इब्रानीहोन 6

1 येका लिये आओ मसीह की शिक्षा की सुरवात की बातहोन खे छोडी खे हम सिध्दन्ता का तरफ आगे बडता जाए, अरु मर्या हुया काम होन से मन फिराव को अरु परमेश्वर पर विश्वास करणु. 2 अरु बापत्सिमा अरु हात रखनु, अरु मर्या हुया, पुनरुत्थान होना पर, अरु आखरी न्याय की शिक्षा रुपी पायो फिर से नी डालनु. 3 अगर परमेश्वर चाये ते हम योही कर्ये.

4 क्युकि जेने एक बार उजालो देख्यो हइ, अरु जे स्वर्गीय वरदान को स्वाद चकी चुक्या हइ अरु पवित्र आत्मा को भागीदार हूइ गया हइ 5 अरु परमेश्वर को उत्तम वचन को अरु आन आलो जगत का सामर्थ्य को स्वाद चकी चुक्या हइ. 6 अगर वे विश्वास से भटकी जाए ते उनका फिर से मन फिराव का लिये वापस लानो असंभव हइ. क्युकि वे परमेश्वर को बेटो अपना लिये फिर क्रुस पर चडास हइ अरु प्रगट मे ओका पर कलंक लगास हइ.

7 क्युकि जो जमीन बारीश का पानी खे जोओ पर बार-बार गीरस हइ, पी पी खे जो इन्सानहोन का लिये उ जोतन-बोन आला खे उपयोगी फसल प्रदान करस हइ उ परमेश्वर को आशीर्वाद पास हइ. 8 पर अगर वा झाडि अरु काटा उगास हइ, ते नीकम्मी अरु स्त्रापित होना पर हइ, अरु ओको अन्त जलायो जानो हइ.

9 पर हे प्रिय दोस्त पन हम या बातहोन बोलस हइ तेभी तुम्हारा बारे मे हम येका से अच्छी अरु उध्दार वाली बातहोन को भरोसो करस हइ. 10 क्युकि परमेश्वर अन्यायी नी कि तुम्हारो काम अरु उ प्रेम खे भुली जायेका जो तुम ने ओका नाम का लिये या रीति से दिखायो कि मसीह इन्सानहोन की सेवा का तरफ करी भी रो हइ. 11 पर हम भोत चाहस हइ कि तुम मे से हर एक जन आखरी तक पूरा विश्वास का लिये असो ही कोशीस करतो र्हिया. 12 हम नी चाहस कि ताकि तुम आलसी नी हुइ जानु, क्युकी उनको अनुकरण करणू जो विश्वास अरु धीरज का वजेसे प्रतीज्ञाहोन को वारिस होस हइ.

परमेश्वर की अटल प्रतीज्ञा

13 परमेश्वर ने अब्राहम से प्रतीज्ञा करता टेम जब कसम खान का लिये कोय खे अपना से बडो नी पायो ते अपनी ही कसम खय खे बोल्यो. 14 "मी सचमुच तोखे भोत आशिर्वाद दियु, अरु तरी सन्तान खे बडाते जायु." 15 अरु या रीति से अब्राहम ने धीरज धरी खे परमेश्वर ने करी हुइ प्रतीज्ञाहोन को फल प्राप्त कऱ्यो. 16 इन्सान तो अपना से कोय बडा की कसम खाया करस हइ, अरु उनका हर एक विवाद को फैसलो आखरी कसम पक्को कर्यो जास हइ. 17 येका लिये जब परमेश्वर ने प्रतीज्ञाहोन का वारिसहोन पर अरु भी सफा रीति से प्रगट करणो चाहुस कि ओको उद्देश बदली नी सक्ता ते कसम खे बीच मे लय. 18 ताकि दो बीना बदल बातहोन का वजेसे जेका विषय मे परमेश्वर खे झुठो ठैरानो अनहोनो हुये दुढता से हमारो हिम्मत बंधी जाये जो पाय पडन लेन का येका लिये दौड्या हइ कि ओकी आस खे जे सामने रखी हुइ हइ मील्हे करणु. 19 उ आसा हमारो जिव मन का लिये असो लंगर हइ जो स्थिर अरु द्दढ़ हइ अरु परदा का अंदर तक पहुचस हइ. 20 जहा यीशु ने मलिकिसिदक की रीति पर पिडमपिडि को महायाजक बन्यो हइ.