1 पौलुस अरु सिलवानुस अरु तीमुथियुस का तरफ से हमारो परम बाप परमेश्वर अरु प्रभु यीशु मसीह मे बन्या हइ जो हमारो बाप परमेश्वर अरु प्रभु यीशु मसीह मे हइ.✝

2 हमारो बाप परमेश्वर अरु प्रभु यीशु मसीह मे तुमखे अनुग्रह अरु शांती मीलती र्‍हे.

3 हे हमारा विश्वासी साथिहोन, तुम्हारा बारे मे हमखे हर टेम परमेश्वर को धन्यवाद करणो चास हइ, अरु यो उचित भी हइ येका लिये कि तुम्हारो विश्वास भोत बडतो जास हइ, अरु आपस मे तुम सब मे प्रेम भोत ही बढतो जास हइ. 4 ह्या तक कि हम खुद परमेश्वर की मंडली मे तुम्हारा बारे मे गर्व करस हइ, कि जेतनो उपद्रव अरु दुख तुम सहस हइ, वे सब मे तुम्हारो धीरज अरु विश्वास प्रगट होस हइ.

5 यो परमेश्वर को सच्ची न्याय को सपा प्रमाण हइ कि तुम परमेश्वर को राज का योग्य ठैऱ्या जेका लिये तुम सब ओका लिये दुख उठाता ऱ्हेस. 6 परमेश्वर उ कर्हे जो अच्छो हइ अरु जो तुमखे दुख देस हइ, बदला मे उनखे दुख दियो जाये. 7 अरु तुम जो दुख उठ्य रास हुये उनका उ टेम विसराम दियो जाये प्रभु यीशु अपनो सामर्थ्य स्वर्गदूत का सात को स्वर्ग मे भडकती अंगार मे प्रगट हुये. 8 जेने परमेश्वर को नकाऱ्यो अरु हमारा प्रभु यीशु को सुसमाचार को पालन नी कऱ्यो उनका दण्ड दियो जाये. 9 तथा उनका प्रभु अरु ओका महिमा मय शक्ति से बाजु दियो जाये अरु उनका दण्ड दियो जाये.✝ 10 अरु ओमे तुम दुन्या भी शामील हुये क्युकी हमने ओका बारे मे जो गवाही साक्षी दी थी तुम ने ओका पर विश्वास कऱ्यो.

11 उ जिवन का लिये योग्य समझ जेखे तुमने जिवन का लिये बुलायो गयो, प्रार्थना अरु अच्छो उ तुमारी हर उतम इच्छा खे पुरी कर अरु हर उ काम की उ सफल बना जो तुम विश्वास को परी नाम हइ, 12 यो प्रकार कि हमारो प्रभु यीशु को नाम महीमा पास अरु तुम ओका वजेसे महीमा पास ये सब कुछ हमारो प्रभु यीशु मसीह को अनुग्रह से हुये.