10 Eftato đive kana o caro pilja mol thaj sasa veselo, dija vika peste e eftane evnuhen save služisade le: e Mehumane, e Bizte, e Harvone, e Bigte, e Avagte, e Zetare thaj e Karkase. 11 Phenda lenđe: "Anen angle mande e carica e Vašti thaj nek čhuvol i kruna po šoro!" Golese so i Vašti sasa but lačhi, a vov manđola te sikavol lako lačhipe e manušenđe thaj e šorutnenđe. 12 Al, kana e evnuhura vaćarde laće kaj o caro akharol la, i carica i Vašti ni manglja te avol. Pe gova o caro but holajlo thaj ane peste ka pharola.
19 Golese, te si e carose palo manglipe, nek dol pe carsko proglas kaj i Vašti našti vadži te ikljol anglo caro o Kserks. Gova proglas te upisil pe ane persijska thaj e medijska zakonura save našti menjin pe. Thaj o caro lako carsko than te dol averaće, savi si po šukar latar.