Mateus 25

ಧಾ ಜ಼ನಿ ಕನ್ಯಾಂಚಿ ಕ್ಯಾಯ್ನಿ

1 ತ್ಯಾ ದೀಸಾತ್ ಸ್ವರ್ಗಾಚ಼ ರಾಜೆ ಕಸ ರಾನ್ಹಾರ್ ಮನ್ಹಾಯಾ ಹಿ ಕ್ಯಾಯ್ನಿ ವಳಕ್ ಜಾ಼ಲೆ. ಧಾ ಜ಼ನಿ ಕನ್ಯಾ ಆಪ್ಲ ದಿವ ಗಿಹುನ್ ನವರ‍್ಯಾಪ ಜಾ಼ಯಾ ಗೆಲ್ಯಾ. 2 ತ್ಯಂಚಾತ್ ಪಾಚ಼್ ಜ಼ನಿ ಬುದ್ದಿ ನಸ್ನಾರ‍್ಯಾ ಹುತ್ಯಾ. ಆನಿಕ್ ರಾಯ್‌ಲ್ಯಾಲ್ಯಾ ಪಾಚ಼್ ಜ಼ನಿ ಶಾನ್ಯಾ ಹುತ್ಯಾ. 3 ಬುದ್ದಿ ನಸ್‌ಲ್ಯಾಲ್ಯಾ ಕನ್ಯಾ ಆಪ್ಲ ದಿವ ಗಿಹುನ್ ಆಲ್ಯಾ ಫನ್ ಆಗಾವ ತ್ಯಾಲ್ ಗೆತ್ಲ ನಾಹಿ. 4 ಶಾನ್ಯಾಂಚಾನಿ ದಿವ್ಯಾ ಸಂಗ ಆಗಾವ ಡಬ್ಯಾತ್ ವ್ಹಯಿ ತ್ಯವ್ಡ ತ್ಯಾಲ್ ಗೇತ್ಲ. 5 ನವ್ರಾ ಯಯಾಚಾ಼ ತಡಾ ಜಾ಼ಲಾ ಆನಿ. ತೀ ಸಗ್ಳಿ ಪುರೊ ವ್ಹವುನ್ ನಿಜ್ಲಿತ.

6 "ಆರ್ದೆರ‍್ಯಾಚಾ಼, ‘ನವ್ರಾ ಯಯಾಲಾಗ್‌ಲ್ಯಾ! ಯವಾ, ತ್ಯಲಾ ಭೇಠಾ!’ ಮನ್ಹುನ್ ಕುನಿ ಯಕಾನಿ ಸಾಂಗ್ಲ.

7 ತವಾ ಕನ್ಯಾ ಸಗ್‌ಳ್ಯಾ ಜಾ಼ಗ್ಯಾ ವ್ಹವುನ್ ಆಪ್ಲ ದಿವ ತಯಾರ್ ಕೆಲ. 8 ಬುದ್ದಿ ನಸ್ನಾರ‍್ಯಾ ಕನ್ಯಾಂಚಾನಿ ಶಾನ್ಯಾ ಕನ್ಯಾಂಚಿಪ, ‘ತುಮ್ಚಾ ತೇಲಾತ್ಲ ಥೊಡ ತ್ಯಾಲ್ ಆಮಾನಾ ದೇವಾ. ಆಮ್ಚಾ ದಿವ್ಯಾತ್ಲ ತ್ಯಾಲ್ ಸಗ್ಳ ಸಪ್ಲ’ ಮನ್‌ಲ್ಯಾ.

9 "ಶಾನ್ಯಾ, ‘ನಾಹಿ! ಆಮ್ಚಿಪ ಆಸ್‌ಲ್ಯಾಲ ತ್ಯಾಲ್ ತುಮಾನಾಬಿ ಆಮಾನಾಬಿ ಪಾವ್ನಾರ್ ನಾಹಿ. ಆಂಗ್ಡಿತ್ ಜಾ಼ವುನ್ ಗೆವ್ಹಾ’ ಮನ್‌ಲ್ಯಾ.

10 "ತವಾ ಪಾಚ್‌ ಜ಼ನಿ ಬುದ್ದಿ ನಸ್ನಾರ‍್ಯಾ ಕನ್ಯಾ ತ್ಯಾಲ್ ಗಿಹ್ಯಾಲಾ ಗೆಲ್ಯಾ ತ್ಯಾ ಜಾ಼ತಾನಾ ನವರ‍್ಹಾ ಆಲ್ಲಾ ತಯಾರ್ ಆಸ್‌ಲ್ಯಾಲ್ಯಾ ಕನ್ಯಾ ಲಗ್ನಾಚಾ ನವ್ಹರ‍್ಯಾ ಸಂಗ ಜೆವ್ನಾಲಾಗೆಲ್ಯಾ ತವಾ ದಾರ್ ಜಾಕ್ಲ.

11 ಮಂಗ್ ಬುದ್ದಿ ನಸ್ನಾರ‍್ಯಾ ಕನ್ಯಾ ಯವುನ್, ‘ಸ್ವಾಮಿ, ಸ್ವಾಮಿ, ಆತ್ ಯಯಾಲಾ ಆಮಾನಾ ದಾರ್ ಉಗಡ್’ ಮನ್‌ಲ್ಯಾ.

12 "ಫನ್ ನವರ‍್ಹಾ, ‘ಮಿ ತುಮಾನಾ ಖರ ಸಾಂಗ್ತೊ. ತುಮಿ ಕೊನ್ ತ್ಯಾ ಮನಾ ಠಾವ್ಯಾ ನಾಹಿಸಾ’ ಮನ್‍ಲ್ಹಾ.

13 "ಮನ್ಹುನ್ ಕವಾಬಿ ತಯಾರ್ ರಾವ್ಹಾ. ಮಾನ್ಸಾಚಾ಼ ಲ್ಯೊಕ್ ಯತ್ಯಾಲಾ ದೀಸ್ ವ್ಹವುನಿ ಯೊಳ್ ವ್ಹವುನಿ ತುಮಾನಾ ಠಾವ ನಾಹಿ. ಯೇಸುನಿ ಹ್ಯ ಸಾಂಗುನ್ ಸಪಿವ್ಲ.