Lucas 3

बपतिस्मा देनवालो यहून्ना, खुसखबर

1 तिबिरियुस कैसर, राज्य, 15 साल मे जब फिलिप्पुस पिलातुस यहूदीया को थो. अरु गलील मे हेरोदेस नाम चौथाइ को इतूरैया. अरु त्रखोनीतिस मे. ओको भैइ फिलिप्‍पुस. अरु अबिलेने मे लिसानीयास चौथाइ को राजो थो. 2 अरु जब हन्ना अरु कैफा महायाजक था. वा टेममे परमेश्वर को वचन जंगल मे जकर्याह को बेटो यहून्ना को पास पहुच्यो. 3 अरु वू यरदन, आस पास सब देस मे अयखे. पाप की माफी, लिये मन फिराव की बपतिस्मा को प्रचार करण लग्यो. 4 जसो यशायाह भविष्यव्दक्ता, बोल्यो

आलो वचन की किताब मे लिख्योस हइ.

कि जंगल मे एक फुकारन आला की आवाज

अय रिस हइ कि परमेश्वर की रस्ता तैयार करी. की सडक सीधी बना.

5 हर एक खाइ भर दियो जाह्ये.

अरु हर एक टेकडा अरु टेकडो सपाट कर्‍यो जाह्ये. अरु जो टेडो हइ सीधो.

अरु जो उच्चो आलाखे नीच्चे अरु सीधी रस्ता बनाहे.

6 अरु हर परमेश्वर, उध्दार खे देख्ये.

7 जो बडी गर्दी ओकासे बपतिस्मा लेन खे नीकली खे आती थी. उनसे वु बोलतो थो. हे साप खे बच्‍चा. तुमखे कोने बतय दियो. कि आन आला घुस्सा से भागो. 8 अरु मन फिराव, अच्छो फल लाव अरु अपना स मन मे या नवी सोच. कि हमारो बाप अब्राहम आय. क्‍युकि मी तुमा से बोलुस. कि परमेश्वर यो पत्‍थर से अब्राहम, लिये सन्‍तान परदा करी सकस हइ. 9 अरु आब या कुल्‍हाडी झाड की जडी पर धरीस हइ. येका लीये जो झाड अच्छो फल नी लगे. वु ,ट्यो अरु अंगार मे डाल्यो जाह्ये हइ.

10 अरु दुन्या ने वोखे पूछ्यो. ते हम का करा?

11 वोने ओखे उतर दियो. कि जेका पास दो कुर्ता हइ? व्हा ओका सात जेका पास नी हइ बाटी दे अरु जेका पास खानो हुये. वू भी असो करणु.

12 अरु पैसालेनआलो भी बपतिस्मा लेन आय. अरु ओकासे पूछ्यो. कि हे गुरु. हम का करा?

13 वोने उनका से बोल्यो. जो तुम्‍हारा लिये रोखो गयोस हइ. ओकासे जादा नी लेनु.

14 अरु सैनीक ने भी ओकासे यो पूछ्यो. हम, करा? ओने ओका से बोल्यो. कोय, पर जबरदस्ती नी करणु. अरु ना झूटो दोष लगानु. अरु अपनी मजुरी पर खुश र्हेनु.

15 जब दुन्या आस लगाया हुया था. अरु सब अपना अपना मन मे यहून्ना को बारे मे बिचार करी राथा. कि का यो मसीह तो नी आय. 16 ते यहून्ना ने वे सब को उत्तर मे बोल्यो: कि मी तो तुमखे पानी से बपतिस्मा देस हय. पर वु आनआलो हइ. जो मरा से ताखतआलो हइ. मी तो यो योग्य भी नी. कि वोकी जुता की तन्नी खोली सकू. वु तुमखे पवित्र आत्‍मा अरु अंगार से बपतिस्मा दिह्ये. 17 ओको सुपडो. ओका हात मे हय. अरु वु अपनी अच्छी तराह से सपा कर्हे. अरु गहु खे अपना पोता मे जमा कर्हे. पर भूसो खे वा अंगार मे जो बुझन की नी जलय दिहे.

18 अरु वू खुप सी सजा दि दिखे दुन्या खे खबर सुनातो र्हियो. 19 पर ओने चौथाइ देस को राजो हेरोदेस खे ओको भैइ फिलिप्‍पुस की लुगइ हेरोदियास, बारेमे. अरु सब बुरो काम , बारेमे जो वोने कर्यो थो. दोष दियो. 20 येका लीये हेरोदेस ने वे सब से बडीखे यो बुरोकाम भी कर्यो. कि यहून्ना खे बन्दीगृह मे डाली दियो.

यीशु को बपतिस्मा

21 जब सब दुन्या ने बपतिस्मा लीयो. अरु यीशु भी बपतिस्मा लीखे प्रार्थना करी राथा. ते बद्दल खुली गयो. 22 अरु पवित्र आत्‍मा आंग रुप मे कबूतर, जसो वोका पर उतरते. अरु या आकाशवाणी हुय. कि तू मरो लाड बेटो आय. मी तरा से प्रसन्‍न हुयो.

यीशु को वंशावली

23 जब यीशु खुद उपदेस करण लग्यो. ते नजीकपास तीस साल की उमर को थो अरु जसो समझ्यो जातो थो यूसुफ को बेटो थो. अरु एली को. 24 अरु वू मत्तात को, अरु वू लेवी को, अरु वू मलकी को, अरु वु यन्‍नाई को, अरु वु यूसुफ का. 25 अरु वू मत्तित्याह को, अरु वू आमोस एस्ली को, अरु वू नहूम को, अरु वू असल्‍याह को, अरु वू नोग्गइ को, 26 अरु वू मात को, अरु वू मत्तित्‍याह को, अरु वू शिमी को, अरु वू योसेख को, अरु वू योदाह को, 27 अरु वू यूहन्‍ना को अरु वू रेसा को, अरु वू जरुब्बाबेल को, अरु वू शालतीएल को, अरु वू नेरी को, 28 अरु वू मलकी को, अरु वू अद्दी को, अरु वू कोसाम को, अरु वू इलमोदाम को, अरु वू एर को, 29 अरु वू यीशु को, अरु वू इलाजार को, अरु वू योरीम को, अरु वू मत्तात को, अरु वू लेवी को, 30 अरु वू शमौन को, अरु वू यहूदा को, अरु वू यूसुफ को, अरु वू योनान को, अरु वू एलयाकीम को, 31 अरु वू मलेआह को, अरु वू मीन्‍नाह को, अरु वू मत्तात को, अरु वू नातान को, अरु वू दाउद को, 32 अरु वू यिशय को, अरु वू ओबेद को, अरु वू बोआज को, अरु वू सलमोन को, अरु वू नहशोन को, 33 अरु वू अम्‍मीनादाब को, अरु वू अरनी को, अरु वू हिस्रोन को,अरु वू पेरेस को, अरु उ यहूदा को 34 अरु वू याकूब को, अरु वू इसहाक को, अरु वू अब्राहम को, अरु वू तिरह को, अरु वू नाहोर को, 35 अरु वू सरुग को, अरु रऊ को अरु वू पेलेग को, अरु वू एबिर को, अरु वू शिलह को, 36 अरु वू केनान को, वू अरफक्षद को, अरु वू शेम को, वू नूह को, वू लेमेक को, 37 अरु वू मथूशिलह को, अरु वू हनोक को, अरु वू यिरिद को, अरु वू महललेल को, अरु वू केनान को, 38 अरु वू इनोश को, अरु वू शेत को, अरु वू आदम को, अरु वू परमेश्वर को बेटो थो.