1 हे विश्वासी साथिहोन, तुम खुद ही जानस हइ कि तुम से भेट करण का लिये हमारो आनो व्यर्थ नी हुये 2 जसो कि तुम खुद हि जानस हइ, कि फिलिप्पी नगर मे दुख उठान अरु उपद्रव सहना पर भी हमारा परमेश्वर ने हम खे असो धिरज दियो, कि हम परमेश्वर को सुसमाचार भारी विरोध होतो हुये भी तुम खे सुनायो साहस मील्हे हुयो. 3 हमारी प्रार्थना येका आधर पर नी हइ, कि हमारो खराब उद्देश अरु येका लिये भी नी हइ कि दुन्याहोन को छल को जतन करस हइ. 4 पर जसो परमेश्वर ने हम खे सुसमाचार को प्रचार करणा को योग्य समज्यो हइ, क्युकी इन्सानहोन कि प्रसन्नता का लिये नी पन परमेश्वर का नाम जो हमारा मन खे तपास हइ. 5 यो तो तुम खे अच्छी रीति से मालुम हइ कि नी ते हमारी बात मे चापलूसी थी, अरु नी लोभ लुकान को बहानो करस हइ, परमेश्वर हमारो गवाह हइ. 6 हमने दुन्याहोन से कोय भी मान सम्मान भी नी चायो नी तुम से अरु नी कोय अरु मसीह को प्रेरित होन का कारण तुम से सहायता लेन को हमारो अधिकार थो, फिर भी हम इन्सानहोन से सम्मान लेन की भी कोशिश नी करी, नी तुम से, नी कोय अरु से. 7 अच्छो ही हम मसीह को प्रेरित होन का कारण हम तुम से माग करता था, पन हम तुमारा सात रहता था जसो एक माय अपना बच्चा खे दुध पिलाते ऱ्हेस हइ. 8 हम ने तुमारा प्रती नम्रता मन को अनुभव कऱ्यो येका लिये परमेश्वर से मील्यो सुसमाचार से क्युकी तुम हमारा प्रिय हुइ गया हइ. 9 क्युकी हे मरा विश्वासी साथिहोन, तुम नीश्चित ही यो याद रख कि हमारी मेनहत अरु तकलीप जब की हम परमेश्वर को सुसमाचार खे सुनता हुये तुम पर बोझ नी बने.

10 तुम खुद ही गवाह हइ, अरु परमेश्वर भी गवाह हइ कि तुम विश्वासी दुन्याहोन मे हमारो व्यवहार कसो पवित्र अरु न्यायी अरु नीर्दोष ऱ्हेस. 11 क्युकि तुम जानस हइ कि जसो बाप ओका बच्चा का सात व्यवाहर करस हइ, असो ही हम ने तुमारा सात व्यवाहर कऱ्यो थो. 12 हम ने खुद खे प्रोत्साहित कऱ्यो हम ने खुद खे दिलासो दीयो अरु तुमारा से लगातार प्रार्थना करस हइ कि असो जिवन जी जो परमेश्वर खे प्रसन्न कर्हे जेने तोखे अपनो खुद को राज अरु महिमा मे हिस्सेदार होन का लिये बुलायो हइ.

13 येका लिये हम भी परमेश्वर को धन्यवाद नीत्य करस हइ. कि जब हमारा पास से परमेश्वर को सुसमाचार को वचन तुमारा पास पोचास, तब तुम उ इन्सान को नी पन परमेश्वर को वचन समझे, अरु सच मे यो असो ही खुद ने ग्रहन कऱ्यो हइ. अरु यो तुम जो विश्वास करस हइ परमेश्वर ओमे काम करस हइ. 14 हे विश्वासी साथिहोन, वा सब बात जो तुमारा सात घटी हइ जो यहुदा को परमेश्वर का वा मंडली का सात घटी , जो मसीह यीशु मे था तुम ने अपना सात भैइहोन से असी यातना झेली हइ जसी उ‍नने वे यहूदीया येका हात से झेली थी. 15 जेने प्रभु यीशु मसीह अरु भविष्यव्दक्ताहोन खे भी मारी डाल्यो अरु हमखे भी सतायो, अरु परमेश्वर उनसे खुसी नी हइ, अरु वे सब परमेश्वर से प्रसन्न नी करस हइ अरु वे पुरा मानवता को विरोधी हइ. 16 वे गैरयहूदीहोन को सुसमाचार कि शिक्षा देना मे बाधा डालस हइ कि कही वे दुन्याहोन को उध्दार नी हुइ जाये या बात मे वे हमेशा अपना पाप को घडो भरतो ऱ्हेस हइ अरु आखरी मे अब परमेश्वर कि घुस्सा पुरी तरहा से पोची हइ.

17 हे विश्वासी साथिहोन, जब हम कुछ टेम का लिये मन मे नी पन आंग मे तुमारा से दुर हुइ गयो थो, ते हम भोत उतावलो हुइ गया था पन फिर से मीलन का लिये भोत कठिन प्रयास कऱ्यो. 18 हम तुम से फिर से मीलन का लिये भोत जतन करी रहा था, मी पौलुस ने हर बार प्रयत्न कऱ्यो कि सैतान ने बाधा डाली. 19 ये सब खे बाहर जान कि हमारी आस हइ, हमारो उल्लास या आनन्द या हमारो मुकुट जेका पर हम खे गर्व हइ? का तुम खे गर्व नी होय कि हमारो प्रभु यीशु डबल से आना पर हम उपस्थित हुये? 20 सच मे घमण्ड अरु गौरव अरु आनन्द तुम ही हइ.