್‌ಲ್ಯಾ ಶಿಶಾನಾ ಲೊಕಾನಾ ಗವ್ತಾವ ಪಂಗ್ತಿನಿ ಬಸ್ವಾ ಮನ್ಹುನ್ ಸಾಂಗ್ಲ. 40 ತವಾ ಲೊಕ ಪಂಗ್ತಿಲಾ ಪನ್ನಾಸ್ ಶಂಬರ್ ಆಸಿ ಬಸ್ಲಿತ.

41 ಮಂಗ್ ಯೇಸುನಿ ಪಾಚ಼್ ಬಾಕ್‌ರ‍್ಯಾ ಆನಿ ದೊನ್ ಬಾಂಗ್ಡ ಗಿವುನ್ ವರ್ ಬಗುನ್ ದೇವಾಲಾ ದಾವುನ್ ತ್ಯಾ ಬಾಕ್‌ರ‍್ಯಾ ಮುಡುನ್, ಲೊಕಾನಾ ವಾಡಾಯಾ ಶಿಶಾಂಚಾ ಹಾತಾತ್ ದಿಲ್ಯಾ ಆನಿ ತೆ ದೊನ್ ಬಾಂಗ್ಡಬಿ ಸಗ್‌ಳ್ಯಾನಾ ವಾಡಾಯಾ ದೀಲ.

42 ತೀ ಸಗ್ಳಿ ಲೊಕ ಜಿ಼ವುನ್ ತ್ರಪ್ತ್ ಜಾ಼ಲಿತ. 43 ಉರ್ಲ್ಯಾಲ್ಯಾ ಬಾಕ್‌ರ‍್ಯಾಂಚ಼ ಆನಿ ಬಾಂಗಡ್ಯಾಂಚ಼ ತುಕ್ಡ ಶಿಶಾಂಚಾನಿ ಗೊಳಾ ಕೆಲ ತೆ ಬಾರಾ ಟುಪ್ಲಿ ಬರ್ಲಿತ. 44 ತಿಥ ಪಾಚ಼್ ಹಾಜಾ಼ರ್ ಬಾಪೊಯಿಸ್ ಹುತ್ತ.