1 ಯೇಸುನಿ ಆಪ್‍ಲ್ಯಾ ಬಾರಾಜಾ಼ನ್ ಶಿಶಾನಾ ಯಕಾನ್ಸಿ ಹಾಕ್ಟುನ್, ತ್ಯನಾ ಬುರ್ಸಿ ಆತ್ಮ ಸೊಡ್ವಾಯಾ ಸಗಳೆ ತರಚ಼ ರ‍್ವಾಗ್ ಆನಿ ದುಖ್ನಿ ಬರಿ ಕರಾಯಾ ಹುಕುಮ್ ದಿಲಾ. 2 ಬಾರಾ ಜಾ಼ನ್ ಅಪೊಸ್ತಲಾಂಚಿ ನಾವ ಆಸಿ ಹತ್ತ.

ಸಿಮೊನಾಲಾ ಪೇತ್ರು ಮನ್ಹುನ್ ಹಾಕಟ್‌ತ್ಯಾತ ಆನಿ

ಹ್ಯಚಾ಼ ಬಾಹು ಆಂದ್ರೆಯಾ,

ಜೆಬೆದಾಯಾಚಾ಼ ಲ್ಯೊಕ್ ಜಾ಼ಲ್ಯಾಲಾ ಯಾಕೊಬ್,

ತ್ಯಚಾ಼ ಬಾಹು ಯೊಹಾನ್,

3 ಫಿಲಿಪ್ಪ

ಆನಿ ಬಾರ್ತೊಲೊಮಾಯಾ,

ತೊಮ,

ಜ಼ಖತ್ ಗೊಳಾಕರ್ತ್ಯಾಲಾ ಮತ್ತಾಯ್,

ಅಲ್ಪಾಯಾಚಾ಼ ಲ್ಯೊಕ್ ಯಾಕೊಬ್,

ತದ್ದಾಯ,

4 ದೇಶೆಚಾ಼ ಭಗತ್ ಸಿಮೊನ್

ಆನಿ ಯೇಸುಲಾ ವೈರಿಂಚಾ ತಾಬ್ಯಾತ್ ದಿಲ್ಯಾಲಾ ಇಸ್ಕರಿಯೊತ್ ಯುದ್.

5 ಯೇಸುನಿ ಹ್ಯಾ ಬಾರಾ ಅಪೊಸ್ತಲಾನಾ ಥೊಡಾ ಹುಕುಮ್ ದಿವುನ್ ಸ್ವರ್ಗಾಚಾ ರಾಜಾಚ಼ ಸಾಂಗಾಯಾ ತ್ಯನಾ ಲಾವುನ್ ದಿಲ. ಯೇಸುನಿ ತ್ಯನಾ: "ಯೆಹುದಿ ನಸ್‌ಲ್ಯಾಲ್ಯಾ ಲೊಕಾಂಚಿಕ್ಡ ವ್ಹವುನಿ ಸಮಾರ‍್ಯಾತ್ ಆಸ್‌ಲ್ಯಾಲ್ಯಾ ಕಚಾಸ್ ಗಾವಾತ್ ಜಾ಼ವುನಕೋಸಾ. ಮನ್ಹುನ್ ಸುಸ್ನಾ ದಿಲಿ. 6 ಫನ್ ಚು಼ಕಲ್ಯಾಲ್ಯಾ ಮೆಂಡ್ರಾಂಚೆಗತ್ ಆಸ್‍ಲ್ಯಾಲ್ಯಾ ಇಸ್ರಾಯಲಾಂಚಿಪ ಜಾ಼ವಾ, 7 ಸ್ವರ್ಗಾಚ಼ ರಾಜ ಬಿಗಿನಿ ಯನಾರ್ ಮನ್ಹುನ್ ಜಾ಼ವುನ್ ಸಾಂಗಾ. 8 ರೊಗಿನಾ ಬರಕರಾ. ಮೇಲ್ಯಾಲ್ಯಾನಾ ಜಿತ್ತಿ ಕರಾ. ಕುಶ್ಟರೊಗಿನಾ ಬರ ಕರಾ. ಲೊಕಾನಾ ಬುಥಾಂಚಿಪ್ನಿ ಸುಟ್ಕಿಕರಾ. ಮಿ ತುಮಾನಾ ಫುಕಟ್ ದೇತೊ. ಮನ್ಹುನ್ ತುಮಿ ದುಸ್‌ರ‍್ಯಾನಾ ಫುಕಟ್ ದೆವಾ. 9 ತುಮ್ಚಿ ಸಂಗ ತಾಂಬ್ಯಾಚ಼ ಪೈಸ, ಚಾ಼ಂದಿ ಸೊನ ವ್ಹವುನಿ ಗಿಹುನ್ ಜಾ಼ವು ನಕೊಸಾ 10 ಪಿಸ್ವಿ, ಆಗಾವ್ ಕಪ್ಡ, ವ್ಹಾನಾ, ಕಾಠ್ಯಾ, ಗಿಹುನ್ ಜಾ಼ವು ನಕೊಸಾ. ಆಳಾಲಾ ವ್ಹಯಿ ತ್ಯ ದೆವಾ.

11 ತುಮಿ ಕಚಾ ತರಿ ಗಾವಾತ್ ನಾಹಿತ ಗರ‍್ಹಾತ್ ಗೆಲಾಸಾಕಿ ತಿಥ ತುಮ್ಚಿ ದೆಕ್ರೆಕಿ ಕರ್ತ್ಯಾಲ್ಯಾ ಮಾನ್ಸಾಲಾ ತುಮಿ ತ್ಯೊ ಗಾವ್ ಸುಡಿ ಪರತ್ ತ್ಯಚಾ ಗರ‍್ಹಾತುಸ್ ರಾವ್ಹಾ. 12 ತ್ಯಾ ಗರ‍್ಹಾತ್ ತುಮಿ ಗೆಲಾಸಾಕಿ, ‘ತುಮಾನಾ ಬರ ವ್ಹವುನಿ’ ಮನ್ಹಾ. 13 ತ್ಯಾ ಗರ‍್ಹಾತ್ಲಿ ಲೊಕ ತುಮ್ಚಾ ಆಶಿರ್ವಾದಾಲಾ ಚಾ಼ಂಗ್ಲಿ ಆಸ್ಲಿತತ ತ್ಯೊ ಆಶಿರ್ವಾದ್ ತ್ಯನಾ ರಾಹುನಿ. ನಸ್ಲಿತತ ತ್ಯೊ ಆಶಿರ್ವಾದ್ ತುಮಾನಾ ಮಾಗಾರಾ ಪರ್ತುನ್ ಯವುನಿ. 14 ಯಕಾ ಗರ‍್ಹಾತಲ್ಯಾಂಚಾನಿ ನಾಹಿತ ಯಕಾ ಗಾವಾತಲ್ಯಾಂಚಾನಿ ತುಮಾನಾ ಹಾಕಟ್ಲ ನಾಹಿತ ತುಮ್ಚಿ ಬುಲಿ ಐಕ್ಲಿ ನಾಹಿತ ತುಮಿ ತ್ಯೊ ಜಾ಼ಗಾ ಸುಡುನ್ ಜಾ಼ತಾನಾ, ತುಮ್ಚಾ ಪಾಯಾಚಿ ಧುಳ್ ಜಾ಼ಢಾ. 15 ನ್ಯಾಯಿ ನಿವ್ಡಾಚಾ ದಿಸಾತ್ ಹ್ಯಾ ಗಾವಾಚಿ ಪರಸ್ಥಿತಿ ಸೊದೊಮ್ ಆನಿ ಗೊಮೊರಾವ್ನಿ ಖುಬ್ ಬುರ್ಸಿ ವ್ಹನಾರ್ ಮನ್ಹುನ್ ಮಿ ತುಮಾನಾ ಖರ‍್ಯಾನಿ ಸಾಂಗ್ತೊ.

16 "ಐಕಾ! ನ್ಯಾನ್‌ಗ್ಯಾಂಚೆ ಮದ್ದಿ ಮೆಂಡ್ರ ಶೊಡ್‌ಲ್ಯಾಚೆಗತ್ ಮಿ ತುಮಾನಾ ಲಾವುನ್ ದೇತೊ. ಮನ್ಹುನ್ ತುಮಿ ಸಾಪಾಚೆಗತ್ ಹುಶಾರ್ ರಾವ್ಹಾ ಪ್ಯಾರ್‌ವ್ಯಾಚೆಗತ್ ಥಂಡ್ ರಾವ್ಹಾ. 17 ಲೊಕಾಂಚೆ ಗುಶ್ಟಿತ್ ಹುಶಾರಿನಿ ರಾವ್ಹಾ. ತೀ ತುಮಾನಾ ನ್ಯಾಯಿ ಕರ್ತ್ಯಾಲ್ಯಾಂಚಾಪ ಬಾಂದುನ್ ನೆನ್ಹಾರ್. ತೇ ತುಮಾನಾ ಆಪ್‌ಲ್ಯಾ ಯೆಹುದ್ಯಾಂಚಾ ಸಭಾಸ್ಥಾನಾತ್ ಕಾಟ್ಯಾಚಾ ಚಾಬುಕಾನಿ ಮ್ಯಾರ‍್ನಾರ್ 18 ತುಮಾನಾ ಮಾಜಿಸ್‍ ಲಾಗುನ್ ಅಧಿಕಾರ‍್ಯಾಂಚೆ ಮೊರ‍್ಹ ರಾಜಾಂಚೆ ಮೊರ‍್ಹ ಯೆಹುದಿ ನಸ್‌ಲ್ಯಾಲ್ಯಾ ಲೊಕಾಂಚೆ ಮೊರ‍್ಹ ನೆನ್ಹಾರ್ ತಿಥ ತುಮಿ ಮಾಜಿ ವಳಕ್ ವ್ಹವುನ್ ರಾನ್ಹಾರ್. 19 ತುಮಾನಾ ಬ್ಯಾಂದ್ಲತ ತುಮಿ ಕ್ಯಾ ಬೊಲಾಯಾ ವ್ಹಯಿ ತ್ಯ ಯವ್ಜು ನಕೊಸಾ ತುಮಿ ಸಾಂಗಾಯಾ ವ್ಹಯಿ ತ್ಯ ತ್ಯಾ ಯಳಾಲಾ ತುಮಾನಾ ಸಮಾಜ಼ನಾರ್. 20 ಬೊಲ್ನಾರ ಖರ‍್ಯಾ ಫನಾನಿ ತುಮಿ ನವ್ಹಸಾ. ತುಮ್ಚಾ ಬಾಚ಼ ಪವಿತ್ರ ಆತ್ಮ ತುಮ್ಚಿ ಸಂಗ ಬೊಲ್ನಾರ್.

21 "ಬಾಹು ಸ್ವತಾಚಾ ಬಾವ್ಹಾನಾ ವಾದಿ ವ್ಹವುನ್ ಮಾರುನ್ ಟಾಕಾಯಾ ದಿಯಿಲ್. ಬಾಸ ಆಪ್‌ಲ್ಯಾ ಸ್ವತಾಚಾ ಪೊರಾನಾ ವಾದಿ ವ್ಹವುನ್ ಮಾರುನ್ ಟಾಕಾಯಾ ದಿಯಿಲ್ ಪೊರ ಆಯಿ ಬಾಲಾ ವಾದಿ ವ್ಹವುನ್ ತ್ಯನಾ ಮಾರುನ್ ಟಾಕಾಯಾ ದಿತಿಲ. 22 ತುಮಿ ಮಾಜೆ ಮಾಗ್ನಿ ಯತಾಸಾ ಮನ್ಹುನ್ ಲೊಕಾಂಚಾನಿ ತುಮ್ಚಿ ನಿಂದಾ ಕರ್ತ್ಯಾತ. ಫನ್ ಮರ ಪರ‍ತ್ ಸುಸ್ವುನ್ ರಾಹಿಲ್‍ ತ್ಯಚ಼ ರಕ್ಷನ್ ವ್ಹಯಿಲ್. 23 ಯಕಾ ಗಾವಾತ್ ತುಮಾನಾ ಸತಿವ್ಲತ ದುಸ್‌ರ‍್ಯಾ ಗಾವಾತ್ ಜಾ಼ವಾ. ಮಾನ್ಸಾಚಾ಼ ಲ್ಯೊಕ್ ಪರ್ತುನ್ ಯಯಾಚೆ ಆಂದಿ ತುಮಿ ಇಸ್ರಾಯಲ್ ಗಾವಾತ್ನಿ ಸಗ್‍ಳ್ಯಾ ಜಾ಼ಯಾಚ಼ ಸಪಿವ್ನಾರ್ ನಾಹಿಸಾ ಮನ್ಹುನ್ ಮಿ ತುಮಾನಾ ಖರ‍್ಯಾನಿ ಸಾಂಗ್ತೊ.

24 "ಶಿಶಾ ಗುರುವ್ನಿ ಮೊಟಾ ನವ್ಹ. ಚಾ಼ಕೊರ್ ಆಪ್‌ಲ್ಯಾ ದನ್ಯಾವ್ನಿ ಮೊಟಾ ನವ್ಹ. 25 ಶಿಶಾ ಆಪ್‌ಲ್ಯಾ ಗುರುಚೆಗತ್ ಚಾ಼ಲ್ಲಾ ಪುರೊ. ಚಾ಼ಕೊರ್ ದನ್ಯಾಚೆಗತ್ ಚಾ಼ಲ್ಲಾ ಪುರೊ. ಕುಟ್ಮಾಚಾ ದನ್ಯಾಲಾ ಬುಥಾಂಚಾ಼ ದನ್ಹಿ ಬೆಲ್ಜೆಬುಲ್’ ಮನ್ಹುನ್ ಹಾಕಟ್‌ಲ್ಯಾವ, ತ್ಯಾ ಕುಟ್ಮಾತಲ್ಯಾ ದುಸ್‌ರ‍್ಯಾನಾ ಆನಿಕ್ ಖುಬ್ ಬುರ್ಶಾ ನಾವಾನಿ ಹಾಕಟ್ನಾರ್ ನವ್ಹ?

26 "ತ್ಯಚಿಸಾಟಿ ತ್ಯಾ ಲೊಕಾನಾ ಬಿಹುನಕೋಸಾ ಆಡ್‌ಶಾ ಆಸ್ನಾರ ಪರ್ತೆಕ್ ಬಾಹಿರ್ ಯನಾರ್ ಚು಼ರುನ್ ಆಸ್‌ಲ್ಯಾಲ್ಯಾ ಪರತೇಕ್ ಗುಶ್ಟಿ ಬಾಹಿರ್ ಯನಾರ್. 27 ಆಂದಾರಾತ್ ಕುನಾಲಾ ಠಾವ್ಯಾ ನಸಲ್ಯಾಲ್ಯಾ ಹ್ಯಾ ಗುಶ್ಟಿ ಮಿ ತುಮಾನಾ ಸಾಂಗ್ತೊ. ಖರ ತುಮಿ ಹ್ಯಾ ಗುಶ್ಟಿ ಉಜಿಡಾತ್ ಸಾಂಗಾಯಾ ವ್ಹಯಿಸಾ ಮನ್ಹುನ್ ಮಾಜಿ ಇಚ್ಚಾ. ಮಿ ಹ್ಯಾ ಗುಶ್ಟಿ ತುಮಾನಾ ಸಾವ್ಕಾಸ್ ಸಾಂಗ್ತೊ. ಫನ್ ತುಮಿ ಹ್ಯಾ ಗುಶ್ಟಿ ಲೊಕಾನಾ ಸಗ್‌ಳ್ಯಾ ಜೊ಼ರಾನಿ ಸಾಂಗಾ. 28 "ಲೊಕಾನಾ ಬಿಹುನಕೋಸಾ. ತೀ ದಢಾಲಾ ತ್ಯವ್ಡಸ್ ಮ್ಯಾರ್ತಿಲ. ಜೀವಾಲಾ ತೀ ಮಾರಿತ್ ನಾಹಿತ. ಧಡ್ ಆನಿ ಜೀವ್ ನರ್ಕಾತ್ ಗ್ಯಾಲ್ನಾರ‍್ಯಾ ದೇವಾಲಾ ಬಿವ್ಹಾ. 29 ಬಾಜಾ಼ರಾತ್ ದೊನ್ ಚಿಮ್ನಿ ಪಾಕ್ರ ದೊನ್ ಪೈಶಾನಾ ಇಕ್‌ತ್ಯಾತ ಖರ ತುಮ್ಚಾ ಬಾನಿ ಹುಕುಮ್ ದಿಯಿ ಪರತ್ ತ್ಯಾತ್ಲ ಯಾಕ್ಬಿ ಮರ್ನಾರ್ ನಾಹಿ 30 ತುಜೆ ಡುಯಿತ್ಲ ಕ್ಯಾಸ್ ಕ್ಯವ್ಡ ಹಾತ್ತ ಮನ್ಹುನ್ ದೇವಾಲಾ ಠಾವ ಹಾತ್ತ. 31 ತ್ಯಚಿಸ್ ಲಾಗುನ್ ಬಿಹುನಕೋಸಾ. ತುಮಿ ಚಿಮನ್ಯಾ ಪಾಕ್ರಾಂಚಿವ್ನಿ ಖುಬ್ ಕಿಮ್ತಿಚಿ ಹಾಸಾ. ಇಸ್ರಾಯೆಲ್ ಲೊಕಾಂಚಾ ಗರ್‍ಹಾಚಾ಼ ಮಾಳಾ

32 "ಯಕಾನಿ ದುಸ್‌ರ‍್ಯಾಚೆ ಮೊರ‍್ಹ ಆಪ್ನು ಮಾಜಾ಼ ಮನ್ಹುನ್ ಸಾಂಗ್‌ಲ್ಯಾವ, ಮಿ ಸ್ವರ್ಗಾತ್ ಮಾಜಾ ಬಾಚೆ ಮೊರ‍್ಹ ತ್ಯಲಾ ಮಾಜಾ಼ ಮನ್ಹುನ್ ಸಾಂಗ್ನಾರ್. 33 ಫನ್ ಯಕಾನಿ ಲೊಕಾಂಚೆ ಮೊರ‍್ಹ, ಆಪ್ನು ಮಾಜಾ಼ ನವ್ಹ ಮನ್ಹುನ್ ಸಾಂಗ್ಲಾತ, ಮಿ ಬಿ ಸ್ವರ್ಗಾತ್‍ಲ್ಯಾ ಮಾಜಾ ಬಾಚೆ ಮೊರ‍್ಹ ತ್ಯೊ ಮಾಜಾ಼ ನವ್ಹ ಮನ್ಹುನ್ ಸಾಂಗ್ತೊ.

34 "ದರ್ಥಿವ ಸಮಾದಾನ್ ಕರಾಯಾ ಮಿ ಆಲ್ಯೊ ಮನ್ಹುನ್ ಯವ್ಜುನಕೊಸಾ. ಮಿ ಸಮಾದಾನ್ ದಿಯಾ ಆಲೊ ನಾಹಿ, ದುಯಿ ಗಾಲಾಯಾ ಆಲ್ಯೊ. 35,36 ‘ಯಕಾಲಾ ತ್ಯಚಾ ಗರ‍್ಹಾತ್ಲಿಸ್ ವಾದಿ ವ್ಹನಾರ್

ಲ್ಯೊಕ್ ಬಾಲಾ,

ಲೇಕ್ ಆಯಿಲಾ,

ಸೂನ್ ಸಾಸೊಲಾ ವಾದಿ ವ್ಹನಾರ್’ ಮೀಕ 7:6

37 "ಕುನಿತರಿ ಮನಾ ಮಾಯಾ ಕರಾಚಿ ಸುಡುನ್ ಲ ಆಪ್‌ಲ್ಯಾ ಬಾಲಾ ನಾಹಿತ ಆಯಿಲಾ ಮಾಯಾ ಕಿಲಿತ, ತ್ಯೊ ಮಾಜಿ ಮಾಗ್ನಿ ಯಯಾಲಾ ಲಾಯಕ್ ನಾಹಿ. ಕುನಿತರಿ ಮಾಜಿ ಮಾಯಾ ಕರಾಚಿ ಸುಡುನ್ ಆಪ್‌ಲ್ಯಾ ಲೇಕಾಚಿ ನಾಹಿತ ಲೀಕಿಚಿ ಮಾಯಾ ಕಿಲಿತ, ತ್ಯೊ ಮಾಜೆ ಮಾಗ್ನಿ ಯಯಾ ಲಾಯ್ಕ ನಾಹಿ. 38 ಕೊನ್ತರಿ ಮಾಜೆ ಮಾಗ್ನಿ ಯತಾನಾ ತ್ಯಲಾ ಆಲ್ಯಾಲ ದುಖ್* ಆಪ್ಲ ಮನ್ಹುನ್ ಮನ್‍ಲ್ಹಾ ನಾಹಿತ, ತ್ಯೊ ಮಾಜೆ ಮಾಗ್ನಿ ಯಯಾಲಾ ಲಾಯಕ್ ನಾಹಿ 39 ಮನಾ ಮಾಯಾ ಕರಾಚೆ ಪಕ್ಶಿ ಆಪ್‌ಲ್ಯಾ ಜೀವಾಚಿ ಮಾಯ ಕರ್ತ್ಯಾಲಾ. ತ್ಯೊ ಸಾಂಡುನ್ ಗೇತೊ. ಮಾಜಿಸಾಟಿ ಆಪ್ಲಾ ಜೀವ್ ಸಾಂಡುನ್ ಗೆಥ್ಯಾಲಾ ತ್ಯೊ ಪುನಃ ಗಾವಲ್.

40 "ತುಮಾನಾ ಹಾಕ್ಟುನ್ ಗೆತ್ಯಾಲಾ ಮನಾ ಹಾಕಟ್ನಾರ್. ಮನಾ ಹಾಕಟ್ನಾರಾ ಮನಾ ಲಾವುನ್ ದಿಲ್ಯಾಲ್ಯಾ ದೇವಾಲಾಬಿ ಹಾಕ್ಟುನ್ ಗೇತೊ. 41 ಪ್ರವಾದಿಲಾ ಪ್ರವಾದಿ ಮನ್ಹುನ್ ಹಾಕಟ್ಯಾಲ್ಯಾಲಾ ತ್ಯಾ ಪ್ರವಾದಿಲಾ ಯತ್ಯಾಲಾ ಆಶಿರ್ವಾದ್ ಗಾವ್ನಾರ್. ನಿಯೆತಿಚಾನಾ ನಿಯೆತಿನಿ ಆಸಲ್ಯಾಲ್ಯಾಚಾ಼ ಆಶಿರ್ವಾದ್ ಗಾವ್ನಾರ್. 42 ಆನಿ ಹಿತ್‌ಲ್ಯಾ ಬಾರಿಕ್ ಆಸ್‍ಲ್ಯಾಲ್ಯಾ ಕುಚಾಲಾತರಿ ಯಕಾಲಾ ಮಾಜಾ ಶಿಶಾತ್ಲಾ ಯೊಕ್ ಮನ್ಹುನ್ ಕಚಾನಿತರಿ ಯೊಕ್ ಲೊಟಾ ಪಾನಿ ದಿಲತ ತ್ಯಲಾ ಯಯಾಚ಼ ಪ್ರತಿ ಫಳ್ ಚು಼ಕ್ನಾರುಸ್ ನಾಹಿ ಮನ್ಹುನ್ ಮಿ ಖರ‍್ಯಾನಿ ಸಾಂಗ್ತೊ " ಮನ್ಲಾ.