Mateus 2

3 यो सुनीखे हेरोदेस राजो अरु ओका सात सब यरुशलेम घबरय गया. 4 तब ओने दुन्याहोन का सब प्राधन याजकहोन अरु नीयम शास्त्रिहोन खे जमा करीखे उनखे पुछ्यो, कि मसीह को जन्म खा होनु चास?

5 उनने ओकासे बोल्यो की यहूदीया देस का बैतलहम गाव मे. क्युकी भविष्यव्दक्ता का वजेसे लिख्यो गयो हइ

6 हे बैतलहम, तू जो यहूदा देस मे हइ,

तू कोय भी रीति से तू यहूदा को अधिकारीहोन मे सब से छोटो नी.

क्युकी तरा मे से एक राजो नीकले,

जो मरी जनता इस्राएल की रखवाली कर्हे.

7 तब हेरोदेस ने तारा को आभ्यस करणवाला ज्ञानी इन्सानहोन खे चुपचाप से बुलय खे उनका से पुछ्यो, की तारो बराबर कोन सा टेम मे दिखय दियो थो. 8 अरु ओने यो बोलीखे उनखे बैतलहम भेज्यो, कि जयखे उ बच्चा का बारे मे बरोबर मालूम करीखे, अरु जब व्हा कुछ मीली जाह्ये ते मेखे खबर दे, ताकी मी भी अयखे ओखे प्रणाम कऱ्यु.