मत्ती 15

3 ओने उनखे उत्तर दियो, "तुम भी अपना रितीरिवाज का कारण क्यु परमेश्वर कि आज्ञा खे टालस हइ? 4 क्युकी परमेश्वर ने बोल्यो, अपना बाप अरु माय को आदर करणो, अरु जो कोय बाप या माय खे बुरो अच्छो बोले ओखे मारी डाल्यो जाये. 5 पर तुम बोलस हइ, कि अगर अपना बाप या माय से बोलस, जो कुछ तोखे मरासे लाभ पोच्यो सकस हइ, उ परमेश्वर खे दान चेडय जय चुक्यो. 6 ते उ अपना बाप को आदर नी करस, येका प्रकार तुम ने अपना रितीरिवाज का कारण परमेश्वर का वचन खे टाली दियो. 7 हे कपटिहोन, यशायाह ने तुम्हारा बारे मे या भविष्यवाणी ठिक ही करी हइ!

8 "ये दुन्याहोन होठ से मरो आदर करस हइ,

पर उनको मन मरासे दुर ऱ्हेस हइ.

9 अरु ये व्यर्थ मरी उपासना करस हइ,

उनकी शिक्षा तो फक्त इन्सानहोन ने सिखय हुइ नीयम हइ."