1 फिर स्वर्ग मे एक बडो चिन्हो दिखय दियो अगर एक बय जो सुरज होड्यो हुयो थो, अरु चाद वोका पय तल्ले थो, अरु वोका माथा पर बारा तारा को मुकुट थो. 2 व्हा दोजिव हुये खे अरु चिल्लाती थी क्युकि प्रसव कि दुख मे थी.

3 एक अरु स्वर्ग मे दिखय दियो, एक बडो लाल अजिगर थो, जेका सात माथा अरु दस सींग था अरु वोका माथा पर सात राजमुकुट था. 4 वोकि सेपटी ने बद्दल का एक तिसरा को खिचिखे जमीन पर डाली दियो.व्हा अजिगर वा बय का सामने जो सनज्यो थो, खडो हुयो कि जब बच्चो देते ही वु बच्चा खे गिली लियो. 5 व्हा बेटो हुयो जो लोखण्ड को राजदण्ड लिये हुयो सब जातहोन पर राज करणा पर थो, अरु व्हा बच्चो एका एक परमेश्वर का पास अरु वोकी राजगद्दी का पास लकडी पहुचय दियो गयो. 6 अरु वा बय वा जंगल मे भागी गय, झाहा परमेश्वर की तरप से वोका वासते एक जगा तैयार कर्या गइ थी कि व्हा वु एक हजार दो सौ साठ दिन तक पाल्य जाह्ये. 7 फिर स्वर्ग मे वाद विवाद हुयो, मीखाइल अरु स्वर्गदूत अजिगर से झगडन खे नीकल्या. अरु अजिगर अरु वोको दूत वुनखे झगड्हे, 8 पन प्रबल नी हुयो, अरु स्वर्ग मे वुनका वासते फिर जगा नी र्‍ही. 9 जब व्हा बडो अजिगर, अगर उ जुन्नो साप जो इब्लीस अरु सैतान बोल्यो जास हइ अरु सब जगत को भरमानवालो हइ जमीन पर गिरय दियो गयो, अरु वोको दूत वोका सात गिरय दिया गया.

10 फिर मे ने स्वर्ग से यो उच्चो आवाज आते हुयो सुन्यो, "आब हमारो परमेश्वर को उध्दार अरु सामर्थ्य अरु राज अरु वोकि मसीह को राज को अधिकार प्रकट हुयोस हइ, क्युकि हमारो भैइहोन पर दोष लगानवालो, जो दिन-रात हमारो परमेश्वर का सामने वोका पर दोष लगायो करतो थो, 11 वे मुडा को खुन कारन अरु अपनी गवय को वचन को का रन वोका पर जयवन्त हुयो, अरु वुनने अपना जान खे लाड नी जान्यो, ह्या तक कि मृत्यु भी सय लियो. 12 यो करन हे स्वर्ग अरु वोमे र्‍हेन आलो, मगम हुये. हे जमीन का अरु नद्दी का तुन पर हाय! क्युकि सैतान बडा घुस्सा का सात तुमारा पास आयो तुम तक पहुची गयो हइ. वह बडो हइ क्युकि जन्यो हइ कि वोको जरा सी टेम अरु बाकि हइ."

13 जब अजिगर ने देख्यो कि मी जमीन पर गिरय दियो गयो हय, ते वा बय खे जो बेटो परदा होते ही सतायो. 14 पन वा बय खे बडा घुब्बड का दो पंग दिया गया कि साप का सामने से उडीखे जंगल मे वा जगा पहुची जा व्हा एक टेम अरु टेंम, अरु आदा टेम तक पच्यो जाये. 15 अरु साप ने वा बय का पीछे अपनो मेडो से नंद्दी का सामने पानी बोहानो कि वोखे नंद्दी से बोहय दे. 16 पन जमीन ने वा बय कि मद्दत करी, अरु अपना मेडो खोलीखे वा नंद्दी खे जो अजिगर ने अपना मुडा से बोहायो थो पी लियो. 17 जब अजिगर बय पर घृस्सा हुयो, अरु वोकि शेष सन्तान से, जो परमेश्वर कि आज्ञाहोन को मानस अरु यीशु कि गवय देन पर रुख्यो हइ, झगडन खे गयो 18 अरु वु नद्दी कि रेती पर खडो हुयो.