ಬೊವಜಾಸಂಗ ರುತಾಚ಼ ಲಗಿನ್
1 ಹಿಕ್ಡ ಬೊವಜಾ ಗಾವಾಚೆ ಬೈಟಕಿಚಾ ಜಾ಼ಗ್ಯಾವ ಜಾ಼ವುನ್ ಬಸ್ಲಾ. ತ್ಯವಡ್ಯಾತ್, ಬೊವಜಾನಿ ಆಂದಿ ಸಾಂಗಲ್ಯಾಲಾ ಎಲಿಮೆಲೆಕಾಲಾ ಜ಼ವಳಚಾ಼ ವಾರ‍್ಸಿ ಜಾ಼ಲ್ಯಾಲಾ ತಿಥ ಆಲಾ. ತವಾ ಬೊವಜಾನಿ ತ್ಯಲಾ: "ಎ ಬಾಬಾ ಹಿತ ಭಸ್," ಮನ್ಹುನ್ ಹಾಕಟ್ಲಾ, ತ್ಯೊ ಯವುನ್ ಕಡಸ್ ಬಸ್ಲಾ. 2 ಮಂಗ್ ಬೊವಜಾನಿ ದಾಯೆಕ್ ಜಾಂತ್ಯಾನಾ ಹಾಕಟ್ಲ. ತೆಬಿ ತಿಥ ಯವುನ್ ಬಸ್ಲ. 3 ಮಂಗ್ ಬೊವಜಾನಿ ತ್ಯಾ ವಾರ‍್ಸಿಲಾ, "ಆಮಚಾ಼ ಸ್ವತಾಚಾ಼ ಜಾ಼ಲ್ಯಾಲ್ಯಾ ಎಲಿಮೆಲೆಕಾಚ಼ ಥೊಡ ಶಾತ್ ಹಾ, ತ್ಯ ಮೊವಾಬ್ ದೆಶೆತ್ನಿ ಮಾಗಾರಿ ಆಲ್ಯಾಲಿ ನೊವೊಮಿ ಇಕ್ತೊ ಮಂತೆ. 4 ಹ್ಯ ತುಲಾ ಸಾಂಗಾಯಾ ವ್ಹಯಿ ಮನ್ಲೊ. ತ್ಯ ಶಾತ್ ಗಿಹ್ಯಾ ತುಲಾ ಮನ್ ಆಸ್ಲತ ಹಿತ ಬಸಲ್ಯಾಲ್ಯಾ ಜಾಂತ್ಯಾಂಚೆ ಮೊರ‍್ಹ ಗಿಹ್ಯಾಚಾ಼ ಹಾಕ್ ಆಂದಿ ತುಲಾಸ್, ಮಂಗ್ ಮನಾ ಶೊಡಲ್ಯಾಲ; ದಿಸರ‍್ಯಾನಾ ನಾಹಿ," ಮನ್ಲಾ, ತವಾ ತ್ಯೊ ಮಾನುಸ್: "ಮಿಸ್ ಗೆಥೊ," ಮನ್ಲಾ.
5 ತವಾ ಬೊವಜಾ, "ತು ತ್ಯ ಶಾತ್ ಗಿಹ್ಯಾಚಾ಼ ಆಸ್ಲಾಸ್ತ, ತಿಚಿ ಸುನ್ ಮೊವಾಬ್ ದೆಶೆತ್ಲೆ ರುತಾಲಾ ತು ಲಗಿನ್ ವ್ಹಯಾ ವ್ಹಯಿಸ್. ತವಾ ತ್ಯಾ ಶೆತಾಚಾ಼ ಖಾತಾ ಮೆಲ್ಯಾಲ್ಯಾ ಲೆಕಾಚಾ ನಾವಾವಸ್ ರಾನ್ಹಾರ್,"ಮನ್ಲಾ. 6 ತವಾ ತ್ಯೊ ವಾರ‍್ಸಿ, "ತಸಜಾ಼ಲ್ಯಾ ಶಾತ್ ಹ್ಯಚಾ಼ ಹಾಕ್ ಮಿ ಸುಡುನ್ದೆತೊ. ನಾಹಿತ ಮಾಜಾ ಕುಟ್ಮಾಲಾ ಆಸಲ್ಯಾಲೆ ಆಸ್ತಿಲಾ ದಕ್ಕಾ ಬಸ್ನಾರ್. ಮನ್ಹುನ್ ತ್ಯೊ ಹಾಕ್ ತುಸ್ಗೆ, ಮನಾ ವ್ಹಯಿತ್ನಾಹಿ," ಮನ್ಲಾ.
7 ಇಸ್ರಾಯೆಲಾಂಚಾತ್ ಆಸ್ತಿ ಪಾಸ್ತಿ ಇಕ್ತಾನಾ ನಾಹಿತ ಸದ್ಲಾಬದಲ್ ಕರ್ತಾನಾ ಎಕ್ ಪದತ್ ಚಾ಼ಲ್ತಿ ಹುತಿ; ತಿ ದೆತ್ಯಾಲ್ಯಾನಿ ಗೆತ್ಯಾಲ್ಯಾಲಾ ಆಪಲ್ಯಾ ಪಾಯಾತ್ಲಾ ಜೋ಼ಡ್ ದಿಯಾಚಾ಼. ಆಸಾ ಇಸ್ರಾಯೆಲಾಂಚೆ ಮದ್ದಿ ಯವಾರ್ ಸಪ್ವಿತಿತ. 8 ತಸಸ್ ತ್ಯಾ ವಾರ್ಶಾನಿ, "ಶಾತ್ ತುಸ್ ಘೆ," ಮನ್ಹುನ್ ಸಾಂಗುನ್ ಪಾಯಾತ್ಲಾ ಜೊ಼ಡ್ ಕಾಡುನ್ ಬೊವಜಾಲಾ ದಿಲಾ. 9 ತವಾ ಬೊವಜಾನಿ ಗಾವಾತಲ್ಯಾ ಸಗಳ್ಯಾ ಜಾಂತ್ಯಾನಾ ಆನಿ ತಿಥ ಜ಼ಮಲ್ಯಾಲ್ಯಾ ಲೊಕಾನಾ, "ಎಲಿಮೆಲೆಕಲಾ ಆನಿ ಕಲ್ಯೊನ್, ಮಹ್ಲೊನ್ ಹ್ಯನಾ ಸಮನ್ನ್ ಆಸಲ್ಯಾಲಿ ಆಸ್ತಿ ಸಗಳಿ ನವೊಮಿಪ್ನಿ ಇಕತ್ಗೆತ್ಲೆ. ಹ್ಯಲಾ ತುಮಿ ಸಗ್ಳಿ ಸಾಕ್ಶಿ, 10 ಆನಿ, ಮಹ್ಲೊನಾಚಿ ಬ್ಯಾಯ್ಕೊ ಜಾ಼ಲ್ಯಾಲಿ ಮೊವಾಬ್ಯಾತ್ಲೆ ರುತಾಲಾ ಮಿ ಬ್ಯಾಯ್ಕೊ ಕರುನ್ ಗೆತ್ಲಿ. ಹ್ಯನಿ ಶೆತಾಚಾ಼ ಖಾತಾ ಮೆಲ್ಯಾಲ್ಯಾ ಮಹ್ಲೊನಾಚಾ ನಾವಾವಸ್ ರಾನ್ಹಾರ್. ತ್ಯವ್ಡಸ್ನವ್ಹ, ತ್ಯಚಾ಼ ವಂಸಾ ತ್ಯಚಾ ಬಂದ್ಬಳ್ಗಾತ್ ಗಾವಾತ್ ಉಬಾರಾನ್ಹಾರ್. ಹ್ಯಲಾ ತುಮಿ ಸಗ್ಳಿ ಸಾಕ್ಶಿ," ಮನ್ಲಾ.