Lucas 7

24 तब यूहन्‍ना खे भेज्यो हुयो दुन्या चली दिया. ते यीशु यहून्ना को बारे मे दुन्या खे बोलन लग्यो. तुम जंगल मेका देखन गया था? हवा से हलाते हुयो सरकण्‍डे खे? 25 ते तुम फिर, देखन गया था? नाजूक कपडा पेन्यो हुयो इन्सान खे? देख्यो. जो भडकीला कपडा पेन्यो अरु सुख चैन से र्हेस हइ, वे राजभवन मे र्हेस हइ. 26 ते फिर, देखन गयो थो? कोय भविष्यव्दक्ता खे? ह्या. मी तुम से बोलुस. वरन भविष्यव्दक्ता से भी बडा खे. 27 यो उ हइ. जोका बारे मे लिख्योस हइ. कि देख मी अपना दूत खे तरा आगे आगे भेजुस जो तरा आगे रस्ता सीधि कर्हे. 28 मी तुम खे बोलुस कि जो बयहोन से जन्म्यो हइ. उन मे से यहून्ना से बडो कोय नी पर जो परमेश्वर का राज्य मे छोटो से छोटो हइ. व्हा वोका से भी बडो हइ.

29 अरु सब साधारण दुन्या ने सुनीखे अरु चुगी लेनवाला ने भी यहून्ना को बपतिस्मा लिखे परमेश्वर खे सच्छो मानी लियो. 30 पर फरीसीयो अरु व्यवस्थापक ने वो खे बपतिस्मा नी लिखे परमेश्वर की मनसा का अपना बारे मे टाली दियो.