Mateus 8

ಯೇಸುನಿ ಬುಥ ದರ್ಲ್ಯಾಲ್ಯಾ ದೊಗಾನಾ ಬರ ಕೆಲ್ಯಾಲ

28 ಯೇಸು ಸಮಿಂದೊರಾಚೆ ಗದರೇನ್ ಸಿಮತ್ ಆಲಾ. ತವಾ ತಿಥ ಬುಥ ‌ಲಾಗ್‌ಲ್ಯಾಲ ದೊಗ ಯೇಸುಪ ಆಲ. ತೇ ಮಸುರ್ಡಿತ್ನಿ ರಾಹಿತ ಆನಿ ಖುಬ್ ಗಾತ್ಕಿ ಜಾ಼ಲ್ಥ. ಮನ್ಹುನ್ ಲೊಕ ತೇ ವಾಟನಿ ಜಾ಼ಯಿತ್ನವ್ಥಿತ. 29 ತೇ ದೊಗ ಯೇಸುಪ ಯವುನ್. "ತು ಆಮಾನಾ ಕ್ಯಾ ಕರಾಯಾ ವ್ಹಯಿ ಮಂಥೊಸ್? ದೇವಾಚಾ ಲೇಕಾ, ದಿಲ್ಯಾಲ್ಯಾ ಯಳಾಚೆ ಆಂದಿ ಆಮಾನಾ ಶಿಕ್ಷಾ ದಿಯಾ ಹಿತ್ತ ಆಲಾಸ್ ಕ್ಯಾ? ಮನ್ಹುನ್‍ ತವಾಸ್ ಜೊ಼ರಾನಿ ವರಾಡ್ಲ.

30 ತ್ಯಾ ಜಾ಼ಗ್ಯಾಚೆ ಜ಼ವಳ್ ಡುಕ್ರಾಂಚಾ಼ ಮೊಟಾ ಹಿಂಡ್ ಚ಼ರತಾ. 31 ತ್ಯಾ ಬುಥಾಂಚಾನಿ, "ಆಮಿ ಹ್ಯಾ ದೊಗಾನಾಬಿ ಸುಡುನ್ ಜಾ಼ಯಾ ವ್ಹಯಿ ಮನ್ಲಾಸ್ತ, ದಯಾ ಥಿವುನ್ ಆಮಾನಾ ತ್ಯಾ ಡುಕ್ರಾತ್ನಿ ಲಾವುನ್ದೇ" ಮನ್ಹುನ್ ಇನಂತಿ ಕಿಲಿ.

32 ಯೇಸು ತ್ಯನಾ, "ಜಾ಼ವಾ" ಮನ್ಲಾ. ತವಾ ತೀ ಬುಥ ತ್ಯನಾ ದೊಗಾನಾ ಸುಡುನ್ ಡುಕ್ರಾತ್ನಿ ಗಿಲಿತ. ತವಾಸ್ ಡುಕ್ರ ಸಗ್ಳಿ ಗುಢ್ಯಾವ್ನಿ ಖಾಲ್ ಪಳತ್ ಯವುನ್ ಸಮಿಂದೊರಾತ್ ಬುಡಾಲಿತ.

33 ಡುಕ್ರ ಚಾರತ್ಯಾಲ ಪೆಠತ್ ಪಳತ್ ಜಾ಼ವುನ್ ಭುಥ ಲಾಗ್‌ಲ್ಯಾಲ್ಯಾಂಚೆ ಸಂಗ ಜಾ಼ಲ್ಯಾಲ ಲೊಕಾನಾ ಸಾಂಗ್ಲ. 34 ತವಾ ತೆ ಸಿಮತ್ಲಿ ಲೊಕ ಸಗ್ಳಿ ಯೇಸುಲಾ ಬಗಾಯಾ ಆಲಿತ, ಆನಿ ತ್ಯಲಾ ಬಗುನ್ ಆಪ್ಲಿ ಸಿಮಾ ಸುಡುನ್ ಜಾ಼ ಮನ್ಹುನ್ ಸಾಂಗ್ಲ.