हजार साल
1 फिर मे ने एक स्वर्गदूत खे स्वर्ग से उतरते देख्यो, जेका हात मे अथाह-गड्डा कि कुंजी अरु एक बडी साकल थी. 2 वोने वु अजिगर, अगर जुन्नो साप खे जो इब्लीस अरु सैतान हइ, पकडी खे हजार बरस का वासते बाधी दियो, 3 अरु वोने अथाह-गड्डा मे डालीखे बंद करी दियो अरु वोका पर सिक्का को लगय दियो कि व्हा हजार बरस खे पुरो होना तक जात जात, दुन्या खे फिर नी भरमायो. येका बाद जरुरती हइ कि व्हा थोडा देर का वासते फिर खोल्यो जाह्ये.
4 फिर मे ने राजगद्दी देख्ये अरु नी वो, पर दुन्या बठी गया, अरु वुनको न्याय करण को अधिकार दियो गयो. मे ने वुनकी आत्माहोन खे भी देख्यो जे, माथा यीशु मसीह की गवय देन अरु परमेश्वर को वचन को करन काट्यो गयो थो, अरु जिनने नी वे जनवर होन कि अरु नी वोकि मूर्ति की पूजा करी थी, अरु नी वोको सिक्का को अपनो माथो अरु हात पर ली थी वे जिन्दो हुय खे मसीहा का हजार बरस तक राज करते र्हिया. 5 जब तक हजार बरस पुरा नी होय जब तक शेष मर्यो नी जिन्दो हुयो. यो ते पयलो डबल जन्म हइ. 6 धन्य अरु पवित्र हइ, जो या पयलो पुनरुत्थान को भागी हइ. असा पर दुसरो मरना का थोडा भी अधिकार नी, पन वे परमेश्वर अरु को मसीह याजक हुये अरु वोका हात हजार बरस तक राज कर्हे.
सैतान खे हरानो
7 जब हजार बरस पुरा हुइ गा ते सैतान बन्दीगृह से छोडी दियो जाह्ये. 8 सैतान जातहोन खे जो जमीन का चारी तरप हुये खे अगर गोग अरु मागोग खे जेकी गिनती नंद्दी की रेती का बराबर हुये अरु भरमाखे लडय का वासते जमा करण खे नीकल्या. 9 वे सब जमीन पर फैली खे पवित्र दुन्या छाय अरु लाडेलो नगर खे घेरी लीह्ये. अरु अंगार स्वर्ग से उतरी खे उन खे खत्म करी दिह्ये. 10 वो को भरमानवालो सैतान अंगार अरु गन्धक की वु नाला मे जेमे वु जनवर अरु झुटो भविष्यव्दक्ता भी हुये डाली दिह्ये जाह्ये. अरु वे रात दिन पिडमपिडि से दुख मे तडपते र्हिये.
आखरी न्याय
11 फिर मेने एक बडो उजरी राजगद्दी अरु वोखे जो वोका पर बठ्यो हइ, देख्यो वोका सामने से जमीन अरु बद्दल भागी गया, अरु वुनका वासते जगा नी मीली. 12 फिर मे ने छोटो बडा सब मर्या हुया खे राजगद्दी का सामने खडो हुयो देख्ये का अरु किताब खोली गय. अरु फिर एक अरु जसो वे किताब मे लिख्यो हुयो थो, वोसो य वुनको काम का जसो मऱ्यो हुयो को न्याय कर्यो गयो. 13 नद्दी ने वोमे मर्यो खे जो वोमे थो दि दियो, अरु मरनो अरु अधोलोक ने वे मर्या हुयो खे काम का जसो वुन सब को न्याय कर्यो गयो. 14 मृत्यु अधोलोक अंगार को नाला मे डाल्यो गयो. यो अंगार की नालो दुसरी मरनो हइ. 15 अरु जो कोय, नाम जिवन की किताब मे लिख्यो हुयो नी मील्यो, व्हा अंगार का नाला मे डाल्यो गयो.