1 ತ್ಯಾ ಯಳಾಲಾ ಶಿಶಾ ಯೇಸುಪ ಯವುನ್ ಸ್ವರ್ಗಾತ್ ಮೊಟಾ ಜಾ಼ಗಾ ಕುನಾಲಾ ಗಾವ್ನಾರ್ ಮನ್ಹುನ್ ಇಚಾರ್ಲ.

2 ಯೇಸುನಿ ಬ್ಯಾರ್ಕ್ಯಾ ಮುಲಾಲಾ ಆಪ್ಲೆ ಜ಼ವಳ್ ಹಾಕ್ಟುನ್ ಆಪ್‌ಲ್ಯಾ ಶಿಶಾಂಚೆ ಮೊರ‍್ಹ ತ್ಯಾ ಮುಲಾಲಾ ಉಬ ಕರುನ್ ಆಸ ಮನ್ಲಾ: 3 "ಮಿ ತುಮಾನಾ ಖರ ಸಾಂಗ್ತೊ, ತುಮಿ ಬದ್ಲುನ್ ತುಮ್ಚಾ ಮನಾತ್ ಬಾರಿಕ್ ಮುಲಾಂಚೆಗತ್ ವ್ಹಯಾ ವ್ಹಯಿಸಾ. ನಾಹಿತ, ತುಮಿ ಸ್ವರ್ಗಾಚಾ ರಾಜಾತ್ ಮಿಳ್ನಾರ್ ನಾಹಿಸಾ. 4 ಹ್ಯಾ ಬಾರಿಕ್ ಮುಲಾಚೆಗತ್ ಬ್ಯಾರ್ಕಾ ವ್ಹವುನ್ ಚಾ಼ಲಲ್ ತ್ಯೊ ಸ್ವರ್ಗಾಚಾ ರಾಜಾತ್ ಮೊಟಾ ಜಾ಼ಗಾ ಗೆನಾರ್.

5 "ಕೊನ್ತರಿ ಮಾಜಾ ನಾವಾನಿ ಬಾರೀಕ್ ಮುಲಾಲಾ ಗೆಥೊ ತ್ಯನಿ ಮನಾ ಗೆತಲ್ಯಾಚೆಗತ್ ವ್ಹನಾರ್.

6 ನ್ಹಾನ್ ವ್ಹವುನ್ ಮಾಜೆ ಮಾಗ್ನಿ ಯತ್ಯಾಲ್ಯಾಲಾ ಕೊನ್ ಇಸ್ವಾಸ್ ಸಾಂಡಾಯಾ ಕಾರನ್ ವ್ಹತ್ತೊ ತ್ಯಲಾ ಖುಬ್ ಬುರ್ಸ ವ್ಹನಾರ್. ತ್ಯೊ ಆಪ್‌ಲ್ಯಾ ಗಳ್ಯಾತ್ ಜಾ಼ತ ಬಾಂದುನ್ ಖೋಲ್ ಸಮಿಂದೋರಾತ್ ಬುಡಾಚ಼ ಚಾ಼ಂಗ್ಲ. 7 ಯೇ! ಲೋಕಾನು ಇಸ್ವಾಸಾಲಾ ಆಡ್ವಿ ಜಾ಼ಲ್ಯಾಲೆ ದುನಿಯಾಚೆ ಗುಶ್ಟಿತ್ ಮಿ ರಡ್ತೊ. ತ್ಯ ಕವಾಬಿ ರಾಥ ಫನ್ ಹ್ಯ ಕೆಲ್ಯಾಲ್ಯಾ ಮಾನ್ಸಾಲಾ ಖುಬ್ ಬುರ್ಸ ವ್ಹನಾರ್.

8 "ತುಜಾ಼ ಹಾತ್ ನಾಹಿತ, ತುಜಾ಼ ಪ್ಯಾ ತುಜಾ ಇಸ್ವಾಸಾಲಾ ಕಾರನ್ ಆಸ್ಲಾತ ತ್ಯಲಾ ತುಡುನ್ ಟ್ಯಾಕ್. ಹಾತ್ ನಾಹಿತ ಪ್ಯಾ ನಸ್ಥಾನಾ ರಾಹ್ಯಾಚಾ಼ ಶಾಸ್ವತ್ ಜೀವ್ ಗಿಹ್ಯಾಚಾ಼ ತುಲಾ ಚಾ಼ಂಗ್ಲ ದೊನ್ ಹಾತ್ ಆನಿ ದೊನ್ ಪ್ಯಾ ಆಸುನ್ ನರ್ಕಾತ್ ಜಾ಼ಯಾಚೆ ಆಂದಿ ಶಾಶ್ವತ್ ಜಾ಼ಯಾಚ಼ ಬರ. 9 ತುಜ಼ ಡೊಳ ತುಲಾ ಇಸ್ವಾಸಾತ್ ಚಾ಼ಲ್ವಿತ್ ನಸ್ಲತ, ತೇ ಕಾಡುನ್ ಟ್ಯಾಕ್ ದೊನ್ ಡೊಳ ಆಸುನ್ ಇಸ್‌ಥ್ಯಾಚಾ ನರ್ಕಾತ್ ಜಾ಼ಯಾಚೆ ಆಂದಿ ಯೊಕುಸ್ ಡೊಳಾ ಆಸುನ್ ಶಾಶ್ವತ್ ಜೀವ್ ಗಿಹ್ಯಾಚಾ಼ ತುಲಾ ಬರ.

10 "ಜಾ಼ಗ್ರತಿನಿ ರಾವ್ಹಾ! ಹ್ಯಾ ಬಾರಿಕ್ ಮುಲಾನಾ ಕಿಮ್ಮತ್ ನಾಹಿ ಮನ್ಹುನ್ ಸಮಜು಼ನಕೋಸಾ. ತ್ಯಂಚಿ ಸಾಟಿ ಸ್ವರ್ಗಾತ್ ದುತಾನಾ ನಿವಡ್‌ಲ್ಯಾತ ತ್ಯಂಚ಼ ಧುತ್ ಸ್ವರ್ಗಾತ್ ಆಸ್‌ಲ್ಯಾಲ್ಯಾ ಮಾಜಾ ಬಾಚೆ ಮೊರ‍್ಹ ರಾನ್ಹಾರ್. 11 *18:11 ಥೊಡ್ಯಾ ಗ್ರೀಕ್ ಪ್ರತಿಕಾತ್ ಆಕ್ರಾವ ವಚನ್ ನಾಹಿ. 19:10"ಮಾನ್ಸಾಚಾ಼ ಲ್ಯೊಕ್ ಚು಼ಕುನ್ ಗೆಲ್ಯಾಲ್ಯಾ ಲೊಕಾನಾ ರಾಖಾಯಾ ಆಲಾ. " ಲುಕ್

12 ಯಕಾ ಮಾನ್ಸಾಲಾ ಶಂಬರ್ ಮೆಂಡ್ರ ಆಸುನ್ ತ್ಯಾತ್ಲ ಯಾಕ್ ಮೆಂಡಾರ್ ಚು಼ಕ್ಲತ, ತ್ಯೊ ಆಸ್ನಾರಿ ನವದಾವ ನವು ಮೆಂಡ್ರ ರಾನಾತುಸ್ ಸುಡುನ್ ಚು಼ಕ್‌ಲ್ಯಾಲ ಮೆಂಡಾರ್ ಸೊದಾಯಾ ಜಾ಼ನಾರ್ ನವ್ಹ? 13 ಚು಼ಕ್‌ಲ್ಯಾಲ ಮಿಂಡ್ರು ಗಾವ್ಲತ ಚು಼ಕ್‌ಲ್ಯಾ ನಸ್‌ಲ್ಯಾಲಿ ನವದಾವ ನವು ಮೇಂಡ್ರಾವ್ನಿ ತ್ಯಾ ಯಕಾ ಮೇಂಡ್ರಾಚೆ ಗುಶ್ಟಿತ್ ತ್ಯೊ ಖುಬ್ ಸಂತೊಶ್ ವ್ಹನಾರ್ ಮನ್ಹುನ್ ಮಿ ತುಮಾನಾ ಖರ‍್ಯಾನಿ ಸಾಂಗ್ತೊ. 14 ತಸಸ್ ಹ್ಯಾ ಬಾರಿಕ್ ಮುಲಾತ್ಲ ಯಾಕ್ಬಿ ಚು಼ಕುನ್ ಜಾ಼ವು ನಾಹಿ ಮನ್ಹುನ್ ಸ್ವರ್ಗಾತ್ ಆಸ್‌ಲ್ಯಾಲ್ಯಾ ತುಮ್ಚಾ ಬಾಚ಼ ಮನ್ ಜಾ಼ಲ್ಯಾ

15 ತುಜಾ಼ ಬಾಹು ವ್ಹವುನಿ ಭನ್ ವ್ಹವುನಿ ತುಲಾ ಕುನಿತರಿ ಚು಼ಕ್ ಕಿಲಿತ, ತು ಜಾ಼ವುನ್ ತ್ಯೊ ಯಕ್ಲಾಸ್ ಆಸ್ಥಾನಾ ತ್ಯಚಿ ಚು಼ಕ್ ದಾವುನ್ ದೇ. ತ್ಯನಿ ತುಜಾ ಸಬ್ದಾಲಾ ಕಾನ್ ದಿಲಾತ, ಆನಿಕ್ ತುಜಾ಼ ಬಾಹು ವ್ಹವುನ್ ರಾಹ್ಯಾ ತುಸ್ ತ್ಯಲಾ ಮಜ಼ತ್ ಕೇಲ್ಯಾಚೆಗತ್ ವ್ಹನಾರ್. 16 ಫನ್ ತ್ಯನಿ ತುಜಿ ಬುಲಿ ಐಕ್ಲಿ ನಾಹಿತ ತುಜೆ ಸಂಗ ದೊಗಾ ತಿಗಾನಾ ಗಿಹುನ್ ತ್ಯಚಿಪ ಜಾ಼ವಾ ತವಾ ಪರತೇಕ್ ಚು಼ಕಿಚೆ ಗುಶ್ಟಿತ್ ದೊಗ ನಾಹಿತ ತಿಗ ವಳಕ್ ರಾನ್ಹಾರ್ ಆಸ ಧರ್ಮ ಶಾಸ್ತಾರ್ ಸಾಂಗ್ತ. 17 ತ್ಯನಿ ತ್ಯಂಚಿ ಬುಲಿ ಐಕ್ಲಿ ನಾಹಿತ ಇಸ್ವಾಸಾಂಚೆ ಸಭೆತ್‌ಲ್ಯಾನಾ ಸಾಂಗಾ. ತ್ಯನಿ ಇಸ್ವಾಸಾಂಚೆ ಸಭೇತ್‌ಲ್ಯಾಂಚ಼ಬಿ ಐಕ್ಲ ನಾಹಿತ ತ್ಯೊ ದೇವಾವ ಇಸ್ವಾಸ್ ನಸ್‌ಲ್ಯಾಲ್ಯಾ ಮಾನ್ಸಾಚೇಗತ್ ರಾಹುನಿ ಜ಼ಖತ್ ಗೊಳಾ ಕರ್ತ್ಯಾಲ್ಯಾಂಚಾ ಲೆಖ್ಯಾತ್ ರಾಹುನಿ.

18 "ಮಿ ತುಮಾನಾ ಖರ ಸಾಂಗ್ತೊ. ತುಮಿ ದರ್ಥಿವ ದೇನಾರಾ ಹುಕುಮ್ ದೇವಾನಿಸ್ ದಿಲ್ಯಾಲಾ ಹುಕುಮ್ ರಾಥೊ.

19 ಯವ್ಡಸ್ ನವ್ಹ ಮಿ ತುಮಾನ ಖರ ಸಾಂಗ್ತೊ, ತುಮ್ಚಾತ್‌ಲ್ಯಾ ದೊಗಾಂಚಾನಿ ಹೆ ದುನೆತ್ ಯಕಾ ಮನಾನಿ ಕ್ಯಾಬಿ ಮಾಗ್ಲ ತರಿ ಸ್ವರ್ಗಾತ್ ಆಸ್‌ಲ್ಯಾಲಾ ಮಾಜ಼ ಬಾ ತ್ಯ ಚಾ಼ಲಿವ್ತೊ. 20 ಕಾ ಮಂಜೆ ದೊಗ ನಾಹಿತ ತಿಗ ಮಾಜಿಪ ಇಸ್ವಾಸ್ ಥಿವುನ್ ಯೇಕ್ ವ್ಹವುನ್ ಯತ್ಯಾತ ತ್ಯಂಚೆ ಮದ್ದಿ ಮಿ ರಾಥೊ. "

21 ತವಾ ಪೇತ್ರ ಯೇಸುಚೆ ಜ಼ವಳ್ ಯವುನ್, "ಪ್ರಭು, ಮಾಜಾ಼ ಬಾಹು ಕಸ್ಲಿಬಿ ಚು಼ಕ್ ಕರೀತುಸ್ ಆಸ್ಥಾನಾ ಮಿ ಕಿತಿಖೆಪಾ ತ್ಯಲಾ ಮಾಪ್ ಕರಾಯಾ ವ್ಹಯಿ? ಮಿ ತ್ಯಲಾ ಸಾತ್ ಖೆಪಾ ಮಾಪಿ ಕಾರಾಲಾ ವ್ಹಯಿ ಕ್ಯಾ? ಮನ್ಹುನ್ ಇಚಾರ್ಲ. 22 ಯೇಸುನಿ ಸಾತ್ ಖೆಪಾ ನವ್ಹ ಸತ್ತರಾವ ಸಾತ್ ಖೆಪಾ ಚು಼ಕ್ ಕಿಲಿತರಿ ತು ತ್ಯಲಾ ಮಾಪಿ ಕರಾಯಾ ವ್ಹಯಿ ಮನ್ಹುನ್ ಮಿ ತುಲಾ ಸಾಂಗ್ತೊ" ಮನ್ಲಾ. 23 ದೇವಾಚ಼ ರಾಜ ಆಸ ಹಾ. ಆಪ್‌ಲ್ಯಾ ಸೇವಕಾಲಾ ದಿಯಾ ವ್ಹಯಿ ಆಸ್‍ಲ್ಯಾಲ ರಿನಾಚಾ ಪೈಶಾಂಚಾ಼ ಇಸೊಬ್ ಕರಾಯಾ ತಿರ್ಮಾನ್ ಕೆಲ್ಯಾಲ್ಯಾ ಯಕಾ ರಾಜಾಚೆಗತ್ ಹಾ. 24 ರಾಜಾನಿ ಆಪ್ಲ ಪೈಸ ಗೊಳಾ ಕರಾಚ಼ ಚಾ಼ಲು ಕೆಲ ಯಕಾ ಸೇವಕಾನಿ ಧಾ ಹಾಜಾ಼ರ್ ಚಾ಼ಂದಿಚ಼ ಆನ ರಾಜಾಲಾ ರೀನ್ ದಿಯಾಚ಼ ಹುತ್ತ. 25 ತ್ಯೊ ಸೇವಕ್ ಆಪ್ಲಾ ದನ್ಹಿ ಜಾ಼ಲ್ಯಾಲ್ಯಾ ರಾಜಾಲಾ ರೀನ್ ದಿಯಾ ವ್ಹಯಿತ್ ನಸ್ನಾರಾ ಜಾ಼ಲ್ಥಾ. ಮನ್ಹುನ್ ತ್ಯಾ ಸೇವಕಾಲಾ ಆನಿ ತ್ಯಚಿಪ ಆಸ್‌ಲ್ಯಾಲ ಸಗ್ಳ ತ್ಯಚಿ ಧನ್ಗರ್ ಆನಿ ಪ್ಯೊರ್ಗ್ಯಾಂಚೆ ಸಕಾಟ್ ಇಕುನ್, ಆಲ್ಯಾಲ ಪೈಸ ಸಗ್ಳ ರಿನಾತ್ ಮೊಡಾಯಾ ವ್ಹಯಿ ಮನ್ಹುನ್ ರಾಜಾನಿ ತಾಕಿತ್ ದಿಲಿ.

26 "ತವಾ ಸೇವಕ್ ರಾಜಾಚಾ ಪಾಯಾ ಪಡುನ್, ‘ಜ಼ರಾ ಸಮಾಧಾನ್ ಗೇವ್ಹಾ ಮಿ ತುಮಾನಾ ದಿಯಾಚ಼ ಹಾ ತ್ಯ ರೀನ್ ಫೆಡ್ತೊ. ಮಂತೊ. 27 ರಾಜಾ಼ ಆಪ್‌ಲ್ಯಾ ಸೇವಕಾಚೆ ಗುಶ್ಟಿತ್ ದಯಾ ದಾವುನ್ ತ್ಯನಿ ದಿಯಾ ವ್ಹಯಿ ತ್ಯ ರೀನ್ ನಕೊ ಮನ್ಹುನ್ ತ್ಯಲಾ ಮಾಪ್ ಕೆಲಾ

28 "ತ್ಯವ್‌ಡ್ಯಾತ್ ತ್ಯೊ ಸೇವಕ್ ಆಪ್‌ಲ್ಯಾಲಾ ಸೆಂಬರ್ ಚಾ಼ಂದಿಚ಼ ಅನ ದಿಯಾಚಾ಼ ಆಸ್‌ಲ್ಯಾಲ್ಯಾ ದುಸರ‍್ಯಾ ಯಕಾ ಸೇವಕಾಲಾ ಬಗುನ್ ತ್ಯಚೆ ಮಾನಸ್ ದರ‍್ಹುನ್, ‘ತು ಮನಾ ದಿಯಾ ವ್ಹಯಿ ತೇ ಪೈಸ ದೇ’ ಮನ್ಲಾ.

29 "ತ್ಯೊ ಸೇವಕ್ ತ್ಯಚಾ ಪಾಯಾತ್ ಪಡುನ್, ‘ಜ಼ರಾ ಸಮಾದಾನ್ ಕರ್. ಮಿ ತುಲಾ ದಿಯಾಚ಼ ಹಾ ತ್ಯ ರೀನ್ ಫೆಡ್ತೊ’ ಮನ್ಲಾ.

30 "ಫನ್ ಪೈಲಾ ಸೇವಕ್ ಥಾಂಬ್ಲಾ ನಾಹಿ. ಆಪ್‌ಲ್ಯಾಲಾ ರೀನ್ ದಿಯಾಚಾ಼ ಹಾ ತ್ಯಾ ಸೇವಕಾಚೆ ಗುಶ್ಟಿತ್ ನ್ಯಾಯಿ ಕರ್ತ್ಯಾಲ್ಯಾಂಚಿಪ್ನಿ ಸಾಂಗುನ್ ತ್ಯಲಾ ತುರುಂಗಾತ್ ಗ್ಯಾತ್ಲಾ. ತ್ಯೊ ಸೇವಕ್ ರೀನ್ ಫಿಠ ಪರತ್ ಕುಂಡುನುಸ್ ರಾಹ್ಯಲಾ. 31 ಹ್ಯ ಬಗ್‌ಲ್ಯಾಲ ದುಸ್‌ರ‍್ಯಾ ಸೇವಕಾನಾ ಖುಬ್‌ ಬೆಜಾರ್ ವ್ಹವುನ್ ಜಾ಼ಲ್ಯಾಲಿ ಖನ್ಕತ್ ದನ್ಯಾಲಾ ಸಾಂಗ್ಲಿ. "

32 "ತವಾ ದನ್ಯಾನಿ ಆಪ್‌ಲ್ಯಾ ಸೇವಕಾಲಾ ಹಾಕ್ಟುನ್, ‘ತು ಬರ್ಸಾ ಸೇವಕ್. ತು ಮನಾ ಖುಬ್ ಪೈಸ ದಿಯಾಚ಼ ಹುತ್ತ ಖರ ತು ಮಾಜಿಪ ಮಾಗ್ಲಸ್ ಮನ್ಹುನ್ ಮಿ ತುಜ಼ ರೀನ್ ಸಗ್ಳ ಮಾಪ್ ಕೆಲ. 33 ಆಸ ಆಸ್ಥಾನಾ ಮಿ ತುಲಾ ದಯಾ ದ್ಯಾವ್‌ಲ್ಯಾ ಶಾರ್ಕಿ ತುಜೆ ಸಂಗಚಾ ಸೇವಕಾಲಾ ದಯಾ ದಾವಾಚಿ ಹುತ್ತಿಸ್ ಮನ್ಹುನ್ ಸಾಂಗ್ಲ. 34 ಖುಬ್ ರಾಗಾನಿ ತ್ಯಲಾ ಶಿಕ್ಷಾ ದಿಯಾ ಸಾಟಿ ತುರುಂಗಾತ್ ಗ್ಯಾತ್ಲಾ. ತ್ಯೊ ಸೇವಕ್ ಆಪ್ಲ ರೀನ್ ಫಿಠ ಪರತ್ ತುರುಂಗಾತ್ ರಾಯ್ಲಾ.

35 "ಸ್ವರ್ಗಾತ್ಲಾ ಮಾಜಾ಼ ಬಾ ತುಮಾನಾ ಕೆಲ್ಯಾಚೆಗತ್ ಹ್ಯಾ ರಾಜಾನಿ ಕೆಲ. ತುಮಿ ತುಮ್ಚಾ ಬಾವ್ಹಾನಾ ವ್ಹವುನಿ ಬನ್ಹಿನಾ ವ್ಹವುನಿ ಖರ‍್ಯಾನಿ ಮಾಪ್ ಕರಾಯಾ ವ್ಹಯಿಸಾ ನಾಹಿತ ಸ್ವರ್ಗಾತ್ಲಾ ಮಾಜಾ಼ ಬಾ ತುಮಾನಾ ಮಾಪ್ ಕರ್ನಾರ್ ನಾಹಿ ಮನ್ಹುನ್ ಸಾಂಗ್ಲ.