Lucas 1

यीशु का परदा होन कि भविष्यवाणी

26 जिब्राइल छे महीना कि दिन से थी तब परमेश्वर, तरप से गिब्राइल स्वर्गदूत गलील, नासरत नगर मे एक कुव्वारी का पास भेज्यो गयो. 27 एक कुव्वारी का पास भेज्यो गयो.जोकी मगनी यूसुफ नाम दाउद का घराना का एक इन्सान का सात हुय थी वा कुव्वारी को नाम मरियम थो. 28 अरु स्‍वर्गदूत ने ओका पास अंदर अयखे बोल्यो. परमेश्वर कि शांती तरा साथ हइ, अरु परमेश्वर तरा साथ हइ अरु तोखे भोत बडो आशिष दिह्ये.

29 स्वर्गदूत कि खबर सुनीखे डरी गया अरु सोच मे पडी गया कि यो शब्द को का अर्थ हुये? 30 स्वर्गदूत ने ओकासे बोल्यो हे मरियम डरे मत. क्युकी परमेश्वर को अनुग्रह तरा पर हुयोस हइ. 31 अरु देख तू दिन से हुये अरु तरो एक बेटो परदा हुये. तोने ओको नाम यीशु रखनु. 32 वु महान हुये. अरु बडो इन्सान को बेटो बोल्यो जाह्ये अरु प्रभु परमेश्वर ओखे ओका बापदादा को राजो दाउद की राजगद्दी ओखे देस. 33 अरु उ याकूब का घराना पर युगानुयुग राज कर्हे. अरु ओका राज को कभी खत्म नी हुये.

34 मरियम ने स्वर्गदूत बोल्यो. यो यबर करी रोस? मी तो कुव्वारी हइ.

35 स्वर्गदूत ने ओखे उत्तर दियो. कि पवित्र आत्‍मा तरा पर उतरी. अरु परमेश्वर कि सामर्थ्य तरा पर उतऱ्हे, अरु येका कारण पवित्र बच्चा परमेश्वर को बेटो बोल्यो जाह्ये. 36 अरु देख तरा कुटुम वाला एलीशिबा जो दुन्याहोन बाज बोलता था पन वा खुद छे महीना की दिन से थी वा भोत डोकरी थी. 37 परमेश्वर, लिये कुछ भी असम्भाव नी हइ.

38 मरियम ने बोल्यो. जसो तोने मे, बोल्यो की मी परमेश्वर की दासी आय. मे, तरा वचन, जसो हुये जब स्वर्गदूत ओका पास से चली दियो.